WER PA SULEMAN
1 Wer ma mit m’usagu zoo, ma en e wer pa Suleman:
2 “Cwii limba ku dhogi,
kum ayi m’inyutho ko mer tie ber ma sagu pigulok.
3 Ng’wic mo peri ng’ar akeca!
Nyingi tie ve ng’wic mo ma ng’ar ma jukonjo.
Eno re m’uketho jumanyir umeri.
4 Peya wacidh wakudi; waringi.
Ubimo utera i kusika pare!
Wek wabed ku mutoro man anyong’a negwa karacelo.
Wayung* kite m’inyutho ko mer nisagu ma juyungo ko pigulok.
Jumanyir umeri kara dre.
5 Atie col, ento a leng’, E nyi Yeruzalem,
atie calu hema mi Kedar, man calu bongu mi hema pa Suleman.
6 Kud wunena ku zungo pilembe nia a col,
kum ceng’ re m’uwang’a.
Ng’eicwiny unego wot maa i kuma;
e giketha ni jakur podho mir ulok,
ento podho mir ulok para gira alund akuro ngo.
7 E in m’ameri lee,
kenyuth ira kaka m’ibed ikwayu lim peri i iye,
kaka m’ibed iketho giyom i iye dieceng’.
Pirang’o ukwayu awoth i kind udul lim mi jurimbi calu dhaku m’uum ku bongu?”*
8 “Kan ing’eyo ngo, E in m’i leng’ lee nisagu mon mange ceke,
lub batiend udul lim
man kway nyithi diegi peri ceng’ini ku hema mi jukwac.”
9 “Nyaramara para, i leng’ ve vong’ kana i kind magali pa Farao.
10 Limbi leng’ ku jamruko,*
ng’uti de leng’ ku tigo m’udhoke.
11 Wabiyiko iri jamruko* mi mola ma kwar
ma juruko ku mola ma tar.”
12 “Kinde m’ubimo ubedo i dhu meza pare ma ngulu ngulu,
ng’wic mo para ma ng’ar uroc.*
13 Jamerna bedo ira calu usau ma ng’wice ng’ar mi mira*
m’uvuto diewor traka i kind thunona.
14 Jamerna tie ira calu njuru thiw ina
i kind ulok mi En-gedi.”
15 “Kenen! i leng’, nyaramara para.
Kenen! i leng’. Weng’i calu wang’ akuru.”
16 “Kenen! in de i leng’ jamerna, man inyang’a dit!
Kavuto mwa tie ith uboko ma numu.
2 “Atie ndhu thiwe safran mi pambu m’i dhu pii,
thiwe m’i poga.”
2 “Calu thiwe i kind ukudho,
nyaramara para de tie kumeno i kind jumanyir.”
3 “Calu yend pom i kind yen m’i luli,
jamerna de kumeno i kind awobi.
Ava bedo i the tipone nega lee dit,
man nyinge m’ecego mit i dhoga.
4 Etera i ot mi pigulok,*
man bendela pare m’etelo i wiya tie mer.
5 Mii ira tego ku mukathi mi nying ulok;
dwok kero i kuma ku pom,
kum abetwoyo twoyo mi mer.
6 Cinge mir acam utheno the wiya,
man cinge mir acwic ugwaka.
7 Abekwayuwu, E nyi Yeruzalem,
wukwong’ ira ku nying’ ruda man thil m’i lum nia,
wubipimo ngo nicewo kadi nitugo mer i iya nitundo ebimito en gire.
8 Abewinjo dwand jamerna!
Eni ca! Ebebino,
m’ebepiey apieya iwi gudi, ebepor apora iwi ungulu gudi.*
9 Jamerna calu ruda, e calu nyathi thil.
Eni ca, ecungo i ng’ey ot fwa,
ebekemo piny kud i wang’ madhirisa,
ebeneno piny ku wang’ kiyongila mi wang’ madhirisa.
10 Jamerna uweco, eyero ira kumae:
‘Ai malu nyaramara para,
nyagin para ma leng’, bin wacidhi.
