Lembrieko
20 Pigulok ketho judoko jucac, kong’o ketho judoko ger;
Ng’atu m’ukier nikumgi nwang’u e riek ungo.
2 Ndiri* ubimo tie calu rundo p’umvor;*
Ng’atu m’unyayu ng’eicwiny i iye ketho kwo pare gire i ariti.
3 En e yung ni ng’atini kan ebecerere kara kud edhaw,
Ento ng’atu moko ci ma jakasegu bicorere i dhawne.
4 Janyap furo fur ungo i saa pa koyo,
Pieno ebikwayu piny i saa mi kayu cam kinde m’embe ku gin moko.*
5 Paru* mir adunde dhanu gi calu pii ma thuc,
Ento ng’atu ma won ng’iyo i lembe wodhogi woko.
6 Dhanu ma dupa giyero nia gitie ku mer ma lokere ngo,
Ento ng’a ma copo nwang’u ng’atu mandha?
7 Won bedopwe wotho i bedocu pare.
Awiya pare* m’ubino i ng’eye gi jumutoro.
8 Ka jabim ubedo iwi komker pi nipoko lembe,
Eng’iyo i lembe ma rac ceke ku wang’e.
9 Ng’a ma copo yero kumae: “Adwoko adundena leng’;
Adoko leng’ ni dubo para”?
10 Yehova udagu kidi ario m’ukoc mi pimo piny
Man jampimo piny mi ndra.*
11 Jung’eyo kadok nyathin de nikum timo pare
Ka nyo kura pare tie leng’ man atira.
12 Ith ma winjo lembe man wang’ ma neno piny,
Gin ceke Yehova re m’ucwiyogi.
13 Kud imar nindo, kan ungo can bipodho i wii.
Yab weng’i, e ibiyeng’ ku cam.*
14 Jang’iew wacu kumae: “E ber ungo, e ber ungo!”
I ng’eye ecidho man eyungere gire.
15 Mola ma kwar unuti, man bende korai* lee,
Ento dendhok mi ng’eyong’ec utie gin ma pire tek.
16 Gam bongu pa ng’atini tek ewodhere pi niculo banja pa jawirok;
17 Cam ma junwang’u ku vupo mit i dhu ng’atini,
Ento yor i ng’eye, dhoge bipong’ ku kidi.
19 Jayernying’ kadhu kun ku kun pi nituco wi lembe mir amung’;
Kud idikiri ku ng’atu m’umaru yero nying’.*
20 Ng’atu ma lamu won ku min, thala pare bitho
Kinde ma mudho tundo.
21 Giralaga ma junwang’u ku kwong’a nikum kethocwiny i kum piny
Bikonyo ngo i ajikine.
22 Kud iwac kumae: “Abiculo kawang’ racu!”
Gen Yehova man ebibodhi.
23 Yehova udagu kidi ario m’ukoc mi pimo piny,
Man kilo mi ndra en e gin ma ber ungo.
24 Yehova re ma telo wi dagutielo pa dhanu;
Ng’atini copo nyang’ i yo pare* nenedi?
25 Etie uwic ni ng’atini nia ekok nyapio pio nia “E leng’!”
Kan i ng’eye edok eng’ii i lembe m’eng’olo ku kwong’.
26 Jabim ma riek piedho jutimrac,
Man eketho jupeyo ukobre mi* jamfodo nying cam i wigi.
27 Yuyo pa ng’atini utie thala pa Yehova
M’eyenyo ko iye m’upondo ma thuc.
28 Mer ma lokere ngo man bedoleng’ gwoko ubimo;
Nikum mer ma lokere ngo eketho komker pare cungo nging’ nging’.
29 Dwong’ mir aradu utie tego migi,
Man leng’o mi ju m’utii utie wigi ma julwar.
30 Fod ma luko kum man ma wodho rem kabu lembe ma rac cen,
Man goco ketho i ng’atu m’upondo ma thuc doko leng’.