LEMBRIEKO

 2 Pi niponjo* rieko man twiny;

Pi ninyang’ i wec mi rieko;

 3 Pi ninwang’u twiny ma miyo rieko,

Bedopwe, pokolembe ma ber,* man bedatira;

 4 Pi niponjo riekowang’ ni ng’atu m’ung’eyo ngo lembe akeca;

Pi nimiyo ng’eyong’ec man copo mi paru i lembe ni jalawobi.

 5 Ng’atu ma riek winjo man enwang’u ponji lee;

Man ng’atu ma tie ku copo mi nyang’ i lembe nwang’u bodho mi telowic*

 6 Pi ninyang’ i lembrieko man i wec ma ng’eyo there tek,*

I wec mi ju ma riek man koy migi.

 8 Woda, winj twiny pa wuru,

Man kud iwek nilubo ponji* pa meru.

 9 Gitie jamker mi wic ma leng’ mi thiwe ni wii

Man jamruko ma ber ni ng’uti.

12 Wabimwonyogi ma kwo calu Liel,*

Ma lungu calu ju m’ubeloro i vur.

13 Wayeku piny migi ceke ma pigi tek;

Wabipong’o udi mwa ku jambayeki.

14 Bin idikiri kudwa,*

Man wan ceke wabipoko piny ma wakwalu rom rom.”*

Kud iwek tiendi uwoth i yo migi,

16 Kum tiendgi ringo pi nitimo lembe ma reco;

Gicidho pio pi nicwiro rimo.

18 Eno re m’uketho gikanu libo pi nicwiro rimo;

Gipondo pi nikabu kwo* mi jumange.

19 Ju ma giyenyo ginwang’ lonyo i ayi m’atira ngo gitimo kumeno,

Man eno biketho gibibayu kwo* migi.

23 Wulokuru kinde m’ajukowu,

E abikonjo tipona i wiwu;

Abiketho wubing’eyo wec para.

24 Pilembe alwong’o, ento wumeduru nikwero,

Arieyo cinga, ento ng’atu moko mbe m’ubino ketho wiye,

25 Wumeduru nidieng’ ungo i kum juk para ceke

Man wukwero cimowang’ para,

26 An bende abing’ierowu kinde ma peko uwok i wiwu;

Abing’iero dhogwu kinde ma gin ma wubino lworo utundo,

27 Kinde ma gin ma wulworo ucoro i wiwu calu avuvu,*

Man can utundo i wiwu calu vira,

Kinde ma peko man lembe ma tek utundo i wiwu.

28 I saa nica gibimediri nilwong’a, ento abidwoko ngo lembe;

Gibiyenyo kakara kud ava, ento gibinwang’a ngo,

29 Pilembe gidagu ng’eyong’ec,

Man ging’iyo ngo nilworo Yehova.

30 Gikwero juk para;

Giworo ngo cimowang’ para ceke.

31 Pieno gibinwang’u matoke* mi yo migi,

Man gibiyeng’ ku juk* migi gigi.

32 Kum jai mi ju ma ging’eyo ngo lembe akeca binegogi,

Man bedo m’umbe nidieng’ ma jukusegu gibedo ko binyothogi.

33 Ento ng’atu m’uwinja bibedo museme

Man ebibedo yoo m’umbe nilworo peko.”

2 Woda, tek ijolo lembe para

Man igwoko lembang’ola para cuu,

 2 M’ibeciko ithi pi niwinjo rieko

Man ibeketho adundeni i kum ng’iyo i lembe;

 3 M’umedo maeno, tek ibewak pi ninwang’u nyang’ i lembe

Man ibeting’o dwendi malu pi ninwang’u ng’iyo i lembe;

 4 Tek ibemediri nisayu kakare calu mola ma tar

Man ibemediri niyenye calu lonyo m’upondo;

 5 E ibinyang’ i lworo pa Yehova,

Man ibinwang’u ng’eyong’ec pa Mungu.

 6 Kum Yehova en gire emiyo rieko;

Ng’eyong’ec man ng’iyo i lembe wok kud i dhoge.

 7 Egwoko rieko ni ju m’atira,

Etie ban ni ju ma giwotho i bedocu.

 8 Eneno wi yo mi weg bedopwe,

Man egwoko yo mi ju ma gibegwoko bedoleng’ migi ire.

 9 E ibinyang’ i lembe m’atira, ma pwe man ma tap,

Ibinyang’ i kum yo mandha m’ukwayu iwoth i iye.

10 Kinde ma rieko umondo i adundeni

Man ng’eyong’ec udoko ber iri,*

11 Copo mi paru i lembe bikuro wii,

Man ng’iyo i lembe bigwoki,

12 Pi nibodhi kud i yo ma rac

Kud i cing’ ng’atu m’ubeyero lembe ma reco,

13 Kud i cing’ ju ma giweko yo ma pwe

Pi niwotho i yo mi mudho,

14 Kud i cing’ ju m’anyong’a negogi nitimo gin ma rac,

Ju ma mutoro negogi i kum lemandha ngo man ma reco,

15 Ju ma yo migi ugom,

Man ma kwo migi zoo tie ngo atira.

16 Ebibodhi ni dhaku ma wang’e tar,*

Ni wec ma mit* pa dhaku ma won asara,

17 Ma weko jawodhe* ma ceng’ini mir aradu pare

Man ma wiye wil i kum lembariba pa Mungu pare;

18 Kum ot pare loro piny i tho,

Man yo pare terojo i bang’ ju ma tego migi thum i tho.

19 Ng’atu moko mbe m’i kind ju m’uribiri kude* ma bidwogo,

Kadi gibidwogo de ngo i gengi mi kwo.

20 Dong’ lub yo mi dhanu ma beco

Man bed i yo mi weg bedopwe,

21 Kum ju m’atira kendgi re ma gibibedo i ng’om,

Man ju ma lembe mbe i wigi* re ma gibidong’ i iye.

22 Ento jubikabu jutimrac cen kud i ng’om,

Man jubimugo ju ma cibojo cen kud i iye.

3 Woda, wii kud uwil i kum ponji* para,

Man wor lembang’ola para kud adundeni ceke,

 2 Kum gibimedo iri nindo dupa

Man oro mi kwo ku kwiyocwiny de lee.

 3 Kud iwek mer ma lokere ngo man gwoko bedoleng’* uweki

Twiigi i ng’uti;

Kiewgi iwi ban mir adundeni;

 4 E ibinwang’u bero man piri bing’eyere nia i riek

I wang’ Mungu kud i wang’ dhanu.

 5 Gen Yehova kud adundeni ceke,

Man kud ijengiri iwi rieko peri giri.

 6 Dieng’ pire i lembe ceke m’ibetimo,

E ebiketho yo peri bicungo atira.

 8 Ebibedo calu keyokum ni kumi*

Man tego ni cogoni.

 9 Yung Yehova ku piny peri ma pigi tek,

Ku landu wi mwoka* mi piny ceke m’ucek* iri;

10 E dero peri bipong’ bik

Man vur* peri bipong’ haw ku pigulok ma nyen.

11 Woda, kud ikwer twiny pa Yehova

Man kud idag juk pare,

12 Kum Yehova twinyo ju m’emaru

Tap calu ma wego twinyo ko wode m’emaru lee.

13 Jamutoro tie ng’atu m’unwang’u rieko

Man ng’atu m’unwang’u ng’iyo i lembe;

14 Ninwang’e tie ber nisagu nwang’u mola ma tar,

Man nibedo kude miyo bero nisagu nibedo ku mola ma kwar.

15 Pire tek lee nisagu korai;*

Gin moko ci m’imaru ma jucopo poro kude mbe.

16 Nindo m’ung’adu n’i cinge ma yor acwic;

Lonyo ku dwong’ n’i cinge ma yor acam.

17 Yo pare nyayu mutoro,

Man gengi pare ceke gi mi kwiyocwiny.

18 En e yen mi kwo ni ju m’umake kii,

Man ju ma gimediri nimoko i kume kii jubilwong’ogi jumutoro.

20 Nikum ng’eyong’ec pare, epoko i pii ma thuc bwa

Man thoi ubeton kud i afuru m’upangere i kor polo.

Gwok rieko man copo mi paru i lembe;

22 Gibimiyo iri* kwo

Man gibibedo ni jamruko ni ng’uti;

23 E ibiwotho i yo peri museme,

Man tiendi bikier ki ngo.*

24 Kinde m’ivuto, ibilworo ngo gin moko;

Ibivuto man nindo peri bibedo mit.

25 Ibilworo ngo lembe ma wok rek ma nyayu lworo

Kadi avuvu* m’ubebino iwi jutimrac.

26 Kum Yehova bibedo acaki mi genogen peri

Ebigwoko tiendi kara kud umok i uwic.

27 Kud icer bero ni ju m’icikiri nitime igi*

Tekene itie ku copo* mi konyo.

28 Kud iwac ni jadhugola peri kumae: “Cidhi, dwog i ng’eye! Abimiyo iri urwo,”

Kan icopo miye kawoni.

29 Kud ipang nitimo lembe ma rac ni jadhugola peri

Kinde m’ebekwo karacelo kudi ku bedomoth.

30 Kud idhaw ku ng’atu moko mananu

Tek etimo ngo iri gin moko ma rac.

31 Kumira kud unegi i kum ng’atu ma jarop

Kadi kud ilub yo pare moko acel de.

32 Kum Yehova udagu won gondiri

Ento ebedo ku mer ma ceng’ini ku dhanu m’atira.

33 Kwong’ pa Yehova n’i wi ot pa jatimrac,

Ento epoko mugisa iwi udi mi weg bedopwe.

34 Kum ecayu ju ma gi jucac,

Ento enyutho bero ni ju ma mol.

35 Ju ma riek gibinwang’u yung,

Ento jukusegu giyungo gin ma kelo lewic.

4 Wota, wuwinj twiny pa wego,

Wuketh wiwu kilili pi ninwang’u nyang’ i lembe,

 2 Kum abimiyo iwu telowic ma ber;

Kud wucay ponji* para.

 3 Abino wod m’atira ni vwa

Man nyathin ma maa umaru akeca.

 7 Rieko tie gin ma pire tek nisagu zoo,* dong’ nwang’ rieko,

Man m’usagu gin ceke m’inwang’u, nwang’ nyang’ i lembe.

 9 Ebiketho uthac ma leng’ mi thiwe i wii;

Ebiruko wii ku jamker mi wic mi leng’o.”

10 Winji, woda, man jol lembe m’abeyero,

E oro mi kwo peri bibedo dupa.

11 Abiponji ku yo mi rieko;

Abitelo wii i yo mi bedopwe.

12 Kinde m’ibewotho, gin moko mbe ma bisendo tiendi;

Man tekene iberingo, ibikier ungo.

14 Kud imond i gengi mi jutimrac,

Man kud iwoth i yo mi dhanu ma reco.

15 Ure, kud iwoth i iye,

Lokiri cen kud i kume, man kadh kud i ng’ete.

17 Gitungiri ku cam* mi lembe ma rac,

Man gimadhu pigulok mi rop.

18 Ento yo mi weg bedopwe e calu der m’ucaru piny kugweno,

Ma lake medere ameda nitundo i dieceng’.

19 Yo mi jutimrac tie calu mudho;

Ging’eyo ngo gin m’uketho gikier.

20 Woda, keth wii i kum lembe para;

Winj kilili mandha* lembe m’abeyero.

21 Kud ilok weng’i cen kud i kumgi;

Gwokgi i thuc mir adundeni,

22 Kum gimiyo kwo ni ju m’unwang’ugi

Man leng’kum n’i kumgi ceke.*

23 Gwok adundeni nisagu piny ceke m’igwoko,

Kum acaki mi kwo ai kud i iye.

24 Kab wec ma reco cen kud i dhogi,

Man kab bende wec mi kier cen kud i dhogi.

25 Weng’i ucikere nineno atira yor i weng’i,

Eyo, keth weng’i unen piny atira i weng’i.

26 Yik yo ma tiendi bikwanyu upot kpee,*

E gengi peri ceke bibedo museme.

Winj kilili mandha ng’iyo i lembe para,*

 2 Kara igwok copo peri mi ng’iyo i lembe

Man kara igwok ng’eyong’ec i dend dhogi.

 3 Kum wec mi dhu* dhaku ma wang’e tar* mit calu miyokic,

Man dhoge foth nisagu mo.

 4 Ento i ajikine e kec ve yendadra

Man e bith calu palamularu ma lake ario.

 5 Tiende loro i tho

Dagutielo pare terojo atira i Liel.*

 7 Kawoni woda,* winja

Man kud ilokiri cen kud i kum lembe m’abeyero.

 8 Bed bor kude;

Kud icor ceng’ini i kamondo mi ot pare,

 9 Kara kud imii dwong’ peri ni jumange

Kadi kud ikay oro mi can;

10 Kara juwirok kud gidar jamcingi*

Man gin m’itimo tic ma tek pire pi ninwang’u kud ucidh i ot pa jawirok.

11 Kan ungo, ibicur i ajiki mi kwo peri

Kinde ma ring’ kumi ku kumi ginyothiri

12 Man ibiyero kumae: “Akayoo, agam adagu ndhu twiny ba!

13 Awinjo ngo dwand juponji para

Kadi aketho de ngo wiya i bang’gi.

14 An’i ceng’ini ku nyoth

I die cokiri* ceke.”

15 Madh pii kud i kulo m’atong’a peri giri

Man pii m’ubemol* kud i vuj pii peri giri.

