LEMKEI MI KWONG’O

5 Wot Yafeth ubino Gomer, Magog, Madai, Yavan, Thubal, Mecek, man Tiras.

6 Wot Gomer ubino Ackenaz, Rifath, man Thogarma.

7 Wot Yavan ubino Elica, Tharsis, Kithim, man Rodhanim.

8 Wot Ham ubino Kuc, Mizraim, Put, man Kanan.

9 Wot Kuc ubino Seba, Havila, Sabta, Rama, man Sabteka.

Wot Rama ubino Ceba giku Dedan.

10 Kuc unyolo Nimrod. En re m’ebino ng’atu ma kwong’a m’udoko jarukara iwi ng’om.

11 Mizraim unyolo Ludim, Anamim, Lehabim, Naftuhim, 12 Pathrusim, Kasluhim (ma Jufilisti giai kud i bang’e), man Kafthorim.

13 Kanan unyolo Sidon ma kayu pare, man Heth, 14 man bende Jayebusi, Jaamor, Jagirgac, 15 Jahivi, Jaarki, Jasini, 16 Jaarvadi, Jazemari, man Jahamathi.

18 Arpakcad unyolo Cela, Cela ke unyolo Eber.

19 Awiya ario ma co unyolere ni Eber. Nying’ nyathinne acel ubino Peleg,* pilembe i rundi pare ng’om* ugam upokere. Nying umin ke ubino Yokthan.

20 Yokthan unyolo Almodad, Celef, Hazarmaveth, Yera, 21 Hadoram, Uzal, Dikla, 22 Obal, Abimael, Ceba, 23 Ofir, Havila, man Yobab; ju maeno ceke gibino wot Yokthan.

28 Wot Abraham ubino Isak gikud Ismael.

29 Maeni tie thekwaru migi: Nebayoth ma wod Ismael ma kayu, i ng’eye Kedar, Adbel, Mibsam, 30 Micma, Duma, Masa, Hadad, Thema, 31 Yethur, Nafic, man Kedema. Gin eno gibino wot Ismael.

32 Wot Kethura ma dhaku m’araga p’Abraham ubino Zimran, Yokcan, Medan, Midian, Icbak, man Cuwa.

Wot Yokcan ubino Ceba giku Dedan.

33 Wot Midian ubino Efa, Efer, Hanok, Abida, man Elda.

Gin eno zoo gibino wot Kethura.

34 Abraham unyolo Isak. Wot Isak ubino Esau man Israel.

35 Wot Esau ubino Elifaz, Reuel, Yeuc, Yalam, man Kora.

36 Wot Elifaz ubino Theman, Omar, Zefo, Gatham, Kenaz, Timna, man Amalek.

37 Wot Reuel ubino Nahath, Zera, Cama, man Miza.

38 Wot Seir ubino Lothan, Cobal, Zibeon, Ana, Dicon, Ezer, man Dican.

39 Wot Lothan ubino Hori man Homam. Nyamin Lothan ubino Timna.

40 Wot Cobal ubino Alvan, Manahath, Ebal, Cefo, man Onam.

Wot Zibeon ubino Aya man Ana.

41 Wod* Ana ubino Dicon.

Wot Dicon ubino Hemdan, Ecban, Ithran, man Keran.

42 Wot Ezer ubino Bilhan, Zavan, man Akan.

Wot Dican ubino Uz man Aran.

43 Maeni gi jubim m’ubimo iwi ng’om mir Edom ma nwang’u fodi jabim moko acel de mbe m’ubimo iwi Juisrael:* Bela ma wod Beor; nying adhura pare ubino Dinhaba. 44 Kinde ma Bela utho, Yobab ma wod Zera mi Bozra ucaku bimo kakare. 45 Kinde ma Yobab utho, Hucam m’i ng’om mi Jutheman ucaku bimo kakare. 46 Kinde ma Hucam utho, Hadad ma wod Bedad m’ugam uloyo Midian i ng’om mi Moab ucaku bimo kakare. Man nying adhura pare ubino Avith. 47 Kinde ma Hadad utho, Samla mi Masreka ucaku bimo kakare. 48 Kinde ma Samla utho, Caul mi Rehoboth m’i dhu Kulo ucaku bimo kakare. 49 Kinde ma Caul utho, Baal-hanan ma wod Akbor ucaku bimo kakare. 50 Kinde ma Baal-hanan utho, Hadad ucaku bimo kakare. Nying adhura pare ubino Pau, man nying’ dhaku pare ubino Mehethabel ma nyaku pa Mathred ma nyaku pa Mezahab. 51 I ng’eye, Hadad ugam utho.

Rwodhi* mir Edom ubino Rwoth Timna, Rwoth Alva, Rwoth Yetheth, 52 Rwoth Oholibama, Rwoth Ela, Rwoth Pinon, 53 Rwoth Kenaz, Rwoth Theman, Rwoth Mibzar, 54 Rwoth Magdiel, Rwoth Iram. Gin eno gibino rwodhi mir Edom.

2 Maeni gi wot Israel: Ruben, Simeon, Lawi, Yuda, Isakar, Zebulon, 2 Dan, Yozefu, Benjamin, Nafthali, Gad, man Acer.

3 Wot Yuda ubino Er, Onan, man Cela. Nyaku pa Cua ma Nyakanan re m’unyolo juadek maenigi ire. Ento Er ma kayu pa Yuda ubino ku timo ma rac i wang’ Yehova; pieno eketho etho. 4 Thamar ma ci wod Yuda unyolo Perez man Zera ni Yuda. Wot Yuda ceke gibino gin abic.

5 Wot Perez ubino Hezron gikud Hamul.

6 Wot Zera ubino Zimri, Ethan, Heman, Kalkol, man Dara. Ceke gibino gin abic.

7 Wod* Karmi ubino Akar,* m’ukelo peko* iwi Israel, pilembe eworo ngo cik ma juketho iwi piny m’ugam ukwayu junyothi.

8 Wod* Ethan ubino Azaria.

9 Wot Hezron m’enyolo ubino Yeramel, Ram, man Kelubai.*

10 Ram unyolo Aminadab. Aminadab unyolo Nacon m’ubino jadit ma wijo mi nyikway Yuda. 11 Nacon unyolo Salma. Salma unyolo Boaz. 12 Boaz unyolo Obed. Obed unyolo Yese. 13 Yese unyolo Eliab ma wode ma kayu, Abinadab ma wode mir arionde, Cimea ma wode mir adege, 14 Nethanel ma wode mir ang’wende, Radai ma wode mir abije, 15 Ozem ma wode mir abusiende, man Daudi ma wode mir abirone. 16 Nyimego migi ubino Zeruya man Abigail. Wot Zeruya ubino Abicai, Yoab, man Asahel; gin adek. 17 Abigail unyolo Amasa, man won Amasa ubino Yether ma Jaismael.

18 Kaleb* ma wod Hezron unyolo awiya ma co ku dhaku pare ma Azuba man ku Yerioth; maeni gitie wotene: Yecer, Cobab, man Ardon. 19 Kinde ma Azuba utho, Kaleb ugamu Efrath, man Efrath unyolo ire Hur. 20 Hur unyolo Uri. Uri ke ugam unyolo Bezalel.

21 I ng’eye, Hezron utimo ribiri ku nyaku pa Makir ma won Gilead. Egame nwang’u etie ku oro pier abusiel, man enyolo ire Segub. 22 Segub unyolo Yair, m’ubino kud adhura pier ario wi adek i ng’om mi Gilead. 23 I ng’eye, dhanu mi Gecur man mi Siria gimayu dhanu ma bedo keca ku Havoth-yair karacelo ku Kenath man nyithindh adhura m’i ng’ete; ceke adhura pier abusiel. Ju maeno zoo gibino nyikway Makir ma won Gilead.

24 I ng’ey ma Hezron utho i Kaleb-efratha, Abiya ma dhaku pa Hezron unyolo ire Achur ma won Tekoa.

25 Wot Yeramel m’ubino kayu pa Hezron gini e: Ram ma wode ma kayu, Buna, Oren, Ozem, man Ahiya. 26 Yeramel ubino ku dhaku mange, nyinge ubino Atara. Ebino min Onam. 27 Wot Ram m’ubino kayu pa Yeramel gini e: Maaz, Yamin, man Eker. 28 Wot Onam ubino Camai man Yada. Wot Camai ubino Nadab man Abicur. 29 Nying’ dhaku pa Abicur ubino Abihail, m’unyolo ire Aban man Molid. 30 Wot Nadab ubino Seled man Apaim. Ento Seled utho m’enyolo ngo awiya ma co. 31 Wod* Apaim ubino Ici. Wod Ici ubino Cecan, man wod Cecan ubino Alai. 32 Wot Yada m’umin Camai ubino Yether man Yonathan. Ento Yether utho m’enyolo ngo awiya ma co. 33 Wot Yonathan ubino Peleth man Zaza. Ju maeno re ma gibino nyikway Yeramel.

34 Cecan ubino mbe kud awiya ma co, enyolo awiya ma nyir kende. Nwang’u jatic pa Cecan moko nuti ma Jamisiri, nyinge ubino Yarha. 35 Cecan umiyo nyare ni dhaku ni Yarha ma jatic pare, man nyakune unyolo ire Atai. 36 Atai unyolo Nathan. Nathan unyolo Zabad. 37 Zabad unyolo Eflal. Eflal unyolo Obed. 38 Obed unyolo Yehu. Yehu unyolo Azaria. 39 Azaria unyolo Helez. Helez unyolo Eleasa. 40 Eleasa unyolo Sismai. Sismai unyolo Calum. 41 Calum unyolo Yekamia. Yekamia unyolo Elicama.

42 Wot Kaleb m’umin Yeramel ubino Meca ma kayu pare m’ubino won Zif, wot Mareca ma won Hebron de gibino nuti. 43 Wot Hebron ubino Kora, Thapua, Rekem, man Cema. 44 Cema unyolo Raham ma won Yorkeam. Rekem unyolo Camai. 45 Wod Camai ubino Maon. Maon unyolo Beth-zur. 46 Efa ma dhaku m’araga pa Kaleb unyolo Haran, Moza, man Gazez. Haran unyolo Gazez. 47 Wot Yadai ubino Regem, Yotham, Gecan, Pelet, Efa, man Caf. 48 Maaka ma dhaku m’araga pa Kaleb unyolo Ceber man Tirana. 49 I ng’eye dhakune unyolo Caf ma won Madmana, Ceva ma won Makbena man Gibea. Nyaku pa Kaleb ubino Aksa. 50 Ju maeno gibino nyikway Kaleb.

Wot Hur ma kayu pa Efratha ubino Cobal ma won Kiriath-jearim, 51 Salma ma won Bethlehem, man Haref ma won Beth-gader. 52 Cobal ma won Kiriath-jearim ubino kud awiya ma co ma e: Haroe man nusu mi Jumenuhoth. 53 Juruot ma gibed gikwo i Kiriath-jearim gini e: Juithri, Juputhi, Jucumathi, man Jumicrai. Juzorathi man Juecthaol giai kud i bang’gi eno. 54 Wot Salma ubino Bethlehem, Junetofa, Athroth-beth-yoab, nusu mi Jumanahath, man Juzori. 55 Juruot mi jugor ma gibed gibedo i Yabez gibino Jutirathi, Jucimeathi, man Jusukathi. Gin eni gibino Jukeni ma nyikway Hamath ma kwaru Jurekab.

3 Maeni gi wot Daudi ma ginyoliri ire i Hebron: Amnon ma wode ma kayu, min ubino Ahinoam mi Yezreel; Daniel ma wode mir ario, min ubino Abigail mi Karmel; 2 mir adege ubino Absalom ma wod Maaka ma nyaku pa Thalmai m’ubimo mi Gecur; mir ang’wende ubino Adoniya ma wod Hagith; 3 wode mir abic ubino Cefathia, min ubino Abital; man wode mir abusiel ubino Ithream ma min ubino Egla. 4 Juabusiel maeni ginyoliri ni Daudi i Hebron; ecamu ker kuca pi oro abiro ku dwi abusiel, man ecamu ker i Yeruzalem pi oro pier adek wi adek.

5 Maeni gi ju ma ginyoliri ire i Yeruzalem: Cimea, Cobab, Nathan, man Suleman; meg juang’wen maeni ubino Bath-ceba ma nyaku pa Amiel. 6 Wote mange abung’wen ubino Ibhar, Elicama, Elifelet, 7 Noga, Nefeg, Yafia, 8 Elicama, Eliada, man Elifelet. 9 Ju maeni ceke gibino wot Daudi, m’uweko wot mon m’araga, man Thamar ubino nyameggi.

10 Suleman unyolo Rehoboam, m’unyolo Abiya, m’unyolo Asa, m’unyolo Yehocafath, 11 m’unyolo Yehoram, m’unyolo Ahazia, m’unyolo Yehoac, 12 m’unyolo Amazia, m’unyolo Azaria, m’unyolo Yotham, 13 m’unyolo Ahaz, m’unyolo Hezekia, m’unyolo Manase, 14 m’unyolo Amon, m’unyolo Yosiya. 15 Wot Yosiya ubino Yohanan ma wode ma kayu, Yehoiakim ma wode mir ario, Zedekia ma wode mir adek, man Calum ma wode mir ang’wen. 16 Wot Yehoiakim ubino Yekonia man Zedekia. 17 Wot Yekonia ma jakol ubino Cealtiel, 18 Malkiram, Pedaya, Cenazar, Yekamia, Hocama, man Nedabia. 19 Wot Pedaya ubino Zerubabel man Cimei; wot Zerubabel ubino Meculam man Hanania (Celomith ubino nyameggi); 20 wote abic mange ubino Hacuba, Ohel, Berekia, Hasadia, man Yucab-hesed. 21 Wot Hanania ubino Pelatia man Yecaya; wod* Yecaya ubino Refaya; wod Refaya ubino Arnan; wod Arnan ubino Obadia; wod Obadia ubino Cekania; 22 Cekania ubino ku wode acel man nyikwaye, wodene ubino Cemaya. Wot Cemaya ubino Hatuc, Igal, Baria, Nearia, man Cafath; ceke gin abusiel. 23 Wot Nearia ubino Elioenai, Hizkia, man Azrikam; gin adek. 24 Man wot Elioenai ubino Hodavia, Eliacib, Pelaya, Akub, Yohanan, Delaya, man Anani; gin abiro.

4 Wot Yuda ubino Perez, Hezron, Karmi, Hur, man Cobal. 2 Reaya ma wod Cobal unyolo Yahath; Yahath unyolo Ahumai man Lahad. Maeni gibino juruot mi Juzorathi. 3 Maeni gi wot ng’atu m’ucaku ther* Etam: Yezreel, Icma, man Idbac (nying’ nyameggi ubino Hazelelponi), 4 man Penuel unyolo Gedor, Ezer ke unyolo Huca. Ju maeni gibino wot Hur ma kayu pa Efratha man ma won Bethlehem. 5 Achur ma won Tekoa ubino ku mon ario: Hela giku Naara. 6 Naara unyolo ire Ahuzam, Hefer, Temeni, man Hahactari. Ju maeni gibino wot Naara. 7 Wot Hela ubino Zereth, Izhar, man Ethnan. 8 Koz unyolo Anub, Zobeba, man en re m’etie kwaru nyikway Aharhel ma wod Harum.

9 Yabez ubino ng’atu mir awora nisagu umego pare; min ucaku nyinge Yabez,* kum ewacu kumae: “Anyole ku litho.” 10 Yabez urwo i bang’ Mungu mir Israel, ewacu kumae: “Akweyi, mii ira mugisa man med ng’om para; bende bed kuda saa ceke man gwoka ni peko, kara lembe moko ma rac kud unwang’a!” E Mungu utimo ire lembe m’ekwayu.

11 Kelub m’umin Cuha unyolo Mehir m’ubino won Ecton. 12 Ecton unyolo Beth-rafa, Pasea, man Thehina ma won Ir-nahac. Ju maeni gibino dhanu mi Reka. 13 Wot Kenaz ubino Othniel giku Seraya, wod* Othniel ke ubino Hathath. 14 Meonothai unyolo Ofra. Seraya unyolo Yoab m’ucaku the Ge-haracim;* julwong’e kumeno pilembe dhanu m’i iye gibino bafundi.

15 Wot Kaleb ma wod Yefune ubino Iru, Ela, man Naam; wod* Ela ke ubino Kenaz. 16 Wot Yehalelel ubino Zif, Zifa, Tiria, man Asarel. 17 Wot Ezra ubino Yether, Mered, Efer, man Yalon; egamu iye* man enyolo Miriam, Camai, man Icba man won Ecthemoa. 18 (Dhaku pare ma Nyayahudi unyolo Yered ma won Gedor, Heber ma won Soko, man Yekuthiel ma won Zanoa.) Ju maeni gibino wot Bithia ma nyaku pa Farao ma Mered ugamu.

19 Wot dhaku pa Hodia ma nyamin Naham re ma gicaku the Keila mi Jugarmi man the Ecthemoa mi Jumaakath. 20 Wot Cimon ubino Amnon, Rina, Ben-hanan, man Tilon. Wot Ici ke ubino Zoheth giku Ben-zoheth.

21 Wot Cela ma wod Yuda ubino Er ma won Leka, Lada ma won Mareca, nyikway Acbea ma gibino jucwii bongu ma leng’, gibino bende nyikway Cela. 22 Dhanu ma e de gibino nyikway Cela: Yokim, dhanu mi Kozeba, Yoac, man Saraf ma gigamu nyi Moab, man Yacubi-lehem. Lembe maeni tie lembe ma jugoro con.* 23 Gibino jucwii agulu ma gibed gikwo i Netaim man i Gedera. Gibed gikwo keca man gibed gitimo tic p’ubimo.

24 Wot* Simeon ubino Nemuel, Yamin, Yarib, Zera, man Caul. 25 Caul unyolo Calum, m’unyolo Mibsam, m’unyolo Micma. 26 Wot Micma ubino Hamuel, m’unyolo Zakur, m’unyolo Cimei. 27 Cimei unyolo awiya ma co apar abusiel man awiya ma nyir abusiel; ento umego pare ginyolo ngo awiya ma co dupa, man ng’atu moko mbe m’i kind jupagi m’unyay lee nisagu dhanu mi Yuda. 28 Gibed gikwo i Ber-ceba, i Molada, i Hazar-cual, 29 i Bilha, i Ezem, i Tolad, 30 i Bethuel, i Horma, i Ziklag, 31 i Beth-markaboth, i Hazar-susim, i Beth-biri, man i Caraim. Eno ubino adhura migi nitundo i the bimobim pa Daudi.

