ISAYA

 2 Winji, Ee polo, man cik ithi, Ee ng’om,

Kum Yehova udaru yero kumae:

“Aketho wot udongo man atungogi,

Ento gidaru jai ira.

 3 Thwon dhiang’ ng’eyo cuu ng’atu m’ung’iewe,

Man kana ng’eyo wer ma won miyo ire cam i iye;

Ento Israel ung’eya ngo,*

Dhanu para ma buu gibetimo lembe ku rieko ngo.”

 4 Can iwi thek ma judubo,

Dhanu ma kier unuro,

Kodhi mi jutimrac, awiya m’ugondiri!

Gidaru weko Yehova;

Giworo ngo Ng’atu ma Leng’ mir Israel;

Giloko ng’eygi ire.

Wiwu zoo uberemo,

Man adundewu zoo ubetwoyo.

Wutie ku rem man kaka m’uluny, man rem ma nyen

Ma juthiedho ngo,* jutwiyo ngo wang’gi, kadi juyomo de ngo wang’gi ku mo.

 8 Juweko Nyasayuni calu otbak i podho mir ulok,

Calu otkur i podho mir ukuju,

Calu adhura ma judaru tieko.

 9 Ka nwang’u Yehova mir udul uweko ngo iwa dong jumoko m’uboth,

Eni nwang’u wadoko tap calu Sodoma,

Man nwang’u wadoko rom ku Gomora.

12 Kinde ma wubino ninyuthuru i wang’a,

Ng’a m’ukwayuwu

Nia wunyon lelagang’ para?

Adagu udok mwu ma ng’wice ng’ar,

Por pa dwi, sabatu, lwong’o mi coko ma dongo;

Aromo ciro ngo coko mwu ma dongo ma ke wubetiyo ku lembajoga.

Gidoko ni ter ma pek ira;

Adaru ol* ku yeyogi.

15 Kinde ma wuthang’u cingwu,

Akanu wang’a iwu.

Kadok nwang’u wuberwo wang’ dupa de,

Awinjo ngo;

Cingwu upong’ ku rimo.

16 Wujom, wudwokuru leng’;

Wukab timo mwu ma reco cen kud i wang’a;

Wuwek nitimo lembe ma reco.

17 Wuponj nitimo lembe ma beco, wuyeny bedopwe,

Wutwiny ng’atu m’usendojo,

Wucer ba twero pa nyathikic,*

Man wucung i kum dhatho.”

“Kadok nwang’u dubo mwu kwar ngbo de,

Gibidoko tar calu pei;

Kadok nwang’u gi kwar ngbo calu rimo de,

Gibidoko tar calu yuk rombe.

19 Tek wutie ayika man wuwinjo,

Wubicamu piny ma beco mi ng’ombuni.

20 Ento tek wukwero man wujai,

Palamularu bimvorowu,

Kum dhu Yehova udaru yero lembene.”

Nwang’u bedopwe upong’ i iye;

Bedopwe ubed ubedo i iye.

22 Mola peri ma tar udoko ni ceth cuma,

Man kong’o* mwu ujebere ku pii.

Gipoko ngo lembe pa nyathikic* atira,

Man lempido pa dhatho de tundo ngo nyanok de i bang’gi.

24 Pieno Rwoth mandha ma Yehova mir udul,

Ng’atu ma Tek mir Israel uyero kumae:

“Ah! abikabu judhoga cen,

Man abiculo kwor i kum judegi para.

25 Abiloko cinga i kumi,

Abiloyo ceth cuma peri calu ve ku sabuni

Man abikabu cilo peri kpo.

26 Abidwogo jupoklembe peri calu mir acaki

Man jumii juk peri calu m’ebino ku kwong’a.

27 Jubiwaru Sayuni ku pokolembe m’atira,

Man dhanu pare m’udwogo ku bedopwe.

28 Jubirungo jujai ku judubo karacelo,

Man ju m’uweko Yehova gibithum.

29 Kum lewic bimakujo pi yen ma tek ma wuketho cwinywu i kume,

Man ava podho* ma wung’iyo de wun biai i kumwu.

30 Pilembe wubidoko calu yen ma dit ma ithe thwo,

Man calu podho ma pii mbe i iye.

31 Nico ma tek bidoko calu thondh saki,

Man tic pare ni lebmac,

Gin ario zoo gibiwang’ karacelo,

Ma ng’atu moko mbe ma binego maje.”

 2 I dong nindo mir ajiki,*

Got ma ot pa Yehova n’i wiye

Bicungo ma tek malu iwi usimbru gudi,

Man ebidodere malu iwi ungulu gudi,*

E thek ceke bicoriri i bang’e.

“Wubin, waidhu malu iwi got pa Yehova,

I ot pa Mungu pa Yakobo.

Ebiponjowa ku yo pare,

Man wabiwotho i yo pare.”

Kum cik* biwok kud i Sayuni,

Man lembe pa Yehova kud i Yeruzalem.

 4 Ebipoko lembe i kind thek

Man ebidwoko lembe atira i kind dhanu dupa.

E gibifwodo palamularu migi ni kwej dhiang’

Man tong’ migi ni uligu.

Thek biting’o ngo palamularu i kum thek wadi,

Kadi gibiponjo ngo lwiny kendo nyanok de.

 5 Wubin, Ee juruot pa Yakobo,

Wek wawothu i der pa Yehova.

 6 Kum iwenjo dhanu peri ma juruot pa Yakobo,

Pilembe gipong’ bik ku piny m’uai yo Nyangu;

Gibetimo lembajoga calu Jufilisti,

Man gipong’ kud awiya mi juwirok.

 7 Ng’om migi pong’ ku mola ma tar man mola ma kwar,

Man ajiki mi lonyo migi mbe.

Ng’om migi pong’ ku riuni,*

Man ajiki mi magali migi mbe.

 8 Ng’om migi pong’ ku mungu ma tijgi mbe,

Girum piny ni tic mi cing’gi gigi,

Ni gin ma nyig cing’gi re m’uyiko.

 9 E ng’atini kulo kore piny man ejwigere,

Dong’ icopo timo ngo igi kisa.

10 Mond i cana man pond i utur

Nikum bedonuti pa Yehova ma ng’oyo ndiri

Man dwong’ pare ma dit.

11 Jubijwigo doro m’i wang’ dhanu,

Man kethiri mi dhanu de jubijwigo.

Ebebino iwi dhanu ceke ma nim man ma ting’iri,

Iwi dhanu ceke, dok ebed m’udodere kadi m’ujwigere,

13 Iwi yend tido mi Lebanon ceke m’uting’ere man m’udodere

Iwi yen ceke m’ujany mi Bacan,

14 Iwi gudi ceke ma wiw

Man iwi ungulu gudi ceke m’uting’ere malu,

15 Iwi udi ma wiw ceke m’uting’ere malu man iwi gang’kidi ma tek ceke,

16 Iwi meli ceke mi Tharsis,

Man iwi yei ceke ma beco.

17 Jubijwigo ting’iri mi dhanu

Man jubijwigo kethiri mi dhanu.

19 Dhanu bimondo i odicana

Man i oding’om

Nikum bedonuti pa Yehova ma ng’oyo ndiri

Man dwong’ pare ma dit,

Saa m’ebiai malu pi niketho ng’om uyengere nikum ndiri.

20 I nindo maeca, dhanu bibayu mungu migi ma tijgi mbe mi mola ma tar man mi mola ma kwar,

Ma giyiko igi kara gibed girum i wang’e

Man gibibayugi ni vuyu* man ni ulik,

21 Kara gimond i odicana

Man i kind cana m’ukak,

Nikum bedonuti pa Yehova ma ng’oyo ndiri

Man dwong’ pare ma dit,

Saa m’ebiai malu pi niketho ng’om uyengere nikum ndiri.

22 Dong’ pi bero mwu giwu, wujig nigeno dhanu ma dhanu e,

Ma tie kende kende yuyo mi odi ume.*

3 Kum nen! Rwoth mandha ma Yehova mir udul

Ubekabu kud i Yeruzalem man kud i Yuda kwond piny ceke ma jujengiri i wiye man kony,

Kony ceke mi mukathi man mi pii,

 2 Jarukara man jaramony,

Japoklembe man jabila, jaewlembe man jadit,

 3 Jatelwic mi dhanu pier abic, won yung man jamii juk,

Jabodho mi lembajoga man jabodho mi timo thangu.

 4 Abiketho nyithindh awiya ma co ni judongo ma wijo migi,

Man dhanu ma wigi piw piw* re ma bibimo wigi.

 5 Dhanu bisendiri i kindgi,

Ng’atuman ku wadi.

Nyathin ma nico bisayu ali i dhu jadwong’,

Man ng’atu ma kony pare mbe bicido ng’atu ma juworo awora.

“Abibedo ngo jathiedh rem mwu;

Ambe ku cam kadi bongu i ot para.

 8 Kum Yeruzalem ukier,

Man Yuda udaru podho,

Pilembe gijai ni Yehova i wec man i timo;

Gibetimo lembe ku cac i wang’ dwong’ pare.

 9 Kite ma wang’gi nen ko ubetuco lembe i kumgi,

Man gibetwong’o dubo migi calu Sodoma;

Gibeii ngo nikane.

10 Yer ni weg bedopwe nia lembe biwotho ber igi;

Gibinwang’u sukulia pi gin ma gibetimo.*

Nyoth biwok i wiye,

Kum gin ma cinge timo re ma jubitimo i kume!

12 Juwitic mi dhanu para ubesendogi,

Man mon re m’ubebimo wigi.

Dhanu para, jutelwic mwu uketho wubewotho swa,

Man gibenyotho yo m’ukwayu wukwany.

13 Yehova uai malu pi nidoto adote;

Man ecungo pi nipoko lembe iwi dhanu.

“Wudaru wang’u podho mir ulok,

Man piny pa jacan ma wukwalu n’i udi mwu.

15 Ng’a m’umiyo iwu twero mi rungo dhanu para

Man mi rego wang’ jucan i utur?” Rwoth Ubimo ma Malu Ngbir Yehova mir udul uwacu.

16 Yehova uwacu kumae: “Calu ma Nyisayuni gibeting’iri,

Gibewotho ma gitworo wigi malu,*

Gibebidhojo ku wang’gi, gibethindho woth athindha ku doro,

Man gibeyengo ngara ku ng’udi tiendgi,

17 Yehova bicoro bende gwenyo i die wi Nyisayuni,

Man Yehova bilielo terwang’gi lelele.

18 I nindo maeca,Yehova bikabu leng’o mi gwang’ migi,

Jamtwiyo wic, jamruko mir ayi pa dwi,

19 Lengethu,* mangil, man kithambala,

20 Jamruko mi wic, gwang’ mi ng’udi tielo, thondh pier,

Cupa mir udok ma ng’wice ng’ar, man rigi,*

21 Lagith mi nyig cing’jo man lengethu mi um,

22 Kanzu mi ceng’ ma dwong’, bongu ma jubolo iwi wagi, man usau,

23 Maraya mi cing’, bongu ma nwang’,*

Jamboyo wic ma segi, man kithambala.

24 Kaka moj balsam, ng’wic piny m’utop re ma bibedo nuti;

Kaka mukaba, uno re ma bibedo nuti;

Kaka yukwic ma juruko ma leng’, wic m’uwang’ re ma bibedo nuti;

Kaka kendi ma beco, kendi mi saki re ma bibedo nuti;

Man kaka leng’o, poyo re ma bibedo nuti.

25 Co peri bitho ku palamularu,

Man co peri ma jurukara bitho i lwiny.

26 Kamondo mi Sayuni biwak man ebicur,

Man ebibedo thathara i ng’om ma en uvuru.”

“Wabicamu cam* mwa,

Wabikendo de kendi mwa;

Wek walwong’ara ndhu ku nyingi kende ci,

Pi nikabu lewic* m’i wiwa.”

5 Akwayuwu, wukewek awer ni jamerna

Wer moko pi ng’atu m’amaru man pi podho pare mir ulok.

Edog epidho yend ulok ma kwar m’alonda i iye,

Egiero ot ma wiw i dierene,

Man etong’o vur mi biyo pigulok i iye.

I ng’eye, ebedo geno nia ebicego nying ulok ma beco,

Ento elund ecego kende kende nying ulok mi lum.

 3 “Dong’ kawoni, wu ju ma wubedo i Yeruzalem man dhanu mi Yuda,

Akwayuwu, wupok lembe i kindwa ku podho para mir ulok.

 4 Nwang’u atim ang’o mange pi podho para mir ulok

M’uweko gin ma dong’ adaru timo?

Pirang’o kinde m’abino geno nia ebicego nying ulok ma beco,

Elund ecego kende kende nying ulok mi lumi?

 5 Kawoni akwayuwu, wukewek ayer iwu

Gin m’abitimo i kum podho para mir ulok:

Abiyaku gang’ne,

Man jubiwang’e cen.

Abirwombo gang’kidine,

Man jubinyone.

 6 Abidwoke ni ng’om m’unyothere;

Jubilwero ngo jange kadi there de jubigiero ngo.

Yend ukudho ku doy bijiyo i iye,

Man abing’olo ni afuru kud ucwii koth nyanok de i wiye.

 7 Kum podho mir ulok pa Yehova mir udul utie ot mir Israel,

Man dhanu mi Yuda tie podho ma nwang’u emaru akeca.

Ebino geno bedopwe,

Ento nen! gondiri re m’utie;

Ebino geno pokolembe m’atira,

Ento nen! wak mi masendi re m’utie.”

 8 Can iwi ju ma thubo ot i kum ot mange

Man ma diko podho ku podho mange,

Nitundo ma kaka moko mbe ma dong’

Man gikwo kendgi i ng’ombe!