16 Pirang’o kulo peri ulal woko,

Man pii mi kulo peri ulal i akarayo?

17 Wek gibed iri kendi,

Ento ungo ni welo karacelo kudi.

18 Dong’ mugisa ukwany kulo* peri,

Man wek anyong’a unegi karacelo ku dhaku mir aradu peri,

19 Ruda ma jumaru, diel ma leng’ m’i wi gudi.

20 Woda, pirang’o icikiri niweko dhaku ma wang’e tar* uteli

Kadi nigwaku kor dhaku ma won asara?*

21 Kum yo pa ng’atini n’i wang’ Yehova;

Eng’iyo gengi pare ceke.

22 Ng’atu ma rac moko i uwic mi kosa pare gire,

Man ebimoko i thol mi dubo m’etimo en gire.

23 Ebitho pilembe ejolo ngo twiny

Man ebikier pilembe kasegu pare ukadhu mukero.

6 Woda, tek iwodhiri niculo banja pa jadhugola peri

Tek iripo dhogi* ku jawirok,

 2 Tek imoko i uwic nikum lembe m’ing’olo,

Imoko nikum wec mi dhogi,

 3 Tim lembe ma e woda, man igonyiri giri,

Kum ipodho i cing’ jadhugola peri:

 4 Kud iwek nindo ukadh i weng’i,

Kadi rip rip i bind weng’i.

 5 Vudhiri giri calu amur kud i cing’ jadwar,

Man calu winyo kud i cing’ jacik winyo.

 6 Cidh i bang’ ukok, in m’i janyap;

Nen tic pare man dok riek.

 7 Kadok nwang’u embe ku jadit, jatelwic kadi jabim,

 8 Eyiko cam pare i saa pa oro,

Man ecoko dhu cam pare i saa mi kayucam.

10 Kenind nyanok, nyathi rip rip moko nyanok,

Kegwak cingi nyanok pi niyom,

11 E can bipodho i wii calu won ayeki,

Man canpiny calu ng’atu ma tie ku jamlwiny.

12 Ng’atu ma kony pare mbe man ma jatimrac wotho kun ku kun ku wec ma reco;

13 Ediyo wang’e, egoyo tiende, man eyengo nyig cinge.

14 Kud adunde ma rac,

Epangu lembe ma reco saa ceke man emewo athube.

15 Pieno, peko bitundo i wiye rek;

I saa ma nyanok ci jubirunge ma dong’ ecopo key ungo.

16 Piny moko abusiel unuti ma Yehova udagu,

Eyo, piny abiro m’edagu* magwei:

18 Adunde ma pangu lembe ma reco, man tielo ma ringo pio pio i bang’ lembe ma rac,

19 Jamulembe mi ndra ma cwayu vupo ve eyuyo ayuya,

Man ng’atu moko ci ma thubo kind umego.

20 Woda, wor lembang’ola pa wuru,

Man kud iwek nilubo ponji* pa meru.

21 Riwgi saa ceke i kum adundeni;

Twiigi i ng’uti.

22 Kinde m’ibewotho, ebitelo wii;

Kinde m’ivuto, ebikuro wii;

Man kinde m’icew ebiweco i beng’i.*

23 Kum lembang’ola utie thala,

Man cik utie lero,

Telowic man twiny gitie yo mi kwo.

24 Gibigwoki ni dhaku ma rac,

Ni leb mir abidhe pa dhaku ma won asara.*

25 Kud imar leng’o pare i adundeni

Kadi kud iwek emeki ku wang’e ma telojo,

26 Kum nikum dhaku ma won asara, ng’atini dong’ ku lungu mukathi acel kende,

Ento tek etie dhaku pa ng’atu mange, ebimaku kwo* ma pire tek.

29 Etie tap kumeno ni ng’atu moko ci m’utimo ribiri ku dhaku pa jadhugola pare;

Ng’atu moko mbe m’umulo kume ma binwang’u ngo matira.

30 Dhanu cayu ngo jakwo

Tek ekwalu pi nidaru kec m’unege.*

31 Enre tek jurube, ebiculo kawang’ pinje wang’ abiro;

Ebiweko piny ceke ma pigi tek mi ot pare.

32 Ng’atu moko ci m’utimo abor* ku dhaku nwang’u rieko pare mbe;*

Ng’atu m’utimo kumeno kelo nyoth i wiye gire.*

33 Ebinwang’u kende kende ret man koso yung,

Man lewic pare bikabere ngo.

34 Kum nyeko nyayu ng’eicwiny lee i cwar dhaku;

Kisa binege ngo nyanok de kinde m’ebeculo kwor.

35 Ebiyiyo ngo cul* moko acel de;

Kume bipiey ungo kadok nwang’u imiyo giramiya dupa.

7 Woda, wor lembe para,

Man gwok lembang’ola para cuu.

 2 Wor lembang’ola para man ikwo;

Gwok telowic* para calu tongili weng’i.

 3 Twiigi i kum nyig cingi;

Kiewgi iwi ban mir adundeni.

 4 Yer ni rieko kumae: “In i nyamira,”

Man lwong’ nyang’ i lembe kumae: “Wat para,”

 5 Pi nigwoki ni dhaku ma wang’e tar,*

Ni dhaku ma won asara* man ni wec pare ma mit.*

 6 Kud i wang’ kiyongila m’i wang’ madhirisa mi ot para,

Aneno yo piny,

 7 Man aneno ju ma rieko migi mbe,*

Kud i kind aradu, aneno jalawobi moko m’ukoso rieko.*

 8 Ekadhu ceng’ini i lukumba mi yo pa dhakune,

Man ecidho yor i bang’ ot pare

 9 Kinde ma piny ubegamere, dhug uthieno

Kinde ma diewor man mudho udhingo.

10 I ng’eye aneno dhaku moko urombo kude,

M’ukendere calu* won asara, man etie ku rieko ma rac i adundene.

12 Eni eni nwang’u ewok woko, i ng’eye ekadhu i lela ma lac

Ebekemo piny ceng’ini i lukumba ceke mi gengi.

13 Emaku jalawobine man ecwiyo limbe;

Ma lewic umbe i wang’e, ewacu ire kumae:

15 Eno re m’uketho awok pi nibino rombo kudi,

Pi niseyi man anweng’i!

16 Apedho bongu ma nwang’* ma leng’ iwi kavuto para,

Bongu ma nwang’ m’ujebo rangi m’uai i Misiri.

18 Bin, wek wamerara ku mer nitundo kugweno;

Wek wawinj mido mer ma lake tek i kindwa,

19 Kum cwara mbe i pacu;

Ecidho i woth ma bor.

20 Eting’o usau mi sente ecidho ko,

Ebidwogo ngo nitundo ma dwi bigudo.”

22 E rek kumeni ecaku lubo toke calu thwon dhiang’ ma jubecithumo,

Calu ng’atu ma rieko pare mbe ma jutwiyo ku kongo pi nicimiyo ire matira,

23 Nitundo m’athero ucobo cwinye;

Calu winyo ma ringo i uwic, eng’eyo ngo nia lembe maeno bikabu kwo* pare.

24 Man kawoni woda,* winja;

Keth wii i kum lembe m’abeyero.

Kud iwek tiendi ukier yor i gengi pare,

26 Kum eketho dhanu dupa gipodho ni avu,

Man ju m’enego wendgi lee dit.

27 Ot pare terojo i Liel;*

Eloro piny i kusika ma kut mi tho.

 2 Ecungo kaka ma malu i dhu yo,

Man i akarayo.

 3 I ng’et dhugang’ ma terojo i adhura,

I kamondo mi dhugola,

Ebemedere nikok ma tek kumae:

 4 “Abelwong’o wun, Ee dhanu;

Abeting’o dwanda malu iwu ceke.*

 5 Wu dhanu ma wung’eyo ngo lembe akeca, wuponj riekowang’;

Wu jukusegu, wunwang’ adunde mi nyang’ i lembe.*

 6 Wuwinji, kum gin m’abeyero pire tie tek,

Dend dhoga weco gin m’atira;

 7 Kum dhoga yero lemandha nyamung’ mung’,

Man dend dhoga udagu lembe ma rac.

 9 Ju ma ng’iyo i lembe ginyang’ i igi ceke yot yot

Man gitie atira ni ju ma ginwang’u ng’eyong’ec.

10 Jol twiny para kakare nijolo mola ma tar

Man ng’eyong’ec kakare nijolo mola ma kwar ma leng’.

11 Kum rieko ber ma sagu korai,*

Jucopo pore ngo ku piny mange ceke ma pigi tek.

12 An a rieko, abedo karacelo ku ju ma gitie ku riekowang’;

Anwang’u ng’eyong’ec man copo mi paru i lembe.

14 Atie ku juk ma beco man rieko;

Nyang’ i lembe man tego gi para.

15 Nikuma, jubim gimediri nibimo,

Man jutic ma dongo giwodho cik m’atira.

16 Nikuma, judongo ma wijo gimediri nibimo,

Man weg yung gipoko lembe i atira.

17 Amaru ju m’umara,

Man ju ma gibeyenya gibinwang’a.

18 Lonyo man dwong’ ni karacelo kuda,

Lonyo ma galu* man bedopwe bende.

19 Nyinga m’acego tie ber ma sagu mola ma kwar, ma sagu kadok mola ma kwar ma julilo,

Man gin m’acego tie ber ma sagu mola ma tar ma leng’.

20 Awotho i yo mi bedopwe,

I die gengi mi pokolembe ma pwe.

21 Amiyo giralaga ma cuu ni ju ma gimara,

Man apong’o dero migi.

22 Yehova ucwiya ni acaki mi yo pare,

Acaki mi tic pare ma yang’ con.

23 Juketho acungo niai con,*

Niai i acaki, niai yang’ con ma fodi ng’om umbe.

24 Kinde ma fodi pii ma thuc ubino mbe, junyola*

Kinde ma nwang’u fodi kulo m’udhenyini ubino mbe.

25 I wang’ ma fodi juketho ngo gudi kakagi,

I wang’ ungulu gudi,* nwang’u dong’ junyola,

26 Kinde ma fodi ecwiyo ngo ng’om ku podho m’i iye,

Kadi thungulu ng’om ma kwong’a mi ng’om.

27 Kinde m’ebeyiko polo, abino nuti keca;

Kinde m’eriedo kieu* iwi pii,

28 Kinde m’eketho* afuru malu,

Kinde m’eketho thekiri mi kulo ma thuc,

29 Kinde m’eketho cik ni nam

Nia pige ucikere ngo nikadhu kaka m’eng’olo,

Kinde m’eketho* kathere mi ng’om,

30 Abino i ng’ete calu jatic ma jabodho.

Abino ng’atu m’anyong’a nege i kume nisagu kubang’ nindo;

Anyong’a ubed unega i wang’e saa ceke;

31 Anyong’a ubed unega pi ng’om pare ma jukwo i wiye,

Man anyong’a ubed unega lee i kum wot dhanu.*

32 Man kawoni wota, wuwinja;

Eyo, jumutoro gi ju ma giworo lembe para.

33 Wuwinj twiny, man wudok riek,

Man kud wucaye.

34 Jamutoro en e ng’atu m’ubewinja

M’ubebino kugweno pir i* dhugola para kubang’ nindo,

Man m’ubekuro ceng’ini i dhugola para;

35 Kum ng’atu m’unwang’a binwang’u kwo,

Man enwang’u bero m’uai i bang’ Yehova.

36 Ento ng’atu m’udieng’ ungo kuda nwang’u enyayu peko i kume gire,*

Man ju ma gidaga gimaru tho.”

9 Rieko mandha ugiero ot pare;

Eng’iko* kum mbegine abiro.

 2 Eyiko ring’o* pare cuu mandha;

Ejebo pigulok pare;

Eyiko bende meza pare.

 3 Eoro jutic pare ma nyir

Kaka ma malu m’usagu zoo mir adhura kara gikok kumae:

 5 “Bin, cam cam* para

Man madh pigulok m’ajebo.

 6 Wek koso ng’eyong’ec,* e ibikwo;

Woth atira i yo mi nyang’ i lembe.”

 7 Ng’atu m’ubetwinyo jacac nwang’u ebelwong’o lewic i wiye gire,

Man ng’atu m’ubejuko ng’atu ma rac binyayu peko i kume gire.

10 Lworo Yehova tie acaki mi rieko

Man ng’eyo Ng’atu ma leng’ nisagu tie nyang’ i lembe.

11 Kum nikuma, nindo peri bibedo lee,

Man oro bimedere iwi kwo peri.

12 Tek idoko riek, nwang’u idoko riek pi bero peri giri,

Ento tek itie jacac, ibinwang’u matokene in giri.

14 Ebedo i kamondo mi ot pare

Iwi kom i kaka ma malu mir adhura,

15 Ebekok i bang’ ju m’ubekadhu,

I bang’ ju m’ubecidho atira i yo migi kumae:

17 “Pii ma jukwalu akwala mit,

Man cam ma jucamu i amung’ tie mit dit.”

18 Ento ging’eyo ngo nia ju ma tego migi thum i tho gini keca,

Nia welo pare gin’i thuc mi Liel.*

Wod ma riek nyayu anyong’a i won,

Ento wod ma jakasegu en e can ni min.

 2 Lonyo ma junwang’u i ayi m’atira ngo bibedo mbe ku kony,

Ento bedopwe bodhojo kud i tho.

 3 Yehova biweko ngo won bedopwe* ucidh ma kec ubenege,

Ento ebicero jutimrac ku gin m’avane unegogi.