32 Gibed gibedo i pacu mir Etam, Ain, Rimon, Token, man Acan; ceke adhura abic, 33 man i pacu ceke m’utieko adhura maeno nitundo i Baal. Eno ubino ayi ma jukwanu kogi calku thekwaru migi man kabedo ma gibed gikwo i iye. 34 Mecobab, Yamlek, Yoca ma wod Amazia, 35 Yoel, Yehu ma wod Yocibia, ma wod Seraya, ma wod Aziel, 36 man Elioenai, Yakoba, Yecohaya, Asaya, Adiel, Yesimiel, Benaya, 37 man Ziza ma wod Cifi, ma wod Alon, ma wod Yedaya, ma wod Cimri, ma wod Cemaya; 38 ju maeni ma jukwanu nying’gi gibino judongo ma wijo i kind wedi migi, man wend juruot pa kwarugi ugam umedere ameda. 39 E gicidho ceng’ini ku Gedor yo nyangu mi poga, pi nisayu luba ma giromo kwayu iye udul lim migi. 40 Man giwok ginwang’u luba ma ber man ma lum lep lep i iye; ginwang’u ng’ombe lac, e ling’, man e ng’om mi kwiyocwiny. Ju ma gilar gikwo kakeca ubino nyithindho pa Ham. 41 Ju maeni ma jukwanu nying’gi gitundo i rundi p’Ubimo Hezekia mi Yuda, man ginyotho hema mi nyithindho pa Ham man mi Jumeunim ma gibino keca. Ginegogi ceke man gimbe nitundo tin; man gibedo kakagi pilembe luba ubino nuti keca pir udul lim migi.

42 Dhanu moko mi suru pa Simeon, niwacu dhanu dak abic gicidho iwi got Seir man Pelatia, Nearia, Refaya man Uziel ma gi wot Ici re ma gibino telo wigi. 43 E ginego dong Juamalek ma gigam giringo kuca, man gibekwo kakeca nitundo tin.

5 Maeni gi wot Ruben ma kayu pa Israel. Ebino kayu, ento jumiyo twero pare mi bedo kayu ni wot Yozefu ma wod Israel, pilembe egam ecido kavuto pa won; pieno kinde ma jubekwanu dhanu calku thekwaru, jukwane ngo calku twero pare mi bedo kayu. 2 Kadok nwang’u Yuda ubino dwong’ nisagu umego pare ceke man ng’atu ma bibedo jatela biai kud i bang’e de, re jumiyo twero mi bedo kayu ni Yozefu. 3 Wot Ruben ma kayu pa Israel ubino Hanok, Palu, Hezron, man Karmi. 4 Maeni ubino nyikway Yoel: wod Yoel ubino Cemaya m’unyolo Gog, m’unyolo Cimei, 5 m’unyolo Mika, m’unyolo Reaya, m’unyolo Baal, 6 man m’unyolo Beera m’Ubimo Tilgath-pilneser mir Asiria utero i ng’eca; ebino jadit ma wijo mi suru pa Ruben. 7 Man umego pare ma jukwanugi nimakere ku thekwaru mi wedi migi ubino Yeiel ma jatelwic, Zekaria, 8 man Bela ma wod Azaz, ma wod Cema, ma wod Yoel. Nyikway Bela gibed gikwo i Aroer man cil i Nebo man i Baal-meon. 9 Yo nyangu gibed gikwo nitundo i dhu langa mi dhu Kulo Efrath, kum lim migi unyay lee i ng’om Gilead. 10 I rundi pa Saul, gikiedo lwiny i dhu Juhagri man giloyogi, pieno gibedo i hema migi man i ng’om ceke ma yo nyangu mi Gilead.

11 Nyikway Gad gibed gikwo i ng’etgi i ng’om mi Bacan nitundo i Saleka. 12 I Bacan, Yoel ubino jatelwic, Cafam ulubo ng’eye, man Yanai giku Cafath de gibino nuti. 13 Umego migi mi thepacu migi ubino Mikael, Meculam, Ceba, Yorai, Yakan, Zia, man Eber; ceke gin abiro. 14 Ju maeni gibino wot Abihail ma wod Huri, ma wod Yaroa, ma wod Gilead, ma wod Mikael, ma wod Yecicai, ma wod Yado, ma wod Buz. 15 Jatelwic mi thepacu migi ubino Ahi ma wod Abdiel, ma wod Guni. 16 Gibed gikwo i Gilead, i Bacan, man i nyithindh adhura m’i ng’etgi,* man i luba ceke mi Caron nitundo i thum migi. 17 Jukwanugi ceke calku thekwaru migi i rundi p’Ubimo Yotham mi Yuda man i rundi p’Ubimo Yeroboam* mir Israel.

18 Ju mi suru pa Ruben, mi suru pa Gad, man nusu mi suru pa Manase gibino ku jurumony ma jurukara elufu pier ang’wen wi ang’wen ku dak abiro pier abusiel (44 760) i kind juaskari migi ma gimaku ban, palamularu, man athero;* juponjogi bende cuu pi lwiny. 19 Gikiedo lwiny i dhu Juhagri, i dhu Yethur, Nafic, man Nodab. 20 Kinde ma gibino kiedo kugi, Mungu ukonyogi man umiyo Juhagri ku dhanu ceke ma gibino karacelo kugi i cing’gi, kum gikwaye ekonygi; Mungu udwoko wang’ rwo migi pilembe gigene. 21 Giyaku lim migi; limne ubino ngamia elufu pier abic (50 000), rombe elufu dak ario pier abic (250 000), kana elufu ario (2 000) ku dhanu* elufu dak acel (100 000). 22 Dhanu utho lee dit, pilembe Mungu mandha re m’ubino kiedo lwinyne. I ng’eye gibedo i kabedo mi dhanu maeno nitundo i saa ma jucidho i iye i ng’eca.

23 Nyikwayu mi nusu mi suru pa Manase gibed gikwo i ng’om ma niai i Bacan nitundo i Baal-hermon, i Senir, man iwi got Hermon. Wendgi ubino lee dit. 24 Jutela mi thepacu migi ubino: Efer, Ici, Eliel, Azriel, Yeremia, Hodavia, man Yadiel; gibino jurumony ma jurukara, dhanu ma pigi yik, man jutela mi thepacu migi. 25 Ento gigwoko ngo bedoleng’ migi ni Mungu pa kwarugi man gitimo asara ku mungu mi dhanu m’i ng’ombe, ma Mungu unyotho kud i wang’gi. 26 Pieno Mungu mir Israel ucwalu* Ubimo Pul mir Asiria (niwacu Ubimo Tilgath-pilneser mir Asiria) kara uter suru pa Ruben, pa Gad, man nusu mi suru pa Manase i ng’eca; eterogi i Hala, i Habor, i Hara, man i dhu kulo Gozan. Gibedo keca nitundo tin.

6 Wot Lawi ubino Gercon, Kohath, man Merari. 2 Wot Kohath ubino Amram, Izhar, Hebron, man Uziel. 3 Awiya pa* Amram ubino Arun, Musa, man bende Miriam. Man wot Arun ubino Nadab, Abihu, Eleazar, man Ithamar. 4 Eleazar unyolo Fineas; Fineas unyolo Abicuwa. 5 Abicuwa unyolo Buki; Buki unyolo Uzi. 6 Uzi unyolo Zerahia; Zerahia unyolo Merayoth. 7 Merayoth unyolo Amaria; Amaria unyolo Ahitub. 8 Ahitub unyolo Zadok; Zadok unyolo Ahimaaz. 9 Ahimaaz unyolo Azaria; Azaria unyolo Yohanan. 10 Yohanan unyolo Azaria. Ebino jalam i hekalu* ma Suleman ugiero i Yeruzalem.

11 Azaria unyolo Amaria; Amaria unyolo Ahitub. 12 Ahitub unyolo Zadok; Zadok unyolo Calum. 13 Calum unyolo Hilkia; Hilkia unyolo Azaria. 14 Azaria unyolo Seraya; Seraya ke unyolo Yehozadak. 15 Yehozadak ucidho i ng’eca kinde ma Yehova utiyo ku Nebukadnezar pi nitero dhanu mi Yuda ku mi Yeruzalem i ng’eca.

16 Wot Lawi ubino Gercom,* Kohath, man Merari. 17 Nying’ wot Gercom ni e: Libni man Cimei. 18 Wot Kohath ubino Amram, Izhar, Hebron, man Uziel. 19 Wot Merari ubino Mahli giku Muci.

Maeni gi juruot mi Julawi calku thekwaru migi: 20 ju pa Gercom; Gercom unyolo Libni, m’unyolo Yahath, m’unyolo Zima, 21 m’unyolo Yoa, m’unyolo Ido, m’unyolo Zera, m’unyolo Yeatherai. 22 Wot* Kohath ubino Aminadab; Aminadab unyolo Kora, m’unyolo Asir, 23 m’unyolo Elkana, m’unyolo Ebiasaf, m’unyolo Asir, 24 m’unyolo Tahath, m’unyolo Uriel, m’unyolo Uzia, man m’unyolo Caul. 25 Wot Elkana ubino Amasai gikud Ahimoth. 26 Elkana mange wote ubino Zofai m’unyolo Nahath, 27 m’unyolo Eliab, m’unyolo Yeroham, m’unyolo Elkana. 28 Wot Samwel ubino Yoel ma kayu pare man Abiya ma jang’eye. 29 Wot* Merari ubino Mahli m’unyolo Libni, m’unyolo Cimei, m’unyolo Uza, 30 m’unyolo Cimea, m’unyolo Hagia, man m’unyolo Asaya.

31 Ju maeno gi ju ma Daudi ung’iyogi pi nitelo wi wer i ot pa Yehova i ng’ey ma juketho Sanduku i ode. 32 Gibed gineno wi lembe pa wer i hema mi thier, ma en e hema mi rombo nitundo ma Suleman ugiero ot pa Yehova i Yeruzalem, man gibed gitimo tic migi calu ma juketho igi. 33 Maeni gi dhanu ma gibed gitimo ticne man wotgi: ju pa Kohath, Heman ma jarawer ma wod Yoel, ma wod Samwel, 34 ma wod Elkana, ma wod Yeroham, ma wod Eliel, ma wod Thoa, 35 ma wod Zuf, ma wod Elkana, ma wod Mahath, ma wod Amasai, 36 ma wod Elkana, ma wod Yoel, ma wod Azaria, ma wod Zefania, 37 ma wod Tahath, ma wod Asir, ma wod Ebiasaf, ma wod Kora, 38 ma wod Izhar, ma wod Kohath, ma wod Lawi, ma wod Israel.

39 Asaf ubed ucungo yor i cing’ mir acwic pa Heman m’umin;* Asaf ubino wod Berekia ma wod Cimea, 40 ma wod Mikael, ma wod Baseya, ma wod Malkiya, 41 ma wod Ethni, ma wod Zera, ma wod Adaya, 42 ma wod Ethan, ma wod Zima, ma wod Cimei, 43 ma wod Yahath, ma wod Gercom, ma wod Lawi.

44 Nyikway Merari ma gin umego migi gibed gicungo yor i cing’ mir acam; gibino Ethan ma wod Kici, ma wod Abdi, ma wod Maluk, 45 ma wod Hacabia, ma wod Amazia, ma wod Hilkia, 46 ma wod Amzi, ma wod Bani, ma wod Cemer, 47 ma wod Mahli, ma wod Muci, ma wod Merari, ma wod Lawi.

48 Juketho* umeggi mange ma gitie bende Julawi pi nitimo tic ceke mi hema mi thier, ma en e ot pa Mungu mandha. 49 Arun ku wote gibed giketho yiro mi lam uduny iwi pemlam mi lam m’awang’a man iwi pemlam mir udok ma ng’wice ng’ar. Gibed gitimo tic m’uneno piny ma leng’ m’usagu, pi nitimo adunya pir Israel calku lembe ceke ma Musa ma jatic pa Mungu mandha ung’olo. 50 Maeni gi nyikway Arun: Arun unyolo Eleazar m’unyolo Fineas, m’unyolo Abicuwa, 51 m’unyolo Buki, m’unyolo Uzi, m’unyolo Zerahia, 52 m’unyolo Merayoth, m’unyolo Amaria, m’unyolo Ahitub, 53 m’unyolo Zadok, man m’unyolo Ahimaaz.

54 Maeni tie pacu mi Julawi, kaka ma gigam giguro iye hema* migi i ng’om migi: ni nyikway Arun ma gi juruot mi Jukohath ma gagi upodho i wigi ma kwong’a, 55 jumiyo Hebron i ng’om mi Yuda ku lubane. 56 Ento podho mir adhurane ku pacu m’i ng’ete, jumiyo ni Kaleb ma wod Yefune. 57 Ni nyikway Arun jumiyo adhura* mi karingo ma e: Hebron, man bende Libna ku lubane, Yatir, Ecthemoa ku lubane, 58 Hilen ku lubane, Debir ku lubane, 59 Acan ku lubane, man Beth-cemec ku lubane; 60 kud i suru pa Benjamin jumiyo Geba ku lubane, Alemeth ku lubane, man Anathoth ku lubane. Adhura ceke ma jumiyo ni juruot migi ubino apar adek.

61 Ni dong Jukohath, jumiyo* adhura apar; jugamu adhurane kud i kum ng’om mi juruot mi suru ma tung’ tung’, i bang’ nusu mi suru, niwacu nusu mi suru pa Manase.

62 Ni Jugercom calku juruot migi, jumiyo adhura apar adek ma jugamu kud i kum ng’om mi suru pa Isakar, suru pa Acer, suru pa Nafthali, man suru pa Manase i Bacan.

63 Ni Jumerari calku juruot migi, jumiyo adhura apar ario ku gagi; jugamu adhurane kud i kum ng’om mi suru pa Ruben, mi suru pa Gad, man mi suru pa Zebulon.

64 Kumeno re ma Juisrael gimiyo adhura maeno ku luba m’i ng’etgi ni Julawi. 65 Bende jumiyo adhura ku gagi; jugamu adhurane kud i kum ng’om mi suru pa Yuda, mi suru pa Simeon, man mi suru pa Benjamin. Julwong’o adhurane ku nying’gi.

66 Ng’om ma jumiyo ni juruot mi Jukohath moko ubino adhura ma jugamu kud i kum ng’om mi suru pa Efraim. 67 Jumiyo igi adhura* mi karingo ma e: Cekem ku lubane i ng’om gudi pa Efraim, Gezer ku lubane, 68 Yokmeam ku lubane, Beth-horon ku lubane, 69 Ajalon ku lubane, man Gath-rimon ku lubane; 70 man ni dong juruot mi Jukohath, jumiyo Aner ku lubane man Bileam ku lubane; jugamu adhurane kud i kum ng’om mi nusu mi suru pa Manase.

71 Ni Jugercom jumiyo Golan i Bacan ku lubane man Actaroth ku lubane; jugamu adhurane kud i kum ng’om mi nusu mi suru pa Manase; 72 man kud i kum ng’om mi suru pa Isakar jumiyo Kedec ku lubane, Daberath ku lubane, 73 Ramoth ku lubane, man Anem ku lubane; 74 kud i suru pa Acer jumiyo Macal ku lubane, Abdon ku lubane, 75 Hukok ku lubane, man Rehob ku lubane; 76 man kud i suru pa Nafthali jumiyo Kedec i Galilaya ku lubane, Hamon ku lubane, man Kiriathaim ku lubane.

77 Ni dong Jumerari, jumiyo Rimono ku lubane man Tabor ku lubane; jugamu adhurane kud i kum ng’om mi suru pa Zebulon. 78 I ng’om mi Yordan i Yeriko yo nyangu mi Yordan jumiyo igi kud i suru pa Ruben: Bezer i langa ku lubane, Yahaz ku lubane, 79 Kedemoth ku lubane, man Mefaath ku lubane. 80 Kud i suru pa Gad ke jumiyo Ramoth i Gilead ku lubane, Mahanaim ku lubane, 81 Hecbon ku lubane, man Yazer ku lubane.

7 Wot Isakar ubino Thola, Pua, Yacub, man Cimron; gin ang’wen. 2 Wot Thola ubino Uzi, Refaya, Yeriel, Yamai, Ibsam, man Cemuel; gibino jutelwic mi thepacu migi. Nyikway Thola gibino jurumony ma jurukara, man i rundi pa Daudi wendgi ubino elufu pier ario wi ario ku dak abusiel (22 600). 3 Nyikway* Uzi ubino Izrahia man wot Izrahia ubino Mikael, Obadia, Yoel, man Iscia; gin abic ceke gibino jutelwic. 4 Man kubang’ thepacu migi nimakere ku thekwaru migi, gibino ku juaskari elufu pier adek wi abusiel (36 000) ma gibino ayika pi nikiedo lwiny, kum mon migi ubedo dupa man wotgi bende. 5 Man umego migi mi ot pa Isakar ceke gibino jurumony ma jurukara; wendgi ubino elufu pier abora wi abiro (87 000) calkud ayi ma jukwanu kogi nimakere ku thekwaru migi.

6 Wot Benjamin ubino Bela, Beker, man Yediael; gin adek. 7 Wot Bela ubino Ezbon, Uzi, Uziel, Yerimoth, man Iri; gin abic. Gibino jutela mi thepacu migi man jurumony ma jurukara; wendgi ubino elufu pier ario wi ario ku pier adek wi ang’wen (22 034) calkud ayi ma jukwanu kogi nimakere ku thekwaru migi. 8 Man wot Beker ubino Zemira, Yoac, Eliezer, Elioenai, Omri, Yeremoth, Abiya, Anathoth, man Alemeth; ju maeni ceke gibino wot Beker. 9 Nimakere kud ayi ma jukwanu ko thekwaru mi jutela mi thepacu maeno, nyikwaygi ma gi jurumony ma jurukara ubino elufu pier ario ku dak ario (20 200). 10 Wot Yediael ubino Bilhan man wod Bilhan ubino Yeuc, Benjamin, Ehud, Kenana, Zethan, Tharsis, man Ahicahar. 11 Ju maeni ceke gibino wot Yediael, nimakere ku jutelwic pa kwaru migi; gibino jurumony ma jurukara elufu apar abiro ku dak ario (17 200) ma gitie ayika pi nicidho i lwiny kud udul askari.

12 Jucupim man Juhupim* gibino wot Ir, Juhucim gibino wot Aher.

13 Wot Nafthali ubino Yaziel, Guni, Yezer, man Calum; gibino nyikway* Bilha.

14 Maeni gi wot Manase: Asriel, ma dhaku pare m’araga ma Nyasiria unyolo. (Enyolo bende Makir ma won Gilead. 15 Makir ugamu dhaku ni Hupim man ni Cupim, nying’ nyamin ubino Maaka.) Nying’ wode mir ario ubino Zelofehad, ento Zelofehad unyolo awiya ma nyir kende. 16 Maaka ma dhaku pa Makir unyolo nyathin ma nico man ecaku nyinge Perec; nying umin ubino Cerec; man nying’ wote ubino Ulam giku Rekem. 17 Wod* Ulam ubino Bedan. Ju maeni gibino wot Gilead ma wod Makir, ma wod Manase. 18 Nyamin Gilead ubino Hamoleketh. Hamoleketh unyolo Ichod, Abiezer, man Mala. 19 Wot Cemida ubino Ahian, Cekem, Likhi, man Aniam.

