Zaburi
Ni jatel wi wer; juwere ku jamgoyo wer ma juthondhe. Maskil* pa Daudi, kinde ma Juzif gimondo i bang’ Saul man giyero ire kumae: “Daudi upondo i kindwa.”
54 E Mungu, bodha pi nyingi,
Cer bang’a ku tego peri.
2 E Mungu, winj rwo para;
Cik ithi iwinj wec m’i dhoga.
3 Kum juwirok giai malu i kuma,
Dhanu ma kisa mbe i igi gibeyenyo kwo* para.
Gimbe ku woro acel de ni Mungu.* (Sela)
4 Nen! Mungu en e jakony para;
Yehova ni karacelo ku ju ma gibetiela.*
5 Ebidwoko racu mi jukwor para i wigi gigi;
Dargi* nikum bedoleng’ peri.
6 Abithiero iri lam ma jucung’a acung’a ngo.
Abipaku nyingi, E Yehova, kum nyingine ber.
7 Kum ibodha kud i masendi moko ci,
Abineno judegina ku wang’ mir aloci.