 4 Cing’ ma janyap nyayu can,

Ento cing’ ma timo tic kud amora kelo lonyo.

 5 Wod ma timo ku rieko coko cam i nindo mi cir,

Ento wod ma nindo akeca i saa mi kayucam nyayu lewic i wiye gire.

 6 Mugisa n’i wi won bedopwe,

Ento dhu ng’atu ma rac kanu rop.

 7 Jubipoy i kum won bedopwe man jubipoko mugisa i wiye,

Ento nying’ ng’atu ma rac bitop.

 8 Ng’atu m’adundene riek bijolo telowic,*

Ento jubinyono ng’atu m’uweco lemkasegu.

 9 Ng’atu m’atira biwotho museme,

Ento ng’atu m’uketho yo pare ugondre jubituco wiye.

10 Ng’atu ma yedo wang’e ku vupo nyayu can,

Man jubinyono ng’atu m’uweco lemkasegu.

11 Dhu won bedopwe en e kulo mi kwo,

Ento dhu ng’atu ma rac kanu rop.

12 Adegi en e gin ma nyayu dhaw,

Ento mer umo wi kier ceke.

13 Rieko nwang’ere i dend dhu ng’atu ma ng’iyo i lembe,

Ento uluth utie pi die ng’ey ng’atu m’ukoso rieko.*

14 Ju ma riek gigwoko ng’eyong’ec cuu,

Ento dhu jakasegu lwong’o nyoth.

16 Tic pa won bedopwe terojo i kwo;

Ento adwogi mi tic pa jatimrac terojo i dubo.

17 Ng’atu ma ketho wiye i kum twiny en e yo ma terojo i kwo,*

Ento ng’atu ma cayu juk rwinyo jumange.

18 Ng’atu ma umo wi adegi pare nwang’u ecwayu vupo,

Man ng’atu ma moyo rwonglembe* ma rac en e jakasegu.

19 Tek jubeweco akeca, kier romo urere ngo,

Ento ng’atu m’ubeluro i wec* pare nwang’u e riek.

20 Leb won bedopwe tie calu mola ma tar ma leng’,

Ento adunde ng’atu ma rac konyne nok.

21 Dend dhu won bedopwe tungo* dhanu dupa,

Ento jukusegu githo nikum koso rieko.

22 Mugisa pa Yehova re ma lonyo ng’atini,

Man emedo litho* moko ngo i kume.

23 Nimondo i timo mi lewic tie calu tuko ni jakasegu,

Ento rieko tie pi ng’atu ma ng’iyo i lembe.

24 Gin ma ng’atu ma rac ubelworo re ma bibino i wiye;

Ento jubimiyo ni won bedopwe gin ma iye ubeyenyo.

25 Kinde m’avuvu* ukadhu, ng’atu ma rac bibedo mbe,

Ento won bedopwe tie kathere ma bibedo mi nja.

26 Calu giramadha ma wac ni lak man yiro ni wang’,

Janyap de tie kumeno ni ng’atu m’ubeore.*

27 Lworo Yehova medo nindo mi kwo,

Ento jubijwigo oro mi jutimrac.

28 Gin ma won bedopwe ubekuro* miyo anyong’a,

Ento genogen mi jutimrac birwinyo.

29 Yo pa Yehova tie kaka ma tek ni ng’atu ma lembe mbe i wiye,

Ento etie nyoth ni jutimrac.

30 Jubiketho ngo won bedopwe upodhi,

Ento jutimrac gibikwo ngo kendo iwi ng’om.

31 Dhu won bedopwe wodho* rieko,

Ento jubijigo leb ma yero lembe ma rac.

32 Dend dhu won bedopwe ung’eyo gin ma nyayu anyong’a,

Ento dhu ng’atu ma rac weco lembe ma rac.

11 Yehova udagu kilo mi ndra,*

Ento jampimo piny ma tap* nyayu anyong’a i iye.

 2 Kinde ma rikini utundo, lewic lubo toke,

Ento rieko ni karacelo ku ju ma mol.

 3 Bedocu mi ju ma gin atira telo wigi,

Ento gondiri mi ju ma cibojo binyothogi.

 4 Lonyo* bibedo mbe ku kony nyanok de i nindo mi kwinyo,

Ento bedopwe re ma bibodhojo kud i tho.

 5 Bedopwe pa ng’atu ma lembe mbe i wiye ketho yo pare bedo atira,

Ento jatimrac bipodho nikum racu pare gire.

 6 Bedopwe mi ju m’atira bibodhogi,

Ento ju ma cibojo bimoko i awanya migi gigi.

 7 Kinde ma jatimrac utho, genogen pare rwinyo;

Man genogen m’ujengere iwi tego pare bende rwinyo.

 8 Jubodho won bedopwe kud i can,

Man jatimrac maku kakare.

 9 Jajai* kelo nyoth iwi jadhugola pare ku dhoge,

Ento weg bedopwe giboth nikum ng’eyong’ec.

10 Bero mi weg bedopwe nyayu anyong’a i adhura,

Man kinde ma jutimrac girwinyo, kok mir anyong’a bedo nuti.

11 Adhura dongo* nikum mugisa mi ju m’atira,

Ento dhu jutimrac rwombe.

12 Ng’atu m’ukoso rieko* cayu jadhugola pare,

Ento ng’atu ma ng’iyo i lembe cuu bedo ling’.

13 Jayernying’ kadhu kun ku kun pi nituco wi lembe mir amung’,

Ento ng’atu ma jugeno* gwoko amung’.*

14 Ka bodho mi telowic* umbe, dhanu podho,

Ento lembe rombo* nikum jumii juk dupa.

15 Ng’atu m’uwodhere nia ebiculo banja ma jumiyo ni jawirok ung’ey nia ebinwang’ere ku lembe,

Ento ng’atu m’ubelworo niripo dhoge* i winjiri ma kumeno bibedo museme.

16 Dhaku ma ber* nwang’u dwong’,

Ento dhanu ma kisa mbe i igi giyaku lonyo.

17 Ng’atu ma ber* nwang’u bero,*

Ento ng’atu ma kwiny kelo peko* i wiye gire.

18 Ng’atu ma rac nwang’u cul mi ndra,

Ento ng’atu m’ubecoyo bedopwe nwang’u sukulia mandha.

19 Ng’atu m’ucungo nging’ nging’ i kum bedopwe nwang’u en’i gengi mi kwo,

Ento ng’atu m’uriemo tok gin ma rac nwang’u en’i gengi mi tho.

20 Yehova udagu ju m’adundegi rac,

Ento ju ma yo migi mbe ku kosa i iye ginyayu anyong’a i iye.

21 Ng’ey lembe ma e:* Jatimrac bikoso ngo ninwang’u matira,

Ento nyithindho mi weg bedopwe gibiboth.

22 Dhaku ma leng’ m’ukwero rieko

E calu gwilo* mi mola ma kwar i um kul.

23 Yeny mi weg bedopwe terojo i bero,

Ento gin ma jutimrac gibegeno terojo i kwinyo.

24 Ng’atu moko miyo piny ku berocwinye,* re piny pare medere ameda;

Ng’atu ma kucelo cero gin m’ecikere nimiyo, ento edoko jacan.

25 Ng’atu* ma miyo piny ku berocwinye piny pare binyay,*

Man ng’atu ma kwoyo pii lee iwi* jumange, en de jubikwoyo pii i wiye.

26 Dhanu bilamu ng’atu m’ubecero nying cam,

Ento gibipoko mugisa iwi ng’atu m’ubelwore.

27 Ng’atu m’ubeyenyo ku tego pare zoo nitimo lembe ma ber nwang’u ebeyenyo bero,

Ento ng’atu m’ubeyenyo nitimo lembe ma rac, lembe ma racne bibino i wiye de andha.

28 Ng’atu ma geno lonyo pare bipodho,

Ento won bedopwe bilepini calu uboko.

29 Ng’atu ma kelo peko* iwi juruot pare bilagu yamu,

Man ng’atu ma jakasegu bibedo jatic pa ng’atu ma riek.

30 Nying ma won bedopwe cego tie yen mi kwo,

Man ng’atu ma loko pidoic mi jumange* kara gitim lembe ma ber nwang’u e riek.

31 Tek won bedopwe de ubenwang’u sukulia iwi ng’om,

Ka dong’ jatimrac man jadubo ke binwang’u nisagu rukani!

12 Ng’atu m’umaru twiny nwang’u emaru ng’eyong’ec,

Ento ng’atu m’udagu juk nwang’u rieko pare mbe.

 2 Ng’atu ma ber nwang’u bero i wang’ Yehova,

Ento epoko lembe iwi ng’atu ma pangu lembe ma rac.

 3 Ng’atu moko mbe ma copo bedo museme nikum lembe ma rac,

Ento jubidoyo won bedopwe ki ngo.

 4 Dhaku m’uromo en e jamker mi wic ni cware,

Ento dhaku ma timo lembe mi lewic e calu twoyo ma tobo cogone.

 5 Paru mi weg bedopwe tie atira,

Ento juk mi jutimrac tie ndra.

 6 Wec mi jutimrac tie libo ma negojo,*

Ento dhu ju m’atira bodhogi.

 7 Kinde ma juredho jutimrac, gibedo mbe,

Ento ot mi weg bedopwe bimedere nicungo.

 8 Jupaku ng’atini nikum rieko m’i dhoge,

Ento jubicayu ng’atu m’adundene rac.

 9 Eber nibedo ng’atu ma juyungo ngo akeca, re m’utie ku jatic

Kakare nibedo ng’atu ma yungere gire, re m’ulund ukoso cam.*

10 Won bedopwe gwoko lim* pare,

Ento kadok kisa pa jatimrac de tie rac.

11 Ng’atu ma furo ng’om pare biyeng’ ku cam,

Ento ng’atu m’ulubo tok gin ma konyne mbe ukoso rieko.*

12 Jatimrac ketho cwinye i kum gin ma jutimrac mange gimaku,

Ento ulag weg bedopwe cego nyinge.

13 Ng’atu ma rac moko i uwic nikum wec pare mi dubo,

Ento won bedopwe both kud i can.

14 Ng’atini yeng’ ku piny ma beco nikum wec m’i dhoge,

Man tic mi cinge bimiyo ire sukulia.

15 Yo pa jakasegu tie atira i wang’e gire,

Ento ng’atu ma riek winjo juk.

16 Jakasegu nyutho ndhu ndhu* nia lembe moko ubetime rac,

Ento ng’atu ma tie ku riekowang’ dieng’ ungo ku* wec ma rac.

17 Jamulembe mandha biyero lemandha,*

Ento jamlembe mi ndra cwayu ndra.

18 Wec ma juparu iye ngo tie calu cob mi palamularu,

Ento leb ng’atu ma riek keyo kum.

19 Dendhok ma yero lemandha bibedo rondo ku rondo,

Ento leb ma cwayu ndra bigalu pi kare moko kende.

20 Ndra n’i adunde ju ma gipangu nitimo lembe ma rac,

Ento jumii juk mi kwiyocwiny gibedo ku mutoro.

21 Lembe moko mbe ma rac ma binwang’u won bedopwe,

Ento jatimrac binwang’ere ku masendi dupa.

22 Yehova udagu dendhok ma cwayu ndra,

Ento ju ma gitimo ku bedoleng’ ginyayu anyong’a i iye.

23 Ng’atu ma tie ku riekowang’ kanu lembe m’eng’eyo,

Ento adunde jakasegu dhwolo kasegu pare woko.

24 Cing’ ju ma gitimo tic kud amora bibimo,

Ento jubiketho cing’ ma nyap i kum tic mir adici.

25 Adieng’acwiny mir adunde ng’atini nure,*

Ento wec ma ber nyayu anyong’a i iye.

26 Won bedopwe ng’iyo luba pare cuu,

Ento timo mi jutimrac ketho girwinyo.

27 Janyap riemo ngo tok ley,

Ento amora tie gin ma pire tek ni dhanu.

28 Yo mi bedopwe terojo i kwo;

I gengine tho umbe.

13 Wod ma riek jolo twiny pa won,

Ento jacac winjo ngo juk.

 2 Ng’atini bicamu gin ma ber nikum wec m’i dhoge,

Ento awanya* mi ju ma cibojo terojo i rop.

 3 Ng’atu m’ubegwoko dhoge* nwang’u ebegwoko kwo* pare,

Ento ng’atu ma ng’amu dend dhoge ma lac bicidho i nyoth.

 4 Janyap yenyo nibedo ku piny lee, re embe* ku piny moko acel de,

Ento ng’atu* ma timo tic kud amora bibedo ku piny bik.*

 5 Won bedopwe udagu ndra,

Ento timo pa ng’atu ma rac kelo lewic man acidi.

 6 Bedopwe gwoko ng’atu ma lembe mbe i wiye,

Ento lembe ma rac redho jadubo.

 7 Ng’atu moko timere nia elony ma ke embe ku piny moko acel de;

Ng’atu mange ke lundo timere nia ve e jacan ma ke lonyo pare bik.

 8 Lonyo pa ng’atini en e jamgony ni kwo* pare,

Ento jusendo de ngo jucan.*

 9 Der mi weg bedopwe rieny terere,*

Ento thala mi jutimrac bitho.

10 Rikini terojo kende kende i dhaw,

Ento rieko ni karacelo ku ju ma yenyo juk.*

11 Lonyo ma junwang’u pio pio* bijwik,

Ento lonyo pa ng’atu m’ubecoke nok nok* binyay.