20 Wot Efraim ubino Cuthela m’unyolo Bered, m’unyolo Tahath, m’unyolo Eleada, m’unyolo Tahath, 21 m’unyolo Zabad, m’unyolo Cuthela. Efraim unyolo bende Ezer man Elead. Dhanu mi Gath ma ginyoliri i ng’ombe giloro pi nicikwalu udul lim pa wot Efraim man ginego Ezer gikud Elead. 22 Efraim ma weggi uwak pi nindo ma dupa, man umego pare gibed gibino i bang’e pi nijuko cwinye. 23 I ng’eye, etimo ribiri ku dhaku pare man dhakune unwang’u iye, e enyolo nyathin ma nico. Ento Efraim ucaku nyinge nia Beria,* pilembe enyolo nyathinne kinde ma ot pare unwang’ere ku can. 24 Man nyare ubino Cera m’ugiero adhura mi Beth-horon ma Piny ku Beth-horon ma Malu man bende Uzen-cera. 25 Efraim unyolo bende Refa giku Recef; Recef unyolo Thela, m’unyolo Tahan, 26 m’unyolo Ladan, m’unyolo Amihud, m’unyolo Elicama, 27 m’unyolo Nun, m’unyolo Yocuwa.*

28 Podho migi man pacu migi ubino Bethel ku nyithindh adhura m’i ng’ete,* man yo nyangu Naaran, yo reto ke Gezer ku nyithindh adhura m’i ng’ete, man Cekem ku nyithindh adhura m’i ng’ete nitundo i Aya* ku nyithindh adhura m’i ng’ete. 29 I ng’et nyikway Manase, Beth-cean ku nyithindh adhura m’i ng’ete, Tanak ku nyithindh adhura m’i ng’ete, Megido ku nyithindh adhura m’i ng’ete, man Dor ku nyithindh adhura m’i ng’ete. Nyikway Yozefu ma wod Israel gibed gikwo i kabedo maeno.

30 Wot Acer ubino Imna, Icva, Icvi, man Beria; nyameggi ubino Sera. 31 Wot Beria ubino Heber man Malkiel m’ubino won Birzaith. 32 Heber unyolo Yaflet, Comer, man Hotham ku Cua ma nyameggi. 33 Wot Yaflet ubino Pasak, Bimhal, man Acvath. Ju maeni gibino wot Yaflet. 34 Wot Cemer* ubino Ahi, Roga, Yehuba, Aram. 35 Wot Helem* m’umin ubino Zofa, Imna, Celec, man Amal. 36 Wot Zofa ubino Sua, Harnefer, Cual, Beri, Imra, 37 Bezer, Hod, Cama, Cilca, Ithran, man Bera. 38 Wot Yether ubino Yefune, Pispa, man Ara. 39 Wot Ula ubino Ara, Haniel, man Rizia. 40 Ju maeni ceke gibino wot Acer. Gibino jutelwic mi thepacu migi, ju ma jung’iyo, jurumony ma jurukara, man jutelwic mi judongo ma wijo; kinde ma jukwanu wendgi calku thekwaru migi, gibino ku jumaco elufu pier ario wi abusiel (26 000) i udul askari migi ma gitie ayika pi lwiny.

8 Benjamin unyolo Bela ma wode ma kayu, Acbel ma wode mir ario, Ahara ma wode mir adek, 2 Noha ma wode mir ang’wen, man Rafa ma wode mir abic. 3 Wot Bela ubino Adar, Gera, Abihud, 4 Abicuwa, Naaman, Ahoa, 5 Gera, Cefufan, man Huram. 6 Maeni gi wot Ehud ma gi jutela mi thepacu mi dhanu mi Geba ma juterogi i ng’eca i Manahath: 7 Naaman, Ahiya, man Gera; Gera re m’utelo wigi kinde ma gibecidho i ng’eca man enyolo Uza gikud Ahihud. 8 Caharaim unyolo awiya i ng’om* mi Moab i ng’ey m’eriemogi cen. Hucim giku Baara gibino jumamon* pare. 9 Man ku dhaku pare ma Hodec enyolo Yobab, Zibia, Meca, Malkam, 10 Yeuz, Sakia, man Mirma. Ju maeni gibino wote man jutela mi thepacu migi.

11 Kud Hucim enyolo Abitub man Elpal. 12 Man wot Elpal ubino Eber, Micam, Cemed (m’ugiero adhura mi Ono man mi Lod ku nyithindh adhura m’i ng’etgi), 13 Beria man Cema. Ju maeni gibino jutela mi thepacu mi dhanu mi Ajalon. Gin re ma giriemo dhanu mi Gath cen. 14 Ahio, Cacak, Yeremoth, 15 Zebadia, Arad, Eder, 16 Mikael, Icpa, Yoha, gibino wot Beria; 17 man Zebadia, Meculam, Hizki, Heber, 18 Icmerai, Izlia, Yobab, gibino wot Elpal; 19 man Yakim, Zikri, Zabdi, 20 Elienai, Zilethai, Eliel, 21 Adaya, Beraya, Cimrath, gibino wot Cimei; 22 man Icpan, Eber, Eliel, 23 Abdon, Zikri, Hanan, 24 Hanania, Elam, Anthothiya, 25 Ifdeya, Penuel, gibino wot Cacak; 26 man Camcerai, Ceharia, Athalia, 27 Yarecia, Eliya, man Zikri, gibino wot Yeroham. 28 Dhanu maeni gibino jutelwic mi thepacu migi calku thekwaru migi. Jutelwic maeni gibed gikwo i Yeruzalem.

29 Yeiel ma won Gibeon ubed ukwo i Gibeon. Nying’ dhaku pare ubino Maaka. 30 Man wode ma kayu ubino Abdon, ju m’ulubo ng’eye ubino Zur, Kic, Baal, Nadab, 31 Gedor, Ahio, man Zeker. 32 Mikloth unyolo Cimea. Gin ceke gibed gikwo ceng’ini kud umego migi i Yeruzalem, karacelo kud umego migi mange.

33 Ner unyolo Kic; Kic unyolo Saul; Saul unyolo Yonathan, Malki-cua, Abinadab, man Ecbaal.* 34 Wod Yonathan ubino Merib-baal.* Merib-baal unyolo Mika. 35 Wot Mika ubino Pithon, Melek, Tharea, man Ahaz. 36 Ahaz unyolo Yehoada; Yehoada unyolo Alemeth, Azmaveth, man Zimri. Zimri unyolo Moza. 37 Moza unyolo Binea, m’unyolo Rafa, m’unyolo Eleasa, m’unyolo Azel. 38 Azel ubino kud awiya ma co abusiel. Nying’gi ubino Azrikam, Bokeru, Ismael, Cearia, Obadia, man Hanan. Gin ceke gibino wot Azel. 39 Man wot umin ma Ecek ubino Ulam ma wode ma kayu, Yeuc ma wode mir ario, man Elifelet ma wode mir adek. 40 Wot Ulam gibino jurumony ma jurukara ma ging’eyo tiyo kud* athero, man wotgi ku nyikwaygi ubino lee, wendgi ubino dak acel ku pier abic. Gin ceke gibino nyikway Benjamin.

9 Jukwanu Juisrael ceke calku thekwaru migi man jukiewo thekwarune i Buku mi Jubim mir Israel. Man jutero dhanu mi Yuda i ng’eca i Babeli pi dubo migi. 2 Ju ma gilar gidwogo ma kwong’a i bang’ giralaga migi i adhura migi ubino Juisrael moko, julam, Julawi, man jutic* mir hekalu. 3 Man nyikway Yuda moko, nyikway Benjamin, nyikway Efraim, ku nyikway Manase gibedo i Yeruzalem. 4 Gibino Uthai ma wod Amihud, ma wod Omri, ma wod Imri, ma wod Bani ma gi nyikway Perez ma wod Yuda. 5 Man i kind wot Cilo: Asaya ma kayu man wote. 6 I kind wot Zera: Yeuel kud umeggi dak abusiel pier abung’wen.

7 Man i kind nyikway Benjamin: Salu ma wod Meculam, ma wod Hodavia, ma wod Hasenua, 8 Ibneya ma wod Yeroham, Ela ma wod Uzi, ma wod Mikri, man Meculam ma wod Cefathia, ma wod Reuel, ma wod Ibniya. 9 Man umeggi calku thekwaru migi wendgi ubino dak abung’wen pier abic wi abusiel. Ju maeno zoo gibino jutela mi thepacu migi.*

10 Man i kind julam ubino Yedaya, Yehoiarib, Yakin, 11 Azaria ma wod Hilkia, ma wod Meculam, ma wod Zadok, ma wod Merayoth, ma wod Ahitub ma jatela mi ot* pa Mungu mandha, 12 Adaya ma wod Yeroham, ma wod Pacur, ma wod Malkiya, Masai ma wod Adiel, ma wod Yazera, ma wod Meculam, ma wod Mecilemith, ma wod Imer, 13 kud umego migi ma gi jutela mi thepacu, ceke jumaco elufu acel dak abiro pier abusiel (1 760) ma gi weg tego, ma giromo, man ma gitie ayika pi tic mi ot pa Mungu mandha.

14 Man i kind Julawi ubino Cemaya ma wod Hascub, ma wod Azrikam, ma wod Hacabia, ceke gi dhanu mi thekwaru pa Merari; 15 man Bakbakar, Herec, Galal, Mathania ma wod Mika, ma wod Zikri, ma wod Asaf, 16 Obadia ma wod Cemaya, ma wod Galal, ma wod Yeduthun, man Berekia ma wod Asa, ma wod Elkana m’ubed ukwo i pacu moko mi Junetofa.

17 Jukur dhugang’ ubino Calum, Akub, Talmon, Ahiman, man umeggi ma Calum ubino jatelwic, 18 nitundo saa maeno nwang’u ebed ekuro dhugang’ p’ubimo yo nyangu. Ju maeno gibino jukur dhugang’ mi kagonjo mi Julawi. 19 Man Calum ma wod Kore, ma wod Ebiasaf, ma wod Kora kud umego pare ma gi dhanu mi thepacu ma rom kude man nyikway Kora, gibed gineno wi tic mi jukur dhugang’ mi hema. Con, weggi gibed gikuro dhu kamondo mi kagonjo pa Yehova. 20 I wang’e, Fineas ma wod Eleazar re m’ubino jatela migi; man Yehova ubino karacelo kude. 21 Zekaria ma wod Mecelemia ubino jakur dhugang’ mi kamondo mi hema mi rombo.

22 Dhanu ceke ma julondogi kara gibed gikur dhugang’ i kamondo, wendgi bino dak ario kud apar ario. Gibed gikwo i pacu migi calku kite ma jukwanu kogi nimakere ku thekwaru migi. Daudi giku Samwel ma janenlembe giketho ju maeno i tic migi, ma en e tic mi dhanu ma jugeno. 23 Gin karacelo ku wotgi gibed gineno wi tic mi kuro dhugang’ mi ot pa Yehova, ma en e ot mi hema. 24 Jukur dhugang’ gibed gibedo i thenge ang’wen: yo nyangu, yo reto, yo malu, man yo piny. 25 Wang’ acel acel, umego migi gibed giai kud i kabedo migi man gibin gitimo karacelo kugi pi nindo abiro. 26 Judongo mi jukur dhugang’ ma gibed gitimo tic mi ju ma jugeno gibino gin ang’wen. Gibino Julawi man gibed gineno wi kusika* man wi kakanpiny mi ot pa Mungu mandha. 27 Gibed givuto diewor traka i katic migi tingili i kum ot pa Mungu mandha, kum gibed gikuro kur, gibed gigwoko nyamufutha, man gibed giyabu dhugola mi ode nja kugweno.

28 Jumoko m’i kindgi ubed uneno wi ajeni ma jutimo ko tic; gibed gikwanu ajenine ka jubewodhogi woko, man gibed gikwanugi ka jubedwogogi i ot. 29 Jumoko m’i kindgi lundo juketho gibed gineno wi ajeni mange, wi ajeni ceke ma leng’, wi mogo ma yom, wi pigulok, wi mo, wi udok ma ng’wice ng’ar, man wi moj balsam. 30 Wot julam moko gibed gijebo mo ma ng’wice ng’ar mi wirojo. 31 Man Matithia ma tie acel m’i kind Julawi m’ubino kayu pa Calum ma nyakwar Kora ubed utimo tic mi ju ma jugeno, ebed eneno wi piny ma jutedo ku jamcelo. 32 Umego migi moko ma gi Jukohath gibed gitimo tic m’uneno mukathi ma jurodo iwi wadi,* gibed gitede kubang’ sabatu.

33 Ju maeni gibino juruwer ma gi jutela mi thepacu mi Julawi. Gibino i kusika;* gibed gitimo ngo tic mange, kum gibed gitimo tic dieceng’ ku diewor. 34 Dhanu maeno gibino jutelwic mi thepacu mi Julawi calku thekwaru migi; gibino jutelwic. Gibed gikwo i Yeruzalem.

35 Yeiel ma won Gibeon ubed ukwo i Gibeon. Nying’ dhaku pare ubino Maaka. 36 Man wode ma kayu ubino Abdon, ju m’ulubo ng’eye ubino Zur, Kic, Baal, Ner, Nadab, 37 Gedor, Ahio, Zekaria, man Mikloth. 38 Mikloth unyolo Cimeam. Gin ceke gibed gikwo ceng’ini kud umego migi i Yeruzalem, karacelo kud umego migi mange. 39 Ner unyolo Kic; Kic unyolo Saul; Saul unyolo Yonathan, Malki-cua, Abinadab, man Ecbaal. 40 Wod Yonathan ubino Merib-baal. Merib-baal unyolo Mika. 41 Wot Mika ubino Pithon, Melek, Tharea, man Ahaz. 42 Ahaz unyolo Yara; Yara unyolo Alemeth, Azmaveth, man Zimri. Zimri unyolo Moza. 43 Moza unyolo Binea, m’unyolo Refaya, m’unyolo Eleasa, m’unyolo Azel. 44 Azel ubino kud awiya ma co abusiel, nying’gi ubino Azrikam, Bokeru, Ismael, Cearia, Obadia, man Hanan. Ju maeni gibino wot Azel.

10 Nwang’u Jufilisti gibekiedo lwiny i dhu Juisrael. E dhanu mir Israel giringo kud i wang’ Jufilisti, man ju ma dupa githo iwi got Gilboa. 2 Jufilisti gidiyo Saul ku wote ceng’ini mandha, e ginego Yonathan, Abinadab, man Malki-cua ma gi wot Saul. 3 Lak lwiny udoko tek mandha i kum Saul, e weg athero ginene, man ginyayu ret i kume. 4 Pieno Saul uyero ni jayey jamlwiny pare kumae: “Wodh palamularu peri man idhuya ko, kara dhanu maeni ma jutimo ngo yaa i kumgi kud gibin man gisenda ku rac.” Ento jayey jamlwiny pare umito ngo edhuye, pilembe lworo ubino nege lee. Pieno Saul uting’o palamularu pare man epodho i wiye. 5 Kinde ma jayey jamlwiny pa Saul uneno nia etho, en bende epodho iwi palamularu pare man etho. 6 E Saul ku wote adek githo, man dhanu ceke mi ot pare githo karacelo. 7 Kinde ma Juisrael ceke ma gibedo i poga* gineno nia ng’atuman uringo, man nia Saul ku wote bende githo, gicaku weko adhura migi man giringo; e Jufilisti gibino man gibedo i adhurane.

8 Urwonde, kinde ma Jufilisti gibino yaku piny mi ju ma ginego, ginwang’u Saul ku wote githo iwi got Gilboa. 9 E giyaku piny m’i kume, githumo wiye, man gicoko jamlwiny pare. I ng’eye gioro kwenda i ng’om mi Jufilisti pi nimewo lembe maeno ni mungu m’araga migi man ni dhanu. 10 Gigam giketho jamlwiny pare i hekalu* pa mungu migi man giguro upoko wiye i ot pa Dagon.

11 Kinde ma dhanu ceke ma gibedo i Yabec i Gilead giwinjo lembe ceke ma Jufilisti utimo i kum Saul, 12 jurumony ceke giai malu man gicidh giyeyo avuj Saul man avuj wote. Gidwogo kugi i Yabec man gikunyo cogogi i the yen ma dit i Yabec, man gikwiro cam pi nindo abiro.

13 Kumeno re ma Saul utho pilembe egwoko ngo bedoleng’ pare ni Yehova, man pilembe eworo ngo lembe pa Yehova, bende kum epenjo lembe i bang’ ng’atu ma weco ku tipo dhanu m’utho 14 kakare nipenjo Yehova. Pieno enege man edwoko ker udok i cing’ Daudi ma wod Yese.

11 I ng’ey kare, Juisrael ceke gicokiri i bang’ Daudi i Hebron, giwacu ire kumae: “Nen! watie cogoni man ring’kumi.* 2 Nindo m’ukadhu kinde ma Saul ubino ubimo, in re m’ibed itelo wi Israel i lwiny.* Man Yehova Mungu peri uwacu iri kumae: ‘Ibibedo jakwac mi dhanu para Israel, man ibidoko jatela iwi dhanu para Israel.’” 3 Pieno judongo ceke mir Israel gibino i bang’ ubimo i Hebron, man Daudi utimo kugi lembariba i wang’ Yehova i Hebron. I ng’eye, giwiro Daudi ubed ubimo iwi Israel nimakere ku lembe ma Yehova uyero nikadhu kud i bang’ Samwel.

4 I ng’eye, Daudi ku Israel ceke gicidho i kum Yeruzalem, niwacu Yebus i ng’om ma Juyebusi gibed gibedo i iye. 5 Dhanu mi Yebus ginywaru Daudi kumae: “Ibimondo keni tak de ngo!” Ento Daudi umaku ot ma tek mi Sayuni, ma kawoni utie Adhura pa Daudi. 6 Pieno Daudi uyero kumae: “Ng’atu ma kwong’a ma bilar goyo Juyebusi bidoko jatelwic* man jadit ma wijo.” Yoab ma wod Zeruya ular uidho ma kwong’a man edoko jatelwic. 7 E Daudi ucaku bedo i ot ma tekne. Eno re m’uketho julwong’e nia Adhura pa Daudi. 8 Ecaku giero adhura i ng’ete ceke, niai i kum Milo* nitundo i kabedo m’utieke, man Yoab ugiero dong adhurane kendo. 9 E tego pa Daudi uwotho medere ameda, man Yehova mir udul ubino karacelo kude.