 9 Yehova mir udul ukwong’o kwong’ i the itha

Nia udi dupa, dok gibed ma dongo man ma leng’,

Bidoko ni piny ma ng’oyo ndiri,

Ma ng’atu moko mbe ma bedo i iye.

10 Kum podho mir ulok hektar ang’wen bicego

Ulok ma pige pong’o agulu* acel kende,

Man kodhi homer* acel bicego efa* acel kende.

11 Can iwi ju ma ai pir kugweno pi nimadhu kong’o,

Ma riyo duu i wiye nitundo ma piny nyutho ko i wigi

Cil ma pigulok caku liel i igi calu mac!

12 Gitie kud adungu man jamgoyo wer ma juthondhe,

Nyathi vul, usegu, man pigulok i foc migi;

Ento giketho ngo wigi i kum gin ma Yehova timo,

Man gineno ngo tic mi cinge.

13 Pieno dhanu para bicidho i ng’eca

Nikum koso ng’eyong’ec;

Kec binego dhanu migi ma weg dwong’,

Man dhanu migi ceke bisendiri ku rieu pii.

14 E Liel* umedere ma dit

Man eyabu dhoge ma lac ma kieune mbe;

Man dhanu pare ma weg yung, udul dhanu pare ma giwoy, man dhanu pare ma gimaru foc

Gibiloro i iye ma jiji mbe.

15 Man dhanu bijwigere,

Jubijwige

Man jubijwigo wang’ ng’atu ma ting’ere.

16 Yehova mir udul bidodere malu nikum pokolembe* pare;

Mungu mandha, ma Ng’atu ma Leng’ bidwokere leng’ nikadhu kud i pokolembe m’atira.

17 Man nyithi rombe bicamu calu i luba migi;

Umondo bicamu kaka m’udong’ kende ma ley ubed ucamu ma ber i iye.

18 Can iwi ju ma peyo kosa migi ku thol mi ndra

Man ma peyo dubo migi ku thondh magali;

19 Dhanu m’ubeyero kumae: “Wek Mungu udhul tic pare;

Wek ebin pio kara wanene.

Wek lembakeca pa Ng’atu ma Leng’ mir Israel utimere,

Kara watund ning’eye!”

20 Can iwi ju ma yero nia lembe ma ber tie rac man ma rac tie ber,

Ju ma dwoko mudho ni der man der ni mudho,

Ma ketho piny ma kec kaka ma lim lim man ma lim lim kaka ma kec!

21 Can iwi ju ma riek i wang’gi gigi

Man ma neno gin gigi nia gi riek!

22 Can iwi ju ma tek i madhu pigulok

Man ma jubodho i jebo kong’o ma lake tek,

23 Ju ma yiyo kanyaka pi niweko jatimrac

Man ma twono won bedopwe ku pokolembe m’atira!

24 Pieno, tap calu ma lebmac wang’u ko soka

Man lum m’uthwo rungere ko i lebmac,

Ulaggi de bitop,

Man thiwgi biduny calu mogo,

Pilembe gikwero cik* pa Yehova mir udul

Man gicayu wec pa Ng’atu ma Leng’ mir Israel.

25 Pi thelembe maeno re ma ng’eicwiny pa Yehova ubeliel i kum dhanu pare;

Ebirieyo cinge i kumgi man ebigoyogi.

Gudi biyengere,

Man avujgi bibedo calu susu i gengi.

Pi lembuno zoo, ng’eicwiny pare uloko ngo ku ng’eye,

Ento cinge tie asu arieya pi nigoyo.

26 Eting’o giranyutha* malu ni thek ma bor;

Elwiyogi kara gibin niai kud i tung’ ng’om;

Man nen! gibebino pio pio mandha.

Mukaba mi piergi ugony ungo,

Kadi thondh wara migi de ucot ungo.

28 Lak athero migi ceke utie bith,

Man gitelo athero migi.*

Ubong’ tiend riuni* migi calu kidi ma lake bith,

Man tiend magali migi calu vira.

29 Rundo migi calu p’umvor;

Girundo calu nyithindh umvor.*

Gibirundo man gibimaku cam migi,

Gibiyeye ma ng’atu moko mbe m’ulare.

30 I nindo maeca, gibirundo i wiye

Calu rundo pa nam.

Ng’atu moko ci ma bineno ng’ombe bineno mudho ma ng’abu cwinyjo;

Kadok der de bicido bii nikum afuru.

Adaru tho para athoa* eni,

Kum an a dhanu ma dend dhoge cido,

Man abekwo de i kind dhanu ma dend dhoggi cido;

Kum wang’a uneno Ubimo, Yehova mir udul ku kume!”

Kier peri ukabere,

Man dubo peri uwekere.”

‘Wubiwinjo lembe kendo kendo,

Ento wubinyang’ ungo;

Wubineno piny kendo kendo,

Ento wubinwang’u ngo ng’eyong’ec moko ci.’

10 Dwok adunde dhanu maeni nwang’,

Cul ithgi

Man mwon wang’gi,

Kara kud ginen piny ku wang’gi

Man kud giwinj lembe ku ithgi,

Kara adundegi kud unyang’ i lembe,

Gimaru dwogo ku ng’eygi man gimaru key.”

“Nitundo m’adhurane gibirwombiri man gibidong’ ni uvuru ma ng’atu moko mbe ma bedo i igi,

Ma udi bibedo ma dhanu mbe i igi,

Man ma ng’ombe bidong’ ko ni uvuru man kende;

12 Nitundo ma Yehova bitero dhanu bor mandha

Man kaka m’udong’ kende i ng’ombe bimaku kabedo ma lac mandha.

“Lembene birombo ngo,

Ebitimere de ngo.

 8 Kum wi Siria tie Dameski,

Wi Dameski ke tie Rezin.

I kind oro pier abusiel wi abic tap ci,

I Efraim bikethere ceke man ebijigo nibedo thek.

 9 Wi Efraim tie Samaria,

Man wi Samaria ke tie wod Remalia.

Ka yiyoyic mwu tek ungo,

Wubicungo ngo ma tek.”’”

 6 “Calu ma dhanu maeni gikwero pii mi Ciloa* m’ubemol yoo

Man gifoyo migi Rezin giku wod Remalia,

 7 Pieno nen! Yehova bikelo i kumgi

Pii ma tek man ma lac mi Kulo,*

Ma en e ubimo mir Asiria man dwong’ pare ceke.

Ebiidho iwi jang pige ceke

Man ebidhir i dhoge zoo

 8 Man ebicorere i Yuda.

Ebipong’e, ebikadhu kud i iye, man ebiidho nitundo i ng’utjo;

Vombe m’ebiyaru bipong’o kalac mi ng’ombe zoo,

Ee Emanuel!”*

Wuyer lembe ma wubemito, ento ebirombo ngo,

Kum Mungu ni kudwa!*

Kud wulwor gin ma gibelworo;

Kumwu de kud umiel pi lembene.

13 Yehova mir udul re m’utie Ng’atu ma wucikuru nineno nia tie leng’,

En re m’etie Ng’atu ma wucikuru nilworo,

Man en re m’etie Ng’atu ma kumwu ucikere nimiel pire.”

14 Ni udi ario mir Israel

Ebidoko calu kabedo ma leng’,

Man bende calu kidi ma twangujo

Man cana ma ketho jukier;

Ni ju ma bedo i Yeruzalem ke,

Ebidoko calu voi man uwic.

15 Ju dupa m’i kindgi bikier, gibipodho man gibitur;

Gibimoko i uwic man jubimakugi.

16 Dol lembe m’uyiyere* ma jugoro;

Keth ayi i kum cik* i kind julub para!

 2 Dhanu m’ubino wotho i mudho

Gineno der ma dit.

Ju m’ubedo i ng’om mi mudho ma bii ke

Der ucarugi.

 3 Iketho thek unyay;

Iketho anyong’a pare umedere lee.

Anyong’a ubenegogi i weng’i

Calu m’anyong’a nego ko dhanu i saa mi kayucam,

Calu ju m’ubepoko jambayeki kud anyong’a.

 4 Kum irungo i mberembere mi ter migi nziki nziki,

Uluth ma juberwadu ko gokgi, undoy pa jawitic,

Calu i rundi pa Midian.

 5 Wara ceke mi juaskari ma yengo ng’om kinde ma giwotho

Man kendi ceke ma juvuko i rimo

Bidoko ni yenmac.*

 6 Kum nyathin unyolere iwa,

Nyathin ma nico umiyere iwa;

Man bimobim* bibedo iwi goke.

 7 Kajik mi nyay mi bimobim* pare

Man mi kwiyocwiny bibedo mbe

Iwi komker pa Daudi man iwi ker pare

Pi niketho ecung ma tek man pi nitiele

Nikadhu kud i pokolembe m’atira man bedopwe,

Niai kawoni man rondo ku rondo.

 8 Yehova uoro wec i kum Yakobo,

Man ebino i kum Israel.

 9 E dhanu ceke bing’eyo lembene,

Efraim man ju ma bedo i Samaria,

Ma gibewacu ku ting’iri migi man ku cac mir adundegi kumae:

10 “Briki udaru rwombere,

Ento wabigiero ku kidi m’apaya.

Judaru ng’ondo yend duru,

Ento wabipidho yend tido kakagi.”

11 Yehova bitugo judhu Rezin i kume

Man ebicwalu judegi pare i timo,

12 Siria biai ku yo nyangu man Jufilisti ku yo reto;

Gibing’amu dhoggi gibiramu ko Israel.

Pi lembuno zoo, ng’eicwiny pare uloko ngo ku ng’eye,

Ento cinge tie asu arieya pi nigoyo.

13 Kum dhanu udwogo ngo i bang’ Ng’atu m’ugoyogi;

Gisayu ngo kaka Yehova mir udul.

14 Yehova bing’ondo kud i Israel

Wic ku yib, jang yen man usi* i nindo acel kende.

15 Jadit man ng’atu mir awora mandha utie wic,

Man jabila m’ubeponjo ponji mi ndra re m’utie yib.

16 Ju m’ubetelo wi dhanu maeni giketho gibewoth swa

Man wi ju ma jubetelo wigi ulal.

17 Pi thelembe maeno re m’anyong’a binego ngo Yehova pir awobi migi,

Man kisa binege ngo i kum nyithikic* migi man montho migi,

Pilembe gin ceke gi jujai man jutimrac

Man dhok ceke ubeyero lemkasegu.

Pi lembuno zoo, ng’eicwiny pare uloko ngo ku ng’eye,

Ento cinge tie asu arieya pi nigoyo.

18 Kum lembe ma reco ubewang’ calu mac,

M’ubewang’u yend ukudho m’udinyo man doy,

Ebidhuro mac i kum vunga mi luli,

Man gibiduny i yiro ma ve afuru.

19 I kwinyo pa Yehova mir udul,

Ng’om umaku mac,

Man dhanu bidoko calu yenmac.*

20 Jubitong’o yor acwic

Ento kec binegojo asu;

Man jubicamu yor acam

Ento jubiyeng’ ungo.

Ng’atuman biramu ring’ bote gire,

21 Manase biramu Efraim,

Man Efraim biramu Manase.

Pi lembuno zoo, ng’eicwiny pare uloko ngo ku ng’eye,

Ento cinge tie asu arieya pi nigoyo.

10 Can iwi ju ma wodho cik mi timojo rac,

Ma saa zoo gikiewo cik mi sendojo,

 2 Pi nicero jucan ku twero migi,*

Pi nitwono ju ma thindho m’i kind dhanu para ku pokolembe m’atira;

Gibeyaku ko montho

Gibekwalu ko nyithikic!*

 3 Wubitimo ang’o i ceng’ mi matira,*

Kinde ma nyoth biai ku bori?

Wubiringo i bang’ ng’a pi ninwang’u kony,

Man wubiweko lonyo* mwu kani?

 4 Gin ma bidong’ ma wuromo timo bibedo kende kende ninyongo i kind ju ma jutwiyo,

Kunoke nipodho i kind ju ma junego.

Pi lembuno zoo, ng’eicwiny pare uloko ngo ku ng’eye,

Ento cinge tie asu arieya pi nigoyo.

Uluth mi nyutho kwinyo para

Man undoy m’i cing’gi mi nyutho ng’eicwiny para ma lake tek!

 6 Abiore i kum thek m’ujai,

I kum dhanu m’unyayu ng’eicwiny i iya;

Abing’olo ire nia eyakgi lee man ekwalgi lee

Man ewoth i wigi calu usabu mi gengi.

 7 Ento nen pare bibedo ngo kumeno

Man ebipangu ngo kumeno i adundene;

Kum ekeco i adundene ninyotho

Man nikabu thek dupa, nyanok ungo.

10 Cinga umaku ker mi mungu ma tijgi mbe,

Ma ayi gin m’acwiya migi m’ang’ika upong’ nisagu mi Yeruzalem ku mi Samaria!

11 Nyo abitimo ngo bende i kum Yeruzalem man i kum ayi gin m’acwiyane

Tap gin m’atimo i kum Samaria man i kum mungune ma tijgi mbe?’

‘Abitimo lembuni ku tego mi cinga

Man ku rieko para, kum a riek.

Abikabu kieu mi dhanu

Man abiyaku lonyo migi

Man abidiyo ju ma bedo i iye calu ng’atu ma tek.

14 Calu ng’atu m’uberoyo cinge i odiwinyo,

Cinga bimaku lonyo mi dhanu;

Man calu ng’atu m’ubecoko tong winyo ma juweko,

Abicoko ng’om zoo!

16 Pieno Rwoth mandha ma Yehova mir udul

Biketho dhanu pare m’ucwey bimok,

Man ebicwinyo mac m’ugagini i the dwong’ pare.