12 Genogen ma galu remo adunde,

Ento yeny ma pong’o en e yen mi kwo.

13 Ng’atu m’ucayu telowic* binwang’ere ku lembe,

Ento ng’atu m’ubeworo lembang’ola binwang’u sukulia.

14 Ponji* pa ng’atu ma riek en e kulo mi kwo

Ma uro ng’atini kud i uwic mi tho.

15 Rieko ma lee ketho junwang’u bero,

Ento yo mi ju ma cibojo kelo peko.

16 Ng’atu ma tie ku riekowang’ timo lembe ku ng’eyong’ec,

Ento jakasegu moyo kasegu pare.

17 Jakwenda ma rac podho i peko,

Ento jaor mandha kelo keyokum.

18 Ng’atu ma dieng’ ungo ku twiny can podho i wiye man enwang’u lewic,

Ento jubiyungo ng’atu ma jolo twiny.*

19 Yeny ma kan upong’o tie ber ni ng’atini,*

Ento jakasegu dagu niweko lembe ma rac.

20 Ng’atu m’ubewotho ku ju ma riek bidoko riek,

Ento ng’atu m’ubedikere ku jukusegu binwang’ere ku lembe.

21 Can biriemo tok judubo,

Ento weg bedopwe gibinwang’u mugisa dupa.

22 Ng’atu ma ber weko giralaga ni nyikwaye,

Ento jubigwoko lonyo pa jadubo ni won bedopwe.

23 Podho ma jacan ufuro cego cam lee,

Ento ecopo* kabere cen nikum lembe m’atira ngo.

24 Ng’atu ma cero uluth* pare nwang’u edagu wode,

Ento ng’atu m’umare twinye cuu.*

25 Won bedopwe camu man eyeng’,*

Ento kec binego jatimrac.

14 Dhaku ma riek andha giero ot pare,

Ento dhaku ma jakasegu rwombe ku cinge gire.

 2 Ng’atu m’ubewotho i atira lworo Yehova,

Ento ng’atu ma yo pare ugondere* caye.

 3 Uluth mi kuhaya n’i dhu jukusegu,

Ento dend dhu ju ma riek bigwokogi.

 4 Kaka ma lim umbe i iye wer bedo ma leng’,

Ento tego pa thwon dhiang’ miyo mwoka lee.

 5 Jamulembe mandha bicwayu ndra ngo,

Ento jamulembe mi ndra cwayu vupo ve eyuyo ayuya.

 6 Jacac yenyo rieko re enwang’e ngo,

Ento ng’eyong’ec bino pio pio ni ng’atu ma tie ku nyang’ i lembe.

 7 Bed bor ku ng’atu ma jakasegu,

Kum ibinwang’u ngo ng’eyong’ec i dend dhoge.

 8 Nikum rieko ng’atu ma tie ku riekowang’ nyang’ i yo m’ecidho i iye,

Ento kasegu mi jukusegu wondogi.*

 9 Jukusegu cayu kosa ma gitimo,

Ento ju m’atira gisayu niyiko lembe i kindgi.*

10 Adunde ng’eyo gin ma kec* ire gire,

Man ng’atu mange mbe ma copo dikere i anyong’a pare.

11 Jubirwombo ot mi jutimrac,

Ento hema mi ju ma gin atira bibedo miero.

12 Yo moko nuti ma nen nia en atira i wang’ ng’atini,

Ento i ajikine eterojo i tho.

13 Kadok i ng’iero de adunde copo nwang’ere ku litho,

Man anyong’a copo thum ku can.

14 Ng’atu ma kier i adundene bikayu adwogi mi yo pare,

Ento ng’atu ma ber kayu sukulia mi timo pare.

15 Ng’atu m’ung’eyo lembe akeca ngo yiyo lembe ceke,

Ento ng’atu ma tie ku riekowang’ ng’iyo i dagutielo pare ceke.

16 Ng’atu ma riek bedo ku wang’e man euro lembe ma rac,

Ento jakasegu dieng’ ungo* man egenere nisagu mukero.

17 Ng’atu ma ng’eicwiny make pio timo lembe ku kasegu,

Ento judagu ng’atu ma paru i lembe cuu.*

18 Ju ma ging’eyo lembe akeca ngo gibilagu kasegu,

Ento ju ma gitie ku riekowang’ gikendo ng’eyong’ec calu jamker mi wic.

19 Dhanu ma reco gibikulo korgi i wang’ dhanu ma beco,

Man jutimrac gibikulo korgi i dhugola mi weg bedopwe.

20 Ng’atu ma jacan judhugola pare de gidage,

Ento jurimb jalonyo gi dupa.

21 Ng’atu ma cayu jadhugola pare nwang’u ebetimo dubo,

Ento ng’atu ma kisa nege i kum ju ma ka kitgi mbe e jamutoro.

23 Tic ceke ma tek kelo bero,

Ento weco aweca kende terojo i yeny.

24 Jamker mi wic mi ju ma riek en e lonyo migi;

Ento kasegu mi jukusegu utie kende kende kasegu.

25 Jamulembe mandha bodho kwo,*

Ento jamulembe mi ndra cwayu vupo ve eyuyo ayuya.

26 Ng’atu ma lworo Yehova gene i lembe ceke,

Man lworone bibedo ni kapondo ni awiya pare.

27 Lworo Yehova en e kulo mi kwo,

Ma uro ng’atini kud i uwic mi tho.

28 Udul dhanu en e dwong’ pa jabim,

Ento jabim ma lwak pare mbe podho.

29 Ng’atu ma yoo ni kwinyo nwang’u etie ku ng’iyo i lembe lee,

Ento ng’atu ma ciro lembe ngo nyutho kasegu pare kamaleng’.

30 Adunde m’ukwiyo miyo kwo* ni kum,

Ento kumira tie twoyo ma tobo cogo.

31 Ng’atu ma yaku ng’atu ma ka kite mbe nwang’u ebeyanyu Jacwic pare,

Ento ng’atu ma kisa nege i kum jacan yunge.

32 Racu pa jatimrac biredhe,

Ento won bedopwe binwang’u kapondo i bedocu pare.

33 Rieko yom yoo i adunde ng’atu ma nyang’ i lembe,

Ento emito pire ung’eyere i kind jukusegu.

34 Bedopwe dodo thek,

Ento dubo nyayu lewic iwi dhanu.

35 Anyong’a nego ubimo i kum jatic ma timo lembe ku rieko,

Ento kwinyo make i kum jatic ma timo lembe mi lewic.

15 Dwoko lembe ma yoo* kwiyo lak kwinyo,

Ento wec ma timojo rac* nyayu ng’eicwiny.

 2 Leb ju ma riek tiyo cuu ku ng’eyong’ec,

Ento dhu jukusegu dhwolo kasegu.

 3 Wang’ Yehova ni kakare ceke,

M’ebeneno ko lembe ma rac ku ma ber.

 4 Leb ma yoo* en e yen mi kwo,

Ento wec mi ndra ketho jubayu genogen.*

 5 Jakasegu cayu twiny pa won,

Ento ng’atu ma tie ku riekowang’ jolo juk.

 6 I ot pa won bedopwe lonyo pong’ bik,

Ento adwogi mi tic pa jatimrac kelo peko i wiye.

 7 Dend dhu ju ma riek mewo ng’eyong’ec,

Ento adunde jukusegu re timo kumeno ngo.

 8 Yehova udagu lam mi jutimrac,

Ento rwo pa ng’atu m’atira nyayu anyong’a i iye.

 9 Yehova udagu yo pa jatimrac,

Ento emaru ng’atu ma riemo tok bedopwe.

10 Twiny nen rac* ni ng’atu m’uweko yo m’atira,

Ento ng’atu m’udagu juk bitho.

13 Adunde mi mutoro nyayu anyong’a i wang’,

Ento can turo cwinyjo.

14 Adunde ma nyang’ i lembe yenyo ng’eyong’ec,

Ento dhu jakasegu tungere ku* lemkasegu.

15 Nindo pa ng’atu ma can n’i iye* ceke rac,

Ento ng’atu m’adundene tie ku mutoro* bedo ku foc thiri thiri.

16 E ber nibedo ku piny nyanok ma re julworo Yehova

Kakare nibedo ku lonyo lee karacelo kud adieng’acwiny.*

17 E ber nicamu dek ma col kaka ma mer n’i iye

Kakare nicamu thwon dhiang’ ma miyo kaka m’adegi n’i iye.

18 Ng’atu ma won ng’eicwiny nyayu dhaw,

Ento ng’atu ma yoo ni ng’eicwiny kwiyo wi ali.

19 Yo pa janyap tie calu gang’ mir ukudho,

Ento gengi pa ng’atu m’atira tie calu ndaki ma kpee.

20 Wod ma riek nyayu anyong’a i won,

Ento ng’atu ma jakasegu cayu min.

21 Lemkasegu en anyong’a ni ng’atu m’ukoso rieko,*

Ento ng’atu ma won ng’iyo i lembe cidho atira i wang’e.

22 Lembe ma jupangu podho kaka ma jupenjo ngo paru i iye,*

Ento erombo nikum jumii juk dupa.

23 Anyong’a nego ng’atini kinde m’emiyo dwokowang’ lembe ma tap,*

Man lembe ma juyero tap i saane tie ber mire maa!

24 Yo mi kwo dodo ng’atu ma riek malu,

Pi nigwoke kara kud elor piny i Liel.*

25 Yehova birwombo ot pa jakuhaya cen,

Ento ebigwoko wang’ kieu pa dhatho.

26 Yehova udagu gamba ma jatimrac camu,

Ento wec ma mit tie leng’ ire.

27 Ng’atu m’ubenwang’u piny i ayi m’atira ngo kelo peko* iwi ot pare gire,

Ento ng’atu m’udagu kanyaka bimedere nikwo.

28 Adunde ng’atu ma pwe nyamu i lembe i wang’ nidwoko lembe,*

Ento dhu jukusegu thwogo lembe ma reco.

29 Yehova ni bor ku jutimrac,

Ento ewinjo rwo mi weg bedopwe.

30 Wang’ ma tie ku mutoro* nyayu anyong’a i adunde;

Rwonglembe ma ber miyo tego ni cogo.*

31 Ng’atu ma winjo juk ma miyo kwo

Kakare n’i kind ju ma riek.

32 Ng’atu moko ci ma kwero twiny, nwang’u ebecayu kwo* pare,

Ento ng’atu ma winjo juk nwang’u nyang’ i lembe.*

33 Lworo Yehova ponjojo ku rieko,

Man i wang’ dwong’, jwigiri lar bedo nuti.

16 Ng’atini yiko paru mir adundene,*

Ento dwokowang’ lembe m’emiyo* ai i bang’ Yehova.

 2 Yo pa ng’atini ceke nen nia tie atira* i wang’e,

Ento Yehova ng’iyo i lembe m’ucwale.*

 3 Keth gin moko ci m’itimo* i cing’ Yehova

E lembe m’ipangu birombo.

 4 Yehova uketho piny ceke upong’ lembakeca pare,

Kadok jatimrac pi nindo mi can.

 6 Nikum mer ma lokere ngo man gwoko bedoleng’, juweko kosa,

Man nikum lworo Yehova ng’atini lokere cen kud i kum lembe ma rac.

 7 Kan anyong’a unego Yehova i kum yo pa ng’atini,

Eketho kadok judegi pare de gikwo kude ku kwiyocwiny.

 8 E ber nibedo ku piny nyanok re i bedopwe

Kakare nibedo ku piny dupa i yo m’atira ngo.

 9 Ng’atini copo pangu yo pare i adundene,

Ento Yehova re ma telo wi dagutielo pare.

10 Yub ma tipo uyuyo i wiye* ucikere nibedo i dend dhu ubimo;

Ecikere ngo ninyotho pokolembe m’atira.

11 Jampimo piny man kilo ma tap giai i bang’ Yehova

Pek ceke mi kidi ma n’i usau gitie tic pare.

12 Jubim gidagu timo ma reco,

Kum komker cungo nging’ nging’ nikum lembe m’atira.

15 Kwo nwang’ere i der m’i wang’ ubimo;

Bero pare tie calu afuru mi koth mi saa mi cir.

18 Kuhaya lar wok i wang’ nyoth,

Man tipo mi ting’iri i wang’ kier.

19 E ber nibedo ng’atu ma jwigere i kind ju ma mol

Kakare nipoko jambayeki mi ju ma ting’iri.

20 Lembe birombo* ni ng’atu m’utimo ku rieko i lembe moko,

Man jamutoro tie ng’atu m’ugeno Yehova.

21 Ng’atu ma riek i adunde jubiyero nia etie ku nyang’ i lembe,

Man ng’atu ma weco ma ber* ketho dhanu yiyo lembe.

22 Rieko tie kulo mi kwo ni ju ma gitie kude,

Ento kasegu mi jukusegu re ma twinyogi.

23 Adunde ng’atu ma riek miyo rieko ni dhoge

Man wec pare ketho dhanu yiyo lembe.

24 Wec ma nyang’ujo tie calu pedo kic,

E mit ni ng’eyong’ec* man ekeyo cogo.

25 Yo moko nuti ma nen nia en atira i wang’ ng’atini,

Ento i ajikine eterojo i tho.

26 Mido dhu* jatic ketho etimo tic ma tek

Pilembe kec m’unege* cwale nitimo kumeno.

27 Ng’atu ma kite mbe golo wi lembe ma rac;

Wec m’i dhoge tie calu mac ma wang’u piny.