10 Maeni gibino jutelwic mi jurumony ma gi jurukara pa Daudi, ma gidiko cing’gi ma tek mandha i kum bimobim pare karacelo ku Israel ceke pi nikethe ni ubimo nimakere ku lembe ma Yehova uyero pi Israel. 11 Maeni gi jurumony adek ma jurukara pa Daudi: Yacobeam ma wod Hakmoni, etie jadit mi jurumony adek ma gi jurukara. Nindo acel enego dhanu dak adek ku tong’ pare. 12 M’ulube ubino Eleazar ma wod Dodo ma Jaahohi. Ebino i kind jurumony adek ma gi jurukara. 13 Ebino karacelo ku Daudi i Pas-damim, kaka ma Jufilisti gicokiri i iye pi nikiedo lwiny. Nwang’u podho moko ubino nuti ma nganu ma juyuke bik i iye; man juaskari giringo Jufilisti. 14 Ento Eleazar ucungo i die podhone man ecero bang’ podhone. Emedere ninego Jufilisti, e Yehova umiyo aloci* ma dit.

15 Dhanu adek m’i kind jutelwic pier adek giloro i cana i bang’ Daudi kinde m’ebedo i oding’om mir Adulam, saa maeno nwang’u udul askari moko mi Jufilisti gigonjo i poga* mi Jurefaim. 16 Nwang’u Daudi ubedo i ka ma tek, man Jufilisti giketho kagonjo migi ma nok i Bethlehem. 17 I ng’eye, Daudi unyutho ava m’etie ko, ewacu kumae: “Aka, nwang’u akeamadh ndhu pii mi kulo m’atong’a m’i dhugang’ mi Bethlehem!” 18 E jurumony adek ma jurukara gikakiri i kagonjo mi Jufilisti man gitwomo pii kud i kulo m’atong’a ma n’i dhugang’ mi Bethlehem gidwogo ko ni Daudi; ento Daudi ukwero nimandhe man eoye i ng’om ni Yehova. 19 Eyero kumae: “Etie lembe ma copere ngo ira i wang’ Mungu para nia atim lembe maeni! Nyo acikara nimadhu rimb dhanu maeni ma giketho kwo* migi i ariti? Kum giketho kwo migi i ariti pi nikelo pii maeni.” Pieno, ekwero nimadhe. Eno tie lembe ma jurumony ma gi jurukara adek pa Daudi gitimo.

20 Abicai m’umin Yoab udoko jadit mi jurumony ma gi jurukara adek mange; enego dhanu dak adek ku tong’ pare, man en de pire ung’eyere nia e calu juadek ma kwong’a. 21 Kud i kind juadek mange, pire ung’eyere lee nisagu juario m’ebino jadit migi; re etundo ngo ka tiend juadek ma kwong’a.

22 Benaya ma wod Yehoyada ubino ng’atu ma cwinye tek,* man etimo lembe dupa ma dongo i Kabzeel. Enego awiya ma co ario pa Ariel mi Moab, eloro bende i vuj pii ecidh enego umvor i nindo mi pei. 23 Enego bende Jamisiri moko m’udongo lazangara mandha; edongo bot abic.* Nwang’u Jamisirine ubino ku tong’ ma dit i cinge ma calu yen pa jacwii kendi, re ecidho i dhoge kud uluth man emayu tong’ pa Jamisirine kud i cinge, e enege ku tong’ parene. 24 Eno tie lembe ma Benaya ma wod Yehoyada utimo, man en de pire ung’eyere nia etie calu jurumony adek ma gi jurukara. 25 Kadok nwang’u pire ung’eyere nisagu dhanu pier adek de, ento etundo ngo ka tiend jurumony adek ma jurukara. Re Daudi ukethe ni jadit mi jukur kume.

26 Jurumony ma jurukara mir udul askari ubino Asahel m’umin Yoab, Elhanan ma wod Dodo mi Bethlehem, 27 Camoth ma Jaharori, Helez ma Japeloni, 28 Ira ma wod Ikec ma Jatekoa, Abiezer ma Jaanathoth, 29 Sibekai ma Jahuca, Ilai ma Jaahohi, 30 Maharai ma Janetofa, Heled ma wod Baana ma Janetofa, 31 Ithai ma wod Ribai mi Gibea m’i ng’om mi suru pa Benjamin, Benaya ma Japirathon, 32 Hurai mi poga* mi Gac, Abiel mi Beth-araba, 33 Azmaveth mi Bahurim, Eliaba ma Jacalbim, 34 wot Hacem ma Jagizoni, Yonathan ma wod Cage ma Jaharari, 35 Ahiam ma wod Sakar ma Jaharari, Elifal ma wod Ur, 36 Hefer ma Jamekerathi, Ahiya ma Japeloni, 37 Hezro ma Jakarmel, Narai ma wod Ezbai, 38 Yoel m’umin Nathan, Mibhar ma wod Hagri, 39 Zelek ma Jaamon, Naharai ma Jaberoth m’ubino jayey jamlwiny pa Yoab ma wod Zeruya, 40 Ira ma Jaithri, Gareb ma Jaithri, 41 Uria ma Jahithi, Zabad ma wod Alai, 42 Adina ma wod Ciza mi suru pa Ruben m’ubino jatelwic mi dhanu mi suru pa Ruben, man dhanu pier adek karacelo kude; 43 Hanan ma wod Maaka, Yocafat ma Jamithni, 44 Uzia ma Jaactaroth, Cama man Yeiel ma gi wot Hotham ma Jaaroer, 45 Yediael ma wod Cimri, man Yoha m’umin ma Jatizi, 46 Eliel ma Jamahavi, Yeribai man Yocavia ma gi wot Elnam, man Ithma ma Jamoab, 47 Eliel, Obed, man Yasiel ma Jamezobai.

12 Maeni gi ju ma gicidho i bang’ Daudi i Ziklag kinde m’ebino ngo agonya niwotho nikum Saul ma wod Kic. Gibino i kind jurumony ma jurukara ma gikonye i lwiny. 2 Gibino weg athero, man gibed gitiyo ku cing’gi mir acwic ku mir acam bende pi ning’uro kidi ku lacur kunoke pi nikilo nying athero kud atumb athero. Gibino i kind umego pa Saul ma giai kud i Benjamin. 3 Jatelwic migi ubino Ahiezer, man Yoac ubino karacelo kude, gin zoo gibino wot Cema ma Jagibea; jumange ubino Yeziel giku Pelet ma gi wot Azmaveth, Beraka, Yehu ma Jaanathoth, 4 Icmaya ma Jagibeon m’ubino jaramony ma jarukara i kind dhanu pier adek, man ebino jatel wi dhanu pier adekne; bende Yeremia, Yahaziel, Yohanan, Yozabad ma Jagedera, 5 Eluzai, Yerimoth, Bealia, Cemaria, Cefathia ma Jaharif, 6 Elkana, Iscia, Azarel, Yoezer, man Yacobeam ma gi nyikway Kora; 7 man Yoela giku Zebadia ma gi wot Yeroham mi Gedor.

8 Dhanu moko mi suru pa Gad gidok i thenge pa Daudi man gicidho i bang’e kinde ma en’i ka ma tek i langa. Gibino jurumony ma jurukara man juaskari ma jutendo pi lwiny, gibino ayika saa ceke ku ban ma lac man ku tong’; wang’gi ubino ve wang’ umvor, man kumgi ubino rep calu kum amur iwi gudi. 9 Ezer ubino jatelwic, Obadia ubino mir arionde, Eliab mir adege, 10 Micmana mir ang’wende, Yeremia mir abije, 11 Atai mir abusiende, Eliel mir abirone, 12 Yohanan mir aborane, Elzabad mir abung’wende, 13 Yeremia mir apaje, man Makbanai mir apar acende. 14 Ju maeno gibino dhanu mi suru pa Gad, man gibino judongo mir udul askari. Ng’atu ma nyanok magwei i kindgi romo ka juaskari dak acel, man ng’atu ma dit m’i kindgi romo ka juaskari elufu acel (1 000). 15 Ju maeno re ma gigam gikadhu kulo Yordan i dwi mi kwong’o kinde m’epong’ lelele i ng’ete kun ku kun, man giriemo dhanu ceke ma gibed gikwo i poga, yo nyangu ku yo reto de.

16 Dhanu moko mi suru pa Benjamin man mi suru pa Yuda bende gibino i bang’ Daudi nwang’u en’i ka ma tek. 17 E Daudi ucidho i bang’gi man ewacu igi kumae: “Tekene wubino i bang’a ku kwiyocwiny pi nikonya, adundena biribere kudwu. Ento tek wubino pi niciba i cing’ judegina ma ke lembe ma rac m’atimo mbe, dong’ Mungu pa kwaruwa re m’unen man epok lembene.” 18 E tipo ubino iwi* Amasai ma jadit mi dhanu pier adek, man ewacu kumae:

“Wan wa dhanu peri, E Daudi, man watie karacelo kudi, E wod Yese.

E Daudi ujologi man ekethogi i kind judongo mir udul askari.

19 Dhanu moko mi suru pa Manase de gipiey gidok i bang’ Daudi kinde m’ebino karacelo ku Jufilisti pi nikiedo i dhu Saul; ento Daudi ukonyo ngo Jufilisti, pilembe kinde ma rwodhi mi Jufilisti ging’iyo i lembe i kindgi giloke edok, giwacu kumae: “Ebipiey ebidok i bang’ Saul ma rwoth pare, e nwang’u kwo mwa n’i ariti.”* 20 Saa ma Daudi ucidho i Ziklag, dhanu mi suru pa Manase m’ulubo e gipiey gidok i bang’e: Adna, Yozabad, Yediael, Mikael, Yozabad, Elihu, man Zilethai ma gi jutelwic mi dhanu elufu mi suru pa Manase. 21 Gikonyo Daudi pi ninyego i dhug udul weg ayeki, pilembe gin ceke gibino jurukara man dhanu ma cwinygi tek. Gidoko judongo mir udul askari. 22 Kubang’ nindo, dhanu gibed gibino i bang’ Daudi pi nikonye nitundo ma kagonjo pare udoko dit calu kagonjo pa Mungu.

23 Maeni en e wend judongo mi dhanu ma gibino ayika ku jamlwiny pi nikiedo, man ma gibino i bang’ Daudi i Hebron pi nidwoko ker pa Saul ire calku lembe ma Yehova ung’olo. 24 Dhanu mi Yuda ma gimaku ban ma lac man tong’ wendgi ubino elufu abusiel ku dak abora (6 800), gibino ayika ku jamlwiny migi pi nikiedo. 25 I suru pa Simeon, dhanu ma gi jurukara man ma cwinygi tek ma gibino i kind udul askari wendgi ubino elufu abiro ku dak acel (7 100).

26 I suru pa Lawi, dhanu elufu ang’wen ku dak abusiel (4 600). 27 Yehoyada ubino jatelwic mi wot Arun, man dhanu elufu adek ku dak abiro (3 700) gibino karacelo kude, 28 man bende Zadok ma tie jalawobi ma jarukara man ma cwinye tek, karacelo ku jutela pier ario wi ario mi thepacu pagi.

29 I suru pa Benjamin, dhanu ubino elufu adek (3 000) ma gin umego pa Saul; i wang’e ju ma pol m’i kindgi gibed gitielo lembe mi ot pa Saul ku cwinygi ceke. 30 I suru pa Efraim, dhanu ubino elufu pier ario ku dak abora (20 800) gibino jumaco ma jurukara, ma cwinygi tek man ma pigi ung’eyere i kind dhanu mi thepacu migi.

31 I nusu mi suru pa Manase, dhanu ubino elufu apar abora (18 000) ma julondogi kara gibin giketh Daudi ni ubimo. 32 I suru pa Isakar, ju ma gibed ging’iyo i lembe cuu man ma ging’eyo gin ma Israel ucikere nitimo gibino judongo dak ario man umego migi ceke ubino i the telowic migi. 33 I suru pa Zebulon, dhanu ubino elufu pier abic (50 000) ma gicopo bedo juaskari, man juponjogi nikperiri pi lwiny man nikiedo ku kwond jamlwiny ceke; gin zoo gidok i bang’ Daudi kud adunde m’uripo acel. 34 I suru pa Nafthali, jutelwic ubino elufu acel (1 000), man dhanu elufu pier adek wi abiro (37 000) ma gi weg ban ma lac ku tong’ gibino karacelo kugi. 35 I suru pa Dan, dhanu ubino elufu pier ario wi abora ku dak abusiel (28 600) ma gicopo kperiri pi lwiny. 36 Man i suru pa Acer, ju ma gicopo timo i kind udul askari man ma gicopo kperiri pi lwiny wendgi ubino elufu pier ang’wen (40 000).

37 Ju ma giai loka kulo Yordan kud i suru pa Ruben, pa Gad, man kud i nusu mi suru pa Manase gibino juaskari elufu dak acel ku pier ario (120 000) ma gi weg jamlwiny mi kwonde ceke. 38 Ju maeno zoo gibino jumaco ma kiedo lwiny ma gitie ayika nikiedo; gibino i Hebron kud adundegi ceke pi niketho Daudi ni ubimo iwi Israel ceke. Man dong Juisrael m’udong’ zoo giripo dhoggi acel ma gibemito* giketh Daudi ni ubimo. 39 E gibedo ku Daudi keca pi nindo adek ma gibecamu man gibemadhu, kum umego migi giyikiri pi nijologi. 40 Bende, ju ma gikwo ceng’ini kugi, man kadok ju ma gini bor cil i ng’om mi suru pa Isakar, Zebulon, man Nafthali de giyeyo cam iwi kana, iwi ngamia, iwi kit kana mange,* man iwi dhieng’ gibino ko; giyeyo mogo, mukathi mi nying ulam m’uthwo, man mi nying ulok m’uthwo, pigulok, mo, man dhieng’ ku rombe i kadhiri ma lee dit, kum Juisrael gibino kud anyong’a.

13 Daudi upenjo paru mi jutelwic mi dhanu elufu, jutelwic mi dhanu dak, man mi jutela ceke. 2 I ng’eye, Daudi uyero ni cokiri ceke mir Israel kumae: “Tekene etie lembe ma ber i weng’wu man tekene Yehova Mungu mwa de uyiyo, wek waor kwenda i bang’ dong umego mwa ma gidong’ i kabedo ceke mir Israel, man i bang’ julam bende ku Julawi i adhura migi man i luba migi, kara gibin gidikiri kudwa. 3 Man dong’ wakelu Sanduku pa Mungu mwa keni.” Kum nwang’u jubed judieng’ kude ngo i nindo pa Saul. 4 E cokiri ceke uyiyo lembene, kum ebino lembe m’atira i wang’ dhanu zoo. 5 Daudi ugam ucoko dhu Israel ceke niai i kulo* mi Misiri nitundo i Lebo-hamath,* kara gigam Sanduku pa Mungu mandha kud i Kiriath-jearim.

6 Daudi ku Israel ceke gicidho i Bala i Kiriath-jearim, ma nwang’ere i Yuda pi nigamu Sanduku pa Yehova Mungu mandha m’ujany malu iwi* jukerubi, Sanduku ma dhanu lwong’o nyinge i wiye. 7 Ento giketho Sanduku pa Mungu mandha iwi magali ma nyen man gigame kud i ot p’Abinadab. Uza gikud Ahio re ma gibino telo wi magaline. 8 Daudi ku Juisrael ceke gibino timo foc i wang’ Mungu mandha ku tego migi ceke, ma gibewer, gigoyo adungu ku jamgoyo wer mange ma juthondhe, nyithi vul, ku jamgoyo wer ma woy awoya, man agwara. 9 Ento kinde ma gitundo i lela mi fwodo cam pa Kidon, dhieng’ uyenyo redho Sandukune, e Uza urieyo cinge man emake. 10 Ng’eicwiny pa Yehova ugam uopo i kum Uza man egoye, pilembe erieyo cinge i kum Sanduku, e etho keca i wang’ Mungu. 11 Ento ng’eicwiny umaku* Daudi pilembe kwinyo pa Yehova ucorere iwi Uza; man julwong’o kabedo maeno nia Perez-uza* cil tin.

12 E lworo umaku Daudi i kum Mungu mandha cing’ nica man ewacu kumae: “Eni ke dong’ acopo dwogo Sanduku pa Mungu mandha i bang’a nenedi?” 13 Pieno, Daudi utero ngo Sandukune kaka m’ebedo i iye i Adhura pa Daudi, ento eketho jutere i ot pa Obed-edom ma Jagath. 14 Sanduku pa Mungu mandha ubedo karacelo ku juruot pa Obed-edom, ebedo i ot pare pi dwi adek; man Yehova ubed umiyo mugisa ni juruot pa Obed-edom ku piny pare ceke.

14 Hiram m’ubimo mi Turo uoro jukwenda i bang’ Daudi karacelo ku yend tido, ku jubodho mi giedo ma ku kidi,* man jubodho mi bau pi nigiero ot* ire. 2 E Daudi unyang’ nia Yehova uketho ker pare ucungo nging’ nging’ iwi Israel, kum ker pare udodere malu pi bero mi dhanu pare Israel.

3 Daudi ugamu mon dupa i Yeruzalem, man enyolo awiya ma co ku ma nyir dupa. 4 Awiya m’unyoliri ire i Yeruzalemne nying’gi ni e: Camua, Cobab, Nathan, Suleman, 5 Ibhar, Elicua, Elpelet, 6 Noga, Nefeg, Yafia, 7 Elicama, Beliada, man Elifelet.

8 Kinde ma Jufilisti giwinjo nia juwiro Daudi ni ubimo iwi Israel ceke, gin ceke gibino pi nisayu kaka Daudi. Saa ma Daudi uwinjo lembene, ewok ecidho i kumgi. 9 Kinde ma Jufilisti gitundo, gicaku yaku dhanu ma bedo i poga* mi Jurefaim. 10 Daudi ugam upenjo Mungu kumae: “Nyo ukwayu acidh i kum Jufilisti? Nyo ibiwok miyogi i cinga?” E Yehova udwoko ire kumae: “Cidhi, abimiyogi i cingi andha.” 11 Pieno, Daudi uidho i Baal-perazim man ewok eloyogi kuca. E Daudi uyero kumae: “Mungu mandha ukaku kind judegina nikadhu kud i cinga calu pii ma kaku piny.” Eno re m’uketho julwong’o nying’ kabedone nia Baal-perazim.* 12 Jufilisti giweko mungu migi keca, e Daudi ung’olo nia juwang’gi cen, man juwang’ugi ku mac.