17 Der mir Israel bidoko mac,

Man Ng’atu ma Leng’ pare bidoko lebmac;

Ebiliel man ebiwang’u doy pare man yend ukudho pare m’udinyo nindo acel kende.

18 Ebinyotho dwong’ mi luli pare man podhoyen pare ma cego nying’gi zoo;

Ebibedo calu ma tego thum ko i kum ng’atu m’utwoyo.

19 Dong yen mi luli pare

Bidong’ nyanok mandha ma nyathin de copo kiewo wendgi.

20 I nindo maeca, dong ju m’udong’ mir Israel

Man ju m’uboth mi ot pa Yakobo

Gibijengiri ngo kendo iwi ng’atu m’ugoyogi;

Ento gibijengiri iwi Yehova,

Ma Ng’atu ma Leng’ mir Israel ku gwoko bedoleng’.

21 Donge kende re ma bidwogo,

Niwacu dong Yakobo, i bang’ Mungu ma Jatego.

22 Kum kadok dhanu peri, Ee Israel,

Gipong’ calu nying kwiyo m’i nam de,

Dong’gi kende re ma bidwogo.

Judaru ng’olo nia gibithum pet,

Man bedopwe* bimwonyogi.

23 Eyo, lembang’ola ma Rwoth Ubimo ma Malu Ngbir Yehova mir udul ung’olo nia gibithum ko pet

Bitimere i die ng’ombe ceke.

27 I nindo maeca, jubikabu ter pare kud iwi gokwu,

Man mberembere pare kud i ng’utwu,

Man jubirungo mberemberene nikum mo.”

28 Edaru tundo i Aiath;

Ekadhu kud i Migron;

Ewok eketho ter pare i Mikmac.

29 Gikadhu loka ku kaka ma pii mwomere i iye;

Givuto diewor i Geba;

Kum Rama ubemiel, Gibea pa Saul uringo.

Ebiyengo cinge i bang’ got pa Nyasayuni,

Ungulu got* mi Yeruzalem.

33 Nen! Rwoth mandha ma Yehova mir udul

Ubetong’o jang yen ku dwal ma ng’oyo ndiri;

Jubeng’ondo yen ma boco mandha

Man ju m’uting’iri malu jubejwigo.

34 Ebejwero vunga m’i luli ku jamtic mi cuma*

Man Lebanon bipodho i the cing’ ng’atu ma tek.

11 Yen ma nyen biloth kud i cudho Yese,

Man niai kud i ulage yen ma nyen bicego nyinge.

 2 Man tipo pa Yehova bibedo i wiye,

Tipo mi rieko man mi nyang’ i lembe,

Tipo mi juk man mi tego,

Tipo mi ng’eyong’ec man mi lworo Yehova.

Ebipoko ngo lembe nimakere ku gin ma wang’e bineno,

Kadi ebitwinyojo ngo kende kende calku gin ma ithe biwinjo.

 4 Ebipoko lembe mi ju ma thindho pwe,

Man ebimiyo juk pi bero mi ju ma mol m’i ng’om i atira.

Ebigoyo ng’om kud uluth mi dhoge

Man ebinego jutimrac ku yuyo mi dend dhoge.

 5 Bedopwe bibedo mukaba mi dire,

Man bedoleng’ bibedo mukaba mi piere.

 6 Urudi bibedo pi kare moko ku nyathin urombo,

Man ng’uu bivuto karacelo ku nyathi diel,

Man nyathi dhiang’ kud umvor* man ley ma ful ful bibedo ceke karacelo;*

Man nyathi jalawobi bitelo wigi.

 7 Dhiang’ bicamu karacelo kud urudi,

Man nyithindhgi bivuto karacelo.

 8 Nyathin ma dhoth bituko i dhu od urobi,

Man nyathin m’ukwiro cak biketho cinge i dhu odi thwol ma jukwir.

 9 Gibitimo ngo racu nyanok de

Kadi nyoth moko ci i got para ma leng’ zoo,

Pilembe ng’om bipong’ andha ku ng’eyong’ec pa Yehova

Calu ma pii pong’o ko nam.

Thek bilokiri i bang’e pi nisayu telowic,*

Man kayom pare binwang’u dwong’.

13 Nyeko pa Efraim bithum,

Man jubinyotho ju m’udagu Yuda cen.

Nyeko binego ngo Efraim i kum Yuda

Kadi Yuda de bibedo mbe kud adegi i kum Efraim.

14 Man gibicoriri i lung’* mi Jufilisti yo reto;

Gibiyaku dhanu ma yo Nyangu karacelo.

Gibirieyo cing’gi i kum* Edom ku Moab,

Man Juamon bibedo i the loc migi.

15 Yehova bikaku* leb nam mi Misiri

Man ebileko cinge iwi Kulo.*

Ebigoyo kulone abiro m’ubemol ma tek ku yuyo* pare ma thwoyo piny,

Man ebiketho dhanu biwotho i iye pi nikadhu loka ma gikendo wara migi.

16 Man gengi ma dit bibedo nuti m’uwok kud i Asiria pi dong dhanu pare m’udong’,

Calu ma Israel de ubedo ko i nindo m’ewok kud i ng’om mi Misiri.

“Afoyi, Ee Yehova,

Kum kadok nwang’u ibino ku ng’eicwiny i kuma de,

Re nok nok ng’eicwiny peri ujwik man ijuko cwinya.

Abibedo ku genogen man ndiri binega ngo;

Kum Yah* Yehova en e kero para man tego para,

Man edoko both para.”

 3 Wubitwomo pii kud anyong’a

I kulo mi both.

“Wudwok foyofoc ni Yehova, wulwong’ nyinge,

Wuketh tic pare ung’eyere i kind dhanu!

 6 Ting’ dwendi man kok kud anyong’a, in m’ibedo* i Sayuni,

Kum Ng’atu ma Leng’ mir Israel tie dwong’ i kindwu.”

Wulwong’gi, wulek cingwu,

Kara gimond i dhugola mi weg yung.

Adaru lwong’o jurumony para pi ninyutho kwinyo para,

Jupara m’ubefoyiri ku kuhaya.

 4 Wuwinji! Udul dhanu n’i wi gudi;

Dwandgi winjere ve gitie dhanu ma wendgi lee dit!

Wuwinji! Woy mi ker,

Mi thek m’ucokiri karacelo!

 5 Gibebino niai kud i ng’om ma bor,

Niai kud i tung’ polo,

Yehova ku jamlwiny mi kwinyo pare,

Pi nikelo nyoth iwi ng’om zoo.

 7 Pi thelembe maeno re ma cing’ ceke bikwiyo,

Man adunde dhanu ceke biloy ni lworo.

Ajakajaka ku remo ugoyogi,

Calu dhaku m’ubegonyere.

Gibeneniri i kindgi ku zungo,

Wang’gi ubogere calu mac nikum ndiri.

 9 Nen! Nindo pa Yehova ubebino,

Ebino m’e ger, m’e kwiny, man m’etie ku ng’eicwiny ma lake tek,

Pi niketho ng’om udok ni jamzungo,

Man nidaru judubo m’i ng’om pet kud i iye.

10 Kum nyikaluku mi polo ku njuru* migi

Biwodho ngo der migi;

Ceng’ bidoko ma col kinde m’ebewok,

Man dwi bicaru ngo derne.

11 Abipenjo wel i bang’ ng’om ma jubedo i wiye pi racu pare,

Man i bang’ jutimrac pi kosa migi.

Abijigo doro mi ju ma rikini,

Man abijwigo ting’iri mi weg adici.

12 Abiketho dhanu ma tho bidoko tak tak nisagu mola ma kwar ma julilo,

Man dhanu bidoko tak tak nisagu mola ma kwar mir Ofir.

13 Pi thelembe maeno re m’abiketho polo biyengere,

Man ng’om biyengere, ebiai cen ku kakare

Nikum kwinyo pa Yehova mir udul i nindo mi ng’eicwiny pare ma lake tek.

14 Ng’atuman bidok i bang’ juthugi ma dhe;

Ng’atuman biringo i ng’om thugi ma dhe calu amur ma juriemo,

Man calu udul lim ma ng’atu m’ucoko dhoggi mbe.

15 Ng’atu moko ci ma jubinwang’u jubicobo iye plu,

Man ng’atu moko ci ma jubimaku bipodho i lak palamularu.

16 Jubinyadhu i awiya migi nziki nziki i wang’gi,

Jubiyaku udi migi,

Man jubimaku mon migi ku kero.

17 Nen, abeting’o Jumedi i kumgi,

Gin ma gineno mola ma tar ni gin moko ngo

Man ma mola ma kwar nyayu ngo anyong’a i igi.

18 Athero migi biyeco i awobi;

Kisa binegogi ngo i kum nying ic,

Kadi ngisi i kum awiya.

19 Man Babeli, ma dwong’* mi kerne ukadhu mi ker mange zoo,

Leng’o ku doro mi Jukaldayo,

Bibedo calu Sodoma ku Gomora kinde ma Mungu ung’ielogi.

20 Jubibedo ngo nyanok de i iye,

Man ebibedo ngo ni kabedo i kind dhanu m’utuk ceke.

Jaarabia moko mbe ma biguro hema pare keca,

Man jakwac moko mbe ma biketho udul lim pare uyom keca.

21 Yedi mi langa bivuto keca,

Tula bipong’o udi migi.

Udo bibedo keca,

Man diegi mi lum* bigoyo undilo keca.

22 Yedi mi lum biwak i udi pare ma wiw,

Man utho biwak i pacu pare ma beco.

 5 Yehova uturo uluth mi jutimrac,

Uluth mi rwodhi,

 6 Ng’atu m’ubed ugoyo dhanu ku ng’eicwiny thiri thiri,

Ng’atu m’ubed udiyo thek ku kwinyo ku ragedo m’umbe niweko.

 8 Kadok yend jenevriye karacelo ku yend tido mi Lebanon de

Anyong’a ubenegogi piri.

Gibewacu kumae: ‘Niai m’ipodho ci,

Jatong’yen moko mbe m’ubino i kumwa.’

 9 Kadok Liel* ma ni piny de kume cek

Pi nijolo tundo peri.

Pilembe piri, ecewo ju ma tego migi thum i tho,

Jutelwic ceke ma weg adici* mi ng’om.

11 Judaru loro doro peri i Liel,*

Dwand jamgoyo wer peri ma juthondhe.

Ivuto iwi ukoko m’umoyiri calu pem,

Man jam um peri tie ukoko.

12 Kenen maram ipodho ko kud i polo,

Ee in m’icaru piny, wod mombwa!

Kenen maram jung’ondi ipodho ko i ng’om,

In ma nwang’u ivoyo thek!

13 Ibed iyero i adundeni kumae: ‘Abiidho i polo,

Abidodo komker para yor iwi nyikaluku pa Mungu,

Man abijany iwi got mi coko,

Thenge ma bor mandha ma yo malu.

14 Abiidho malu i die wi afuru;

Abidwokara gira calu Ng’atu ma Malu Ngbir.’

15 Ento jubilori piny i Liel,*

I the vur ma lieng’.

16 Ju m’ubeneni bineni tel,

Gibing’ii cuu mandha, man gibiwacu kumae:

‘Eni re jalwo m’ubed uyengo ng’om e ngo,

M’uketho ker ma tung’ tung’ uyengere,

17 M’uketho ng’om ma dhanu bedo i iye udoko calu langa

Man m’ung’ielo adhuranegi,

M’ukwero niweko ju m’etwiyo udok i bang’gi?’

18 Jubim mange ceke mi thek,

Eyo, gin ceke givuto ku dwong’,

Ng’atuman i kabuli* pare.

19 Ento in jubeyi abaya m’umbe nikunyi i liel,

Calu jang yen ma judagu,

M’uronyo ju ma junego, ma jucobo ku palamularu,

M’uloro piny iwi kidi ma n’i the vur,

Calu avu ma junyono i the tielo.

20 Ibidikiri ngo kugi i liel,

Kum inyotho ng’om peri,

Inego dhanu peri.

21 Wuyik kanego wote

Pi dubo pa kwarugi,

Kara kud giai gimak ng’om

Man kud gipong’ ng’ombe kud adhura migi.”

“Ebitimere tap calu m’akeco,

Man tap calu m’ang’olo, eno re ma gin ma bitimere.

25 Abirungo i Jaasiria i ng’om para,

Man abinyono iye iwi gudi para.

Abikabu mberembere pare kud i bang’gi,

Man abikabu ter pare kud i gokgi.”

26 Eni tie lembe ma judaru ng’olo* i kum ng’om zoo,

Man maeni tie cing’ m’urieyere* i kum thek zoo.

27 Pilembe Yehova mir udul udaru ng’olo,

Man ng’a ma copo ranyu lembene?

Cinge dong’ utie arieya,

Man ng’a ma copo dole?

29 “Anyong’a kud unegi, Filistia, ng’atu moko ci m’i kindwu,

Nia pilembe juturo uluth pa ng’atu m’ubino goyi.

Kum kud i ulag thwol, thwol ma jukwir biwok,

Man kodhine bibedo thwol ma jumac ma tuk atuka.

30 Kinde ma kayu pa ng’atu ma mol ubecamu

Man jacan uvuto museme,

Abinego ulegi ku ndru,

Man ju m’udong’ i kindwu jubinego.

Kum yiro ubebino niai ku yo malu,

Man ng’atu moko mbe ma bikoyere kud i ungu pare.”

Nia Yehova udaru ketho kathere mi Sayuni,

Man nia ju ma mol mi dhanu pare binwang’u kapondo i iye.

Calu ma judaru nyothe i diewor acel,

Ar mi Moab udaru ling’.

Calu ma judaru nyothe i diewor acel,

Kir mi Moab udaru ling’.