28 Janyay yakini* tugo ali,

Man jayernying’ poko kind jurimo ma ceng’ini.

29 Ng’atu ma jarop bidho wang’ jadhugola pare

Man etelo wiye i yo ma rac.

31 Wic ma julwar tie jamker mi wic mi leng’o*

Kinde m’ebenwang’ere i gengi mi bedopwe.

32 Ng’atu ma yoo ni ng’eicwiny tie ber ma sagu ng’atu ma jarukara,

Man ng’atu ma bimo wi ng’eicwiny pare* tie ber ma sagu ng’atu m’umaku adhura.

33 Jubolo gagi i dhu bongu

Ento yub ceke mi gagine ai i bang’ Yehova.

17 Lungu mukathi acel m’utal kaka ma kwiyocwiny n’i iye utie ber

Nisagu ot m’upong’ ku foc* karacelo ku dhaw.

 2 Jatic ma riek bibimo iwi wod ma timo lembe mi lewic;

Ebinwang’u giralaga calu acel m’i kind wot jadit pare.

 3 Agulu mi lilo piny tie pi mola ma tar man uka tie pi mola ma kwar,

Ento Yehova ng’iyo i adunde.

 4 Jatimrac ketho wiye i kum wec ma timojo rac,

Man jandra winjo leb ma kierojo.

 5 Ng’atu m’ucayu jacan nwang’u eyanyu Jacwic pare,

Man ng’atu m’anyong’a nege i kum can mi jumange bikoso ngo ninwang’u matira.

 6 Nyikwayu* gitie jamker mi wic ni ju m’utii,

Man wego* gitie dwong’ mi wotgi.*

 8 Giramiya tie calu kidi ma pire tek ni won;*

Kaka moko ci m’ecidho i iye, eketho lembe rombo ire.

 9 Ng’atu ma weko* kier nwang’u ebeyenyo mer,

Ento ng’atu ma medere niweco pire poko kind jurimo ma ceng’ini.

10 Juk utie ku matoke ma lee iwi ng’atu ma tie ku nyang’ i lembe

Kakare nigoyo jakasegu wang’ dak acel.

11 Ng’atu ma rac sayu kende kende nijai

Ento jubioro jakwenda ma kwiny pi nimiyo ire matira.

12 E ber nirombo kud urudi ma jucoko nyithindhe

Kakare nirombo ku jakasegu i lemkasegu pare.

13 Tek ng’atu moko ubeculo wang’ bero ku racu,

Racu biai ungo kud i ot pare.

14 Caku the dhaw utie ve nitugo dhu pii m’upong’;*

Ma fodi ali utuk ungo, may kumi.

15 Ng’atu ma gonyo lembe m’i wi jatimrac man ng’atu ma ng’olo lembe rac iwi won bedopwe,

Gin ceke gi gin ma Yehova udagu.

16 Konyne ang’o nia jakasegu ubed ku yo mi nwang’u rieko

Ma ke lundo embe kud ava* mi nwang’e?*

17 Jarimo mandha nyutho mer saa ceke

Man etie umego ma junyolo pi nindo mi can.

18 Ng’atu m’ukoso rieko* miyo cinge man eyiyo

Niwodhere pi niculo banja mi jumange i vut jadhugola pare.

20 Lembe birombo ngo* ni ng’atu m’adundene rac,

Man ng’atu ma yero vupo bicidho i nyoth.

21 Ng’atu m’unyolo nyathin ma jakasegu binwang’ere ku can;

Man anyong’a mbe ni won nyathin ma rieko pare mbe.

22 Adunde ma tie kud anyong’a en e yath ma ber,*

Ento cwiny m’utur daru tego pa ng’atini.*

23 Ng’atu ma rac bigamu kanyaka i amung’*

Pi ninyotho pokolembe ma pwe.

24 Rieko utie atira i wang’ ng’atu ma ng’iyo i lembe,

Ento wang’ jakasegu wotho rr nitundo i ajiki mi ng’om.

25 Wod ma jakasegu nyayu peko i kum won

Man enyayu can i* min m’unyole.

26 Nimiyo matira ni* won bedopwe utie lembe ma ber ungo,

Man nifwodo dhanu ma giromo ku yung utie lembe m’umaku piny ungo.

27 Ng’atu ma tie won ng’eyong’ec bimo wi wec pare

Man ng’atu ma tie ku ng’iyo i lembe bedo yoo.

28 Kadok jakasegu m’ubemedere nibedo ling’ jubinene nia e riek

Man ng’atu m’umwono dend dhoge, jubinene nia etie won ng’iyo i lembe.

18 Ng’atu m’ubekoyere kende nwang’u ebesayu awanya pare gire;

Ekwero* rieko ceke.

 2 Anyong’a nego ngo jakasegu i kum nyang’ i lembe;

Ento ewodho gin ma n’i adundene woko.

 3 Kinde ma jatimrac utundo, cac bende tundo,

Man karacelo ku koso yung lewic bedo nuti.

 5 E ber ungo nicwaku bang’ jatimrac

Kadi nicero won bedopwe ku twero pare.

 6 Wec pa jakasegu terojo i dhaw,

Man dhoge lwong’o goco.

 7 Dhu jakasegu kelo nyoth i wiye,

Man dend dhoge tie uwic ni kwo* pare.

 8 Wec pa jayernying’ gi calu cam ma mit;*

Giloro piny nitundo i ic.

 9 Ng’atu ma tie janyap i tic pare

Tie umin ng’atu ma kelo nyoth.

11 Lonyo pa jalonyo tie adhura pare ma tek;

I paru pare etie calu gang’kidi ma gwoke.

12 Ting’iri lar mondo i adunde ng’atini i wang’ m’epodhi,

Man i wang’ dwong’, jwigiri lar bedo nuti.

13 Kinde ma ng’atini ubedwoko lembe i wang’ niwinjo lembene ceke,

Etie lembe mi kasegu man mi lewic.

14 Nen* ma ber ma ng’atini tie ko konye niciro twoyo,

Ento ng’a ma copo ciro cwiny m’uturi?*

15 Adunde ng’atu ma riek nwang’u ng’eyong’ec,

Man ith ng’atu ma riek bende yenyo ng’eyong’ec.

16 Giramiya pa ng’atini yabu ire yo;

Man etere i bang’ dhanu ma dongo.

17 Ng’atu ma kwong’a m’ubekoro lembe pare nen nia ve ebeyero lemandha,

Nitundo ma jadhoge bino man epenje ku penji.*

18 Bolo gagi jigo piem

Man epoko* kind ju ma tek ma giwinjiri ngo i kindgi.

19 Umego ma jutimo rac doko tek nisagu adhura ma tek,

Man dhaw moko nuti ma calu riu mi dhugola ot ma tek.

20 Ng’atini bipong’o iye nikum wec m’i dhoge;

Ebiyeng’ ku gin ma dend dhoge uwodho.

21 Leb utie ku copo mi nego man mi ketho jubed kwo;*

Ju ma gimaru nitiyo kude gibicamu nyinge.

22 Ng’atu m’unwang’u dhaku ma ber nwang’u enwang’u gin ma ber,

Man ejolo bero pa Yehova.

23 Jacan kwayujo akwaya kinde m’ebeweco,

Ento jalonyo dwoko lembe ku kwinyo.

24 Jurimo moko nuti ma gitie ayika ninyayu peko i kumgi i kindgi,

Ento jarimo moko nuti ma moko kii nisagu umego.

19 E ber nibedo jacan man niwotho i bedo cuu

Kakare nibedo jakasegu man nicwayu ndra.

 2 E ber ungo nia ng’atini* ubed m’umbe ng’eyong’ec,

Man ng’atu m’ubetimo lembe nyapio pio* ubedubo.

 3 Kasegu pa ng’atini re ma nyotho yo pare,

Man ng’eicwiny maku adundene i kum Yehova.

 4 Lonyo telo jurimo dupa,

Ento jacan kadok jarimbe de biweke.

 5 Jamulembe mi ndra bikoso ngo ninwang’u matira,

Man ng’atu ma cwayu vupo ve eyuyo ayuya biboth ungo.

 6 Ju dupa giyenyo bero pa won yung,*

Man dhanu ceke gitie jarimb ng’atu ma miyo giramiya.

 7 Umego pa jacan ceke gidage;

Ka dong’ jurimbe ke ure rukani!

 9 Jamulembe mi ndra bikoso ngo ninwang’u matira,

Man ng’atu ma cwayu vupo ve eyuyo ayuya bitho.

10 Eromo ngo nia jakasegu ukwo kwo ma yot;

Eromo ngo magwei lundo nia jatic ubim wi judongo ma wijo!

11 Andhandha rieko pa ng’atini kwiyo wi kwinyo pare,

Man en e lembe mi yung ire nia ekadh kud iwi kosa.*

12 Kwinyo p’ubimo tie calu rundo p’umvor,*

Ento bero pare tie calu thoi iwi uboko.

13 Wod ma jakasegu kelo peko iwi won,

Man dhaku ma jatiti* tie calu ot ma cwir m’umbe nijik.

14 Julagu ot ku lonyo niai kud i bang’ wego,

Ento dhaku ma riek ai i bang’ Yehova.

15 Nyap kelo nindo ma pek,

Man ng’atu* ma janyap kec binege.

16 Ng’atu ma woro lembang’ola gwoko kwo* pare;

Ng’atu ma dieng’ ungo i kum yo pare bitho.

17 Ng’atu m’ubenyutho bero ni ng’atu ma ka kite mbe cung’o banja i Yehova,

Man ebiculo ire* kawang’e pi gin m’ebetimo.

18 Twiny wodi kinde ma fodi genogen unuti,

Man kud iyeny nia etho athoa.*

19 Ng’atu ma kwiny binwang’ere ku lembe;

Tek imito nicere, bikwayu icere kendo kendo.

20 Winj juk man jol twiny

Kara idok riek i anyim peri.

21 Pangulembe mir adunde dhanu tie dupa,

Ento juk* pa Yehova re ma biloyo.

22 Gin ma jumaru akeca i bang’ ng’atini tie mer pare ma lokere ngo;

Man e ber nibedo jacan kakare nibedo jandra.

23 Lworo Yehova terojo i kwo;

Ng’atu m’utie ku lworone biyom ma cwinye kwiyo, m’umbe peko.

24 Janyap royo cinge i tabu mi foc,

Ento etimo de ngo kero moko pi nidwoko cingene i dhoge.

25 Goy jacac kara ng’atu m’ung’eyo lembe akeca ngo uponj nibedo ku riekowang’,

Man juk ng’atu ma tie ku nyang’ i lembe kara emed ng’eyong’ec pare.

26 Ng’atu ma sendo won man ma riemo min

En e wod ma nyayu lewic man acidi.

27 Woda, tek iweko niwinjo twiny,

Ibikier kud i kum wec mi ng’eyong’ec.

28 Jamulembe ma kony pare mbe cayu pokolembe m’atira,

Man dhu jutimrac mwonyo lembe ma rac.

29 Pokolembe ubedo agwoka ni jucac,

Man goco utie pi die ng’ey jukusegu.

20 Pigulok ketho judoko jucac, kong’o ketho judoko ger;

Ng’atu m’ukier nikumgi nwang’u e riek ungo.

 2 Ndiri* ubimo tie calu rundo p’umvor;*

Ng’atu m’unyayu ng’eicwiny i iye ketho kwo pare gire i ariti.

 3 En e yung ni ng’atini kan ebecerere kara kud edhaw,

Ento ng’atu moko ci ma jakasegu bicorere i dhawne.

 4 Janyap furo fur ungo i saa pa koyo,

Pieno ebikwayu piny i saa mi kayu cam kinde m’embe ku gin moko.*

 5 Paru* mir adunde dhanu gi calu pii ma thuc,

Ento ng’atu ma won ng’iyo i lembe wodhogi woko.

 6 Dhanu ma dupa giyero nia gitie ku mer ma lokere ngo,

Ento ng’a ma copo nwang’u ng’atu mandha?

 8 Ka jabim ubedo iwi komker pi nipoko lembe,

Eng’iyo i lembe ma rac ceke ku wang’e.

 9 Ng’a ma copo yero kumae: “Adwoko adundena leng’;

Adoko leng’ ni dubo para”?

10 Yehova udagu kidi ario m’ukoc mi pimo piny

Man jampimo piny mi ndra.*

11 Jung’eyo kadok nyathin de nikum timo pare

Ka nyo kura pare tie leng’ man atira.

12 Ith ma winjo lembe man wang’ ma neno piny,

Gin ceke Yehova re m’ucwiyogi.

15 Mola ma kwar unuti, man bende korai* lee,

Ento dendhok mi ng’eyong’ec utie gin ma pire tek.

16 Gam bongu pa ng’atini tek ewodhere pi niculo banja pa jawirok;

Gam mukwatu* kud i bang’e tek etimo kumeno pi nyawirok.*

17 Cam ma junwang’u ku vupo mit i dhu ng’atini,

Ento yor i ng’eye, dhoge bipong’ ku kidi.

18 Lembe ma jupangu birombo* ka jubepenjo paru,*

Man ku bodho mi telowic,* kied lwiny peri.

19 Jayernying’ kadhu kun ku kun pi nituco wi lembe mir amung’;

Kud idikiri ku ng’atu m’umaru yero nying’.*

20 Ng’atu ma lamu won ku min, thala pare bitho

Kinde ma mudho tundo.