13 I ng’eye, Jufilisti gibin giyaku piny kendo i poga.* 14 E Daudi upenjo Mungu kendo, ento Mungu mandha uwacu ire kumae: “Kud iriem tokgi atira atira. Ento kadh ku yor i ng’eygi man icor i wigi ku yor i wang’ luli mi baka. 15 Saa m’iwinjo ba tielo iwi luli mi baka ma calu ba tiend udul dhanu ma gibewotho, cak lwiny wang’ acel, kum nwang’u Mungu mandha udaru kadhu i weng’i pi ninego udul askari mi Jufilisti.” 16 Daudi utimo tap calu ma Mungu mandha ung’olo ire, man ginego udul askari mi Jufilisti niai i Gibeon nicidho i Gezer. 17 Pi Daudi uyik i ng’ombe ceke, man Yehova uketho lworo pare iwi thek ceke.

15 Daudi umedere nigiero ire udi i Adhura pa Daudi, bende eyiko kaka ma jubiketho Sanduku pa Mungu mandha i iye, man eguro hema pi Sandukune. 2 E Daudi uwacu kumae: “M’uweko Julawi, ng’atu mange mbe m’ucikere niyeyo Sanduku pa Mungu mandha, kum gin re ma Yehova ung’iyogi kara giyey Sanduku pa Yehova man gitim ire saa ceke.” 3 Daudi ugam ucoko dhu Juisrael ceke i Yeruzalem kara gikel Sanduku pa Yehova kaka m’eyiko pire.

4 Daudi ucoko dhu nyikway Arun ku Julawi. 5 Kud i kind nyikway Kohath, Uriel ma jatelwic kud umego pare dak acel pier ario; 6 kud i kind nyikway Merari, Asaya ma jatelwic kud umego pare dak ario pier ario; 7 kud i kind nyikway Gercom, Yoel ma jatelwic kud umego pare dak acel pier adek; 8 kud i kind nyikway Elizafan, Cemaya ma jatelwic kud umego pare dak ario; 9 kud i kind nyikway Hebron, Eliel ma jatelwic kud umego pare pier abora; 10 kud i kind nyikway Uziel, Aminadab ma jatelwic kud umego pare dak acel kud apar ario. 11 M’umedo maeno, Daudi ulwong’o Zadok gikud Abiathar ma gi julam man Uriel, Asaya, Yoel, Cemaya, Eliel, man Aminadab ma gi Julawi, 12 man eyero igi kumae: “Wun wu jutelwic mi thepacu mi Julawi. Wudwokuru giwu leng’, wun kud umego mwu, man wuyey Sanduku pa Yehova Mungu mir Israel wuter kaka m’ayiko pire. 13 Wang’ ma kwong’a kinde ma wuyeye wun ungo, ng’eicwiny pa Yehova Mungu mwa uopo i kumwa, pilembe wayenyo ngo yore m’atira mi yeye.” 14 Pieno, julam ku Julawi gidwokiri gigi leng’ pi nitero Sanduku pa Yehova Mungu mir Israel.

15 I ng’eye, Julawi giyeyo Sanduku pa Mungu mandha iwi gokgi ku ramakne tap calu ma Musa ular ung’olo calku lembe pa Yehova. 16 E Daudi uyero ni jutelwic mi Julawi nia giketh umego migi gibed ni juruwer kara gibed giwer kud anyong’a, ma nwang’u gibegoyo jamgoyo wer ma juthondhe, adungu, man jamgoyo wer ma woy awoya.

17 Pieno, Julawi ging’iyo Heman ma wod Yoel kud i suru migi, man bende Asaf ma wod Berekia, man Ethan ma wod Kucaya ma nyakwar Merari. 18 Karacelo kugi ubino umego migi mir ungu mir ario: Zekaria, Ben, Yaziel, Cemiramoth, Yehiel, Uni, Eliab, Benaya, Maseya, Matithia, Elifelehu, man Mikneya, Obed-edom, ku Yeiel ma gi jukur dhugang’. 19 Heman, Asaf, man Ethan ma gi juruwer; gibed gigoyo jamgoyo wer ma woy awoya mi mola; 20 man Zekaria, Aziel, Cemiramoth, Yehiel, Uni, Eliab, Maseya, man Benaya gibed gigoyo jamgoyo wer ma juthondhe ma juciko dwande malu;* 21 man Matithia, Elifelehu, Mikneya, Obed-edom, Yeiel, ku Azazia gibed gigoyo adungu ma juciko dwande piny* pi nitelo wi wer. 22 Kenania ma jatelwic mi Julawi ubed uneno wi tic mi yeyo Sanduku, kum eng’eyo tije cuu, 23 man Berekia giku Elkana gibino jukur dhugang’ ma gitimo ceng’ini ku Sanduku. 24 Cebania, Yocafat, Nethanel, Amasai, Zekaria, Benaya, man Eliezer ma gi julam gibed gikudho agwara ma tek i wang’ Sanduku pa Mungu mandha, Obed-edom giku Yehiya bende gibino jukur dhugang’ ma gibed gitimo ceng’ini ku Sanduku.

25 Daudi ku judongo mir Israel man jutelwic mi dhanu elufu gigam gicidho ku mutoro ma dit pi nigamu sanduku mi lembariba pa Yehova kud i ot pa Obed-edom. 26 Calu ma Mungu mandha ukonyo Julawi ma giyeyo sanduku mi lembariba pa Yehova, jugam juthiero nyithi thwoni dhieng’ abiro man nyogi rombe abiro. 27 Nwang’u Daudi ukendo bongu ma leng’ ma bote mbe, Julawi ceke ma giyeyo Sanduku, juruwer, man Kenania ma jatelwic mi ju m’uyeyo Sanduku man mi juruwer de gikendiri kumeno; Daudi ukendo bende efodh* mi bongu ma nwang’. 28 Juisrael ceke gibino cidho ku sanduku mi lembariba pa Yehova ma gibekok kud anyong’a man gibekudho kit agwara ma tung’ tung’, gibegoyo jamgoyo wer ma woy awoya, man gibegoyo jamgoyo wer ma juthondhe man adungu ubewak ma tek.

29 Ento saa ma sanduku mi lembariba pa Yehova utundo i Adhura pa Daudi, Mikal ma nyaku pa Saul ukemo kud i wang’ madhirisa man eneno Ubimo Daudi ubepor malu man ebetimo foc;* e ecaku caye i adundene.

16 Gigam giroyo Sanduku pa Mungu mandha i hema ma Daudi uguro pire man gikethe i iye; man githiero lam m’awang’a ku lam mi kwiyocwiny i wang’ Mungu mandha. 2 Saa ma Daudi udaru nithiero lam m’awang’a man lam mi kwiyocwiny, emiyo mugisa ni dhanu ku nying’ Yehova. 3 Bende, epoko mukathi ma nguIu ngulu, mukathi ma juyiko ku nying ngasi, man mukathi ma juyiko ku nying ulok acel acel ni Juisrael ceke, ni jumaco ceke man ni jumamon ceke. 4 I ng’eye, eketho Julawi moko pi nitimo i wang’ Sanduku pa Yehova, niyungo* Yehova Mungu mir Israel, nidwoko ire foyofoc, man nipake. 5 Asaf ubino jatelwic, man ng’atu m’ulube ubino Zekaria; Yeiel, Cemiramoth, Yehiel, Matithia, Eliab, Benaya, Obed-edom, man Yeiel gibed gigoyo jamgoyo wer ma juthondhe kud adungu; man Asaf ubed ugoyo jamgoyo wer ma woy awoya, 6 Benaya giku Yahaziel ma gi julam ke gibed gikudho agwara i wang’ sanduku mi lembariba pa Mungu mandha.

7 Cing’ nica re ma Daudi upangu wer ma kwong’a mi dwoko foyofoc ni Yehova, man etelo wi Asaf kud umego pare nia giwere kumae:

10 Wuyunguru pi nyinge ma leng’.

Wek anyong’a neg adunde ju m’uyenyo Yehova.

11 Wusay ka Yehova man tego pare.

Wuyeny wang’e* saa ceke.

14 Etie Yehova Mungu mwa.

Pokolembe pare timere iwi ng’om zoo.

23 Wuwer ni Yehova, wu ng’om ceke!

Wunyuth pi both pare kubang’ rupiny kubang’ rupiny!

25 Kum Yehova e dwong’ man eromo ku pak lee.

Eromo julwore nisagu mungu mange ceke.

Wurum piny ni* Yehova ma wurukuru ma leng’.*

30 Kumwu miel i wang’e, wu ng’om ceke!

Ng’om* ucungo nging’ nging’; ecopo yengere ngo.*

E dhanu ceke giwacu kumae: “Amen!”* man gipaku Yehova.

37 I ng’eye, Daudi uweko Asaf man umego pare keca i wang’ sanduku mi lembariba pa Yehova, kara gitim i wang’ Sandukune saa ceke calu ma jubed jutimo kubang’ rupiny. 38 Obed-edom man umego pare ma wendgi pier abusiel wi abora man Obed-edom ma wod Yeduthun ku Hosa gibino jukur dhugang’; 39 man Zadok ma jalam ku julam wagi mange gibino i wang’ hema mi thier pa Yehova m’ubino i kaka ma malu i Gibeon, 40 kara gibed githier lam m’awang’a ni Yehova iwi pemlam mi lam m’awang’a nja kugweno kud uthieno, man kara gitim lembe ceke ma jukiewo i Cik pa Yehova m’eng’olo ni Israel. 41 Heman giku Yeduthun de gibino karacelo kugi man dong dhanu ma julondo ma jukwanugi ku nying’gi pi nifoyo Yehova, pilembe “mer pare ma lokere ngo bedo rondo ku rondo”; 42 Heman giku Yeduthun gibed gikudho agwara, jamgoyo wer ma woy awoya, man jamgoyo wer mange ma jupaku ko Mungu mandha; wot Yeduthun ke gibed gikuro dhugang’. 43 I ng’eye, dhanu ceke gidok i pacu migi, man Daudi de dok pi nimiyo mugisa ni juruot pare.

17 Saa ma Daudi udaru bedo i ot pare gire ci, e eyero ni jabila Nathan kumae: “Abekwo i ot mi yend tido ma kun ke sanduku mi lembariba pa Yehova n’i the hema mi bongu.” 2 Nathan udwoko ni Daudi kumae: “Tim gin moko ci ma n’i adundeni, kum Mungu mandha ni kudi.”

3 Diewor nica, lembe pa Mungu ubino i bang’ Nathan, m’uwacu kumae: 4 “Cidh i bang’ jatic para Daudi man iyer ire nia, ‘Yehova uwacu kumae: “In ungo re m’ibigiero ira ot m’abibedo i iye. 5 Kum akwo ngo i ot niai i nindo m’awodho iye Israel nitundo tin, ento abed aai i hema ma e adok i hema ma kucelo man abed aai kud i hema mi thier ma e adok i hema mi thier ma kucelo.* 6 I kind nindo ceke m’awotho karacelo kud Israel ceke, nyo kud i kind jupoklembe mir Israel m’ang’iyo nia gikway dhanu para Israel, ayero ni ng’atu moko de nia, ‘pirang’o igiero ngo ira ot mi yend tido?’”’

7 “Kawoni yer ni Daudi ma jatic para nia, ‘Yehova mir udul uwacu kumae: “Agemi kud i luba, ku kaka m’ibino kwayu iye rombe kara idok jatela mi dhanu para Israel. 8 Abibedo kudi kakare ceke m’ibecidho i iye, man abikabu judegi peri ceke kud i weng’i; abiketho bende nyingi bibedo calu nying’ dhanu ma dongo mi ng’om. 9 Abimiyo kabedo ni dhanu para Israel man abiketho gibibedo i iye. Gibikwo i iye keca ma gin moko mbe ma bisendogi kendo, man jutimrac de bisendogi* ngo kendo calu ma gibed gitimo i wang’e, 10 niai i nindo m’aketho jupoklembe iwi dhanu para Israel. Man abiketho jukwor peri ceke gibed i the loc peri. M’umedo maeno, awacu iri nia, ‘Yehova bimiyo ker* ni ot peri.’

11 “‘“Kinde ma nindo peri utundo i ajikine man icidho pi nibedo karacelo ku kwaru peri, abiketho kodhi peri, niwacu ng’atu acel m’i kind woti ma buu ni ubimo i ng’eyi, man abiketho ker pare bicungo ma tek. 12 En re m’ebigiero ot ira man abiketho komker pare bicungo ma tek pi nja. 13 Abidoko won man ebidoko woda. Abikabu ngo mer para ma lokere ngo kud i bang’e, calu m’akabe ko kud i bang’ ng’atu m’ular ubino i weng’i. 14 Abikethe ni jawi ot para man abiketho ebibedo iwi ker para pi nja, man komker pare biriyo rondo ku rondo.”’”

15 Nathan ukoro lembe maeni ceke ku gin ma wok i wang’ maeni ceke ni Daudi.

16 E Ubimo Daudi umondo man ebedo i wang’ Yehova, eyero kumae: “E Yehova Mungu, an a ng’a? Kadi ot para en ang’o m’itimo ko ira lembe lee rukeni e? 17 E Mungu, udong’ ubedo ve maeni de fodi uromo ngo, iweco bende pi ot pa jatic peri nitundo i anyim ma bor, man inena ve nia atie ng’atu m’uromo ku yung nisagu,* E Yehova Mungu. 18 Dong’ an a jatic peri Daudi, acopo yero iri ang’o mange pi yung m’imiyo ira ma ke ing’eyo jatic peri cuu dit e? 19 E Yehova, pi jatic peri man pilembe adundeni uyenyo, itimo gin ma dongo maeni ceke m’inyutho ko dwong’ peri. 20 E Yehova, ng’atu moko mbe ma calu in; kadok nwang’u wawinjo pi mungu mange dupa de, re Mungu moko mbe m’uweko in. 21 Man thek mange ma kani iwi ng’om ma tie ve dhanu peri Israeli? E Mungu mandha, icidho man iwarugi kara gibed dhanu peri. Iketho nyingi ung’eyere nikadhu kud i giki ma dongo man ma wang’u ijo m’itimo, m’iriemo ko thek kud i wang’ dhanu peri m’iwaru kud i Misiri. 22 Iketho Israel udoko dhanu peri pi nja; man in, E Yehova, idoko Mungu migi. 23 Kawoni, E Yehova, dong’ lembe m’ing’olo pi jatic peri man pi ot pare ubed mandha pi nja, man dong’ itim tap calu m’ing’olo. 24 Dong’ nyingi ubed rondo ku rondo* man jupake pi nja, kara dhanu giyer nia, ‘Yehova mir udul ma en e Mungu mir Israel, tie Mungu iwi Israel,’ man dong’ ot pa jatic peri Daudi ucung ma tek i weng’i. 25 Kum in, Mungu para, inyutho ni jatic peri nia ibemito miyo ker* ni ot pare. Eno re m’uketho jatic peri unwang’u tegocwiny mi rwo i beng’i kumeni. 26 Man kawoni, E Yehova, in i Mungu mandha, man ing’olo lembe ma beco maeni pi jatic peri. 27 Dong’ enyay mutoro i ii nimiyo mugisa iwi ot pa jatic peri, man otne umedere pi nja i weng’i; kum in, E Yehova, ipoko mugisa iwi ot pa jatic peri man mugisa bibedo i wiye pi nja.”

18 I ng’ey nindo moko, Daudi ukiedo ku Jufilisti man eloyogi, e emayu Gath ku nyithindh adhura m’i ng’ete* kud i cing’ Jufilisti. 2 I ng’eye, Daudi uloyo Moab, e Jumoab gidoko jutic pare man gibed gikelo ire ajok.

3 Daudi uloyo Ubimo Hadadezer mi Zoba ceng’ini kud Hamath kinde ma nwang’u Ubimone ubecidho pi niketho bimobim pare ucung ma tek i ng’om mi dhu Kulo Efrath. 4 Daudi umaku magali pare elufu acel (1 000), juaskari elufu abiro (7 000) ma giringo ku riuni,* man juaskari elufu pier ario (20 000) ma giwotho ku tiendgi. I ng’eye, Daudi utong’o ler mi tok tiend riuni mange ceke, ento eweko dak acel kende ma ringo ku magali. 5 Kinde ma Jusiria mi Dameski gibino konyo Ubimo Hadadezer mi Zoba, Daudi unego Jusiria elufu pier ario wi ario (22 000). 6 I ng’eye, Daudi uketho nyithi kagonjo i Siria mi Dameski, man Jusiria gidoko jutic pa Daudi man gibed gikelo ire ajok. Yehova umiyo aloci* ni Daudi kaka moko ci m’ecidho i iye. 7 Bende, Daudi umayu ban ma ngulu ngulu mi mola ma kwar kud i bang’ jutic pa Hadadezer man edwogo kugi i Yeruzalem. 8 Daudi ucoko mola lee dit kud i Tibhath man kud i Kun ma gin adhura pa Hadadezer. Ku mola maeno, Suleman uyiko Nam mi mola, mbegi, man ajeni mi mola.

9 Kinde m’Ubimo Thou mi Hamath uwinjo nia Daudi uloyo udul mony p’Ubimo Hadadezer mi Zoba ceke, 10 ndhu ndhu egam eoro wode ma Hadoram i bang’ Ubimo Daudi pi nipenje nia etie nenedi man pi nifoye pilembe ekiedo kud Hadadezer man eloye (kum Hadadezer ubed ukiedo wang’ ma pol i dhu Thou), man ekelo ire kwond jamtic ceke ma juyiko ku mola ma kwar, mola ma tar, man mola. 11 Ubimo Daudi uthiero piny maeni de ni Yehova, tap calu m’elar ethiero mola ma tar ku mola ma kwar m’egam eyaku kud i bang’ thek ma e: kud i Edom man Moab, kud i bang’ Juamon, Jufilisti, man Juamalek.

12 Abicai ma wod Zeruya unego Juedom elufu apar abora (18 000) i Poga mi kadu. 13 Eketho nyithi kagonjo i Edom, man Juedom ceke gidoko jutic pa Daudi. Yehova umiyo aloci* ni Daudi kaka moko ci m’ecidho i iye. 14 Daudi umedere nibimo wi Israel ceke, man ebed epoko lembe mi dhanu pare ceke atira man pwe. 15 Yoab ma wod Zeruya ubino jadit mir udul askari, Yehocafath ma wod Ahilud ubino jagor lemkei, 16 Zadok ma wod Ahitub gikud Ahimelek ma wod Abiathar gibino julam, man Cavca ubino jagor. 17 Benaya ma wod Yehoyada ubino jatel wi Jukerethi man Jupelethi. Man wot Daudi gibino ju ma kwong’a i ng’ey ubimo.