11 Nen! saa pa koyo udaru kadhu.
Nindo pa koth de ukadhu man ucidho.
12 Piny udaru thiwo i ng’ombuni,
saa mi lwero kum yen de uromo,
man wak p’akuru de ubewinjere i ng’om mwa.
13 Yend ulam ucego nyinge ma kwong’a;
yend ulok uthiwo man ng’wicgi ubeng’wii ma ng’ar.
Ai malu nyaramara para, bin.
Nyagin para ma leng’, bin wacidhi.
14 E akuru para, in m’ipondo i kind cana,
kaka ma kut man ma lung’,
wek aneni man awinj dwendi,
pilembe dwendi mit man in zoo i leng’.’”
15 “Wumak iwa nzer,
nyithi nzer m’ubenyotho podho mir ulok,
kum ulok mwa udaru thiwo i podho.”
16 “Jamerna e para man an a pare.
Ebekwayu lim i kind thiwe m’i lum.
17 Ma fodi yamu mi dieceng’ ucaku koto ngo, man ma fodi tipopiny urwinyo ngo,
dwogi pio, E jamerna,
calu ruda kunoke calu nyathi thil iwi gudi m’upoko kindwa.*
3 “Diewor traka iwi kavuto para,
ayenyo ng’atu m’amaru.*
Asayu kakare kpe, ento anwang’e ngo.
Asayu kakare kpe, ento anwang’e ngo.
3 Jukur ma gibedhoko adhura ginwang’a.
‘Nyo wuneno kum ng’atu m’amaru* de?’
4 Kinde ma fodi akadhugi akadha ci,
e anwang’u ng’atu m’amaru.*
Agwake kii, aweko ngo ecidhi
nitundo m’atere i ot pa maa,
i kusika pa ng’atu m’unwang’u ic para.
5 Abekwayuwu, E nyi Yeruzalem,
wukwong’ ira ku nying’ ruda man thil mi lum nia,
wubipimo ngo nicewo kadi nitugo mer i iya nitundo ebimito en gire.”
6 “Eca ang’o m’ubebino niai kud i langa ca, m’ubeduny calu mbegi mi yiro,
ku ng’wic mira* man udok sengi i kume,
ku girawira ceke ma mogo mogo ma ng’wice ng’ar pa jakuloka?”
7 “A haa, eca kom* pa Suleman.
Jumaco ma tek pier abusiel ma jung’iyo
kud i kind jumaco ma tek mir Israel re ma gitieke.
8 Gin ceke gitie ku palamularu,
gin ceke juponjogi pi lwiny,
ng’atuman utie ku palamularu pare i wang’ ng’ete,
pi nikuro gin ma nyayu lworo diewor.”
9 “Etie kipoy* mi ker p’Ubimo Suleman,
m’eyiko ire gire ku yen mi Lebanon.
10 Eyiko mbegine ku mola ma tar,
there ke ku mola ma kwar.
Eyiko komne ku bongu ma nwang’ mi rangi m’uluga;
iye ke anyira Yeruzalem
uruko ma ber ku mer.”
11 “Wuwok woko, E nyi Sayuni,
wunen Ubimo Suleman
m’ukendo jamker mi wic* mi nyom ma min uyiko ire
i ceng’ mi nyom pare,
i nindo m’anyong’a ubenego adundene i iye.”
4 Kenen! i leng’ nyaramara para.
Kenen! i leng’.
Weng’i calu wang’ akuru i the bongu m’uumo weng’i.
Yuk wii calu udul diegi
m’ubekonjiri kud iwi got Gilead.
2 Leki calu udul rombe ma juai junyaru yukgi anyara,
ma gibeidho kud i kulo ma juai julwoko kumgi i iye.
Gin ceke gigwaru agwara,
acel de mbe ma nyathine rwinyo.
3 Dend dhogi tie calu thol ma kwar ngbo;
wec mi dhogi tie mit.
Limbi* calu theng nying ulemo
i the bongu m’uumo weng’i.