21 Giralaga ma junwang’u ku kwong’a nikum kethocwiny i kum piny

Bikonyo ngo i ajikine.

23 Yehova udagu kidi ario m’ukoc mi pimo piny,

Man kilo mi ndra en e gin ma ber ungo.

24 Yehova re ma telo wi dagutielo pa dhanu;

Ng’atini copo nyang’ i yo pare* nenedi?

26 Jabim ma riek piedho jutimrac,

Man eketho jupeyo ukobre mi* jamfodo nying cam i wigi.

27 Yuyo pa ng’atini utie thala pa Yehova

M’eyenyo ko iye m’upondo ma thuc.

28 Mer ma lokere ngo man bedoleng’ gwoko ubimo;

Nikum mer ma lokere ngo eketho komker pare cungo nging’ nging’.

29 Dwong’ mir aradu utie tego migi,

Man leng’o mi ju m’utii utie wigi ma julwar.

30 Fod ma luko kum man ma wodho rem kabu lembe ma rac cen,

Man goco ketho i ng’atu m’upondo ma thuc doko leng’.

 2 Yo pa ng’atini ceke nen nia tie atira i wang’e,

Ento Yehova ng’iyo i adunde.*

 3 Nitimo lembe m’atira man ma pwe

Nyayu mutoro lee i Yehova nisagu lam.

 4 Wang’ mi ting’iri man adunde mi kuhaya

Gitie thala ma telo wi jutimrac, ento gitie dubo.

 5 Andhandha pangulembe pa ng’atu ma timo tic kud amora ketho lembe wotho ire miero,*

Ento andhandha dhanu ceke ma gitimo lembe nyapio pio gicidho i can.

 6 Ninwang’u lonyo ku leb mi ndra

Tie calu lietho ma duny, etie uwic ma negojo.*

 7 Rop mi jutimrac bikabugi cen,

Kum gikwero nitimo lembe ku bedopwe.

 8 Yo pa ng’atu ma lembe n’i wiye ugondere,

Ento timo pa ng’atu ma leng’ tie atira.

 9 E ber nibedo i gund wi ot

Kakare nibedo i ot ma rom ku dhaku ma jatiti.*

10 Jatimrac* ketho cwinye i kum gin ma rac;

Etimo ngo bero nyanok de ni jadhugola pare.

11 Kinde ma jumiyo matira ni jacac, ng’atu m’ung’eyo lembe akeca ngo doko riek,

Man kinde ma ng’atu ma riek ubeponjo lembe lee, enwang’u ng’eyong’ec.*

12 Ng’atu ma pwe neno ot pa jatimrac;

Ebayu jutimrac i nyoth.

13 Ng’atu ma culo ithe kara kud ewinj wak pa ng’atu ma ka kite mbe,

En bende jubidwoko ngo ire lembe kinde m’ebilwong’o.

14 Giramiya ma jumiyo i amung’ kwiyo wi ng’eicwiny,

Man kanyaka ma jumiyo i aponda,* kwiyo lak kwinyo.

15 Etie mutoro ni won bedopwe nitimo lembe ku bedopwe,

Ento ju ma gitimo lembe ma reco gidagu nitimo lembe ku bedopwe.

16 Ng’atu m’ukier kud i yo mi rieko

Biyom karacelo ku ju ma tego migi thum i tho.

17 Ng’atu m’umaru nambu* bidoko jacan;

Man ng’atu m’umaru pigulok man mo bilony ungo.

18 Jatimrac tie jamgony ni won bedopwe,

Man jubiting’o ng’atu ma cibojo kaka ng’atu m’atira.

19 E ber nibedo i langa

Kakare nibedo ku dhaku ma jatiti* man ma nyayu ng’eicwiny i ijo.

20 Lonyo ma pire tek man mo n’i ot pa ng’atu ma riek

Ento jakasegu binyotho* piny m’etie ko.

21 Ng’atu m’uberiemo tok bedopwe man mer ma lokere ngo

Binwang’u kwo, bedopwe, man dwong’.

22 Ng’atu ma riek romo piey kud iwi gang’ mir* adhura mi jurukara

Man enyotho tego ma giketho genogen migi i wiye cen.

23 Ng’atu m’ubegwoko dhoge man lebe

Nwang’u egwokere gire* ni peko.

24 Won rikini, jadoro, man ng’atu ma ting’ere

Kumeno re ma jubilwong’o ng’atu m’ubetimo lembe ku kuhaya m’umbe nidieng’ i kum gin m’ebetimo.

25 Gin ma janyap uketho cwinye i kume bitere i tho,

Kum cinge kwero nitimo tic.

26 Eketho cwinye kud abamba i kum piny dieceng’ duu,

Ento won bedopwe miyo m’umbe niweko dong piny moko.

28 Jamulembe m’ucwayu ndra bitho,

Ento ng’atu ma winjo lembe bimiyo lembatuca pi nja.

29 Jatimrac ronyo wang’ mi tegocwiny,

Ento won bedopwe re ma yo pare tie atira.*

31 Juketho riuni* ubed ayika pi nindo mi lwiny,

Ento both utie pa Yehova.

22 E ber ning’iyo nying’ ma ber* kakare ning’iyo lonyo dupa;

Nibedo ng’atu ma juworo* tie ber nisagu mola ma tar man mola ma kwar.

 3 Ng’atu m’utie ku riekowang’ neno ariti man epondo,

Ento ng’atu m’ung’eyo lembe akeca ngo medere ku woth man enwang’u matokene.*

 4 Adwogi mi jwigiri man mi lworo Yehova

Tie lonyo, dwong’ man kwo.

 5 Ukudho man uwic n’i yo pa ng’atu m’atira ngo,

Ento ng’atu ma neno kwo* pare ni gin ma pire tek bibedo bor kugi.

 6 Ponj jalawobi* i yo m’umaku ewoth i iye;

Kadok kinde m’etii ebiweke ngo.

 7 Jalonyo bimo wi jacan,

Man jagam banja en e ng’eca pa jamii banja.

 8 Ng’atu ma coyo racu bikayu peko,

Man uluth mi ng’eicwiny pare bijik.

 9 Ng’atu ma miyo piny ku berocwinye* binwang’u mugisa,

Kum emiyo kum cam pare ni jacan.

10 Riem ng’atu ma jacac cen,

E teliri bithum;

Ali* kud ayany bijik.

11 Ng’atu m’adundene leng’* man ma wec pare ber

Bibedo jarimb ubimo.

12 Wang’ Yehova gwoko ng’eyong’ec,

Ento eranyu wec mi ju ma cibojo.

15 Kasegu bedo atwiya i adunde jalawobi,*

Ento uluth mi twiny bikabe cen kud i iye.

16 Ng’atu m’ubeyaku jacan pi nimedo lonyo pare

Man ng’atu m’ubemiyo giramiya ni jalonyo,

Gibidong’ jucan.

17 Cik ithi man winj lembe mi ju ma riek,

Kara iketh adundeni i kum ng’eyong’ec para,

18 Kum etie lembe ma ber nigwokogi i ii,

Kara gin ceke gibed i dend dhogi saa ceke.

19 Abemiyo iri ng’eyong’ec tin,

Kara genogen peri ubed i Yehova.

20 Nyo adaru kiewo iri ngo

Pi nimiyo iri juk man ng’eyong’ec,

21 Pi niponji ku lembe mandha man ma jugeno

Kara idok ku lembe ma tap ni ng’atu m’uori?

22 Kud iyak ng’atu ma jacan pilembe nia e jacan,

Man kud irung i ng’atu ma ka kite mbe i dhugang’ mir adhura,

23 Kum Yehova en gire bicero bang’gi

Man ebikabu kwo* mi ju m’ubeyakugi.

24 Kud idikiri karacelo ku ng’atu ma won ng’eicwiny,

Kadi kud imond i lembe pa ng’atu ma kwinyo make pio,

25 Kara kud iponj yo pare ki,

Man kud iroyiri giri* i uwic.

26 Kud ibed i kind dhanu ma gidiko cing’gi pi mukwatu,*

Ma giwodhiri pi niculo banja mi jumange.

27 Tekene imbe ku piny m’icul,

Jubimayu kavuto peri m’ivuto i wiye!

28 Kud icor lanyuth ma con mi kieu

Ma kwaru peri giketho.

Ebicungo i wang’ jubim;

Ebicungo ngo i wang’ dhanu ma sai.

23 Kinde m’ibedo piny pi nicamu karacelo kud ubimo,

Bed ku weng’i lee i kum gin ma n’i weng’i;

 2 Keth pala i ng’uti*

Tekene dhogi mit lee.*

 3 Kud iketh cwinyi i kum cam pare ma mit,

Kum gitie cam mir awondi.

 5 Kinde m’ibolo weng’i i kume, embe keca,

Kum andhandha vombe bitwii calu vomb acur man ebituk i kor polo.

 6 Kud icam cam pa jakec;*

Kud iketh cwinyi i kum cam pare ma mit,

 7 Kum e ve ng’atu m’ubetimo kwan.*

 8 Ibing’ogo cam m’icamu

E nwang’u isendiri mananu ku foyofoc.

 9 Kud iwec i ith jakasegu,

Kum ebicayu rieko ma n’i lembe m’iyero.

10 Kud icor lanyuth ma con mi kieu

Kadi kud imond i podho pa nyathikic.*

11 Kum Jacer bang’gi* tie tek;

Ebicero bang’gi iri.

12 Keth adundeni i kum twiny

Man ithi i kum wec mi ng’eyong’ec.

14 Goye kud uluth,

Kara ibodhe* ni Liel.*

15 Woda, tekene adundeni doko riek,

E an de anyong’a binego adundena.

16 Anyong’a binega* dwanya

Kinde ma dend dhogi biyero lembe m’atira.

17 Kumira kud uneg adundeni i kum judubo,

Ento lwor Yehova dieceng’ duu,

18 Kum kumeno re m’anyim peri bibedo ma ber

Man genogen peri bikabere ngo.

19 Woda, winji man dok riek,

Man tel wi adundeni i yo m’atira.

20 Kud ibed i kind ju ma gimadhu pigulok lee

I kind jumboo mi ring’o,

21 Kum weg mero ku weg abamba gibidoko jucan,

Man rip rip biketho ng’atini bikendo asamba bongu.

22 Winj wuru m’unyoli,

Man kud icay meru kende kende pilembe nia etii.

23 Ng’iew* lemandha man kud ilwore ki,

Tim bende kumeno ku rieko, twiny man nyang’ i lembe.

24 Andhandha won ng’atu ma pwe bibedo kud anyong’a;

Ng’atu m’unyolo wod ma riek, anyong’a binege i kume.

25 Anyong’a binego wuru giku meru,

Man mutoro binego meru m’unyoli.

26 Woda, mii adundeni ira,

Man anyong’a neg weng’i i kum yo para.

27 Kum dhaku ma won asara en e vur ma thuc,

Man dhaku ma wang’e tar* en e vuj pii ma iye diny.

28 Epondo pi nikuro calu won ayeki;

Emedo wend jumaco ma gigwoko ngo bedoleng’ migi.

30 Tie ju ma gigalu hai iwi pigulok;

Ju ma giyenyo* pigulok ma jujebo.

31 Kud inen rangi ma kwar mi pigulok

Kinde m’ebethukini i kikombe* man ebeloro nyalwe i dwandjo,

32 Kum i ajikine, etong’o calu thwol,

Man eng’ulo kwir calu urobi.

33 Weng’i bineno piny ma tung’,

Man adundeni biweco lembe ma rac.

34 Ibibedo calu ng’atu m’uvuto i die nam,

Calu ng’atu m’uvuto iwi um meli.

24 Kumira kud unegi i kum dhanu ma reco,

Man kud iyeny nibedo kugi,

 2 Kum adundegi paru lembe mi rop,

Man dend dhoggi yero lembe ma rac.

 3 Ot* gomere nikum rieko,

Man juketho ebedo museme nikum ng’iyo i lembe.

 4 Nikum ng’eyong’ec, kusikane pong’

Ku piny ceke ma pigi tek man lonyo ma beco.

 5 Ng’atu ma riek en e jatego,

Man ng’atini medo tego pare ku ng’eyong’ec.

 6 Ku bodho mi telowic,* kied lwiny peri,

Man nikum jumii juk dupa, junwang’u aloci.*

 7 Rieko mandha ni bor ni jakasegu;

Ebedo mbe ku lembe m’eyer i dhugang’ mir adhura.

 8 Ng’atu ma pangu nitimo lembe ma rac

Jubilwong’e jadit mi gamba.

 9 Camu gamba mi kasegu* en e dubo,

Man dhanu dagu jacac.

10 Tek cwinyi utur i nindo mi can,*

Tego peri bibedo nok.

11 Bodh ju ma jubetero i bang’ tho,

Man cer ju ma gibecidho thamba thamba i bang’ nek.

12 Ento tek iwacu kumae: “Wang’eyo ngo lembuno,”

Nyo Ng’atu ma ng’iyo i adunde* uneno ngo lembene?

Eyo, Ng’atu ma neni* bing’eyo

Man ebiculo ni ng’atuman nimakere ku tic pare.

13 Woda, cam miyokic pilembe e ber;

Miyokic m’uai i pedone mit i leb.

Tek inwang’e, anyim peri bibedo ma ber

Man genogen peri bikabere ngo.

15 Nikum racu peri kud ikan libo ceng’ini i kum ot pa won bedopwe;

Kud inyoth kayom pare.