 2 Edaru idho malu i Ot* man i Dibon,

I kabedo ma malu pi niwak.

Gin ceke gibegoyo nduru iwi udi migi man i akarayo migi;

Gibeloro piny ku wak.

 4 Hecbon ku Eleale gibewak ma tek;

Dwandgi ubewinjere bor nitundo bir i Yahaz.

Gibeidho ku wak i kaidho mi Luhith;

Gibewak ma tek pi nyoth i yo mi Horonaim.

 6 Pilembe pii mi Nimrim udwono pet;

Lum ma numu udaru thwo,

Lum uthum man piny moko ci ma numu m’udong’ umbe.

 7 Pi thelembe maeno re ma gibeyeyo piny m’udong’ i kakanpiny migi man lonyo migi;

Gibekadhu loka poga* mi mbegu.

Nduru ubewinjere cil i Eglaim;

Nduru ubewinjere cil i Ber-elim.

 9 Kum rimo upong’ i pii mi Dimon,

Man fodi agwoko masendi mange pi Dimon:

Umvor pi ju mi Moab ma bivuth

Man pi ju ma bidong’ i ng’ombe.

16 Wuor nyog urombo i bang’ jabim mi ng’ombe,

Niai i Sela nikadhu kud i langa

Nitundo i bang’ got pa Nyasayuni.

 2 Calu winyo ma juriemo bor ku ode,

Nyimoab de bibedo kumeno kaka ma pii mir Arnon mwomere i iye.

Jasend bijik,

Nyoth de bijik,

Man ju m’ubenyono jumange bithum kud i ng’om.

Ng’atu ma bijany i wiye i hema pa Daudi bibedo ng’atu mandha;

Ebipoko lembe i atira man ebitimo bedopwe m’umbe galu.”

 6 Wadaru winjo pi doro pa Moab, edoro ku rac;

Wawinjo pi luliri pare, doro pare, man kwinyo pare;

Ento wec pare ma iye nanu bithum.

 7 Pieno Moab bigoyo nduru pi Moab;

Gin ceke gibigoyo nduru.

 8 Kum mathutha mi Hecbon udaru tur,

Man yend ulok mi Sibma de,

Jubim mi thek ginyono i jange m’ubogere ngbo;*

Gicidho nitundo bir i Yazer;

Gibembo nicidho i langa.

Abitobi ku piwang’a, Ee Hecbon man Eleale,

Pilembe kok m’ikok ko pi nying yen peri mi cir man pi kayucam peri udaru jik.*

10 Jukabu anyong’a ku mutoro cen kud i podhoyen ma cego nying’gi,

Man wer mir anyong’a kadi kok dong’ ubewinjere ngo i podho mir ulok.

Janyon pigulok dong’ ubenyono ngo pigulok i vur mi biyo pigulok,

Kum aketho kok ujik.

11 Pi thelembe maeno re ma die iya ubeyengere pi Moab,

Calu thondh adungu,

Man cwinya ubemiel pi Kir-hareseth.

“Nen! Dameski bibedo ngo kendo adhura,

Man ebidoko udhuru mi nyoth.

 2 Jubiwenjo adhura mir Aroer;

Ebidoko ni kaka m’udul lim vuto i iye

Ma ng’atu moko mbe m’ubenyayu lworo i igi.

 3 Adhura ma jutieko ku gang’ birwinyo kud i Efraim,

Man ker de birwinyo kud i Dameski;

Man dong ju mi Siria

Bibedo calu dwong’ mir Israel,”* Yehova mir udul uwacu.

 4 “I nindo maeca dwong’ pa Yakobo bijwik,

Man kume ma ful ful* bimok.

 5 Ebibedo calu kinde ma jakay cam ubecoko cam ma n’i wi tiende

Man bote ubekayu withe,

Calu kinde ma jubebeko nying cam i Poga* mi Jurefaim.

 6 Kunde kende re ma bidong’,

Calu kinde ma jugoyo yend oliv:

Nying oliv ario kunoke adek m’ucek kende re ma bidong’ iwi jange ma lir lir,

Nyinge ang’wen kunoke abic kende re ma bidong’ iwi jange ma nyinge n’i wiye,” Yehova Mungu mir Israel uwacu.

 9 I nindo maeca, adhura pare ma jutieko ku gang’ bidoko calu kabedo ma juwenjo i die luli,

Calu jang yen ma juwenjo i wang’ Juisrael;

Ebidoko calu ng’om ngele.

10 Kum wii uwil pi Mungu mi both peri;

Ipoy ungo pi Cana mi tego peri.

Pi thelembe maeno re m’ipidho piny ma beco*

Man icomo jang yen p’umondo.*

11 Ku dieceng’ igoyo gang’ cuu mandha i kum podho peri,

Kugweno iketho nying cam peri utwii,

Ento mwoka perine bitho i nindo mi thong’om man mi litho ma thum ungo.

12 Wuwinji! Yakini mi dhanu dupa,

Ma gibewoy calu nam!

Thek ubewoy

Ma dwandgi calu coriri pa pii ma tek!

Mungu bijukogi man gibiringo bor,

Calu cung piny mi gudi ma yamu koto,

Calu atutu ma winyere i wang’ avuvu ma tek.

Eno tie makapiny mi ju m’ubemayuwa

Man matoke mi ju m’ubeyakuwa.

18 Can iwi ng’om ma badwand vomb ukoko ubewinjere i iye

I ng’om kulo mir Ethiopia!

 2 Ebed eoro jukwenda ku yo mi nam,

Man gikadhu loka pii ku yei mi kolo, m’ebewacu kumae:

“Wucidhi, wu jukwenda ma ringo ma tek,

I bang’ thek mi dhanu ma boco boco man ma kumgi foth,*

I bang’ dhanu ma julworo kakare ceke,

I bang’ thek ma tek man ma voyo dhanu zoo,*

Ma kulo molo ng’om migi cen.”

 3 Wu dhanu ceke ma bedo i ng’ombe man wu dhanu ma bedo i ng’om,

Gin ma wubineno bibedo calu ayi* ma jucomo iwi gudi,

Man wubiwinjo dwal ma calu agwara ma jubekudho.

“Abibedo yoo man abineno wi* kabedo para ma juketho,

Calu lietho m’uberieny karacelo ku derceng’,

Calu afuru mi thoi i lietho mi mwoka.

 5 Kum i wang’ mwoka,

Kinde ma thiwene uoy man thiwene udoko ni nyinge m’ubecek,

Jubilwero jange kud uligu,

Jubitong’o thondhe m’udhokere man jubikabe cen.

 6 Jubiwekogi ceke ni acuth mi gudi

Man ni yedi mi ng’om.

Acuth bibedo i wigi i saa mi cir

Man yedi ceke mi ng’om bibedo i wigi i saa mi mwoka.

 7 I saa maeca jubitero giramiya i bang’ Yehova mir udul,

Niai kud bang’ thek mi dhanu ma boco boco man ma kumgi foth,*

Niai kud i bang’ dhanu ma julworo kakare ceke,

Niai kud i bang’ thek ma tek man ma voyo dhanu zoo,*

Ma kulo molo ng’om migi cen,

Jubitero giramiyane nitundo i kabedo ma lwong’ere ku nying’ Yehova mir udul, niwacu Got Sayuni.”

Mungu mi Misiri ma tijgi mbe kumgi bimiel i wang’e,

Man adunde Misiri biloy i iye gire.

 2 “Abithubo Jumisiri i dhu Jumisiri,

Man gibikiedo i kindgi,

Ng’atuman i dhug umin man jadhugola pare,

Adhura i dhug adhura, ker i dhu ker.

 3 Man tipo Jumisiri binyothere i igi,

Man abijebo lembe ma gipangu.

Gibilokiri i bang’ mungu ma tijgi mbe,

I bang’ ju ma timo thangu, ju ma weco ku tipo, man juewlembe.

 4 Abimiyo Misiri i cing’ rwoth ma kisa mbe i iye,

Man ubimo ma kwiny bibimo i wigi,” Rwoth mandha ma Yehova mir udul uwacu.

 5 Pii mi nam bithwo,

Kulo de bidwono man ebital kaw.

 6 Man ng’wic kulo bidoko tik;

Jang Nil mi Misiri bidwono man bithwo.

 7 Uboko ma n’i ng’et Kulo Nil, i dhu Nil,

Man kodhi ceke ma jucoyo i ng’om i ng’et Nil bithwo.

 8 Man judwar nam bicur,

Ju ma bolo gol i Nil biwagiri,

Man wend ju ma bolo voi migi i pii bijwik.

 9 Ju ma tiyo ku lin* ma jukoro iye

Man ju ma cwiyo kendi ma tar ku jamcwiyo kendi gibiyeyo lewic.

10 Ebinyono i jacwii kendi pare;

Can binego adunde* jutic ceke ma juculo acula.

Wucopo yero nenedi ni Farao nia,

“Atie nyakwar jururieko,

Nyakwar jubim ma yang’ con”?

13 Judongo ma wijo mi Zoan gitimo lembe ku ming’o;

Judaru wondo judongo ma wijo mi Nof;*

Judongo mi suru pare giketho Misiri ukier.

14 Yehova ucoro tipo mi jebowic i wiye;

Man giketho Misiri ukier i lembe ceke m’ebetimo,

Calu ma jamero ng’iendere ko i ng’ok pare.

15 Man Misiri bibedo mbe ku tic moko acel de m’ebitimo,

Dok ebed wic kadi yib, jange kadike usi.*

Ebebino calu vira m’ubekoto yo piny,

Niai kud i langa, niai kud i ng’om ma ng’oyo ndiri.

Ng’atu ma cibojo ubecibo

Man janyoth de ubenyotho piny.

Ajakajaka ugoya,

Calu dhaku m’ubegonyere.

Cwinya ung’abere lee m’acopo winjo ngo lembe;

Wiya unyothere lee ma dong’ acopo neno ngo piny.

 7 Man eneno magali mi lwiny ma riuni ario ario ubepeyo,

Magali mi lwiny m’udul kana ubepeyo,

Magali mi lwiny m’udul ngamia ubepeyo.

“Ee Yehova, abecungo thiri thiri kubang’ ceng’ iwi otkur ma wiw,

Man acungo i kakur para kubang’ diewor.

10 Ee dhanu para ma jufwodo calu cam,

Piny* m’uai i lela para mi fwodo cam,

Anyutho iwu lembe m’awinjo kud i bang’ Yehova mir udul, Mungu mir Israel.

Ibivuto diewor traka i luli i pambu mi langa,

Ee udul juruwoth mi Dedan.

14 Wuter pii ni ng’atu ma rieu ubenego,

Wu dhanu ma bedo i ng’om mi Thema,

Wuter mukathi ni ng’atu m’uberingo.

15 Kum giringo palamularu, palamularu ma juwodho kud i ukorone,

Giringo athero ma jutelo man lwiny m’ubogo mac.

 2 Yakini ubino bik i ii,

Adhura ma woy n’i iye man m’anyong’a n’i iye.

Dhanu peri ma junego, junego ngo ku palamularu,

Kadi githo de ngo i lwiny.

Jutwiyo ju ma junwang’u ceke,

Kadok nwang’u giringo bor.

 4 Pi thelembe maeno re m’awacu kumae: “Wulok weng’wu cen kud i kuma,

Man wuwek awak ku can ma dit.

Kud wusenduru nijuka

Pi nyoth pa* nya dhanu para.

 5 Kum etie nindo mi jebowic, mi loc man mi ndiri

M’uai i bang’ Rwoth Ubimo ma Malu Ngbir Yehova mir udul,

I Poga mi gin ma wok i wang’.

Juberwombo gang’kidi

Man jubewak i bang’ got.

 6 Elam ung’abu thubu*

Karacelo ku magali ma dhanu n’i iye ku riuni,*

Man Kir uyabu wi* ban.

 7 Poga* peri ma beco

Bipong’ bik ku magali mi lwiny,

Man riuni* bicungo i dhugang’,

 8 Man judaru kabu jamgwok pa Yuda.

12 I nindo maeca, Rwoth Ubimo ma Malu Ngbir Yehova mir udul,

Bilwong’o wak man lemcan,

Lielo wic man kendo kendi mi saki.

13 Ento foc kud anyong’a re ma bibedo nuti,

Jubithumo dhieng’ man rombe,

Jubicamu ring’o man jubimadhu pigulok.

 3 Juyeyo nying cam* i Cihor* ku wi pii ma dit,

Mwoka mi Nil m’utie piny m’ewotho nwang’u,

M’umiyo sukulia ni thek.

 4 Lewic umeki, Ee Sidon, in m’i kaka ma tek mi nam,

Pilembe nam uyero kumae:

“Awinjo ngo litho mi nyolo nyodo, man anyolo ngo nyodo,

Apidho ngo awobi kadi anyira* de atungo ngo.”

 5 Ndiri bimaku dhanu pi rwonglembe mi Turo,

Calu kinde ma gigam giwinjo rwonglembe mi Misiri.

 7 Nyo eni re m’adhura mwu m’ubino kud anyong’a lee niai yang’ con,

Niai i rundi m’ecaku i iye?

 8 Ng’a m’ung’olo lembuni i kum Turo,

Ma japok jamker mi wic,

Ma weg kuloka pare gibino judongo ma wijo,

Ma jukuloka pare gibino dhanu ma juyungo i ng’om zoo?

 9 Yehova mir udul ku kume re m’ung’olo lembuni,

Pi nicido doro pare m’ebed edoro ko pi leng’o pare ceke,

Pi nikelo acidi iwi dhanu ceke ma jubed juyungo i wang’ ng’om zoo.

11 Erieyo cinge iwi nam;

Eyengo ker.