4 Ng’uti calu ot ma wiw pa Daudi,
ma jugiero ku kidi ma juthero wi wadi wi wadi,
ma juliero ban elufu acel (1 000) i kume.
Banne ceke gi ngulu ngulu, man gitie mi dhanu ma tek.
5 Thunoni ario gi calu nyithi ruda ario,
ma gi nyithi rut pa min ruda,
ma gibecamu lum i kind thiwe.
6 “Ma fodi yamu mi dieceng’ ucaku koto ngo, man ma fodi tipopiny urwinyo ngo,
abicidho iwi got mi mira*
man iwi ungulu got mir udok sengi.
7 “In zoo i leng’ nyaramara para,
man mulima moko de mbe i kumi.
8 Wacidh cen kud i Lebanon, nyamugole* para,
Wacidh cen kud i Lebanon.
Lor kud iwi usimbru Amana,*
kud iwi usimbru Senir, kud iwi usimbru Hermon,
kud i kaka m’umvor bedo i iye, kud iwi gudi ma ng’uu bedo i iye.
9 Igamu cwinya, nyamira, nyamugole* para.
Igamu cwinya ku gaw m’igawa ko wang’ acel kende,
ku kum tigo mi ng’uti m’aneno nyanok kende.
10 Ayi m’inyutho ko mer tie ber mire maa, nyamira, nyamugole* para!
Ayi m’inyutho ko mer tie ber dit nisagu pigulok,
man ng’wic mo peri ma ng’ar mit nisagu ng’wic mo ma ng’ar ceke.
11 Nyamugole* para, dend dhogi cwiro pedo kic.
Miyokic ku cak ni the lebi;
ng’wic bongu peri ng’wii ma mit calu ng’wic luli mi Lebanon.
12 Nyamira, nyamugole* para, itie calu podho ma jugoyo gang’ i kume,
eyo, podho ma jugoyo gang’ i kume, pii m’atong’a ma juumo wiye.
13 Itie* calu yen mi podho* ma jange pong’ ku nying ulemo,
ku nying yen m’ang’iya, ku ina, man kud uboko ma nyinge nar.*
14 Uboko ma nyinge nar* man safran, agada ma ng’wice ng’ar man apoka yen ma ng’wice ng’ar,
ku kwond yen ceke mir udok sengi, mira,* man ukodhoro,
karacelo ku mo ceke ma beco ma ng’wicgi ng’ar.
15 Itie pii m’ubewok kud i podho, vuj pii ma ng’ic,
kulo m’ubemol niai i Lebanon.
16 Cew, E yamu ma yo malu;
mondi, E yamu ma yo piny;
wukot yoo yoo iwi podho para,
wek kara ng’wice uroci.”*
“Wek jamerna ubin i podho pare,
man ecam nyinge m’ang’iya.”
5 “Amondo i podho para,
E nyamira, nyamugole* para.
Acoko mira* para man ajaku ith lum para ma ng’wice ng’ar.
Acamu pedo kic para man anang’u miyokic para;
amadhu pigulok para man cak para.”
“Wucam, jurimo!
Wumadhi man wuwek mer umerwu!”
2 “Anindo, ento adundena ubekiyo.
Awinjo dwand jamerna m’ubedwong’o dhugola!”
‘Yab ira, E nyamira, nyaramara para,
akuru para, nyagin para ma mulima mbe i kume!
Kum thoi utobo wiya,
man mwomo mi diewor utobo yukwiya.’
3 Adaru wodho robe para,
ndhu adok akende kendo?
Adaru lwoko tienda,
adok anyothe kendo?
4 Jamerna uwodho cinge kud i wang’ dhugola,
e avane umaka.
5 Aai malu pi niyabu dhugola ni ng’atu m’amaru,
ma cinga ubecwir lot lot ku mira,*
nyig cinga ku mira m’ubeton
i kum cing dhugola.
6 Ayabu dhugola ni jamerna,
ento jamerna ulokere cen man ecidho.
E kero thum kud i kuma* saa m’ecidho.*
Asaye kpe, ento anwang’e ngo.
Alwong’e, ento egamu dhoga ngo.