16 Kum won bedopwe copo podho wang’ abiro, ento ebiai malu kendo,

Re jatimrac bikier nikum lembe ma rac.

17 Kinde ma jadegini upodho, anyong’a kud unegi,

Man kinde m’ekier, kud iwek anyong’a uneg adundeni;

18 Kan ungo, Yehova bineno man anyong’a binege ngo,

Man ebiloko ng’eicwiny pare kud i kume.*

19 Ng’eicwiny kud unegi* i kum dhanu ma reco;

Kumira kud unegi i kum jutimrac,

20 Kum anyim umbe ni ng’atu m’ubetimo lembe ma rac;

Thala mi jutimrac bitho.

Man kud idikiri ku ju ma giwor ungo,*

22 Kum peko migi biwok rek.

24 Ng’atu ma tek uyero ni jatimrac kumae: “Itie dhanu m’atira,”

Dhanu bilame man thek biweco rac i kume.

25 Ento lembe biwotho ber ni ju m’ubejuke;

Mugisa mi piny ma beco bitundo i wigi.

27 Yik tic peri ma woko man keth piny ceke ubed ayika i podho;

I ng’eye gom ot peri.*

29 Kud iwac kumae: “Abitimo ire tap calu m’etimo ira;

Abiculo ire kawang’ gin m’etimo.”*

30 Akadhu kud i dhu podho pa janyap,

Kud i dhu podho mir ulok pa ng’atu m’ukoso rieko.*

31 Aneno lum uyung’ini i iye;

Ayilayila* uumo podhone,

Man gang’kidine urwombere.

32 Aneno lembuni man aparu pire cuu i adundena;

Anene man anwang’u ponji ma e:*

33 Kenind nyanok, nyathi rip rip moko nyanok,

Kegwak cingi nyanok pi niyom,

34 E can bipodho i wii calu won ayeki,

Man canpiny calu ng’atu ma tie ku jamlwiny.

 2 Dwong’ pa Mungu tie nigwoko lembe ubed amung’,

Man dwong’ mi jubim tie niluro i lembe cuu.

 3 Calu ma polo ni malu man ng’om tie thuc,

Kumeno bende i adunde jubim yenyere ngo.

 4 Kab ceth cuma kud i kum mola ma tar

E ebiwok ma en zoo etie ma leng’.

 5 Kab jatimrac cen kud i wang’ ubimo,

E komker pare bicungo nging’ nging’ i bedopwe.

 6 Kud iyungiri giri i wang’ ubimo,

Man kud ibed i kind dhanu ma pigi tek,

 7 Kum e ber nia en re m’eyer iri kumae: “Bin ibed kae,”

Kakare ma nia enyay lewic i wii i wang’ won yung.

 8 Kud icidh nyapio pio niroyo kesi,

Kum ibitimo ang’o i ng’eye tek jadhugola peri unyayu lewic i wii?

 9 Yik lembe m’i kindwu ku jadhugola peri,

Ento kud ituc lembe ma jukoro iri i amung’,*

10 Kara ng’atu m’ubewinjo kud unyay lewic i wii

Man imew rwonglembe* ma rac ma romo dok cokere ngo.

11 Calu pom mi mola ma kwar i ajeni mi mola ma tar,

Lembe ma juyero tap i saane de tie kumeno.

12 Calu lengethu mi mola ma kwar man jamruko mi mola ma kwar ma julilo,

Jamii juk ma riek de tie kumeno ni ith m’uwinjo juk.

13 Tap calu ng’ico mi pei i nindo mi kayucam,

Jaor mandha de tie kumeno ni ju m’uore,

Kum eyomo cwiny* jadit pare.

14 Calu afuru ku yamu ma cwiyo koth ungo,

Ng’atu ma lulere pi giramiya moko m’emiyo ngo* de tie kumeno.

15 Nikum twiyocwiny juloko paru pa jadit mir askari,

Man leb mi bero* copo turo cogo.

16 Tek inwang’u miyokic, cam kadhiri m’uromo iri,

Kum tek icame akeca, icopo ng’oge.

17 Tiendi kud ubed saa ceke i ot pa jadhugola peri,

Kara kud eol kudi man edegi.

18 Calu undoy, palamularu man athero ma lake bith,

Ng’atu ma miyo lembatuca mi vupo i kum jadhugola pare de tie kumeno.

19 Nijengiri iwi ng’atu ma genere ngo* i saa mi peko

Tie calu nyamu piny ku lak m’utur kunoke niwotho ku tielo ma tego mbe i iye.

20 Ng’atu m’ubewero wer ni ng’atu ma can n’i adundene

Tie calu ng’atu ma wodho bongu kud i kume i saa mi koyo

Man calu giramadha ma wac ma jukonjo iwi kadawasi.

21 Tek kec ubenego jadegi peri, mii ire cam* ecam;

Tek rieu ubenege, mii ire pii emadhi,

22 Kum ibicoko cugimac i wiye,*

Man Yehova bimiyo iri sukulia.

23 Yamu ma yo malu kelo koth,

Man leb ma yero nying’ nyayu ng’eicwiny.

24 E ber nibedo i gund wi ot

Kakare nibedo i ot ma rom ku dhaku ma jatiti.*

25 Rwonglembe ma ber m’uai i ng’om ma bor

Tie calu pii ma ng’ic ni ng’eyong’ec* m’uol.

26 Calu kulo ma wang’e tuk man pii m’atong’a m’unyothere,

Won bedopwe ma wekere ni* jatimrac de tie kumeno.

27 Etie ber ungo nicamu miyokic akeca,

Kadi etie lembe mi dwong’ ungo niyenyo dwong’ mijo gijo.

28 Ng’atu ma bimo ngo wi ng’eicwiny pare* tie calu adhura m’urungere,

Ma gang’kidine mbe.

26 Calu pei i saa pa oro man koth i saa mi kayucam,

Kumeno bende yung uromo ngo ku jakasegu.

 2 Tap calu ma winyo ringo mananu ngo man ugwelo tuk mananu ngo,

Kumeno bende, kwong’ tundo ngo ma thelembene m’anzilo mbe.*

 3 Del utie pi riuni, gwang’ utie pi kana,

Man uluth utie pi die ng’ey jukusegu.

 4 Kud idwok lembe ni jakasegu nimakere ku kasegu pare

Kara kud idok rom kude.

 5 Dwok lembe ni jakasegu nimakere ku kasegu pare

Kara kud epar nia e riek.

 6 Calu ng’atu m’ubethumo tiende gire man m’ubenyayu ret i kume gire,*

Ng’atu m’uweko lembe i cing’ jakasegu de tie kumeno.

 7 Calu tiend won abala ma leke leke,*

Lembrieko ma ai i dhu jukusegu de tie kumeno.

 8 Nimiyo dwong’ ni jakasegu

Tie ve nitwiyo kidi i lacur.

 9 Calu yend ukudho i cing’ jamero,

Lembrieko ma ai i dhu jukusegu de tie kumeno.

10 Calu jakil athero m’ubenyayu ret i kum dhanu swa,*

Ng’atu ma royo jakasegu i tic kunoke dhanu ma gibekadhu akadha de tie kumeno.

11 Calu gwok ma dok i bang’ ng’ok pare,

Jakasegu dok nitimo lemkasegu pare kendo kendo.

13 Janyap wacu kumae: “Nyathin umvor n’i gengi,

Umvor n’i lela ma lac!”

14 Calu dhugola ma wirere iwi tiende,

Janyap de lokere kumeno iwi kavuto pare.

15 Janyap royo cinge i tabu mi foc,

Ento eol lee dit m’ecopo dwoko ngo cingene i dhoge.

16 Janyap paru nia e riek

Nisagu dhanu abiro ma gidwoko lembe ku rieko.

17 Calu ng’atu m’umaku ith gwok,

Ng’atu m’ubekadhu akadha ma ng’eicwiny umake pi* dhaw ma pare ngo de tie kumeno.

18 Calu abelu ma kilo athero mi mac, athero man tho,*

19 Ng’atu ma wondo jadhugola pare man ewacu kumae: “Abino sembo sosi!” de tie kumeno.

20 Kaka ma yen umbe i iye, mac tho,

Man kaka ma jayernying’ umbe i iye, dhaw jik.

21 Calu makala ni cugimac man yen ni mac,

Wonali de mewo dhaw kumeno.

22 Wec pa jayernying’ gi calu cam ma mit;*

Giloro piny nitundo i ic.

23 Calu mola ma tar ma liw ma juwiro i kum adekle,

Wec mi mer m’uai kud i* adunde ma rac de tie kumeno.

24 Ng’atu m’udagu jumange umo wi adegine ku dend dhoge,

Ento yor i iye ekanu vupo.

25 Kadok nwang’u ebeweco ku bero de, kud igene,

Kum lembe ma judagu abiro n’i adundene.*

26 Kadok nwang’u vupo uumo wi adegi pare de,

Re racu pare biwok kamaleng’ i cokiri.

27 Ng’atu m’ubetong’o vur bipodho i iye,

Man ng’atu m’ung’ielo kidi, kidine bidwogo i wiye.

28 Leb ma cwayu ndra udagu ju m’etimogi rac,

Man dhok ma wondo wang’ kelo nyoth.

27 Kud iyungiri pir urwo,

Kum ing’eyo ngo gin ma ceng’ acel copo kelo.*

 2 Wek ng’atu mange* re m’upeki, ento dhogi giri ngo;

Jumange,* ento dend dhogi giri ngo.

 3 Kidi tie pek man kwiyo de tie pek

Ento ng’eicwiny ma jakasegu nyayu tie pek nisagu gin ario ceke.

 4 Ng’eicwiny nyayu peko man kwinyo kelo nyoth ve pii ma pong’o ng’om,

Ento ng’a ma copo cungo i wang’ nyeko?

 6 Ret ma jarimo nyayu nyutho nia etie dhanu mandha,

Ento cwiyolimb pa jadegi gi dupa.*

 7 Ng’atu* m’uyeng’ kwero* miyokic m’ubeton kud i pedone,

Ento ng’atu ma kec ubenego* kadok gin ma kec de bedo mit ire.

 8 Calu winyo ma weko ode bor,*

Ng’atu m’uweko pacu pare de tie kumeno.

 9 Mo man udok ma ng’wice ng’ar nyayu anyong’a i adunde;

Mer ma ber ma caku nikum juk mandha* de tie kumeno.

10 Kud iwenj jarimbi kadi jarimb wuru,

Man kud imond i ot p’umeru i nindo m’ibenweng’iri ku can;

Jadhugola ma ceng’ini tie ber ma sagu umego ma ni bor.

11 Bed riek woda, man nyay anyong’a i adundena,

Kara adwok lembe ni ng’atu m’ubecaya.

12 Ng’atu ma tie ku riekowang’ neno ariti man epondo,

Ento ng’atu m’ung’eyo lembe akeca ngo medere ku woth man enwang’u matokene.*

13 Gam bongu pa ng’atini tek ewodhere pi niculo banja pa jawirok;

Gam mukwatu* kud i bang’e tek etimo kumeno pi nyawirok.*

14 Tek ng’atu moko ubepoko mugisa iwi wadi ku dwande ma tek pir kugweno,

Jubikwane ire ni alam.

16 Ng’atu ma romo cere, nwang’u eromo cero bende yamu

Man ecopo maku mo i cing’e mir acwic.

17 Calu cuma paku cuma

Dhanu de paku wang’ jarimbe kumeno.

18 Ng’atu m’ubegwoko yend ulam bicamu nyinge,

Man ng’atu m’ubegwoko jadit pare binwang’u yung.

19 Calu ma pii nyutho kite ma wang’ ng’atini tie ko,

Kumeno bende adunde ng’atini nyutho adunde ng’atu mange.

20 Liel man kaka mi nyoth* giyeng’ ungo nyanok de,

Kadi wang’ dhanu de yeng’ ungo nyanok de.

21 Calu agulu mi lilo piny tie pi mola ma tar man uka tie pi mola ma kwar,

Kumeno bende jung’eyo ng’atini nikum yung m’enwang’u.*

22 Kadok nwang’u iod jakasegu kud alega pany

Calu nying cam ma juodo i pany de,

Kasegu pare biweke ngo.

Gwok* rombe peri cuu,

24 Kum lonyo bedo ngo rondo ku rondo,

Kadi jamker mi wic de ni dhanu m’utuk ceke.

25 Lum ma numu rwinyo, ma nyen dok twii,

Man jucoko dhu uboko m’i wi gudi.

26 Nyithi nyogi rombe miyo iri kendi,

Man nyogi diegi miyo iri sente m’ing’iewo ko podho.

27 Man cag diegi bibedo lee pi nitungi,

Pi nitungo juruot peri, man pi nitungo jutic peri ma nyir.

28 Jutimrac giringo ma nwang’u ng’atu moko de mbe m’uriemogi,

Ento weg bedopwe cwinygi tek calu cwiny umvor.*

 2 Judongo ma wijo giwiliri awila ka dubo* tie i ng’om,

Ento ku kony pa ng’atu acel ma won ng’iyo i lembe man ma won ng’eyong’ec, jadit ma wijo bedo* pi nindo ma lee.

 3 Jacan ma yaku ng’atu ma ka kite mbe

E calu koth ma molo cam ceke.

 4 Ju ma giweko niworo cik gipaku jatimrac,

Ento ju ma giworo cik ng’eicwiny negogi i kumgi.

 5 Ju ma reco ginyang’ ungo i pokolembe ma pwe,

Ento ju ma giyenyo Yehova ginyang’ i lembe ceke.