12 Man ebeyero kumae: “Anyong’a binegi ngo kendo,

In m’i ng’atu ma jusendo, nyaku ma sumba mi Sidon.

Eno tie dhanune, ento Asiria ngo

Re m’uyiko ire kabedo pi yedi mi langa.

Gigomo udi migi ma wiw pi nitieke;

Girwombo udi pare ma wiw ma tek,

E gidwoke ni udhuru mi nyoth.

14 Wugoy nduru, wu meli mi Tharsis,

Kum judaru nyotho kabedo mwu ma tek.

Goy adungu peri ku bodho;

Wer wer dupa,

Kara jupoy piri.”

Dhanu ma sai man bende jalam,

Jatic ma co man rwoth pare,

Jatic ma dhaku man min pacu pagi,

Jarang’iew man jaralwor,

Jamii banja man jagam banja,

Jamii lim man jagam lim.

 3 Ng’ombe bidong’ mananu ma piny moko mbe i iye;

Jubiyake kpo,

Kum Yehova udaru yero lembuni.

 5 Dhanu ma bedo i ng’ombe gidaru cide,

Kum gikadhu ku wi cik,

Giloko telowic,

Man gituro lembariba ma nja.*

 6 Pi thelembe maeno re ma kwong’ ubemvoro ng’ombe,

Man ju ma bedo i iye kier n’i wigi.

Pi thelembe maeno re ma dhanu ma bedo i ng’ombe wendgi jwik,

Man dhanune udong’ nyanok mandha.

 7 Pigulok ma nyen n’i lemcan,* yend ulok uthwo,

Man dhanu m’anyong’a n’i adundegi ubecur.

 8 Dwand nyithi vul ma nyayu anyong’a ujik;

Woy mi ju m’umaru foc uthum;

Dwand adungu ma nyayu anyong’a ujik.

 9 Jubemadhu pigulok m’umbe wer,

Man kong’o udoko kec i dhu ju m’umadhe.

10 Adhura ma juwenjo urwombere;

Juciko dhu udi ceke kara ng’atu moko kud umond i igi.

Anyong’a ceke daru thum;

Anyong’a m’i ng’ombe dong’ umbe.

12 Adhura udong’ ni uvuru;

Jurungo i dhugang’ man erodere ni udhuru.

13 Kum i kind dhanu, ng’om bibedo

Calu yend oliv ma jubegoyo,

Calu beko kund cam kinde ma mwoka mi nying ulok udhingo thum.

14 Gibiting’o dwandgi,

Gibikok kud anyong’a.

15 Pi thelembe maeno re ma gibiyungo Yehova i ng’om mi der;*

Gibiyungo nying’ Yehova Mungu mir Israel i cula mi nam.

Can i wiya! Dhanu ubecibojo man gibewondo jumange;

Eyo, gibemediri nicibo man niwondo jumange.”

18 Ng’atu moko ci m’uberingo dwal mi ndiri bipodho i vur,

Man ng’atu moko ci m’ubewok kud i vur bimoko i uwic.

Kum dhu pii ma dit mi polo biyabere,

Man kathere mi ng’om biyengere.

19 Ng’ombe kak dra;

Ng’ombe yengere;

Ng’ombe yengere ku rac.

20 Ng’om ubethambini calu ng’atu m’umer,

Man ebecidho kun ku kun calu otbak ma yamu ubeleko.

Kier pare ubenure lee dit,

Ebipodho ma dong’ ebiai ungo kendo.

21 I nindo maeca, Yehova bipoko lembe iwi udul mony ma malu lir lir,

Man iwi jubim mi ng’om iwi ng’om.

22 Man jubicoko dhoggi karacelo

Calu ju ma jutwiyo ma jucoko i vur,

Man jubiciko bang’gi i kol ma n’i the ng’om;

I ng’ey nindo dupa ka jubiliewogi.

23 Dwi m’ugudo bidoko nyapang’ pang’,

Man lewic bimaku ceng’ m’uberieny,

Kum Yehova mir udul udoko Ubimo iwi Got Sayuni man i Yeruzalem,

Edoko dwong’ i wang’ judongo mi dhanu pare.*

Abidodi, abipaku nyingi,

Kum itimo lembe ma wang’u ijo,

Lembe m’ikeco niai yang’ con;

Itimo lembe m’iyero man inyutho nia itie ng’atu ma jugeno.

 2 Kum idwoko adhura ni udhuru mi kidi,

Adhura ma jutieko ku gang’ ni udhuru mi nyoth.

Ot ma wiw pa jawirok utie ngo dong’ adhura;

Jubigiere ngo nyanok de kendo.

 3 Pi thelembe maeno re ma dhanu ma tek biyungi;

Adhura mi thek ma weg adici bilwori.

 4 Kum idoko ni kaka ma tek ni ng’atu ma nok,

Kaka ma tek ni jacan i can pare,

Kapondo ni koth ma kud avuvu,

Man the tipo ni lietho ma tek.

Kinde ma yuyo mi weg adici utie calu koth ma kud avuvu i kum gang’kidi,

 5 Calu lietho ma tek i ng’om m’uthwo.

Calu lietho ma tek kwiyo ko i the tipo afuru,

Kumeno re ma wer mi weg adici uling’.

 6 I got maeni, Yehova mir udul biyiko pi dhanu ceke

Foc mi cam ma mit,

Foc mi pigulok ma leng’,*

Cemo ma mit m’upong’ ku miyo i igi,

Pigulok ma leng’, ma juluro wang’e.

 7 I got maeni, ebikabu* kithambala m’ubeumo wang’ dhanu ceke

Man jam um* ma jukwoyo iwi thek ceke.

 8 Ebimwonyo* tho mi magwei,

Man Rwoth Ubimo ma Malu Ngbir Yehova biweyo piwang’ kud i wang’ ceke.

Ebikabu cac mi dhanu pare kud i ng’om zoo,

Pilembe Yehova en gire udaru yero lembuni.

Wageno en,

Man ebibodhowa.

10 Kum cing’ Yehova biyom iwi got maeni,

Man jubinyono i Moab i kabedone

Calu ma junyono ko lum i uweyo m’udhurere.

11 Ebirieyo cinge i iye

Calu ma ng’atu m’ubekwang’ bolo ko cinge pi nikwang’

Man ebiloro ting’iri pare

Ku cinge m’ebebolo ku bodho.

12 Ebiredho adhura ma tek cen,

Ku gang’kidi ma wiw m’ubegwoke;

Ebing’ure i ng’om nitundo i utur.

 2 Wuyab dhugang’ kara thek ma pwe umondi,

Thek ma timo migi atira.

 3 Ibigwoko ju m’ujengiri zoo i wii;*

Ibimiyo igi kwiyocwiny ma thiri thiri,

Pilembe gigeno in.

 4 Wugen Yehova pi nja,

Kum Yah* Yehova en e Cana ma rondo ku rondo.

Eredhe piny,

Eredhe nitundo i ng’om;

Ebole piny i utur.

 6 Jubinyono iye ku tielo,

Tiend ju m’ubesendiri, tiend ju ma thindho biwotho i wiye.”

Calu in atira,

Ibipoto yo pa won bedopwe.

 8 Wabelubo yo mi pokolembe peri, Ee Yehova,

Man wageno in.

 9 Aveni benega lee* ku diewor,

Eyo, tipona ubemedere niseyi;

Kum kan ibepoko lembe iwi ng’om,

Dhanu m’i ng’ombe giponjo bedopwe.

10 Kadok jutim bero ni jatimrac de,

Ebiponjo ngo bedopwe.

Ebitimo racu kadok i ng’om ma lembe tie atira i iye de,

Man ebineno ngo dwong’ pa Yehova.

12 Ee Yehova, ibimiyo iwa kwiyocwiny,

Pilembe gin ceke ma watimo,

In re m’itimogi iwa.

13 Ee Yehova Mungu mwa, rwodhi mange m’uweko in gibimo wiwa,

Ento wabilwong’o mwa nyingi kende.

Kum iloko weng’i i kumgi

Pi nidarugi tup man pi niruco nying’gi pet.

15 Iketho thek unyay, Ee Yehova,

Iketho thek unyay;

Iyungiri giri.

16 Ee Yehova, i saa mi masendi gilokiri i beng’i;

Kinde m’itwinyogi, gikonjo adundegi i rwo ma nyaling’ ling’.

17 Tap calu dhaku ma iye nuti man m’ubecigonyere

Ma moc ugoyo man m’ubewak ni litho,

Wan de watie kumeno pi lembe peri, Ee Yehova.

18 Wagamu iwa man moc ugoyowa,

Ento udog ubedo ve wanyolo yamu.

Wakelo ngo both i ng’ombe,

Man ng’atu acel de mbe m’unyolere pi nikwo i ng’ombe.

Wucew man wukok kud anyong’a,

Wun ma wubedo i utur!

Kum thoi peri utie calu thoi mi kugweno,*

Man ng’om biketho ju ma tego migi thum i tho udog ukwo kendo.*

20 Wucidhi, wu dhanu para, wumond i kusika mwu ma kut,

Man wucik dhugola i beng’wu.

Wukewupond pi nyathi kare moko

Cil ma kwinyo ukadh ko.

21 Kum nen! Yehova ubebino niai kud i kabedo pare

Pi nilwong’o dhanu ma bedo i ng’ombe kara gicung i dhu kosa migi;

Man ng’om biwodho kamaleng’ rimo ma jucwiro i wiye

Man ebiumo ngo kendo wi dhanu pare ma junego.”

27 I nindo maeca, ku palamularu pare ma kwiny, ma dit man ma tek,

Yehova bipoko lembe iwi Leviathan* ma thwol m’ubemol pio pio,

Iwi Leviathan ma thwol m’ubedhokere,

Man ebinego yedi ma dit ma n’i nam.

Abegwoke dieceng’ ku diewor,

Kara ng’atu moko kud utime rac.

Wek etim kuda kwiyocwiny;

Kwiyocwiny re m’etim kuda.”

 6 I nindo m’ubino, Yakobo biguro ulage,

Israel bithiwo man ebiloth,

Man gibipong’o ng’ombe ku nying’gi.

 9 I ayi maeno re ma jubiweko kosa pa Yakobo,

Man maeni bibedo adwogi ma zoo kinde ma dubo pare biwekere:

Ebirungo kidi ceke mi pemlam

Calu kidi mi nunu ma jurungo,

Man jubiweko ngo mbegi mi thier* kadi pemlam mir udok ma ng’wice ng’ar acel de.

10 Adhura ma tek bidong’ ni uvuru;

Jubiwenjo luba man jubiweke ebidong’ calu langa.

Nyathi dhiang’ bicamu man bivuto keca,

Man ebimvoro jange.

11 Kinde ma jang’gi bithwo,

Jumamon bibino turogi cen,

Man gibikudho kugi mac.

Pi thelembe maeno re ma Jacwic migi bitimo ngo igi kisa,

Man Ng’atu m’ucwiyogi binyutho ngo igi bero.

28 Can iwi jamker mi wic* ma hayere* mi jumero mir Efraim

Man iwi thiwe m’uner mi dwong’ mi leng’o pare,

Ma n’i wi poga ma miyo mi ju ma pigulok ukadhu i wang’gi!

Calu koth m’ubecwii ku yamu, ku lukoth man pei, avuvu ma nyotho piny,

Calu koth m’ubecwii ku yamu ma tek mi pii ma dit ma umo ng’om,

Ebing’ure ma tek piny i ng’om.

 3 Jubinyono i jamker mi wic ma lulere*

Mi jumero mir Efraim i the tielo.

 4 Man thiwe m’uner mi dwong’ mi leng’o pare,

Ma n’i wi poga ma miyo

Bidoko calu nying ulam m’ular ucek i wang’ saa pa oro.

 7 Ju maeni bende gibekier nikum pigulok;

Kong’o migi ma lake tek uketho gibewotho thamba thamba.

Julam ku jubila gibekier nikum kong’o ma lake tek;

Pigulok ubenyotho wigi,

Man gibewotho thamba thamba nikum kong’o migi ma lake tek;

Gin ma wok i wang’ migi uketho gibekier

Man gibekier i pokolembe.

 8 Kum meza migi upong’ ku ng’ok ma rac,

Eromo kaka ceke.

 9 Jubimiyo ng’eyong’ec ni ng’a,

Man ng’a ma jubikoro ire lemkwenda?

Nyo ni ju ma juai jukwiro ku dhu cak akwira,

Ni ju ma juai jukabu akaba ku dhu thuno?

10 Kum etie “lembang’ola iwi lembang’ola, lembang’ola iwi lembang’ola,

Cik iwi cik, cik iwi cik,*

Nyanok keni, nyanok kaca.”

“Lembang’ola iwi lembang’ola, lembang’ola iwi lembang’ola,

Cik iwi cik, cik iwi cik,*

Nyanok keni, nyanok kaca,”

E gibikier kinde ma gibewotho,

Man gibipodho ataru,

Gibitur man gibimoko i uwic, e jubimakugi.

14 Pieno wuwinj wec pa Yehova, wu jukuhaya,

Wu jubim mi dhanu maeni mi Yeruzalem,

15 Pilembe wubeyero kumae:

“Wadaru timo lembariba ku Tho,

Man wadaru ketho winjiri* i kindwa ku Liel.*

Kinde ma pii ma tek m’ucorere rek ubekadhu,

Ebitundo ngo i wiwa,

Kum wadaru ketho ndra ni kapondo mwa

Man wadaru pondo i lemndra.”

“Nen, abeketho kidi ma jumulo iye calu kathere i Sayuni,

Kidi ma pire tek mi gul mi kathere mandhandha.

17 Man abiketho pokolembe m’atira ni thol mi pimo piny,

Bedopwe ke ni jamtiro piny.*

Pei biweyo kapondo mi ndra,

Man pii bipong’o i kapondone.