7 Jukur ma gibedhoko adhura ginwang’a.
Gigoya, man ginyayu ret i kuma.
Jukur gang’kidi gimayu bongu para mi umo wang’.
8 Abekwayuwu, E nyi Yeruzalem, nia wukwong’ ira:
ka wunwang’u jamerna,
wuyer ire nia abetwoyo twoyo mi mer.”
9 “Jamernine eloyo jumer mi jumange kud ang’o,
e in m’i leng’ lee nisagu mon mange ceke?
Jamernine eloyo jumer mi jumange kud ang’o,
m’iketho wakwong’ ko kit kwong’ ma kumeni ngi e?”
10 “Jamerna uberiang’ini ariang’a man e landu;
jung’iye kud i kind dhanu elufu apar (10 000).
11 Wiye tie mola ma kwar, mola ma kwar m’alili.
Yuk wiye tie calu ith ngasi* ma yamu ubeleko,
gi col calu ungoro.
13 Limbe calu ungu mi lum ma ng’wice ng’ar ma jupidho,
ungulu got* m’upong’ ku lum ma ng’wice ng’ar i wiye.
Dend dhoge tie thiwe m’ubemolo udok mira* ma liw.
14 Nyig cinge tie mola ma kwar, lwet cinge ke tie calu krizolith.*
Iye tie lak liec ma jurudo kume ma fwoth, man ma juruko ku safir.*
15 Tiende tie mbegi mi kidi ma tar ma jugiero iwi kathere mi mola ma kwar m’alili.
E leng’ calu Lebanon, man e calu tido ma ng’atu ma cungo i wang’e mbe.
16 Dhoge tie mido ku kume,
man lembe ceke m’uneno en telo nen.
Ng’atu m’amaru tie kumeni, jamerna e kumeni, E nyi Yeruzalem.”
6 “Ng’atu m’imaru ucidho kakani,
E in m’i leng’ nisagu mon mange ceke?
Ng’atu m’imarune ukwanyu gengi ma kani?
Wek wacidh wasaye wakudwu.”
2 “Ng’atu m’amaru uloro piny i podho pare,
kaka ma lum ma ng’wice ng’ar upong’ i iye,
pi nikwayu udul lim i kind podho
man pi nipono thiwe.
3 An a pa jamerna,
man jamerna en e para.
Ebekwayu udul lim i kind thiwe.”
4 “I leng’ calu adhura mi Tirza, nyaramara para,
i leng’ calu Yeruzalem,
iwang’u ijo lii calu udul mony m’ucungo i the bendela migi.
5 Lok weng’i cen kud i bang’a,
kum gibenego kuma.
Yuk wii calu udul diegi
m’ubekonjere kud i kor got Gilead.
6 Leki calu udul rombe
ma gibeidho kud i kulo ma juai julwoko kumgi i iye;
gin ceke gigwaru agwara,
acel de mbe ma nyathine rwinyo.
7 Limbi* calu theng nying ulemo
i the bongu m’uumo weng’i.
8 Copere nia mon p’ubimo tie pier abusiel
man mon m’araga* pier abora
ku jumanyir ma wendgi kwanere ngo.
9 Ento akuru para en acel kende, nyagin para ma mulima mbe i kume.
En acel kulong’ pa min.
En e kacwiny* min m’unyole.
Jumanyir ginene man giwacu nia e jamugisa;
jumamon p’ubimo man mon pare m’araga gipake.
10 ‘Eni dhaku ma kani m’ulero calu mombwa,
ma leng’ calu dwi m’ugudo,
ma tetete calu der ceng’,
man ma wang’u ijo lii calu udul mony m’ucungo i the bendela migi?’”
11 “Aloro i podho mi yen ma cego nyinggi ma ve kalanga*
pi nineno janggi m’uloth i poga,*
pi nineno ka nyo yend ulok ucobo,*
man ka nyo yend ulemo uthiwo.
13 “Dwogi, dwogi, E Nyaculami!
Dwogi, dwogi,
kara waneni!”
“Wubeneno Nyaculami pirang’o?”
