Zaburi

143 E Yehova, winj rwo para;

Winj wak para m’akwayu ko kony.

 2 Kud ipok lembe iwi jatic peri,

Kum ng’atu ma kwo e moko mbe ma tie pwe i weng’i.

 3 Kum jadegi uberiemo toka;*

Enyono kwo para i ng’om.

 4 Tipona* ubevoc;

Adundena ujung’ i iya.

 5 Abepoy pi nindo ma con;

Anyamu i lembe iwi tic peri ceke;

Aparu cuu mandha iwi* tic mi cingi.

 6 Athang’u cinga i beng’i;

A calu* ng’om m’uthwo ma rieyoni ubenege. (Sela)

 7 Dwok ira lembe pio pio, E Yehova;

Tego para* utundo i ajikine.

Kud ikan ira weng’i,

Kan ungo abidoko calu dhanu ma gibeloro i vur.*

 8 Keth awinj pi mer peri ma lokere ngo kugweno,

Kum ageno in.

Keth ang’ey yo m’acikara niwotho i iye,

Kum alokara i beng’i.*

10 Ponja ku kite mi timo yeny peri,

Pilembe itie Mungu para.

Tipo peri e ber.

Dong’ etel wiya i ng’om m’upoto.*

12 I mer mi gwoko bedoleng’ peri, jig wi judegi para;*

Nyoth dhanu ceke ma gicega* tingili i wang’gi,

Kum atie jatic peri.