18 Lembariba mwu ma wutimo ku Tho birany,

Man winjiri ma wuketho i kindwu ku Liel* bicungo ngo.

Kinde ma pii ma tek m’ucorere ubekadhu,

Ebirungo iwu.

19 Nja kinde m’ebekadhu,

Ebiweyowu cen;

Kum ebibekadhu kubang’ kugweno,

Ku dieceng’ man ku diewor.

20 Kum kavuto dungulu magwei m’eromo rieyere ngo i wiye,

Man jam um de liki liki magwei m’eromo dolere ngo i iye.

21 Kum Yehova biai malu calu i kum Got Perazim;

Ebitugere fuk calu i poga* ma ceng’ini ku Gibeon,

Kara etim tic pare, tic m’ukoc,

Man kara etim tic pare, tic ma tung’.

22 Kawoni dong’ kud wubed ku cac,

Kara kindwu kud udok diny magwei,

Kum adaru winjo niai kud i bang’ Rwoth Ubimo ma Malu Ngbir Yehova mir udul

Nia nyoth udaru kethere pi ng’ombe zoo.*

23 Wucik ithwu man wuwinj dwanda;

Wuketh wiwu cuu man wuwinj lembe m’abeyero.

25 Kinde m’edaru lilo wiye,

Nyo edhenyo ngo kumini ma col man ecoyo kumini

Man nyo epidho ngo nganu, kal, man nganu ma juyuke kakagi

Ku nganu ma poke tek i dhoge tingili?

26 Kum Mungu pare ponje* i ayi m’atira;

Eponje.

27 Kum jufwodo ngo kumini* ma col ku jamfwodo cam,

Man juketho ngo tiend magali ukadh iwi kumini.

Ento jufwodo kumini ma col kud undoy,

Man kumini kud uluth.

Ungo, etimo ngo kumeno m’umbe niweko;

Man kinde m’ebeketho tiend magali pare ubekadhu i wiye ku riuni,

De erege ngo.

29 Maeno bende uai i bang’ Yehova mir udul,

Ma juk* pare wang’u ijo

Man ma timo lembe ma dongo.*

Mediri kubang’ oro;

Wek foc ceke umedere ameda.

 2 Ento abikelo masendi iwi Ariel,

Man lemcan ku wak bibedo nuti,

Man ebidoko ira calu kaka ma juwang’u piny i iye iwi pemlam pa Mungu.

 3 Abiketho kagonjo i kumi i ng’eti tingili,

Man abitieki ku gang’

Abiting’o jamlwiny mi maku adhura i kumi.

 4 Jubijwigi;

Ibiweco niai kud i ng’om,

Man utur bimwonyo lembe m’ibeyero.

Dwendi biai kud i ng’om

Calu dwand ju ma weco ku tipo,

Man wec peri biwinjere nyamuru muru niai kud i utur.

 5 Udul mi judegi* peri bidoko calu mogo ma yom,

Udul mi weg adici bidoko tap calu cung piny ma yamu leko.

 6 Yehova mir udul bipoy piri

Ku morpolo, digidi, man woy ma dit,

Kud avuvu, vira, man mac ma wang’u piny ruk.”

 7 E udul mi thek ceke m’ubekiedo lwiny i dhug Ariel,

Ju ceke ma gibekiedo lwiny i dhoge,

Ma giguro ot ma wiw mi maku adhura i kume,

Ju m’ubekelo masendi i wiye,

Gibidoko calu lek, gin ma wok i wang’ mi diewor.

 8 Eyo, ebibedo tap calu ng’atu ma kec ubenego m’ubeleko nia ebecamu,

Ento eai ma kec ubenege,*

Man calu ng’atu ma rieu ubenego m’ubeleko nia ebemadhu,

Ento eai m’eol man ma rieu ubenege.*

Eno tie gin ma bitimere i kum udul mi thek ceke

M’ubekiedo lwiny i dhu Got Sayuni.

 9 Wubed ku zungo man iwu uwang’ lii;

Wudwokuru abinga man wubed abinga.

Gimer, ento ku pigulok ungo;

Gibethambini, ento ungo nikum kong’o ma lake tek.

10 Kum Yehova ukonjo tipo mi nindo ma pek i wiwu;

Etwiyo weng’wu, wu jubila,

Man eumo wiwu, wu juewlembe.

13 Yehova uyero kumae: “Dhanu maeni gibecoro i bang’a ku dhoggi

Man gibeyunga ku dend dhoggi,

Ento adundegi ni bor kuda;

Man lworo ma gibelwora ko ucungo iwi cik mi dhanu ma juponjo kogi.

14 Pieno, an re m’atie Ng’atu ma bitimo kendo

Lembe ma wang’u ijo ni dhanu maeni, udu iwi udu;

Man rieko mi jururieko migi bithum

Man nyang’ i lembe mi dhanu migi ma riek bipanere.”

Gitimo lembe migi i mudho

Ma gibeyero kumae: “Ng’a m’ubenenowa?

17 Edong’ nyanok ci Lebanon bidoko calu podhoyen ma cego nyinge,

Man podhoyen ma cego nyingene jubinene calu luli.

18 I nindo maeca, udhing’ biwinjo lembe mi bukune,

Man abinga bineno piny niai kud i mudho man piny m’ucido.

19 Ng’atu ma mol bibedo kud anyong’a lee mandha nikum Yehova,

Man jacan m’i kind dhanu bibedo kud anyong’a nikum Ng’atu ma Leng’ mir Israel.

20 Kum won adici bibedo mbe kendo,

Jakuhaya de bitundo i ajikine,

Man jubinyotho ju ceke m’ubemediri nibedo ayika pi nitimo racu,

21 Ju ma ketho kosa iwi jumange ku wec mi ndra,

Ma ciko uwic ni jacer bang’jo* i dhugang’ mir adhura,

Man ma tiyo ku wec ma iye nanu pi nitwono won bedopwe ku pokolembe m’atira.

“Lewic binego ngo Yakobo kendo,

Man wang’e de bidoko ngo foo* kendo nyanok de.

23 Kum kinde m’ebineno awiya pare,

Ma gi tic mi cinga i kindgi,

Gibidwoko nyinga leng’;

Eyo, gibidwoko Ng’atu ma Leng’ pa Yakobo leng’,

Man gibicungo ku lworo pi Mungu mir Israel.

24 Ju m’ukier i tipo gibinyang’ i lembe,

Man ju m’ubeng’ur gibiyiyo ponji.”

30 “Can iwi wot ma juthwon,” Yehova wacu,

“Ma gitimo lembe ma gipangu ma en e para ngo,

Ma gitimo lembariba,* ento ku tipo para ngo,

Pi nimedo dubo iwi dubo.

 2 Giloro piny i Misiri m’umbe nipenja,*

Pi ninwang’u kapondo i the gwok* pa Farao

Man pi nipondo i the tipopiny mi Misiri!

 3 Ento gwok pa Farao bidoko iwu ni gin ma nyayu lewic,

Man kapondo i the tipopiny mi Misiri bidoko iwu ni gin ma nyayu acidi.

 4 Kum judongo ma wijo pare gin’i Zoan,

Man juor pare gidaru tundo i Hanes.

 5 Gin zoo lewic binegogi,

Nikum dhanu ma copo miyo ngo igi sukulia,

Ma copo konyogi ngo man ma copo miyo ngo igi sukulia,

Ento kende kende lewic kud acidi.”

I die ng’om mi masendi man mi can,

Ng’om mir umvor, umvor m’uberundo,

Ng’om mir urobi man mi thwol ma jumac ma tuk atuka,*

Giyeyo lonyo migi i ng’ey kana

Man piny m’akana migi iwi kwomb ngamia.

 8 “Kawoni cidhi, kiewe iwi ban i vutgi,

Man gore i buku,

Kara i nindo m’ubino ebed

Ni jamulembe ma nja.

 9 Kum gitie dhanu ma jujai, wot ma weg gondiri,

Wot m’utie ngo ayika niwinjo cik* pa Yehova.

10 Giyero ni ju ma neno gin ma wok i wang’ kumae: ‘Kud wunen,’

Man ni juewlembe kumae: ‘Kud wuyer iwa gin ma wok i wang’ mandha.

“Calu ma wukwero wec maeni,

Wulund wugeno mwu ndra kud abombi,

Man wubejenguru zoo iwi lembe maeni,

13 Pieno kier maeni bibedo iwu calu gang’kidi m’ukak,

Calu gang’ ma wiw m’ugom m’udhingo rwombere.

14 Ebirungere calu agulu ma dit,

Ebirungere kpo nziki nziki m’adekelene acel de mbe ma bidong’ i kind ng’iline

Pi nigamu mac kud i kamac

Kunoke pi nitwomo pii kud i thatha.”*

15 Kum Rwoth Ubimo ma Malu Ngbir Yehova,

Ma Ng’atu ma Leng’ mir Israel uwacu kumae:

“Wubiboth nikum dwogo ma wudwogo ko i bang’a man bedoyoo;

Tego mwu bibedo nuti tek wubemeduru nibedo yoo man nibedo ku genogen.”

17 Kum dhanu elufu bimiel nikum masendi pa ng’atu acel;

Wubiringo nikum masendi pa dhanu abic

Nitundo ma dongwu ma bidong’ bibedo calu yen ma bor i die wi got,

Calu yend abera iwi ungulu got.*

18 Ento Yehova ubekuro ku twiyocwiny pi nitimo iwu bero,

Man ebiai malu pi nitimo iwu kisa.

27 Nen! nying’ Yehova ubebino niai ku bor,

M’ebeliel ku ng’eicwiny man kud afuru ma pek.

Dend dhoge upong’ ku kwinyo,

Man lebe calu mac ma wang’u piny ruk.

28 Tipone* calu kulo ma dit m’ubecorere m’upong’ nitundo i ng’utjo,

Pi niyongo thek i kiyongila mi nyoth;*

Man dhanune bibedo ku gwang’ i ding’gi ma biketho gibikier.

29 Ento wer mwu bibedo calu ng’atu m’ubewer ku diewor

Kinde ma wubeyikuru* pi foc,

Man adundewu bibedo kud anyong’a

Calu ng’atu m’ubewotho kud usegu

I yo m’ebecidho ko i bang’ got pa Yehova, i bang’ Cana mir Israel.

30 Yehova biketho dwande ma dwong’ biwinjere

Man ebinyutho bote kinde m’ebeloro ku ng’eicwiny pare ma lake tek,

Ku mac ma wang’u piny ruk,

Koth ma dwong’ ma podho mbwang’, morpolo kud avuvu, man pei.

31 Kum ndiri bimaku Asiria nikum dwand Yehova,

Ebigoye kud uluth.

32 Saa ceke ma Yehova ubegoyo Asiria

Kud uluth pare mi matira,

Jubiwinjo dwand nyithi vul man adungu

Kinde m’eting’o cinge malu i kumgi i lwiny.

33 Tofeth* pare dong’ utie ayika,

Etie bende ayika pir ubimo.

Edaru dhuro dhu yen kaka ma thuc man ma lac,

Ku mac man yen ma dit.

Calu kulo mi muganga, yuyo pa Yehova

Bigudo mac i kume.

31 Can iwi ju m’uloro i Misiri pi nisayu kony,

Ju m’ujengiri iwi riuni,*

Ju m’ugeno magali mi lwiny pilembe wendgi lee,

Man riuni mi lwiny* pilembe gi tek.

Ento gibeneno ngo ba Ng’atu ma Leng’ mir Israel,

Man gibesayu ngo kaka Yehova.

 2 Ento en bende e riek man ebikelo can,

Man ebigamu ngo lembe pare.

Ebiai malu i kum ot mi jutimrac

Man i kum ju m’ubekonyo jutimrac.

 3 Jumisiri gi dhanu ma dhanu, gi Mungu ngo,

Riuni migi tie mi ring’kum, ento mi tipo ngo.

Saa ma Yehova birieyo cinge,

Ng’atu moko ci m’umiyo kony bikier

Man ng’atu moko ci ma jukonyo bipodho;

Gin ceke gibithum saa ma rom.

“Tap calu m’umvor, niwacu nyathin umvor ma tek* rundo ko iwi cam pare,

Kinde ma jucoko ungu mi jukwac zoo i dhoge,

Man lworo make ngo pi dwandgi,

Kume de miel ungo pi woy migi,

E Yehova mir udul de biloro kumeno pi nikiedo lwiny

Iwi Got Sayuni man iwi ungulu gode.*

 8 Man Jaasiria bipodho i lak palamularu mi dhanu ngo;

Man palamularu mi dhanu ngo bimvore.

Ebiringo nikum palamularu,

Man jubidiyo awobi pare i tic mir adici.

 9 Cana pare birwinyo nikum lworo,

Man ndiri bimaku judongo ma wijo pare nikum yend abera,” Yehova wacu,

En ma der* pare n’i Sayuni man uka pare n’i Yeruzalem.

32 Nen! ubimo bicamu ker pi bedopwe,

Man judongo ma wijo bibimo pi pokolembe m’atira.

 2 Man ng’atuman bibedo calu kapondo ni yamu,

Kapondo ni koth ma kud avuvu,

Calu kulo m’umol i ng’om langa,

Calu tipo cana ma dit i ng’om ngele.

 3 E jubiumo ngo kendo wang’ ju m’ubeneno piny,

Man ith ju m’ubewinjo lembe de biwinjo cuu.

 4 Adunde ju ma vur vur biparu lembe cuu iwi ng’eyong’ec,

Man leb weg gwong’o biweco yot yot man terere.