 6 Jacan m’ubegwoko bedocu pare

Uloyo jalonyo ma timo pare rac.

 7 Wod ma riek woro cik,

Ento jarimb weg abamba nyayu lewic iwi won.

 8 Ng’atu ma medo lonyo pare ku banja ma juculo ku faida* man ku faida m’atira ngo

Ubecoke ni ng’atu ma timo bero ni jacan.

 9 Ng’atu m’ubekwero niwinjo cik

Kadok rwo pare de tie gin ma judagu.

10 Ng’atu m’ubewingo wi ju m’atira i yo ma rac bipodho i vur pare gire,

Ento ju ma kosa mbe i wigi gibilagu gin ma ber.

11 Jalonyo tie riek i wang’e gire,

Ento jacan ma won ng’iyo i lembe neno nia etie ng’a.

12 Kinde ma weg bedopwe giloyo, dwong’ ma dit bedo nuti

Ento kinde ma jutimrac giidho iwi ker, dhanu pondo aponda.

13 Ng’atu m’ubeumo wi kier pare lembe birombo ngo ire,

Ento jubitimo kisa ni ng’atu m’utucogi man m’uwekogi.

14 Jamutoro tie ng’atu ma saa ceke bedo nger,*

Ento ng’atu m’udwoko adundene nwang’ bipodho i can.

15 Calu umvor m’uberundo man calu urudi m’ucung’o iwi cam pare,

Jabim ma rac m’ubebimo wi dhanu ma jakony migi mbe de tie kumeno.

16 Jatelwic m’ukoso ng’iyo i lembe tiyo ku tego pare rac,

Ento ng’atu m’udagu piny ma junwang’u i ayi m’atira ngo medo kwo pare.

18 Ng’atu m’ubewotho ma kosa mbe i wiye biboth,

Ento ng’atu ma yo pare ugondere bipodho rek.

19 Ng’atu m’ubefuro podho pare bibedo ku cam* bik,

Ento ng’atu m’ubelubo tok lembe ma tije mbe bipong’ ku can.

20 Ng’atu mandha binwang’u mugisa dupa,

Ento ng’atu m’ubemito elony nyapio pio bidong’ ungo ma lembe mbe i wiye.

21 E ber ungo nibedo kud akoyakoya;

Ento ng’atini copo timo lembe ma rac kara enwang’ dund mukathi.

22 Jakumira* mito enwang’ lonyo nyapio pio,

Ento eng’eyo ngo nia can re m’ubecipodho i wiye.

23 Ng’atu ma juko dhanu binwang’u bero lee yor i ng’eye

Nisagu ng’atu ma wondo wang’jo ku lebe.

24 Ng’atu m’uyaku won ku min man ewacu kumae: “Etie rac ungo,”

Utie jawodh ng’atu ma kelo nyoth.

25 Ng’atu ma ketho cwinye i kum piny* tugo ali,

Ento ng’atu m’uketho genogen pare iwi Yehova, lembe bibedo miero ire.*

26 Ng’atu ma geno adundene gire utie jakasegu,

Ento ng’atu ma wotho ku rieko biboth.

27 Ng’atu ma miyo piny ni jucan bikoso ngo gin moko,

Ento ng’atu ma miyo wang’e igi binwang’u alam dupa.

28 Kinde ma jutimrac giidho iwi ker, dhanu pondo

Ento ka ginyothiri, weg bedopwe mediri.

29 Ng’atu ma dwoko ng’ute tek* i ng’ey ma jujuke wang’ dupa

Jubirunge rek ma dong’ ecopo key ungo.

 2 Ka weg bedopwe gi dupa, anyong’a nego dhanu,

Ento tek jatimrac ubebimo en, dhanu cur acura.

 3 Ng’atu m’umaru rieko nyayu anyong’a i won,

Ento ng’atu m’ubemedere nidikere ku weg asara nyotho lonyo pare.

 4 Jabim ketho ng’om cungo nikum pokolembe ma pwe,

Ento ng’atu ma yenyo kanyaka nyothe anyotha.

 5 Ng’atu ma wondo wang’ jadhugola pare

Ciko voi ni tiende.

 6 Kier pa ng’atu ma rac make calu uwic,

Ento won bedopwe kok kud anyong’a man anyong’a nege.

 7 Won bedopwe dieng’ pi twero mi jucan,

Ento ng’atu ma rac dieng’ ungo i kume.

 8 Jukulula ginyayu yakini i* adhura,

Ento ju ma riek giloko kwinyo cen.

 9 Tek ng’atu ma riek ubeloko dhoge ku jakasegu,

Ebinwang’u ngo matoke ma ber, ento yakini ku cac re ma bibedo nuti.

10 Junek* gidagu ng’atu moko ci ma lembe mbe i wiye,*

Man giyenyo gikab kwo* pa ng’atu m’atira.*

11 Ng’atu ma jakasegu thwogo ng’eicwiny* pare ceke,

Ento ng’atu ma riek kwiyo kume man ebimo wigi.

12 Ka jabim uciko ithe i kum ndra,

Jutic pare ceke bidoko ni dhanu ma reco.

14 Ka jabim ubepoko lembe mi jucan atira,

Komker pare bicungo ma tek saa ceke.

15 Uluth* man juk miyo rieko,

Ento nyathin ma juweko jangala nyayu lewic iwi min.

16 Kinde ma jutimrac ubemediri, kier de medere,

Ento weg bedopwe bineno kite ma gibipodho ko.

17 Twiny wodi, e ebimiyo iri yom;

Man ebinyayu anyong’a lee i ii.*

18 Kaka ma gin ma wok i wang’* umbe i iye, dhanu doko jangala,

Ento jumutoro gi ju ma gibeworo cik.

19 Jatic weko ngo jutwinye ku wec kende,

Kum kadok ebenyang’ de, eworo ngo.

21 Ka juthing’o jatic ku piny niai i aradu pare,

I ng’eye ebidoko ng’atu ma foyo piny ungo.

22 Ng’atu ma jang’eicwiny nyayu dhaw;

Ng’atu moko ci ma kwinyo make pio timo kier dupa.

23 Kuhaya pa ng’atini bijwige,

Ento ng’atu ma mol binwang’u dwong’.

25 Lworo* dhanu tie* uwic,

Ento ng’atu m’ugeno Yehova bibedo agwoka.

26 Dhanu dupa giyenyo giwec ku* jabim,

Ento ng’atini nwang’u pokolembe ma pwe niai i bang’ Yehova.

27 Won bedopwe udagu ng’atu m’atira ngo,

Ento jatimrac udagu ng’atu ma yo pare atira.

 2 A ming’ nisagu ng’atu moko ci,

Man akoso nyang’ i lembe ma ng’atu ma nico ucikere nibedo ko.

 3 Aponjo ngo nibedo ku rieko,

Man ambe ku ng’eyong’ec pa Ng’atu ma leng’ m’usagu.

 6 Kud imed gin moko i kum lembe pare,

Kan ungo ebijuki,

Man ebinen kamaleng’ nia i javupo.

Wek acam ndhu cam m’umiyere ira,

 9 Kara kud ayeng’ man akweri, awac kumae: “Yehova tie ng’a?”

10 Kud iyer nying’ jatic ni jadit pare,

Kan ungo ebilemi man jubinwang’u nia itie ku kosa.

11 Dhanu m’utuk moko nuti ma lamu weggi,

Man ma miyo ngo mugisa ni meggi.

12 Dhanu m’utuk moko nuti ma gi leng’ i wang’gi gigi,

Ento julwoko ngo cilo migi* kud i kumgi.

13 Dhanu m’utuk moko nuti ma kuhaya lee i wang’gi,

Man ma wang’gi neno piny ku ting’iri!

14 Dhanu m’utuk moko nuti ma lakgi tie palamularu

Man ding’gi utie pala ma negojo;

Gimvoro ju ma ka kitgi mbe mi ng’om

Man jucan kud i kind dhanu.

Piny moko adek unuti ma giyeng’ ungo,

Ang’wen ma giyero ngo nia, “Eromo!”

16 Liel* man ic ma jamugumba,

Ng’om m’ukoso pii,

Man mac ma yero ngo nia, “Eromo!”

17 Wang’ ma cayu wego man ma cayu niworo mego

Ungoro mi poga* bigole woko,

Man nyithindh acur bicame.

18 Piny moko adek unuti ma giwang’u iya lii,

Ang’wen m’anyang’ i igi ngo:

19 Yo p’acur i kor polo

Yo pa thwol iwi cana,

Yo pa meli i die nam,

Man yo pa nico ku nyaku.

Ecamu, eweyo dhoge;

I ng’eye ewacu kumae: “Atimo ngo gin moko ma rac.”

21 Lembe adek unuti ma ketho ng’om yengere

Ang’wen m’ecopo ciro ngo:

22 Kinde ma ng’eca udoko ubimo,

Kinde ma jakasegu upong’ ku cam,

23 Kinde ma junyomo dhaku ma judagu,*

Man kinde ma jatic ma nyaku umayu kabedo pa* min pacu pagi.

24 Piny moko ang’wen unuti iwi ng’om ma gin’i kind piny ma thindho akeca,

Ento gi riek apila:

25 Ukok gitie ngo giracwiya ma tek,*

Ento gicoko cam migi i saa pa oro.

26 Uduka gitie giracwiya ma tego migi mbe,*

Ento giyiko ot migi i lak cana.

27 Bonyo jabim migi mbe,

Ento gin ceke gicidho ma gikperiri akpera.*

28 Leuleu* ng’wenyo piny ku tiende,

Ento emondo i kal p’ubimo.

29 Piny moko adek unuti ma dagutielo migi wang’u ijo,

Ang’wen ma giwang’u ijo kinde ma gibewotho:

30 Umvor ma tek nisagu zoo i kind yedi,

Ma loko ngo ku ng’eye i wang’ ng’atu moko ci;

31 Gwok dwar, nyog diel;

Man ubimo m’utie karacelo kud udul askari pare.

32 Ka kuhaya peri uketho idodiri giri

Kunoke ka nwang’u ipangu nitimo kumeno,

Ling’ cen.*

33 Kum calu yengo cak ketho emakere ma nwang’,

Man nyobo um wodho rimo,

Kumeno bende ting’o lak kwinyo kelo dhaw.

 2 Ukwayu ayer iri ang’o, Ee woda,

Ayer iri ang’o, Ee wod m’i iya,

Man ayer iri ang’o, Ee wod mi lembang’ola para?

 3 Kud imii tego peri ni mon,

Kadi kud ilub yo ma nyotho jubim.

 4 Etie ngo ni jubim, Ee Lemuel,

Etie ngo ni jubim nimadhu pigulok

Kadi ni jutelwic niwacu kumae: “Giramadha para ni kani?”

 5 Kara kud gimadhi man wigi wil i kum gin m’ukethere

Man ginyoth twero mi ju ma ka kitgi mbe.

 6 Mii kong’o ni ju ma gibecitho

Man pigulok ni ju ma gin’i can ma kec.*

 7 Wek gimadhi man wigi wil i kum can migi;

Man dong’ kud gipoy ki i kum masendi migi.

 8 Wec pir ajuba;*

Cer bang’ dhanu ceke ma gibecitho.

 9 Weci man pok lembe ku bedopwe;

Cer bang’ twero mi dhanu ma ka kitgi mbe man mi jucan.

11 Cware gene kud adundene ceke,

Ekoso ngo gin moko ma pire tek.

12 Etimo ire lembe ma ber, ento lembe ma rac ungo

I nindo ceke mi kwo pare.

13 Enwang’u yuk rombe man bongu ma nwang’;*

Anyong’a nege nitimo tic ku cinge.

14 E calu meli mi jukuloka,

Eyeyo cam pare niai ku bor.

15 Bende eai ma fodi piny uru ngo,

Emiyo cam ni juruot pare

Man makapiny ni jutic pare ma nyir.

16 Eketho wiye i kum podho moko man eng’iewe;

Epidho podho mir ulok kud adwogi mi tic mi cinge.*

17 Eyikere gire pi tic ma tek,*

Man edwoko bote tek.

18 Eneno nia kuloka pare tie kud adwogi ma ber;

Thala pare tho ngo ku diewor.

19 Cinge maku jam cwiyo kendi,

Man gimaku yen mi riwo wuzi.*

20 Ethang’u cinge ni ng’atu ma ka kite mbe,

Man eyabu cinge ni jacan.

21 Cwinye pido ngo pi juruot pare i saa pa pei,

Kum juruot pare ceke gikendiri ku kendi ma mor.*

23 Jung’eyo cware cuu i dhugang’ mir adhura,

Kaka m’ebedo i iye i kind judongo mi ng’om pare.

24 Eyiko bongu ma nwang’* man elworogi

Man elworo mukaba ni jukuloka.

25 Eronyere ku tego man leng’o,

Man eneno anyim ku tegocwinye.*

26 Eyabu dhoge ku rieko;

Cik mi bero* n’i wi lebe.

27 Eneno wi tic mi ot pare,

Man ecamu ngo cam* mi nyap.

28 Nyithindho pare giai malu man gilwong’e jamutoro;

Cware ai malu man epake.

29 Mon ma giromo* gi dupa,

Ento in ikadhugi ceke.

30 Leng’wang’ copo wondo wang’jo, man leng’o de kakare copo kadhu,*

Ento jubipaku dhaku ma lworo Yehova.

31 Wumii ire sukulia pi gin m’ebetimo,*

Man wek tic pare upake i dhugang’ mir adhura.