Zaburi
99 Yehova udoko Ubimo. Wek kum dhanu umiel.
Ejany iwi komker pare malu iwi* jukerubi. Dong’ ng’om uyengere.
2 Yehova tie dwong’ i Sayuni,
Man en’i malu iwi dhanu ceke.
3 Dong’ gipak nyingi ma dwong’,
Kum eng’oyo ndiri man e leng’.
4 Mungu tie ubimo ma tek m’umaru pokolembe m’atira.
Iketho lembe m’atira ucungo ma tek.
Ikelo pokolembe m’atira man bedopwe i Yakobo.
5 Wupak Yehova Mungu mwa man wurum piny* i wang’ dul mi the tiende;
E leng’.
6 Musa gikud Arun gibino i kind julam pare,
Man Samwel ubino i kind ju ma gilwong’o nyinge.
Gibed gilwong’o Yehova
Man ebed edwoko igi lembe.
7 Ebed eweco i bang’gi kud i mbegi mir afuru.
Gibed gilubo poyowic pare man cik m’emiyo igi.
8 E Yehova Mungu mwa, ibed idwoko igi lembe.
Ibino Mungu m’ubed uweko igi lembe,
Ento ibed imiyo igi matira* pi racu migi.