“En e calu miel i kind ungu ario mi dhanu!”*
7 “Tiendi leng’ magwei i wara peri,
E in m’i nyaku mir awora!
Bembi ngulu ngulu calu jamruko,
ma en e tic mi cing jabodho.
2 Pendi en e kibakuli ma thuc.
Pigulok ma jujebo kud urem ki i iye.
Ii en e nying nganu ma jucoko dhoge,
man jutwodo dhoge ku thiwe.
3 Thunoni ario gi calu nyithi ruda ario,
ma gi nyithi rut pa min ruda.
4 Ng’uti calu ot ma wiw ma jugiero ku lak liec.
Nying weng’i calu kut mi Hecbon,
ceng’ini ku dhugola mi Bath-rabim.
Umi calu ot ma wiw mi Lebanon,
m’ubeneno yo ba Dameski.
5 Wii leng’ ve got Karmel
man yuk wii* calu bongu ma nwang’ mi rangi m’uluga.
Ubimo umoko i yuk wii ma yasa yasa.
6 E nyaramara para i leng’ andha, man inyang’a mi tuko ngo,
nisagu gin moko ci ma nyang’ujo!
7 Idongo calu yend ngasi,
man thunoni gi calu wic ngasi.
8 Awacu kumae: ‘Abiidho ngasine
kara amak njuru nyinge.’
Wek thunoni ubed calu njuru nying ulok,
ng’wic yuyo peri ubed mit calu ng’wic pom,
9 man dhogi ubed calu pigulok ma ber hai.”
“Wek emond nyalwe i dwand jamerna,
calu pigulok ma mol yoo i dhogjo man eketho junindo.
10 An a pa jamerna,
man cwinye n’i wiya.
11 Bin, E jamerna,
wek wacidh i podho;
wabibedo i kind uboko ina.
12 Waai pir kugweno man wacidh i podho mir ulok
pi nineno ka nyo ulok ucobo,*
ka nyo thiwe uyepo
man ka nyo yend ulemo uthiwo.
Kuca re m’abiwok nyutho mer para iri.
13 Uboko ma nyinge mandragor uwodho ng’wice;
man kwond nying yen ceke m’ang’iya ni dhugola mwa.
Ma nyen ku ma con,
agwokogi ceke iri, E jamerna.
8 “Ka nwang’u ibedo calu umira,
m’udhodho thuno maa,
e nwang’u acwiyo limbi kinde m’anweng’i woko,
man ng’atu moko mbe ma nwang’u ubecaya.
2 Nwang’u apeyi,
ateri i ot pa maa,
en m’eponja.
Nwang’u amiyo iri pigulok ma jujebo ku piny ma ng’wice ng’ar,
man giramadha ma mit, ma ng’ic mi nying ulemo.
3 Nwang’u cinge mir acwic ubetheno the wiya,
man cinge mir acam ke ubegwaka.
4 Abekwayuwu, E nyi Yeruzalem:
wukwong’ ira nia wubipimo ngo nicewo kadi nitugo mer i iya, nitundo m’ebituk en gire.”
5 “Eca tie dhaku ma kani m’ubeidho kud i langa,
m’ujeng’ i gok jamerne ca?”
“Acewi kud i the yend pom.
Keca re ma i meru ucaku remo kinde m’ebino ku mugisa peri.
Keca re ma ng’atu m’unyoli usendere ku remo mi nyodo.
6 Mwona calu ayi* i kum adundeni,
calu ayi i kum cingi,
kum mer tie tek calu tho,
man ava mi moko kikiki* i kum ng’atu ma jumaru tie tek calu Liel.*
Lebmacne tie mac m’ubogere, ma en e lebmac pa Yah.*
7 Pii m’ubecorere copo nego mer ungo,
kadi pii ma dongo copo mole ngo.
Kadok nwang’u ng’atu moko umiyo lonyo m’i ot pare ceke pi ning’iewo mer,
jubicayu lonyone* ku rac.”
8 “Watie ku nyamegwa moko ma nok,
ma fodi thuno mbe i kore.