19 I ng’eye, Nahac m’ubimo mi Juamon utho, man wode udoko ubimo kakare. 2 E Daudi uyero kumae: “Abinyutho mer ma lokere ngo ni Hanun ma wod Nahac, pilembe won de unyutho ira mer ma lokere ngo.” Pieno Daudi uoro jukwenda pi nicijuko cwinye pi tho pa won. Ento kinde ma jutic pa Daudi gitundo i ng’om mi Juamon pi nijuko cwiny Hanun, 3 judongo ma wijo mi Juamon giyero ni Hanun kumae: “Iparu nia Daudi ubeyungo wuru ayunga m’uketho eoro dhanu ubin ujuk cwinyi? Nyo eoro ngo jutic pare i beng’i nibino yenyo lembe mi ng’ombuni cuu mandha man nilibe kara ginyothi ceni?” 4 E Hanun umaku jutic pa Daudi, enyaru yir tikgi man ethumo bongu migi puu kud i diere iwi adhiggi, e eriemogi gidok. 5 Saa ma jukoro lembe m’utimo dhanu maeno ni Daudi, e wang’ acel eoro jumange ucidh urombo kugi, pilembe nwang’u junyayu lewic i wigi lee mandha; man ubimo uyero igi kumae: “Wubed i Yeriko nitundo ma yir tikwu bidongo kendo, ka wubidwogo.”

6 I ng’ey kare, Juamon gineno nia ng’wicgi udoko tik ni Daudi, e Hanun man Juamon gioro mola ma tar talanto* elufu acel (1 000) pi nicipangu magali man juring riuni i Mezopothamia,* i Aram-maka, man i Zoba. 7 E gipangu magali elufu pier adek wi ario (32 000), karacelo kud ubimo mi Maaka man dhanu pare. I ng’eye gitundo man giketho kagonjo migi i wang’ Medeba. Juamon gicokiri karacelo kud i adhura migi man giwok woko pi nikiedo lwiny.

8 Saa ma Daudi uwinjo lembene, eoro Yoab i kumgi karacelo kud udul askari ceke, uketho i iye bende jurumony pare ma tek nisagu. 9 Juamon gigam giwok woko man gikperiri pi lwiny i kamondo mir adhura migi, i saa ma rom eno jubim ma gibino gilund gikperiri migi i lum.

10 Kinde ma Yoab uneno nia judhoggi ubebino i kume ku yor i wang’e man ku yor i ng’eye, eng’iyo juaskari moko ma tek mir Israel man ekperogi pi nikiedo i dhu Jusiria. 11 Emiyo dong juaskari mange i cing umin ma Abicai, kara ekpergi pi nikiedo i dhu Juamon. 12 Eyero ire kumae: “Tek Jusiria gidoko tek nisaga, e ibin ilara; ento tek Juamon gidoko tek nisegi, abibino leri. 13 Ubekwayu wabed tek man cwinywa de ubed tek pi dhanu mwa man pir adhura pa Mungu mwa, e Yehova bitimo gin ma ber i wang’e.”

14 Pieno Yoab karacelo ku dhanu pare gicoro pi nikiedo i dhu Jusiria, ento Jusiria giringo kud i wang’e. 15 Kinde ma Juamon gineno nia Jusiria giringo, gin bende giringo kud i wang’ Abicai m’umin Yoab man gidok i adhura migi. I ng’ey lembe maeno, Yoab udwogo i Yeruzalem.

16 Saa ma Jusiria gineno nia Juisrael uloyogi, gioro jukwenda ucidh uwaku Jusiria ma gibedo i ng’om mi dhu Kulo.* Cofak ma jadit mir udul askari pa Hadadezer re m’ubino telo wigi.

17 Kinde ma judwoko lembene ni Daudi, e ndhu ndhu ecoko dhu juaskari mir Israel ceke, gikadhu kulo Yordan man gitundo i bang’gi, e gikperiri pi lwiny pi nikiedo i dhoggi. Daudi ukpero juaskari pare pi nikiedo i dhu Jusiria man Jusiria de gikiedo i dhoge. 18 Ento Jusiria giringo kud i wang’ Israel; man Daudi unego juaskari mi Jusiria elufu abiro (7 000) ma giringo ku magali, man juaskari elufu pier ang’wen (40 000) ma giwotho ku tiendgi. Enego bende Cofak ma jadit mir udul askari migi. 19 Kinde ma jutic pa Hadadezer ceke gineno nia Juisrael uloyogi, gitimo kwiyocwiny pio pio ku Daudi man gitimo ire; e Jusiria gimito ngo gikony Juamon kendo.

20 I caku pa oro,* i nindo ma jubim gibed gicidho i iye i lwiny, Yoab utelo wi juaskari pi nicidho kugi i lwiny man ginyotho ng’om mi Juamon; etundo i kum adhura mi Raba man gitieke, saa maeno nwang’u Daudi udong’ i Yeruzalem. Yoab ukiedo i kum Raba man erwombe. 2 I ng’eye, Daudi uting’o jamker mi wic kud i wi Malkam, man enwang’u nia pek mi jamker mi wicne ubino talanto acel* mi mola ma kwar, juruke bende ku kidi ma pigi tek; e jukethe iwi Daudi. Bende, ecoko jambayeki lee kud i adhurane. 3 Ecoko bende dhanu m’ubino i adhurane man ekethogi nitimo tic ku sii mi thumo kidi, ku jamtic mi cuma ma lakgi bith, man ku ley. Eno ubino gin ma Daudi utimo i kum adhura ceke mi Juamon. Tokcenne, Daudi kud udul askari ceke gidok i Yeruzalem.

4 I ng’ey lembe maeno, lwiny utuk i kind Juisrael ku Jufilisti i Gezer. I saa maeno Sibekai ma dhanu mi Huca unego Sipai m’ubino nyakwar Jurefaim, e giketho Jufilisti i the loc migi.

5 Lwiny udok utuk kendo ku Jufilisti, man Elhanan ma wod Yair unego Lami m’umin Goliath ma Jagath, m’ubino ku tong’ ma yende dit ve yen pa jacwii kendi.

6 I ng’eye, lwiny utuk kendo i Gath, kaka ma jalwo moko m’udongo lazangara mandha ubino i iye; nyig cinge ubino abusiel abusiel man nyig tiende de abusiel abusiel, ceke wendgi ubino pier ario wi ang’wen; en de ebino nyakwar Jurefaim. 7 Ebed eroko Israel saa ceke. Pieno Yonathan ma wod Cimea m’umin Daudi unege cen.

8 Ju maeni gibino nyikway Jurefaim mi Gath. Daudi man jutic pare re ma ginegogi.

21 E Sitani* ucungo i dhu Israel man ecwayu wang’ Daudi nikwanu wend Juisrael. 2 Pieno, Daudi uwacu ni Yoab man ni judongo mi dhanu kumae: “Wucidhi, man wukwan Juisrael niai i Ber-ceba nitundo i Dan; i ng’eye wudwog wunyuth ira wendgi kara ang’ey.” 3 Ento Yoab uyero kumae: “Wek Yehova unyay wend dhanu pare wang’ dak acel! Rwoth para ubimo, nyo dong’ dhanu maeni ceke gitie ngo jutic peri? E rwoth para, pirang’o ibemito timo lembe ma kumeni? Pirang’o ibeketho Israel udubi?”

4 Ento ubimo ukwero niwinjo Yoab. E Yoab ucidho man ewotho i Israel ceke, i ng’eye, edwogo i Yeruzalem. 5 Yoab ugam udwoko wend dhanu ma gikwanu i bang’ Daudi. Wend jumaco ceke mir Israel ma gi weg palamularu ubino milion acel kud elufu dak acel (1 100 000), man wend jumaco mi Yuda ma gi weg palamularu ke ubino elufu dak ang’wen ku pier abiro (470 000). 6 Ento jukwanu ngo suru pa Lawi man suru pa Benjamin, pilembe ng’ol p’ubimo ufoyo ngo i Yoab.

7 Lembe maeno uton lee dit i Mungu mandha, e egoyo Israel. 8 Daudi ugam uwacu ni Mungu mandha kumae: “Atimo dubo ma dit m’akwanu ko dhanu. Dong’ kawoni akweyi, wek kosa pa jatic peri, kum atimo lemkasegu ma lee dit.” 9 I ng’eye, Yehova uweco i bang’ Gad ma jaewlembe pa Daudi, ewacu kumae: 10 “Cidh iyer ni Daudi nia, ‘Yehova uwacu kumae: “Abeketho matira adek i weng’i. Ng’ii nia akel ma kani i wii.”’” 11 E Gad umondo i bang’ Daudi man eyero ire kumae: “Yehova uwacu kumae: ‘Tim ng’iyong’ic: 12 Nyo ukwayu ndru upodhi pi oro adek, kunoke pi dwi adek jukwor peri givoyi man judegi peri gigoyi ku palamularu migi, kunoke nyo pi nindo adek malaika pa Yehova utii ku palamularu pa Yehova man egoy Israel ceke ku thong’om ma binego dhanu lee i ng’om maeni?’ Kawoni ng’ii cuu lembe m’ukwayu adwok ni Ng’atu m’uora.” 13 E Daudi uwacu ni Gad kumae: “Cwinya ung’abere lee dit. Timba apodh i cing’ Yehova, kum kisa pare tie dit akeca; ento kud apodh i cing’ dhanu ki.”

14 Yehova ugam uoro thong’om iwi Israel, e dhanu mir Israel elufu pier abiro (70 000) githo. 15 M’umedo maeno, Mungu mandha uoro malaika i Yeruzalem kara enyothe; ento kinde m’ebemito nyothe, Yehova uneno man can umake* pi thong’om m’ekelo iwi dhanu, man eyero ni malaika ma nwang’u ubekelo nyothne kumae: “Eromo! Kawoni lor cingi.” Nwang’u malaika pa Yehova ne ucungo ceng’ini ku lela mi fwodo cam pa Ornan ma Jayebusi.

16 Kinde ma Daudi uting’o wang’e, eneno malaika pa Yehova ucungo i kind ng’om ku polo m’emaku palamularu m’ewodho kud i ukorone erieyo yor i Yeruzalem. E ndhu ndhu Daudi ku judongo ma nwang’u gikendo kendi mi saki gipodho arieba wang’gi i ng’om. 17 Daudi ugam uyero ni Mungu mandha kumae: “Nyo tie an ungo re m’awacu nia jukwan dhanu? An re m’adubo man an re m’atimo lembe ma rac; ento rombe maeni e ke gitimo ang’o? E Yehova Mungu para, akweyi, wek cingi ubin i wiya an man iwi ot pa vwa; ento kud ikel goco maeni iwi dhanu peri.”

18 E malaika pa Yehova uwacu ni Gad nia eyer ni Daudi uidh malu man egier pemlam ni Yehova i lela mi fwodo cam pa Ornan ma Jayebusi. 19 Pieno Daudi uidho malu calku lembe pa Gad m’eyero ku nying’ Yehova. 20 I saa maeno, nwang’u Ornan ubefwodo nganu, e elokere man eneno malaika. Wote ang’wen ma nwang’u gibino karacelo kude gigam gipondo. 21 Kinde ma Daudi uidho i bang’ Ornan, Ornan ugam uneno Daudi; e ndhu ndhu eai kud i lela mi fwodo cam man ecidh erum, epodho arieba wang’e i ng’om i wang’ Daudi. 22 E Daudi uyero ni Ornan kumae: “Lwor* ira kaka ma lela mi fwodo cam peri n’i iye, kara agier pemlam ni Yehova keca. Lwore ira i beine ma tap, kara thong’om m’ubenego dhanu ujiki.” 23 Ento Ornan uyero ni Daudi kumae: “Game iri, E rwoth para ubimo, man tim gin ma ber i weng’i. Nen, abemiyo iri dhieng’ m’iromo thiero ni lam m’awang’a; jamfwodo cam ku mberembere mi dhieng’ de ni e m’iromo tiyo kugi ni yen mi mac, nganu de ni e m’iromo thiero ni girathiera mi nying cam. Abemiyo piny maeno zoo iri.”

24 Ento Ubimo Daudi udwoko ni Ornan kumae: “Ungo, ukwayu ang’iewe i beine ma tap, kum abigamu ngo piny peri nia amii ni Yehova, kadi abithiero ngo lam m’awang’a m’ucamu ngo jamcinga.” 25 Pieno Daudi umiyo ni Ornan mola ma kwar ma pekne cekel* dak abusiel pi ning’iewo kaka maeno. 26 E Daudi ugiero pemlam keca ni Yehova man ethiero lam m’awang’a ku lam mi kwiyocwiny i wiye. Daudi ugam ukwayu Yehova, man edwoko ire lembe; eoro mac kud i polo uloro iwi pemlam mi lam m’awang’a. 27 E Yehova ung’olo ni malaika nia edwok palamularu pare i ukorone. 28 Kinde ma Daudi uneno nia Yehova udwoko wang’ rwo pare i lela mi fwodo cam pa Ornan ma Jayebusi, emedere nithiero lam keca. 29 Ento i saa maeca, nwang’u hema mi thier pa Yehova ma Musa uyiko i langa man pemlam mi lam m’awang’a gibino i kaka ma malu i Gibeon. 30 Re Daudi ubed ucidho ngo kuca pi nipenjo Mungu, kum lworo ubino nege lee pi palamularu pa malaika pa Yehova.

22 I ng’eye, Daudi uwacu kumae: “Ot pa Yehova Mungu mandha ni eni, man pemlam ma Israel bibethiero lam m’awang’a i wiye de ni eni.”

2 I ng’eye, Daudi ung’olo nia jucok dhug umondo ma gibedo i ng’om mir Israel karacelo, man ekethogi ni jupay kidi kara gibed gigoy kidi man gipaye pi nigiero ot pa Mungu mandha. 3 Daudi ucoko bende dhu cuma i kadhiri ma lee dit pi niyiko musumali ma jubiguro ko dhugola mi dhugang’ man pi niyiko jamdiko kind piny, ecoko bende mola lee dit ma pek migi pimere ngo, 4 man bende yend tido ma wende kwanere ngo; kum Jusidon man dhanu mi Turo gikelo yend tido lee mandha ni Daudi. 5 Man Daudi uyero kumae: “Suleman ma woda fodi en aradu man eng’eyo lembe akeca ngo,* ot ma jubigiero ni Yehova ke ucikere nibedo leng’ leng’ ma yawe mbe, kara pire uyiki man pi leng’o pare ung’eyere i ng’om zoo. Pieno, abiyiko piny m’ukwayere ire.” E Daudi ucoko dhu jamtic lee dit i wang’ tho pare.

6 Bende, elwong’o Suleman ma wode man eng’olo ire nia egier ot ni Yehova Mungu mir Israel. 7 Daudi uyero ni Suleman ma wode kumae: “Agam ayenyo kud adundena zoo nia agier ot pi nying’ Yehova Mungu para. 8 Ento lembe pa Yehova ubino i bang’a kumae: ‘Icwiro rimo lee akeca, man ikiedo lwiny ma dongo dit. Ibigiero ngo ot pi nyinga, kum icwiro rimo i kadhiri ma lee dit i wang’a iwi ng’om. 9 Nen! ibinyolo nyathin ma nico ma bibedo ng’atu mi kwiyocwiny,* man abimiyo ire yom kud i cing’ judegi pare ceke m’utieke, kum nyinge bibedo Suleman* man i nindo pare abimiyo kwiyocwiny ku bedomoth ni Israel. 10 En re m’ebigiero ot pi nyinga. Ebidoko woda man abibedo won. Abiketho komker mi ker pare bicungo nging’ nging’ man rondo ku rondo iwi Israel.’

11 “Kawoni woda, dong’ Yehova ubed kudi man lembe uwoth iri miero, man igier ot pa Yehova Mungu peri tap calu m’elar eyero piri. 12 Kinde ma Yehova bimiyo iri copo iwi Israel, dong’ emii iri ng’eyo thelembe man nyang’ i lembe kara iwor cik pa Yehova Mungu peri. 13 E lembe biwotho iri miero tek iworo telowic man lembapoka ma Yehova ung’olo ni Musa nia emii ni Israel. Dong’ cwinyi bed tek man bed tek. Lworo kud unegi kadi ndiri de kud ung’oy i ii. 14 Asendara lee pi niyiko mola ma kwar talanto* elufu dak acel (100 000) pi ot pa Yehova man mola ma tar talanto milion acel (1 000 000). Ayiko bende mola ku cuma i kadhiri ma lee dit ma wendgi romo pimere ngo, m’umedo maeno ayiko yen man kidi, ento ibimedo wadi. 15 Jutic ma wendgi dupa ni kudi: jupay kidi, jurubodho mi giedo ma ku kidi, jurubodho mi bau, man kit jutic ceke ma gi jurubodho. 16 Mola ma kwar, mola ma tar, mola, man cuma tie lee dit ma jucopo pimogi ngo. Ai malu icak tic, man dong’ Yehova ubed kudi.”

17 I ng’eye, Daudi ung’olo ni judongo ma wijo ceke mir Israel nia gikony wode ma Suleman, eyero kumae: 18 “Nyo Yehova Mungu mwu ni kudwu ngo, man nyo emiyo ngo iwu yom i ng’etwu kun ku kuni? Kum emiyo ira dhanu mi ng’om maeni, man dong’ ng’ombe n’i the cing’ Yehova man i the cing’ dhanu pare. 19 Kawoni wukec kud adundewu ceke man ku ng’eyong’ec* mwu ceke niyenyo Yehova Mungu mwu, man wucak giero hekalu pa Yehova Mungu mandha, kara jukel sanduku mi lembariba pa Yehova man ajeni ma leng’ pa Mungu mandha i ot ma jugiero pi nying’ Yehova.”

23 Kinde ma Daudi utii man edhingo ajiki mi kwo pare,* eketho Suleman ma wode ni ubimo iwi Israel. 2 Egam elwong’o judongo ma wijo mir Israel ceke, julam man Julawi. 3 Jukwanu Julawi ma gibino ku oro pier adek nidok yo malu, jukwanugi acel acel; gibino dhanu elufu pier adek wi abora (38 000). 4 I kindgi, dhanu elufu pier ario wi ang’wen (24 000) gibino junen wi tic mi ot pa Yehova, man dhanu elufu abusiel (6 000) gibino judongo man jupoklembe, 5 dhanu elufu ang’wen (4 000) gibino jukur dhugang’, man dhanu elufu ang’wen (4 000) mange gibed gipaku Yehova ku jamgoyo wer ma Daudi uwacu pigi kumae: “Ayikogi pi nimiyo pak.”

6 I ng’eye, Daudi upokogi ungu ungu calku wot Lawi: Gercon, Kohath, man Merari. 7 Ju pa Gercon ubino Ladan man Cimei. 8 Wot Ladan ubino Yehiel ma jatelwic, Zetham, man Yoel; ceke gin adek. 9 Wot Cimei ubino Celomoth, Haziel, man Haran; ceke gin adek. Ju maeno re ma gibino jutelwic mi thepacu pa Ladan. 10 Wot Cimei ubino Yahath, Zina, Yeuc, man Beria. Juang’wen maeni gibino wot Cimei. 11 Yahath ubino jatelwic man Ziza ubino mir arionde. Ento calu Yeuc giku Beria gibino kud awiya ma co dupa ngo, jukwanugi i thepacu acel man gibino ku tic acel.

