KAPANG BUKU YAMU Watchtower

KAPANG BUKU I YAMU

Zaburi 136
Biblia—Lok mi ng’om ma nyen

Lembe ma dongo m’i buku mi Zaburi

- - Mer ma lokere ngo pa Yehova bedo rondo ku rondo
    - Ecwiyo polo ku ng’om ku bodho (5, 6)
    - Farao utho i Nam ma kwar (15)
    - Mungu poy pi ju ma cwinygi tur (23)
    - Cam ni gin ceke ma kwo (25)

Zaburi 136:5

*
Kunoke “Ecwiyo ku nyang’ i lembe.”

Zaburi 136:25

*
I dhu Juebrania: “ni kum ceke.”

Lok m'urombo

Dii wi namba pi nineno verse mange m'urombo kude.

Biblia—Lok mi ng’om ma nyen

Zaburi 136:1-26

Zaburi

136 Wudwok foyofoc ni Yehova, pilembe e ber;

Mer pare ma lokere ngo bedo rondo ku rondo.

2 Wudwok foyofoc ni Mungu mi mungu,

Kum mer pare ma lokere ngo bedo rondo ku rondo.

3 Wudwok foyofoc ni Rwoth mi rwodhi,

Kum mer pare ma lokere ngo bedo rondo ku rondo.

4 En kende m’etimo gin ma wang’u ijo,

Kum mer pare ma lokere ngo bedo rondo ku rondo.

5 Ecwiyo polo ku bodho,*

Kum mer pare ma lokere ngo bedo rondo ku rondo.

6 Emoyo ng’om iwi pii,

Kum mer pare ma lokere ngo bedo rondo ku rondo.

7 Ecwiyo piny ma dongo ma rienyo der,

Kum mer pare ma lokere ngo bedo rondo ku rondo,

8 Ceng’ pi nibimo wi dieceng’,

Kum mer pare ma lokere ngo bedo rondo ku rondo,

9 Dwi man nyikaluku pi nibimo wi diewor,

Kum mer pare ma lokere ngo bedo rondo ku rondo.

10 Enego kayu mi Jumisiri,

Kum mer pare ma lokere ngo bedo rondo ku rondo.

11 Ewodho Israel kud i kindgi,

Kum mer pare ma lokere ngo bedo rondo ku rondo,

12 Ku cinge ma tek man ku bote m’erieyo,

Kum mer pare ma lokere ngo bedo rondo ku rondo.

13 Epoko nam ma kwar ni ario,

Kum mer pare ma lokere ngo bedo rondo ku rondo.

14 Eketho Israel ukadhu kud i die iye,

Kum mer pare ma lokere ngo bedo rondo ku rondo.

15 Ebolo Farao kud udul askari pare i Nam ma kwar,

Kum mer pare ma lokere ngo bedo rondo ku rondo.

16 Etelo wi dhanu pare nikadhu kud i langa,

Kum mer pare ma lokere ngo bedo rondo ku rondo.

17 Enego jubim ma dongo,

Kum mer pare ma lokere ngo bedo rondo ku rondo.

18 Enego jubim ma weg tego,

Kum mer pare ma lokere ngo bedo rondo ku rondo,

19 Sihon m’ubimo mi Juamor,

Kum mer pare ma lokere ngo bedo rondo ku rondo,

20 Man Og m’ubimo mi Bacan,

Kum mer pare ma lokere ngo bedo rondo ku rondo.

21 Emiyo ng’om migi ni giralaga,

Kum mer pare ma lokere ngo bedo rondo ku rondo,

22 Ni giralaga ni Israel ma jatic pare,

Kum mer pare ma lokere ngo bedo rondo ku rondo.

23 Epoy piwa kinde ma cwinywa utur,

Kum mer pare ma lokere ngo bedo rondo ku rondo.

24 Emedere nibodhowa kud i cing’ judegi mwa,

Kum mer pare ma lokere ngo bedo rondo ku rondo.

25 Emiyo cam ni gin ceke ma kwo,*

Kum mer pare ma lokere ngo bedo rondo ku rondo.

26 Wudwok foyofoc ni Mungu mi polo,

Kum mer pare ma lokere ngo bedo rondo ku rondo.