Lembrieko
9 Rieko mandha ugiero ot pare;
Eng’iko* kum mbegine abiro.
3 Eoro jutic pare ma nyir
Kaka ma malu m’usagu zoo mir adhura kara gikok kumae:
4 “Ng’atu ma tek ung’eyo lembe akeca ngo wek emond kae.”
Eyero ni ng’atu m’ukoso rieko* kumae:
5 “Bin, cam cam* para
Man madh pigulok m’ajebo.
6 Wek koso ng’eyong’ec,* e ibikwo;
Woth atira i yo mi nyang’ i lembe.”
7 Ng’atu m’ubetwinyo jacac nwang’u ebelwong’o lewic i wiye gire,
Man ng’atu m’ubejuko ng’atu ma rac binyayu peko i kume gire.
8 Kud ijuk jacac, kan ungo ebidegi.
Juk ng’atu ma riek, e ebimeri.
9 Mii ni ng’atu ma riek, e ebidoko riek ma sagu.
Ponj ng’atu ma pwe, e ebimedo ng’eyong’ec pare.
10 Lworo Yehova tie acaki mi rieko
Man ng’eyo Ng’atu ma leng’ nisagu tie nyang’ i lembe.
11 Kum nikuma, nindo peri bibedo lee,
Man oro bimedere iwi kwo peri.
12 Tek idoko riek, nwang’u idoko riek pi bero peri giri,
Ento tek itie jacac, ibinwang’u matokene in giri.
13 Dhaku ma jakasegu dhoge tek.
E pang’ pang’ man eng’eyo gin moko ngo kadok nyanok de.
14 Ebedo i kamondo mi ot pare
Iwi kom i kaka ma malu mir adhura,
15 Ebekok i bang’ ju m’ubekadhu,
I bang’ ju m’ubecidho atira i yo migi kumae:
16 “Ng’atu ma tek ung’eyo lembe akeca ngo wek emond kae.”
Ebeyero ni ju m’ukoso rieko* kumae:
17 “Pii ma jukwalu akwala mit,
Man cam ma jucamu i amung’ tie mit dit.”
18 Ento ging’eyo ngo nia ju ma tego migi thum i tho gini keca,
Nia welo pare gin’i thuc mi Liel.*