Wabitimo ang’o pi nyamegwa
nindo ma jubipenjo dwande pi ninyome?”
9 “Kan etie gang’kidi,
wabigiero kakur mi mola ma tar i wiye,
kan etie dhugola,
wabicike ku bau mi tido.”
10 “An a gang’kidi,
man thunona gi calu ot ma wiw.
Pieno i wang’e adoko
calu ng’atu m’unwang’u kwiyocwiny.
11 Suleman ubino ku podho mir ulok i Baal-hamon.
Emiyo podho mir ulokne i bang’ jurufur.
Ng’atuman ubed ukelo sente mi mola ma tar elufu acel (1 000) pi nyinge.
12 “Atie ku podho mir ulok para gira m’atiyo ko calu ayenyo.
Sente mi mola ma tar elufu acel (1 000) tie peri, E Suleman,
man dak ario mi ju m’ukuro nyinge.”
13 “E in m’ibedo i podho,
jurimo mito winjo dwendi.
Wek awinj dwendi.”
14 “Tim pio, jamerna,
ring ma tek calu ruda
kunoke calu nyathi thil
iwi got mi lum ma ng’wicgi ng’ar.”
Kunoke “Wakor.”
Kunoke “bongu mi lembcan.”
Kunoke nyo “i kind yukwic m’akieda.”
Kunoke “jamker mi wic.”
Kunoke “ulal.”
Nen Thelembe mi wec.
Kunoke “ot ma dit.”
Eno tie yen m’uyenyo rombo ku sipre.
Kunoke “ot mi foc; mi feth.”
Kunoke “nyithi gudi.”
Kunoke nyo “gudi ma wiw.” Kunoke “gudi mi Bether.”
Kunoke “ma ng’eyong’ec para maru.”
Kunoke “ma ng’eyong’ec para maru.”
Kunoke “ma ng’eyong’ec para maru.”
Kunoke “ma ng’eyong’ec para maru.”
Nen Thelembe mi wec.
Kom ma julwong’o nia diva.
Eno tie kit pem moko ma wiye nuti, ma jubed juyeyo ko dhanu ma pigi tek.
Kunoke “jamker mi wic mi thiwe; jamker mi wic mi ith lum.”
Kunoke “Thengi.”
Nen Thelembe mi wec.
Kunoke “arusi.”
Kunoke “Lebanon.”
Kunoke “arusi.”
Kunoke “arusi.”
Kunoke “Arusi.”
Kunoke “arusi.”
Kunoke nyo “Kumi tie.”
Kunoke “paradizo.”
Nen Thelembe mi wec.
Nen Thelembe mi wec.
Nen Thelembe mi wec.
Kunoke “ulal.”
Kunoke “arusi.”
Nen Thelembe mi wec.
Nen Thelembe mi wec.
Kunoke “ng’eyong’ec para ugam uringo.”
Kunoke nyo “ng’eyong’ec para ugam uweka kinde m’eweco.”
Kunoke nyo “wic ngasi.”
Kunoke nyo “i dhu kulo m’udenyini.”
Kunoke “nyithi gudi.”
Nen Thelembe mi wec.
Nen Thelembe mi wec iwi “Kidi ma pigi tek.”
Nen Thelembe mi wec iwi “Kidi ma pigi tek.”
Kunoke “Thengi.”
Kunoke “mon mange.”
I dhu Juebrania: “m’adote mbe i wiye.”
Ma kalanga mundu de ni kindgi.
Kunoke “i dhu kulo.”
Kunoke “uthiwo.”
Kunoke “ng’eyong’ec para.”
Kunoke “dhanu ma gitie ayika.”
Kunoke “miel mi Mahanaim.”
I dhu Juebrania: “wii.”
Kunoke “uthiwo.”
Kunoke “kace.”
Kunoke “nyeko.”
Kunoke “Ceol,” niwacu liel mi dhanu ceke. Nen Thelembe mi wec.
“Yah” tie nying’ ma Yehova i adundo.
Kunoke nyo “ng’atune.”