12 Wot Kohath ubino Amram, Izhar, Hebron, man Uziel, ceke gin ang’wen. 13 Wot Amram ubino Arun giku Musa. Ento Arun man wote jukethogi segi kara saa ceke gibed gidwok Kamaleng’ m’usagu udok leng’, gibed githier lam i wang’ Yehova, gitim ire, man gimii mugisa i nyinge saa ceke. 14 Ento jukwanu wot Musa ma dhanu pa Mungu mandha i kind suru mi Julawi. 15 Wot Musa ubino Gercom man Eliezer. 16 I kind nyikway* Gercom, Cebuel ubino jatelwic. 17 I kind nyikway* Eliezer, Rehabia ubino jatelwic. Eliezer ubino mbe kud awiya ma co mange, ento wot Rehabia gibino dupa dit. 18 I kind nyikway Izhar, Celomith ubino jatelwic. 19 Wot Hebron ubino Yeria ma jatelwic, Amaria mir arionde, Yahaziel mir adege, man Yekameam mir ang’wende. 20 Wot Uziel ubino Mika ma jatelwic man Iscia mir arionde.

21 Wot Merari ubino Mahli giku Muci. Wot Mahli ubino Eleazar giku Kic. 22 Eleazar utho m’enyolo ngo awiya ma co, ento enyolo awiya ma nyir kende. E wot Kic ma gi wedi* migi gigamu jumanyirne igi ni mon. 23 Wot Muci ubino Mahli, Eder, man Yeremoth, ceke gin adek.

24 Ju maeno ceke gibino wot Lawi ma jukiewo nying’gi calku thepacu migi man calku jutelwic mi thepacu migi. Jukwanu Julawi ma niai i oro pier ario nidok yo malu man jurieyo nying’gi pi nitimo tic i ot pa Yehova. 25 Kum Daudi uyero kumae: “Yehova Mungu mir Israel umiyo yom ni dhanu pare, man ebibedo i Yeruzalem rondo ku rondo. 26 Julawi de dong’ gibibeyeyo ngo hema mi thier kadi jamtic moko ci ma jutimo ko tic i iye.” 27 Pieno re ma nimakere ku telowic ma tokcen ma Daudi umiyo, jukwanu Julawi ma niai i oro pier ario niidho malu. 28 Tic migi ubino nikonyo wot Arun ku tic mi ot pa Yehova, man nineno wi tic mi lela, wi kusika ma jucamu i iye, nidwoko piny ma leng’ ceke udok leng’, man nineno wi tic moko ci m’ukwayu jutim i ot pa Mungu mandha. 29 Gibed gikonyo niyiko mukathi ma jurodo iwi wadi, mogo ma yom pi girathiera mi nying cam, mukathi m’apada ma thobi mbe i iye, mukathi ma jutedo i atangala, mogo ma junyobo ku mo, man gibed gineno wi jam pimo piny ceke mi pimo kadhiri mi piny man dongo mi piny. 30 Gibed gicungo nja ku kugweno pi nifoyo Yehova man pi nipake, gibed gitimo bende kumeno dhu uthieno. 31 Gibed gikonyo saa ceke ma jubethiero lam m’awang’a ni Yehova i ceng’ Sabatu, i por pa dwi, man i nindo mi foc. Wendgi ubino calku ma cik uketho pigi, gibed gitimo kumeno nja i wang’ Yehova. 32 Gibed gitimo bende tic ma jumiyo igi pi hema mi rombo, pi kabedo ma leng’, man gibed gikonyo umego migi ma gi wot Arun i tic mi ot pa Yehova.

24 Jupoko nyikway Arun ni ungu i ayi ma e: wot Arun ubino Nadab, Abihu, Eleazar, man Ithamar. 2 Ento Nadab gikud Abihu gilar githo ni weggi ma nwang’u ginyolo ngo awiya ma co; Eleazar gikud Ithamar re gimediri nibedo julam. 3 Daudi, man Zadok m’i kind nyikway Eleazar man Ahimelek m’i kind nyikway Ithamar gipoko kind nyikway* Arun ni ungu pi nitimo tic migi. 4 Calu ma nyikway Eleazar gibino ku jutelwic lee ma sagu nyikway Ithamar, gipokogi kumae: nyikway Eleazar gibino ku jutelwic apar abusiel i thepacu migi, man nyikway Ithamar gibino ku jutelwic abora i thepacu migi.

5 M’umedo maeno, jupoko kind ungu acel ku ma kucelo ku gagi, kum judongo ma gineno wi tic mi kabedo ma leng’, man judongo ma gineno wi tic ma jubetimo ni Mungu mandha gibino nuti i kind nyikway Eleazar man i kind nyikway Ithamar de. 6 I ng’eye, Cemaya ma wod Nethanel ma jagor mi Julawi ukiewo nying’gi i wang’ ubimo, i wang’ judongo ma wijo, i wang’ Zadok ma jalam, i wang’ Ahimelek ma wod Abiathar, man i wang’ jutelwic mi thepacu mi julam man mi Julawi. Jubed jung’iyo thepacu acel m’i kind nyikway Eleazar man thepacu acel m’i kind nyikway Ithamar.

7 Gagi mi kwong’o upodho iwi Yehoiarib, mir ario ke upodho iwi Yedaya, 8 mir adek upodho iwi Harim, mir ang’wen upodho iwi Seorim, 9 mir abic upodho iwi Malkiya, mir abusiel upodho iwi Mijamin, 10 mir abiro upodho iwi Hakoz, mir abora upodho iwi Abiya, 11 mir abung’wen upodho iwi Yecuwa, mir apar upodho iwi Cekania, 12 mir apar acel upodho iwi Eliacib, mir apar ario upodho iwi Yakim, 13 mir apar adek upodho iwi Hupa, mir apar ang’wen upodho iwi Yecebeab, 14 mir apar abic upodho iwi Bilga, mir apar abusiel upodho iwi Imer, 15 mir apar abiro upodho iwi Hezir, mir apar abora upodho iwi Hapizez, 16 mir apar abung’wen upodho iwi Pethahia, mi pier ario upodho iwi Yehezkel, 17 mi pier ario wi acel upodho iwi Yakin, mi pier ario wi ario upodho iwi Gamul, 18 mi pier ario wi adek upodho iwi Delaya, mi pier ario wi ang’wen upodho iwi Mazia.

19 Kumeni re ma jupangugi pi nitimo tic migi ka gibino i ot pa Yehova calku lembe ma Arun ma kwarugi ukpero, tap calu ma Yehova Mungu mir Israel ugam ung’olo ire.

20 Maeni tie dong Julawi m’udong’: kud i kind nyikway Amram, Cubael; kud i kind nyikway Cubael, Yedeya; 21 ju pa Rehabia: kud i kind nyikway Rehabia, Iscia ma jatelwic; 22 kud i kind Juizhar, Celomoth; kud i kind nyikway Celomoth, Yahath; 23 man kud i kind nyikway Hebron, Yeria ma jatelwic, Amaria mir ario, Yahaziel mir adek, Yekameam mir ang’wen; 24 kud i kind nyikway Uziel, Mika; kud i kind nyikway Mika, Camir. 25 Umin Mika ubino Iscia; kud i kind nyikway Iscia, Zekaria.

26 Wot Merari ubino Mahli giku Muci; kud i kind nyikway Yazia, Beno. 27 Nyikway Merari: Yazia unyolo Beno, Coham, Zakur, man Ibri; 28 ju pa Mahli, Eleazar m’ugam unyolo ngo awiya ma co; 29 ju pa Kic: nyikway Kic ubino Yeramel; 30 man nyikway Muci ubino Mahli, Eder, man Yerimoth.

Ju maeno gibino nyikway Lawi nimakere ku thepacu migi. 31 Man gin bende gibolo gagi tap calu m’umeggi ma nyikway Arun gitimo i wang’ Ubimo Daudi, i wang’ Zadok, i wang’ Ahimelek, man i wang’ jutelwic mi thepacu mi julam man mi Julawi. Ebino kumeni ni jutelwic mi thepacu ceke, dok ebed ma dit kunoke ma nok.

25 Bende, Daudi karacelo ku jutelwic mir ungu mi tic gikoyo jumoko m’i kind wot Asaf, Heman, man Yeduthun kara gibed giew lembe kud adungu, ku jamgoyo wer ma juthondhe, man jamgoyo wer ma woy awoya. Ju ma jung’iyo pi tic maeno ubino, 2 kud i kind wot Asaf: Zakur, Yozefu, Nethania, man Acarela; wot Asaf gibino i the telowic pa Asaf m’ubed uewo lembe i the telowic p’ubimo. 3 Ju pa Yeduthun, wot Yeduthun ubino Gedalia, Zeri, Yecaya, Cimei, Hacabia, man Matithia; ceke gin abusiel. Gibino i the telowic pa weggi ma Yeduthun m’ubed uewo lembe kud adungu ma nwang’u ebefoyo man ebepaku Yehova. 4 Ju pa Heman, wot Heman ubino Bukia, Mathania, Uziel, Cebuel, Yerimoth, Hanania, Hanani, Eliatha, Gidalti, Romamti-ezer, Yocbekaca, Malothi, Hothir, man Mahazioth. 5 Ju maeno ceke gibino wot Heman m’ubino jaewlembe p’ubimo, m’ubed unyutho rwonglembe pa Mungu mandha pi niyunge;* kumeno re ma Mungu mandha umiyo awiya ma co apar ang’wen man awiya ma nyir adek ni Heman. 6 Ju maeni ceke gibed giwer i ot pa Yehova i the telowic pa weggi ku jamgoyo wer ma woy awoya, jamgoyo wer ma juthondhe, man adungu. Eno ubino tic ma gibed gitimo i ot pa Mungu mandha.

Ju ma gibino i the telowic p’ubimo ubino Asaf, Yeduthun, man Heman.

7 Gin karacelo kud umego migi wendgi ubino dak ario ku pier abora wi abora; juponjogi pi niwer ni Yehova, man gin ceke gibino jubodho mi wer. 8 Pieno gibolo gagi pi ning’eyo tic migi, ju ma thindho ku ju ma dongo ceke, man jubodho ku ju m’uponjo aponja de.

9 Gagi ma kwong’a upodho iwi Yozefu ma wod Asaf, mir ario upodho iwi Gedalia (en kud umego pare man wote gibino gin apar ario); 10 mir adek upodho iwi Zakur ku wote man umego pare, gin apar ario; 11 mir ang’wen upodho iwi Izri ku wote man umego pare, gin apar ario; 12 mir abic upodho iwi Nethania ku wote man umego pare, gin apar ario; 13 mir abusiel upodho iwi Bukia ku wote man umego pare, gin apar ario; 14 mir abiro upodho iwi Yecarela ku wote man umego pare, gin apar ario; 15 mir abora upodho iwi Yecaya ku wote man umego pare, gin apar ario; 16 mir abung’wen upodho iwi Mathania ku wote man umego pare, gin apar ario; 17 mir apar upodho iwi Cimei ku wote man umego pare, gin apar ario; 18 mir apar acel upodho iwi Azarel ku wote man umego pare, gin apar ario; 19 mir apar ario upodho iwi Hacabia ku wote man umego pare, gin apar ario; 20 mir apar adek upodho iwi Cubael ku wote man umego pare, gin apar ario; 21 mir apar ang’wen upodho iwi Matithia ku wote man umego pare, gin apar ario; 22 mir apar abic upodho iwi Yeremoth ku wote man umego pare, gin apar ario; 23 mir apar abusiel upodho iwi Hanania ku wote man umego pare, gin apar ario; 24 mir apar abiro upodho iwi Yocbekaca ku wote man umego pare, gin apar ario; 25 mir apar abora upodho iwi Hanani ku wote man umego pare, gin apar ario; 26 mir apar abung’wen upodho iwi Malothi ku wote man umego pare, gin apar ario; 27 mi pier ario upodho iwi Eliatha ku wote man umego pare, gin apar ario; 28 mi pier ario wi acel upodho iwi Hothir ku wote man umego pare, gin apar ario; 29 mi pier ario wi ario upodho iwi Gidalti ku wote man umego pare, gin apar ario; 30 mi pier ario wi adek upodho iwi Mahazioth ku wote man umego pare, gin apar ario; 31 mi pier ario wi ang’wen upodho iwi Romamti-ezer ku wote man umego pare, gin apar ario.

26 Jupoko i ungu mi jukur dhugang’ kumae: kud i kind wot Kora, Mecelemia ma wod Kore m’i kind nyikway Asaf. 2 Mecelemia ubino kud awiya ma co ma e: Zekaria ma kayu, Yediael m’ulubo ng’eye, Zebadia mir adek, Yathniel mir ang’wen, 3 Elam mir abic, Yehohanan mir abusiel man Elieho-enai mir abiro. 4 Obed-edom ubino kud awiya ma co ma e: Cemaya ma kayu, Yehozabad mir ario, Yoa mir adek, Sakar mir ang’wen, Nethanel mir abic, 5 Amiel mir abusiel, Isakar mir abiro, man Peulethai mir abora; kum Mungu upoko mugisa i wiye.

6 Man wode ma Cemaya unyolo awiya ma co ma gibino jutela mi thepacu migi, pilembe gibino dhanu ma jurukara man ma giromo. 7 Wot Cemaya ubino Othni, Refael, Obed, man Elzabad; man umego pare Elihu giku Semakia de gibino dhanu ma giromo. 8 Gin ceke gibino wot Obed-edom; gin, wotgi man umego migi gibino dhanu ma giromo man ma gitie ku copo mi timo tic, dhanu pier abusiel wi ario mi ot pa Obed-edom. 9 Mecelemia ubino kud awiya ma co man umego pare, gibino dhanu apar abora ma giromo. 10 Hosa m’i kind nyikway Merari ubino kud awiya ma co. Cimri ubino jatelwic, kum kadok nwang’u ebino ngo kayu de, re won ukethe ni jatelwic; 11 Hilkia mir ario, Thebalia mir adek, Zekaria mir ang’wen. Wot Hosa man umego pare ceke gibino gin apar adek.

12 I kind ungu mi jukur dhugang’ maeni, jutelwic gibino ku tic migi calu umeggi kara gitim i ot pa Yehova. 13 Pieno, gigoyo gagi pi ning’eyo dhugang’ ma tung’ tung’ ma ng’atuman bikuro, nik’ebed ng’atu ma nok kadi ma dit mi thepacu migi. 14 Gagi ugam upodho iwi Celemia pi dhugang’ ma yo nyangu. Gigoyo gagi pi Zekaria ma wode ma jamii juk ma riek, gagi upodho i wiye pi dhugang’ ma yo malu. 15 Gagi upodho iwi Obed-edom pi kuro dhugang’ ma yo piny, man wote ke juketho gikur wi dero. 16 Gagi upodho iwi Cupim giku Hosa pi nikuro dhugang’ ma yo reto, ceng’ini ku dhugang’ ma julwong’o Caleketh i kum yo m’uidho malu, unguman mi kur i kum ungu wagi. 17 Yo nyangu Julawi ubino abusiel; yo malu gibino ang’wen kubang’ nindo man yo piny gibino ang’wen kubang’ nindo; i dhu dero gibino ario ario; 18 i pond ot yo reto gibino ang’wen i kum gengi ma dit, man ario i kum pond ot. 19 Maeni ubino ungu mi jukur dhugang’ m’i kind nyikway Kora man nyikway Merari.

20 I kind Julawi lundo, Ahiya ubed uneno wi kakanpiny mi ot pa Mungu mandha man wi kakanpiny mi piny ma judwoko leng’.* 21 I kind wot Ladan, niwacu wot nyikway Ladan ma Jagercon ubino Yehieli; ebino acel m’i kind jutelwic mi thepacu mi ju pa Ladan, 22 man wot Yehieli ubino Zetham gikud umin ma Yoel. Gibed gineno wi kakanpiny mi ot pa Yehova. 23 I kind Juamram, Juizhar, Juhebron, man Juuziel, 24 Cebuel ma wod Gercom ma wod Musa ubino jatelwic m’ubed uneno wi dero. 25 Umego pare ma gi nyikway Eliezer, ubino Rehabia m’unyolo Yecaya, m’unyolo Yoram, m’unyolo Zikri, man m’unyolo Celomoth. 26 Celomoth maeni man umego pare gibed gineno wi kakanpiny ceke mi piny ma judwoko leng’; piny m’Ubimo Daudi, judongo mi thepacu, judongo mi dhanu elufu ku mi dhanu dak, man ma jutelwic mir udul askari gigam gidwoko leng’. 27 Gidwoko piny moko ma giyaku i lwiny udoko leng’ pi nigwoko ot pa Yehova; 28 man bende piny ceke ma Samwel ma janenlembe, Saul ma wod Kic, Abner ma wod Ner, man Yoab ma wod Zeruya gidwoko leng’. Piny moko ci ma ng’atu moko udwoko leng’ jubed jumiyo i bang’ Celomith man umego pare kara gigwokgi.

29 I kind Juizhar, juketho Kenania man wote nitimo tic ma tung’ tung’ m’uweko tic mi ot pa Mungu kara gibed judongo man jupoklembe i Israel.

30 I kind Juhebron, Hacabia man umego pare gibino dhanu elufu acel ku dak abiro (1 700) ma giromo; gibed gitelo wi Juisrael i ng’om ma yo reto mi kulo Yordan i tic pa Yehova ceke man tic p’ubimo. 31 I kind Juhebron, Yerija ubino jatelwic migi nimakere ku kite ma jukiewo ko thekwaru migi. I oro mi pier ang’wende mi camuker pa Daudi, jutimo sayusac man junwang’u dhanu ma jurukara man ma giromo i kindgi i Yazer i ng’om mi Gilead. 32 Man wend umego pare ubino elufu ario ku dak abiro (2 700), gibino dhanu ma giromo man jutelwic mi thepacu. Pieno, Ubimo Daudi ukethogi gitel wi suru pa Ruben, suru pa Gad, man wi nusu mi suru pa Manase i lembe ceke m’uneno Mungu mandha man ubimo.

27 Maeni tie ungu mi Juisrael ma gibino i tic mir askari p’ubimo, ungune ubino ku jutelwic mi thepacu man judongo mi dhanu elufu ku mi dhanu dak, man judongo ma gibed gineno wi ungune. Gibed giwiliri awila i kind oro, man unguneman ubino ku dhanu elufu pier ario wi ang’wen (24 000).