 5 Jubilwong’o ngo kendo jakasegu nia jabero,

Man ng’atu ma kura pare rac nia dhanu mir awora;

 6 Kum jakasegu biyero lemkasegu,

Man ebipangu lembe ma rac i adundene,

Pi ninyayu jai* man niyero lembe ma reco iwi Yehova,

Pi niketho ng’atu ma kec ubenego* ucidhi m’ecamu ngo,

Man pi nitwono ng’atu ma rieu ubenego ku piny m’eromo madhu.

 7 Ng’atu ma kura pare rac pangu lembe ma reco;

Enyayu timo mir acidi

Pi ninyotho ng’atu m’ubetagu ku ndra,

Kadok kinde ma jacan ubeyero lembe m’atira de.

 8 Ento jabero utie ku paru mi berocwiny,

Man emedere asu nitimo berocwiny.

10 I ng’ey oro acel ku piny kende ci,

Wu ju ma wukwanu ngo ku lembe cwinyu bing’abere,

Pilembe saa ma pono nying ulok bithum binwang’u jucoko ngo dhu nying yen.

11 Kumwu miel, wu jumamon ma wudieng’ ungo,

Cwinywu ng’abere, wun ma wukwanu ngo ku lembe!

Wuwodh bongu wudong’ muneru,

Man wutwii kendi mi saki i pierwu.

12 Wudhong korwu ku can

Pi podho ma beco man pir ulok ma cego nyinge.

13 Kum ukudho ku yend ukudho biumo ng’om mi dhanu para;

Gibiumo udi ceke mi mutoro,

Eyo, adhura mir anyong’a.

14 Kum juwenjo ot ma wiw ma tek;

Juweko adhura ma woy n’i iye.

Ofel ku otkur ma wiw udaru doko ni uvuru mi nja,

Katuko mi kana mi lum,

Luba mir udul lim,

15 Cil ma jubikonjo ko tipo i wiwa niai ku malu,

Man langa bidoko ni podhoyen ma cego nyinge,

Man jubikwanu podhoyen ma cego nyinge ni luli.

16 E pokolembe m’atira bibedo i langa,

Man bedopwe bibedo i podhoyen ma cego nyinge.

17 Bedopwe mandha bikelo kwiyocwiny,

Man nying bedopwe mandha bibedo bedoyoo man bedomoth ma nja.

18 Dhanu para bibedo i kabedo mi kwiyocwiny,

I udi m’ubedo museme man i kayom m’ukwiyo.

19 Ento pei birungo luli,

Man jubirwombo adhura pet.

20 Mugisa iwu wu ju ma wucoyo cam i dhu pii ceke,

Wu ju ma wuweko* thwon dhiang’ man kana ucidho.”

33 Can i wii, i janyoth ma junyothi ngo;

I jacibe ma jucibi ngo!

Dok tego mwa* kubang’ kugweno,

Eyo, both mwa i saa mi can.

 4 Calu ma bonyo ma mvoro piny cokiri ko karacelo,

Jubicoko bende jambayeki mwu kumeno;

Dhanu bicoriri i wiye calu udul bonyo.

 5 Yehova bidodere,

Kum ebedo malu ngbir.

 6 En re m’ebiketho nindo peri bicungo ma tek;

Both ma dwong’, rieko, ng’eyong’ec, man lworo Yehova,

Eno re m’utie lonyo pare.

 7 Nen! jurukara migi ubewak i gengi,

Jukwenda mi kwiyocwiny ubewak ku can.

 8 Juwenjo gengi ma dongo;

Ng’atu moko mbe m’ubewotho i yo.

Edaru turo* lembariba;

Ekwero adhura;

Ebekwanu ngo ku dhanu ma tho.

Caron udoko calu langa,

Man Bacan ku Karmel giyengo ithgi uoy.

10 “Kawoni abiai malu,” Yehova wacu,

“Kawoni abidodara;

Kawoni abiyungara.

14 Ndiri umaku judubo mi Sayuni;

Kum jujai ubemiel:

15 Ng’atu ma wotho i bedopwe saa zoo,

Ma yero lembe m’atira,

M’ukwero nwang’u faida i ayi m’atira ngo man mir avure,

Ma cinge kwero kanyaka kakare nigame,

Ma culo ithe i kum wec mi cwiro rimo,

Man ma miyo wang’e kara kud enen gin ma rac.

16 Ng’atune bibedo malu;

Kapondo pare ma museme bibedo i odicana ma tek,

Jubimiyo mukathi pare,

Man pii pare bithum ki ngo.”

17 Weng’i bineno ubimo i dwong’ pare;

Gibineno ng’om ma bor.

19 Ibineno ngo kendo dhanu ma jucac,

Dhanu ma dhok migi nyang’ i iye tek dit,

Ma wec migi ma ku gwong’o nyang’ i iye tek.

Weng’i bineno nia Yeruzalem utie kabedo m’ukwiyo gire,

Hema ma jubikabu ngo.

Gutene* jubifudho ngo nyanok de,

Man thondhe moko acel de mbe ma jubicodo.

21 Ento kuca, Yehova ma Ng’atu ma Dwong’,

Bibedo iwa calu ng’om kulo mi pii m’ariega ma lac,

Kaka ma meli dupa bicidho ngo i iye

Man kaka ma meli ma dongo bikadhu ngo kud i iye.

22 Kum Yehova en e Japoklembe mwa,

Yehova en e Jamii Cik mwa,

Yehova en e Ubimo mwa;

En re m’e Ng’atu ma bibodhowa.

23 Thol peri bigony;

Gibimaku ngo yen ma jucomo i yei

Kadi niyaru bongu mi yei.

I saa maeca jubipoko jambayeki lee;

Kadok won abala de bimaku jambayeki lee.

34 Wucor ceng’ini pi niwinjo, wu thek,

Man wucik ithwu, wu dhanu.

Wek ng’om ku piny m’upong’e uwinji,

Ng’om ku piny ceke m’ucek i iye.

 2 Kum ng’eicwiny pa Yehova n’i kum thek ceke,

Man kwinyo pare n’i kum udul mony migi ceke.

Ebinyothogi;

Ebimiyogi i cing’ junek.

 3 Jubibayu ju migi ma junego woko,

Man ng’wic avujgi m’utop bicero piny;

Gudi biloy nikum* rimbgi.

 4 Udul mony ceke mi polo bitop,

Man polo bidolere calu kithabu m’adola.

Udul mony migi ceke bithwo,

Calu ma ith ulok m’uthwo podho ko kud iwi yende,

Man calu ma ith ulam m’uner podho ko kud iwi yende.

 5 “Kum i polo, palamularu para bitop ku rimo,

Ebiloro iwi Edom i pokolembe,

Iwi dhanu m’aketho pi nyoth.

Miyo biumo kume,

Ku rimb nyithi nyogi rombe man diegi,

Ku rong’ini ma miyo mi nyogi rombe.

Kum Yehova tie ku lam i Bozra,

Nek ma dit i ng’om mir Edom.

 7 Thwoni dhieng’ mi lum biloro piny kugi,

Ma thindho ku ma tek bende.

Rimo bitobo ng’om migi,

Man miyo bitobo utur migi.”

 8 Kum Yehova uketho nindo mi culo kwor,

Oro mi wodho wel pi lemkesi i Sayuni.

 9 Kulo pare* bidoko ni udok,

Utur pare bidoko ni muganga,

Man ng’om pare bidoko calu udok m’ubewang’.

10 Dieceng’ kadi diewor de ebinegere ngo;

Yirone bimedere niidho malu nja ku nja.

Ebidong’ ni uvuru niai i kum dhanu m’utuk cil i kum dhanu m’utuk;

Ng’atu acel de mbe ma bikadhu kud i iye rondo ku rondo.

11 Ugoro ku ceu gibikwo i iye,

Man tula ma jutunge kud ungoro gibibedo i iye.

Mungu birieyo thol mi pimo alima ma iye nanu i wiye,

Man kidi mi nyoth.

12 Weg yung pare acel de mbe ma jubilwong’ogi gidok ubimo,

Man judongo ma wijo pare ceke gibidoko gin moko ngo.

13 Ukudho bidongo i udi pare ma wiw ma jutieko ku gang’,

Ayilayila* man uboko ma kumgi juukudho i udi pare ma tek.

Ebidoko ni kabedo mir utho,

Man dwol mir udo.

14 Giracwiya mi langa birombo ku yedi ma kok akoka i iye,

Man nyogi diegi* mi gudi bilwong’o juwagi.

15 Thwol ma juathero bigiero ode man ebinyolo tonge keca,

Ebitoko tonge man ebicoko dhoggi i the tipone.

Acel de mbe m’i kindgi ma bibedo mbe,

Acel de mbe m’i kindgi ma bikoso jadhoge,

Kum dhu Yehova re m’umiyo ng’olne,

Man tipo pare re m’ucoko dhoggi karacelo.

17 En re m’e Ng’atu m’ubolo gagi pigi,

Man cinge re m’upimo kabedo ma jumiyo igi.*

Ebibedo aba migi pi nja;

Gibibedo i iye i kind dhanu m’utuk ceke.

35 Mutoro binego langa man ng’om ngele,

Anyong’a binego pambu mi langa man ebithiwo calu safran.*

 2 Ebithiwo kokoro;

Anyong’a binege man ebikok ni mutoro.

Jubimiyo ire dwong’ mi Lebanon,

Leng’o mi Karmel man mi Caron.

 3 Wumii tego ni cing’ ma ng’ic,

Man wudwok cong’ ma lebe lebe tek.

 5 I nindo maeca, wang’ abinga biyabere,

Man ith udhing’ de biyabere.

 6 I nindo maeca, weg abala bipor malu calu ruda,

Man leb buba bikok ni mutoro.

Kum pii bithwogere i langa,

Man pii bimol i pambu mi langa.

 7 Ng’om ngele m’utal bidoko ni kut mir agada,

Man pii bidhenyini i ng’om ma rieu ubenego.

Kaka m’utho gibed giyom i iye,

Lum ma numu kud agada man kolo bibedo nuti.

 8 Man gengi ma dit bibedo nuti keca,

Eyo, yo ma jubilwong’o nia Yo mi leng’o.

Jukethe pi ju ma wotho i yoje;

Jakasegu moko mbe ma birwinyo pi ninwang’ere i yoje.

 9 Umvor bibedo mbe keca,

Man yedi ma kwiny mi lum bibino ngo i iye.

Gibinwang’iri ngo keca;

Ju ma juwaru awara kendgi re ma biwotho i iye.

Mutoro kud anyong’a bibedo migi,

Man can ku cur biringo cen.

Iting’o dwendi i kum ng’a

Man ng’a m’ineno ku weng’i mi ting’iri?

‘Abiidho malu iwi gudi,

Kaka ma bor mi Lebanon

Kud udul magali mi lwiny para.

25 Abitong’o vuj pii man abimadhu pii;

Abidwono kulo* mi Misiri ku the tienda.’

27 Tego mi dhanu mir adhurane bithum;

Jubinyayu ndiri i igi man jubinyayu lewic i wigi.

Gibidoko calu uboko mi lum man lum ma numu,

Calu lum ma twii iwi ot ma yamu ma yo nyangu thwoyo.

28 Ento ang’eyo cuu saa m’ibedo i iye piny, ang’eyo bende saa m’iwok man m’idwogo i iye,

Man saa ma kwinyo benegi i iye i kuma,

29 Pilembe adaru winjo pi kwinyo m’ubenegi i kuma man woy m’ibewoy ko.

Pieno abitong’o gol para i umi man abiketho gwang’ para i kind dend dhogi,

E abipeyi abidwoki kud i yo m’ibino kud i iye.”

“Ebimondo ngo i adhura maeni

Kadi ebikilo ngo nying athero acel de i iye,

Ebikiedo ngo i kume kadok ku ban acel

Kadi gang’ ma tek de ebigiero ngo i kume pi nimake.”’

34 ‘Ebidok kud i gengi m’ebino kud i iye;

Ebimondo ngo i adhura maeni,” Yehova wacu.

35 ‘Abicero bang’ adhura maeni man abibodhe pira gira

Man pi Daudi ma jatic para.’”

10 Awacu kumae: “I diere mi kwo para

Abimondo i dhugola mi Liel.*

Abineno ngo kendo kodhi dhanu

Kinde ma ni karacelo ku dhanu ma bedo kaka ma piny ceke jik i iye.

12 Jufudho kabedo para man jukabe kud i bang’a

Calu hema pa jakwac.

Adolo kwo para calu ma jacwii kendi dolo ko kendi;

Ethuma calu wuzi mi thol m’akieda.

Calu umvor, emedere nirungo cogona zoo;

Niai mombwa nitundo i dhug uthieno ibemediri nitera i ajiki.

14 Amedara niwak calu ugwelo kunoke amoo,*

Amedara nicur calu akuru.

Wang’a beol nineno yo malu;

‘Ee Yehova, ani can ma dit;

Bed jakonyna!’*

Abiwotho ku jwigiri i dong oro para ceke

Nikum can para ma dit.*

16 ‘Ee Yehova, dhanu ceke kwo nikum lembe maeni,*

Man kwo mi tipona n’i igi.

17 Nen! kaka kwiyocwiny, atie ku can ma dit;

Ento nikum mer m’imara ko,*

Icera ku mondo i vur mi nyoth.

18 Kum Liel* copo yungi ngo,

Tho copo peki ngo.

19 Ju ma kwo, ju ma kwo romo peki,

Tap calu m’abetimo tin eni.

20 Ee Yehova, bodha,

Man wabigoyo wer para ku jamgoyo wer ma juthondhe

I nindo ceke mi kwo mwa i ot pa Yehova.’”

 2 “Wuwec i adunde* Yeruzalem,

Man wutwong’ ire nia tic pare mir adici udaru thum,

Nia judaru weko kier pare.