2 Jadit mir ungu ma kwong’a m’ubed utimo i dwi ma kwong’a ubino Yacobeam ma wod Zabdiel, man i ungu parene dhanu ubino elufu pier ario wi ang’wen (24 000). 3 Kud i kind nyikway Perez, ebino jadit mi jutelwic mir ungu ma juketho gitim tic i dwi mi kwong’o. 4 Jadit mir ungu mi dwi mir ario ubino Dodai ma Jaahohi, man i ungu parene dhanu ubino elufu pier ario wi ang’wen (24 000). Mikloth ke ubino jatelwic. 5 Jadit mir ungu mir adek ma juketho utim tic i dwi mir adek ubino Benaya ma wod Yehoyada ma jadit mi julam, man i ungu parene dhanu ubino elufu pier ario wi ang’wen (24 000). 6 Benaya maeni ubino jaramony ma jarukara i kind dhanu pier adek, man ebed etelo wi dhanu pier adekne. Jatelwic mir ungu pare ubino Amizabad ma wode. 7 Jadit mir ungu mir ang’wen m’ubed utimo i dwi mir ang’wen ubino Asahel m’umin Yoab, man i ungu parene dhanu ubino elufu pier ario wi ang’wen (24 000); jang’eye ubino Zebadia ma wode. 8 Jadit mir ungu mir abic m’ubed utimo i dwi mir abic ubino Camhuth ma Jaizrahi, man i ungu parene dhanu ubino elufu pier ario wi ang’wen (24 000). 9 Jadit mir ungu mir abusiel m’ubed utimo i dwi mir abusiel ubino Ira ma wod Ikec ma Jatekoa, man i ungu parene dhanu ubino elufu pier ario wi ang’wen (24 000). 10 Jadit mir ungu mir abiro m’ubed utimo i dwi mir abiro ubino Helez ma Japeloni ma nyakwar Efraim, man i ungu parene dhanu ubino elufu pier ario wi ang’wen (24 000). 11 Jadit mir ungu mir abora m’ubed utimo i dwi mir abora ubino Sibekai ma Jahuca ma nyakwar Zera, man i ungu parene dhanu ubino elufu pier ario wi ang’wen (24 000). 12 Jadit mir ungu mir abung’wen m’ubed utimo i dwi mir abung’wen ubino Abiezer ma Jaanathoth ma nyakwar Benjamin, man i ungu parene dhanu ubino elufu pier ario wi ang’wen (24 000). 13 Jadit mir ungu mir apar m’ubed utimo i dwi mir apar ubino Maharai ma Janetofa ma nyakwar Zera, man i ungu parene dhanu ubino elufu pier ario wi ang’wen (24 000). 14 Jadit mir ungu mir apar acel m’ubed utimo i dwi mir apar acel ubino Benaya ma Japirathon m’i kind nyikway Efraim, man i ungu parene dhanu ubino elufu pier ario wi ang’wen (24 000). 15 Jadit mir ungu mir apar ario m’ubed utimo i dwi mir apar ario ubino Heldai ma Janetofa ma nyakwar Othniel, man i ungu parene dhanu ubino elufu pier ario wi ang’wen (24 000).

16 Maeni gi jutelwic mi suru mir Israel: i suru pa Ruben, Eliezer ma wod Zikri ubino jatelwic; i suru pa Simeon ubino Cefathia ma wod Maaka; 17 i suru pa Lawi, Hacabia ma wod Kemuel; i kind nyikway Arun ubino Zadok; 18 i suru pa Yuda, Elihu m’ubino acel m’i kind umego pa Daudi; i suru pa Isakar, Omri ma wod Mikael; 19 i suru pa Zebulon, Icmaya ma wod Obadia; i suru pa Nafthali ubino Yerimoth ma wod Azriel; 20 i suru pa Efraim, Hoceya ma wod Azazia, i nusu mi suru pa Manase ubino Yoel ma wod Pedaya; 21 i nusu mi suru pa Manase i Gilead, Ido ma wod Zekaria; i suru pa Benjamin ubino Yasiel ma wod Abner; 22 i suru pa Dan ubino Azarel ma wod Yeroham. Ju maeno gibino judongo ma wijo mi suru mir Israel.

23 Daudi ukwanu ngo ju ma gitie ku oro pier ario nidwogo piny, pilembe Yehova ung’olo nia ebiketho Juisrael binyay lee calu nyikaluku mi polo. 24 Yoab ma wod Zeruya ugam ucaku nikwanu dhanu, ento edaru ngo kwanne; man kwinyo uopo i Mungu i kum Israel* pi lembe maeno, e juroyo ngo welne i buku mi kpawa p’Ubimo Daudi.

25 Janen wi kakanpiny p’ubimo ubino Azmaveth ma wod Adiel. Yonathan ma wod Uzia ubed uneno wi dero* mi podho, mir adhura, mi pacu ma tung’ tung’, man mi udi ma wiw. 26 Jadit mi jutic ma gibed gifuro podho ubino Ezri ma wod Kelub. 27 Cimei ma Jarama ubed uneno wi podho mir ulok; Zabdi ma Jacefam* ubed uneno wi kaka ma jukanu iye pigulok ma juyiko ku nying ulok. 28 Baal-hanan ma Jageder ubed uneno wi podho mir oliv man mi duru i Cefela; Yoac ubed uneno wi kaka ma jugwoko iye mo. 29 Cithrai ma Jacaron ubed uneno wi udul lim mi luba mi Caron, man Cafath ma wod Adlai ubed uneno wi udul lim mi pambu mi poga. 30 Obil ma Jaismael ubed uneno wi ngamia; Yedeya ma Jameronothi ubed uneno wi kana.* 31 Yaziz ma Jahagri ubed uneno wi udul rombe. Ju maeni ceke gibino judongo ma gibed gineno wi piny p’Ubimo Daudi.

32 Yonathan ma wod umin Daudi ubino jamii juk man ng’atu ma riek, ebino bende jagor. Yehiel ma wod Hakmoni ubed uneno wi wot ubimo. 33 Ahithofel ubino jamii juk p’ubimo, Hucai ma Jaarki ke ubino jarimb ubimo.* 34 I ng’ey Ahithofel ubino Yehoyada ma wod Benaya man Abiathar; Yoab ke ubino jadit mir udul askari p’ubimo.

28 I ng’eye, Daudi ulwong’o judongo ma wijo mir Israel ceke i Yeruzalem: elwong’o judongo ma wijo mi suru, judongo mir ungu ma gitimo tic p’ubimo, judongo mi dhanu elufu ku mi dhanu dak, judongo ma neno wi piny p’ubimo ceke, wi lim pare man wi wote, ku judongo mi kal man dhanu ceke ma tek man ma giromo. 2 E Ubimo Daudi uai ucungo man ewacu kumae:

“Wukewuwinja, umego para man dhanu para. Agam ayenyo kud adundena ceke nia agier ot kara ubed ni kayom ni sanduku mi lembariba pa Yehova, man kara ubed ni dul m’i the tiend Mungu mwa, e ayiko gin ceke m’ukwayere pi giedone. 3 Ento Mungu mandha uwacu ira kumae: ‘Ibigiero ngo ot pi nyinga, kum in i dhanu mi lwiny, man icwiro rimo.’ 4 Re kud i kind juruot pa vwa ceke, Yehova Mungu mir Israel ung’iyo an kara adok ubimo iwi Israel pi nja. Kum eng’iyo Yuda ubed jatelwic, man kud i suru pa Yuda eng’iyo ot pa vwa, kud i kind wot vwa ke eng’iyo an kara eketha ni ubimo iwi Israel ceke. 5 Man kud i kind wota ceke, kum Yehova umiyo ira awiya ma co dupa, eng’iyo woda ma Suleman re m’ubed iwi komker pa Yehova kara ecam ker iwi Israel.

6 “Eyero ira kumae: ‘Wodi ma Suleman re ma bigiero ot para man lela para, kum en re m’ang’iye kara ebed woda man abidoko won. 7 Abiketho ker pare bicungo nging’ nging’ pi nja, tek ekeco niworo lembang’ola para man telowic para mi pokolembe calu m’ebetimo kawoni.’ 8 Pieno, abeyero i wang’ Israel ceke, ma en e cokiri pa Yehova, man i ith Mungu mwa kumae: Wusay ning’eyo lembang’ola pa Yehova Mungu mwu ceke man wuworgi cuu mandha, kara wucam ng’om ma ber maeni man wuweke ni giralaga ma nja ni wotwu i ng’eywu.

9 “In i woda ma Suleman ke, ponj ning’eyo Mungu pa wuru man tim ire kud adunde ma zoo* man ku pidoic* ma tie ayika; kum Yehova yenyo i adunde ceke, man eneno pidoic ceke m’upondo. Tek iyenye, ebiweko inwang’e; ento tek iweke, ebiwenji pi nja. 10 Kenen, Yehova ung’iyi kara igier ot ma bibedo ni hekalu. Dong’ cwinyi bed tek man cak tic.”

11 I ng’eye, Daudi umiyo ni wode ma Suleman ayi* mi giedo mi pond ot, ku mi ode, mi kusika ma jukanu piny i igi, mi kusika ma yo malu, mi kusika ma yor i iye, man mi ot ma jutimo adunya i iye. 12 Emiyo ire ayi mi giedo mi piny ceke ma tipo unyutho ire pi lela mi ot pa Yehova, pi kusika mi camu ceke m’i ng’ete, pi kakanpiny mi ot pa Mungu mandha, man pi kakanpiny mi piny ma judwoko leng’.* 13 Emiyo bende telowic pir ungu mi julam man mi Julawi, pi tic ceke ma jutimo i ot pa Yehova, man pir ajeni ceke ma jutiyo ko i ot pa Yehova. 14 Enyutho bende pek mi mola ma kwar, niwacu mola ma kwar pir ajeni ceke ma jubitimo ko tic ma tung’ tung’, pek mir ajeni ceke mi mola ma tar, man pek mir ajeni ceke ma jubitimo ko tic ma tung’ tung’. 15 Bende, enyutho pek mi tiend thala mi mola ma kwar, man mi thala mi mola ma kwar m’i wigi, pek mi tiend thala ma tung’ tung’ ku thala m’i wigi, man pek mi tiend thala mi mola ma tar nimakere ku kite ma jubitiyo ko ku tiend thalaman man thala m’i wigi. 16 Enyutho bende pek mi mola ma kwar pi meza mi mukathi ma jurodo iwi wadi,* pi mezaneman, man bende pek mi mola ma tar pi meza mi mola ma tar, 17 pi kanya, pi tabu, pir agulu mi mola ma kwar m’alili, man pek mi nyithi tabu mi mola ma kwar pi nyathi tabuneman, man bende pek mi nyithi tabu mi mola ma tar pi nyathi tabuneman. 18 Bende, enyutho pek mi mola ma kwar ma julilo ku mac ma jubitiyo ko pi pemlam mir udok ma ng’wice ng’ar man pir ayi mi magali, niwacu jukerubi mi mola ma kwar ma giyaru vombgi man ma giumo wi sanduku mi lembariba pa Yehova. 19 Daudi uwacu kumae: “Cing’ Yehova ubino i wiya man emiyo ira rieko m’akiewo ko jamkum ayi mi giedo maeni ceke.”

20 I ng’eye, Daudi uyero ni wode ma Suleman kumae: “Cwinyi bed tek man bed tek, cak bende tic. Lworo kud unegi kadi ndiri de kud ung’oy i ii, kum Yehova Mungu ma en e Mungu para, ni karacelo kudi. Ebiweki ngo kadi ebiwenji de ngo, ento ebibedo kudi nitundo ma tic ceke m’uneno ot pa Yehova bithum. 21 Ungu mi julam man mi Julawi ma gibitimo tic ceke mi ot pa Mungu mandha gini eni. Itie ku jutic ma gi jubodho man ma gitie ayika nitimo kwond tic moko ci; itie bende ku judongo ma wijo man dhanu ceke ma gibilubo telowic peri zoo.”

29 Ubimo Daudi ugam uyero ni cokiri ceke kumae: “Suleman ma woda, ma Mungu ung’iyo tie aradu man eng’eyo lembe akeca ngo,* ento tic utie dit m’ukwayu jutim, kum etie hekalu* pa dhanu ngo ento pa Yehova Mungu. 2 Atimo tego para ceke pi niyikara pi ot pa Mungu para; ayiko mola ma kwar pi tic m’ukwayu mola ma kwar, mola ma tar pi tic m’ukwayu mola ma tar, mola pi tic m’ukwayu mola, cuma pi tic m’ukwayu cuma, yen pi tic m’ukwayu yen, kidi oniks man kidi ma jubitelo ku simenti, kidi ma tar, kwond kidi ma pigi tek ceke, man kidi ma tek ma julwong’o alabasta i kadhiri ma lee dit. 3 M’umedo maeno, nikum mer m’amaru ko ot pa Mungu para, ating’o bende mola ma kwar man mola ma tar kud i kum lonyo para gira man abemiyogi pi ot pa Mungu para, m’uweko piny ceke m’ayiko pi ot ma leng’ maeni. 4 Bende mola ma kwar mir Ofir talanto* elufu adek (3 000), man mola ma tar ma julilo ku mac talanto elufu abiro (7 000) pi niumo kor kusika ma tung’ tung’,* 5 mola ma kwar pi tic m’ukwayu mola ma kwar, mola ma tar pi tic m’ukwayu mola ma tar, man pi tic ceke ma jubodho gibitimo. Dong’ ng’a ma giwodhiri pi nimiyo giramiya ni Yehova tini?”

6 E judongo ma wijo mi thepacu, judongo ma wijo mi suru mir Israel, judongo mi dhanu elufu man mi dhanu dak, man jutel wi tic p’ubimo gigam giwodhiri. 7 Man gimiyo mola ma kwar talanto elufu abic (5 000), darik* elufu apar (10 000), mola ma tar talanto elufu apar, mola talanto elufu apar abora (18 000), man cuma talanto elufu dak acel (100 000) pi tic mi ot pa Mungu mandha. 8 Ng’atu moko ci m’ubino ku kidi ma pigi tek uterogi i kakanpiny mi ot pa Yehova, ma Yehiel ma Jagercon re m’ubino neno wiye. 9 Dhanu gibino kud anyong’a nimiyo giramiya maeno ma ku berocwinygi, pilembe gimiyo giramiya ku berocwinygi ni Yehova kud adundegi ceke, man Daudi m’ubimo bende ubino kud anyong’a lee.

10 I ng’eye, Daudi upaku Yehova i wang’ cokiri ceke. Ewacu kumae: “Pak ubed iri pi rondo ku rondo,* E Yehova Mungu pa Israel ma wegwa. 11 E Yehova, dwong’, tego, leng’o, riang’ini, man yung utie peri, kum gin moko ci i polo man iwi ng’om utie peri. Ker utie peri, E Yehova. In kendi re m’itie Ng’atu m’udodere ni wic iwi piny ceke. 12 Lonyo ku dwong’ uai i beng’i, man ibimo wi piny ceke, copo ku tego n’i cingi, man cingi tie ku copo mi dodo malu man mi miyo tego ni dhanu ceke. 13 Man kawoni, E Mungu mwa, wabefoyi man wabepaku nyingi ma leng’.

14 “Enre, an a ng’a man dhanu para en e ang’o ma nia wamii ko giramiya ma ku berocwiny ma rukeni e? Kum gin ceke uai i beng’i, man wamiyo iri gin m’uai de i cingi. 15 Kum i weng’i wan umondo man jurubedo, tap calu ma kwaruwa ceke gibino. Kum nindo mwa gi calu tipopiny man genogen umbe igi. 16 E Yehova Mungu mwa, lonyo maeni ceke ma wacoko dhoge kara wagier ko iri ot pi niyungo nyingi ma leng’, uai kud i cingi in man gin ceke gi peri. 17 E Mungu para, ang’eyo cuu nia ing’iyo i adunde man nia anyong’a negi ka ng’atini ubegwoko bedocu* pare. Amiyo iri ku berocwinya piny maeni ceke kud adundena m’atira,* man anyong’a ubenega lee nineno nia dhanu peri ma gitie kakeni gimiyo iri giramiya ma ku berocwinygi. 18 E Yehova, Mungu p’Abraham, Mungu pa Isak, man Mungu pa Israel ma kwaruwa, keth pidoic man paru maeni ubed i adunde dhanu peri rondo ku rondo, man keth adundegi ubed i beng’i. 19 Mii adunde ma zoo* ni Suleman ma woda, kara ewor lembang’ola peri, poyowic peri, ku telowic peri, man kara etim lembe maeni ceke man egier bende hekalu* m’ayiko piny pire.”

20 I ng’eye, Daudi uwacu ni cokiri ceke kumae: “Kawoni wupak Yehova Mungu mwu.” E cokiri ceke gipaku Yehova Mungu pa kwarugi man girum i ng’om, gipodho arieba wang’gi i wang’ Yehova man i wang’ ubimo. 21 Urwonde gimediri nithiero lam ni Yehova man nithiero bende lam m’awang’a ni Yehova. Githiero nyithi thwoni dhieng’ elufu acel (1 000), nyogi rombe elufu acel, man nyithi nyogi rombe elufu acel, ku girathiera mi pigulok. Githiero lam ma wende lee dit pi Israel ceke. 22 Gicamu man gimadhu i wang’ Yehova cing’ nica kud anyong’a ma dit, man wang’ mir arionde giketho Suleman ma wod Daudi ni ubimo, man giwire i wang’ Yehova ni jatelwic, giwiro bende Zadok ni jalam. 23 Suleman ugam ujany iwi komker pa Yehova calu ubimo kaka Daudi ma won. Lembe ubino miero ire man Juisrael ceke gibino wor ire. 24 Judongo ma wijo ceke, jurumony ma jurukara, man bende wot Ubimo Daudi ceke gijwigiri gigi ni Suleman m’ubimo. 25 Yehova ugam udodo Suleman lee dit i wang’ Israel ceke man emiyo ire dwong’ mi ker m’ubimo moko mbe mir Israel ubino ko yor i wang’e.

26 Daudi ma wod Yese ubimo iwi Israel ceke, 27 man ecamu ker iwi Israel pi oro pier ang’wen. I Hebron ecamu ker pi oro abiro, man i Yeruzalem ke ecamu ker pi oro pier adek wi adek. 28 Man etho m’ekwo ma ber nitundo i tiyo, m’epong’ ku nindo, lonyo, man dwong’; e Suleman ma wode udoko ubimo kakare. 29 Ento kpawa p’Ubimo Daudi niai i acaki nitundo i ajiki, jukiewogi i kind lembe pa Samwel ma janenlembe, pa Nathan ma jabila, man pa Gad ma jaewlembe. 30 Gikoro pi camuker pare ceke, tego pare, man pi lembe ceke m’utimere i saa nica m’umulo kume, kum Israel, man kum ker ceke m’udhoke tingili.