 4 Poga ceke uidh malu,

Man gudi kud ungulu gudi* ceke udok piny.

Ng’om ma cung’ cung’ ucikere nipoto,

Man ng’om ma kli kli ucikere nidoko pambu.

 5 Dwong’ pa Yehova binyuthere,

Man kum* ceke binene karacelo,

Pilembe dhu Yehova udaru weco.”

 7 Lum ma numu thwo,

Man thiwe de thwo,

Pilembe yuyo* pa Yehova koto i wigi.

 8 Lum ma numu thwo,

Man thiwe de thwo,

Ento lembe pa Mungu mwa bedo rondo ku rondo.”

 9 Idh iwi got ma lir lir,

In m’i dhaku m’ubetero lembanyong’a pi Sayuni.

Kok ku tego,

In m’i dhaku m’ubetero lembanyong’a pi Yeruzalem.

10 Nen! Rwoth Ubimo ma Malu Ngbir Yehova bibino ku tego,

Man bote bibimo pire.

Nen! sukulia pare ni kude,

Man cul m’ebeculo n’i wang’e.

Ebicoko dhu nyithi rombe pare ku bote karacelo,

Man ebiting’ogi i kore.

12 Ng’a m’upimo pii i die cinge

Man ng’a m’upimo polo ku lac cinge?*

Ng’a m’ucoko dhug utur mi ng’om i jampimo piny,

Kadi m’upimo gudi i kilo

Man ungulu gudi i kilo?

13 Ng’a m’upimo* tipo pa Yehova ku jampimo piny,

Man ng’a ma copo bedo jamii juk pare pi niponje?

14 Epenjo paru i bang’ ng’a pi ninwang’u nyang’ i lembe,

Kunoke ng’a ma ponje ku yo mi bedopwe,

Kadi m’uponje ku ng’eyong’ec,

Kunoke m’unyutho ire yo mandha mi nyang’ i lembe?

15 Nen! thek calu pii m’ubeton kud i ndoy,

Man ginen calu ng’ili utur iwi kilo.

16 Kadok Lebanon de romo ketho ngo mac umedere niliel,*

Man yedi pare mi lum de copo romo ngo pi lam m’awang’a.

17 Thek ceke tie gin m’umbe i wang’e;

Enenogi ni gin moko ngo, calu gin m’andha ngo.

19 Jabodho thiedho ayi gin m’acwiya,*

Jatic mir uka* umo kume ku mola ma kwar,

Man efwodo nyoro mi mola ma tar.

20 Eng’iyo yen ni ajok pare,

Yen ma bitop ungo.

Eyenyo jabodho m’ung’eyo tic cuu

Kara uyik ayi gin m’acwiya m’ang’ika ma bipodho ngo.

22 Ng’atu moko tie ma bedo malu iwi twodiri* mi ng’om,

Man ju ma bedo i iye gi calu usene.

Eyaru polo calu bongu ma lere lere,

Man epedhogi calu hema ma jubedo i iye.

23 Ejwigo jutic ma dongo doko ni gin moko ngo

Man eketho jupoklembe* mi ng’om doko ni gin mandha ngo.

24 Fodi jupidhogi apidha ci,

Fodi jucoyogi acoya ci,

Fodi ulaggi de unyang’ ungo i ng’om ci,

E yamu ukoto i wigi man uthwoyogi,

Man yamu uyeyogi ucidho kugi calu soka.

Tie Ng’atu ma wodho udul migi calku wendgi;

Elwong’o gin ceke ku nying’gi.

Nikum tego pare ma dwong’ m’ubetimo lembe man kero pare ma ng’oyo ndiri,

Acel de mbe m’urem i kingi.

27 Ibeyero nedi, Ee Yakobo, man pirang’o ibewacu kumae, Ee Israel,

‘Yo para pondo ni Yehova,

Man anwang’u ngo pokolembe m’atira i bang’ Mungu?’

29 Emiyo tego ni ng’atu m’uol

Man kero ma lee ni ju ma tego migi mbe.

30 Awiya ma co biol man bivoc,

Man awobi bikier man bipodho,

31 Ento ju m’ugeno Yehova gibinwang’u tego.

Gibiringo man gibivoc ungo;

Gibiwotho man gibiol ungo.”

41 “Wuwinja ling’ ling’,* wu cula;

Wek thek unwang’ tego.

 2 Ng’a m’uting’o ng’atu moko niai ku kaka ma ceng’ wok i iye,

M’ulwong’e i bedopwe pi nitimo ire,

Pi nimiyo ire thek

Man pi niketho edii jubim?

Ng’a m’udwokogi ni utur i wang’ palamularu pare,

Calu soka ma yamu ubekoto i wang’ atumb athero pare?

 3 Eriemo tokgi, m’ekadhu m’umbe macero

I gengi ma nwang’u fodi tiende ukadhu ngo kud i iye.

 4 Eni tic pa ng’a, man ng’a m’utimo lembuni,

M’ucoko dhanu m’utuk niai i acaki?

An a Yehova, a Ng’atu ma Kwong’a;

Man ni ju ma tokcen de abibedo rom.”

 6 Ng’atuman ubekonyo jawodhe

Man ubewacu ni umin kumae: “Bed tek.”

 7 E jabodho ubetielo cwiny jathiedh cuma;

Ng’atu ma fwodo cuma ku nyondo

Ubetielo cwiny ng’atu ma fwodo piny iwi pogi.

 8 “Ento in, Ee Israel, in i jatic para,

In, Ee Yakobo i ng’atu m’ang’iyo,

Kodhi p’Abraham ma jarimba,

 9 In m’ating’i niai kud i tung’ ng’om,

Man in m’alwong’i niai kud i thengene ma bor m’usagu.

Ayero iri nia, ‘itie jatic para;

Adaru ng’iyi; akuni ngo.

Abidwoki tek, eyo, abikonyi,

Abimeki andhandha ku cinga mir acwic mi bedopwe.’

12 Ibisayu kaka ju ma nwang’u benyego kudi, ento ibinwang’ugi ngo;

Jumaco m’ubekiedo lwiny i dhogi bidoko calu piny m’umbe, calu piny m’umbe nyanok de.

13 Kum an a Yehova Mungu peri, amaku cingi ma yor acwic,

An a Ng’atu m’ubeyero iri kumae: ‘Lworo kud unegi. Abikonyi.’

14 Lworo kud unegi Yakobo, in ma in ukoko,*

Wu dhanu mir Israel, abikonyowu,” Yehova ma Jawarni, Ng’atu ma Leng’ mir Israel uwacu.

15 “Nen! adwoki ni jamfwodo cam,

Jamfwodo ma nyen ma lake bith kun ku kun.

Ibinyono gudi man ibirungo igi

Man ibiketho ungulu gudi* bidoko calu cung piny.

16 Ibikworogi

Man yamu bicidho kugi cen;

Yamu ma tek bilalu igi.

Anyong’a binegi i Yehova,

Man ibiluliri i Ng’atu ma Leng’ mir Israel.”

18 Abiketho kulo bimol iwi ungulu gudi ma lelele,

Man pii m’udhenyini i pambu mi poga.

Abiloko langa bidoko ni jugu mir agada

Man ng’om ngele ni kaka ma pii dhenyini i iye.

19 Abipidho yend tido i langa,

Yend utiep, yend mirthe, man yend fathula.

Abipidho yend jenevriye i pambu mi langa,

Karacelo ku yend fren man sipre,

20 Kara dhanu ceke unen man ung’ey,

Ginen cuu man ginyang’

Nia cing’ Yehova re m’utimo lembuni,

Man Ng’atu ma Leng’ mir Israel re m’ucwiye.”

Wukor iwa lembe ma con,*

Kara wapar pigi man wang’ey gin ma bilund wok.

23 Wukor iwa lembe ma bitimere i nindo m’ubino,

Kara wang’ey nia wu mungu,

Eyo, wutim lembe moko, ma ber kadi ma rac,

Kara iwa uwang’ lii kinde ma wabinene.

24 Wunen! wutie gin m’umbe,

Man gin m’utimo de mbe.

25 Ating’o ng’atu moko niai yo malu, man ebibino,

Ng’atu acel niai yo kaka ma ceng’ wok i iye* ma bilwong’o nyinga.

Ebiwotho iwi rwodhi calu ve gin ulobo,

Calu ma jacwii agulu nyono ko ulobo.

26 Ng’a m’ukoro lembuni niai i acaki, kara wang’eye,

Kunoke niai yang’ con, kara wayer nia, ‘Eyero lemandha’?

28 Ento amedara niyenyo, re ng’atu moko ubino mbe;

Ng’atu moko bino mbe i kindgi m’umii juk.

Aketho tipo para i wiye;

Ebitero bedopwe ni thek.

 2 Ebikok ungo kadi dwande de ebiting’o ngo,

Man ebiketho ngo dwande uwinjere i gengi.

 3 Ebirungo ngo agada m’utur,

Man ebinego ngo kithambi m’ubedunyo yiro.

 4 Ebikwiyo ngo man ebirungere ngo nitundo m’ebiketho bedopwe bitimere i ng’om;

Man cula ubemedere nikuro cik* pare.

 5 Mungu mandha, Yehova,

Ma Jacwii polo man Ng’atu ma Dit m’upedhogi,

Ng’atu m’upedho ng’om ku piny ma cek i iye,

Ng’atu ma miyo yuyo ni dhanu m’i iye,

Man tipo ni dhanu ma wotho i wiye, uyero kumae:

 6 “An a Yehova, alwong’i i bedopwe;

Amaku cingi.

Abigwoki man abimiyi ibed ni lembariba ni dhanu

Man der mi thek,

 7 Kara iyab wang’ abinga,

Iwodh ju ma n’i kol i the ng’om

Man iwodh ju m’ubedo i mudho i kol.

 8 An a Yehova. Eno re ma nyinga;

Amiyo ngo dwong’ para ni ng’atu moko acel de,*

Kadi yung para ni ayi gin m’acwiya m’ang’ika.

 9 Nen! lembe ma kwong’a udaru kadhu;

Kawoni abetwong’o lembe ma nyen.

10 Wuwer wer ma nyen ni Yehova,

Pak pare niai kud i tung’ ng’om,

Wu ju ma wuloro i nam man piny ceke m’upong’e,

Wu cula man ju ma bedo i iye.

11 Wek langa kud adhurane giting’ dwandgi,

Kagonjo ma Kedar bedo i igi.

Wek ju ma bedo i odicana ukok kud anyong’a;

Wek gikoki niai kud i die wi gudi.

12 Wek gimii dwong’ ni Yehova

Man gi twong’ pak pare i cula.

Ebikok, eyo, ebikogo kok mi lwiny;

Ebinyutho nia e jarukara nisagu judegi pare.

Abedo ling’ man adiyara;

Calu dhaku m’ubegonyere,

Abicur, abiyuyo ma tek, man abigamu ng’eta zoo i saa ma rom.

15 Abinyotho gudi kud ungulu gudi*

Man abithwoyo uboko migi pet.

Abidwoko kulo ni cula*

Man abithwoyo kut mir undodu.

16 Abitelo wi abinga i yo ma ging’eyo ngo

Man abiketho gibiwotho i yo ma ging’iyo ko ngo.

Abidwoko mudho m’i wang’gi ni der

Man abidwoko ng’om ma kli kli bidoko ni ng’om m’upoto.

17 Gibidok ku ng’eygi man lewic ma lee bimakugi,

Gi ju ma gigeno ayi gin m’acwiya m’ang’ika,

Ju ma yero ni ayi gin m’acwiya mi cuma* kumae: “Wun wu mungu mwa.”

18 Wuwinji, wu ju ma ithwu dhing’;

Wuyab weng’wu man wunen, wun ma wun abinga.

19 Ng’a m’abinga m’uweko jatic para,

M’udhing’ magwei calu jakwenda m’aoro?

Ng’a m’abinga magwei calu ng’atu m’amiyo ire sukulia,

M’abinga magwei calu jatic pa Yehova?

21 Pi bedopwe pare,

Anyong’a nego Yehova niyungo cik* man niketho ebed dwong’.

22 Ento eno tie dhanu ma juyaku man ma jumayu;

Gin ceke gimoko i uwic i vur man jukanugi i kol.

Juyakugi ma ng’atu moko mbe m’ulargi,

Man jumayugi ma ng’atu moko mbe m’uyer kumae: “Wudwoggi!”

24 Ng’a m’umiyo juk ni Yakobo

Man Israel i cing weg ayeki?

Gikwero niwotho i yo pare,

Man giworo ngo cik* pare.

25 E emedere nikonjo kwinyo pare iwi Israel,

Ng’eicwiny pare man kwinyo pare ma lake tek mi lwiny.

43 Maeni tie lembe ma Yehova uwacu,

En m’e Jacwic peri, Ee Yakobo, Ng’atu m’ucwiyi, Ee Israel:

 2 Abibedo kudi saa m’ibekadhu pii,

Man saa m’ibekadhu kulo, ebimwonyi ngo.

Saa m’ibewotho i die mac, ebiweng’i ngo,

Kadi lebmac de birewi ngo.

 3 Kum an a Yehova Mungu,

Ng’atu ma Leng’ mir Israel, Jalarni.

Amiyo Misiri ubed ni jamgony iri,

Ethiopia man Seba kakeri.

 4 Kum piri doko tek i wang’a,

Juyungi, man ameri.

Pieno, abimiyo dhanu kakeri,

Man thek kaka kwo peri.

Abigamu kodhini* niai yo nyangu

Man abicoki karacelo niai yo reto.

Dwog wota niai ku bor, man nyiga niai kud i tung’ ng’om,

 7 Ju ceke ma lwong’iri ku nyinga

Man m’acwiyo pi dwong’ para,

M’ang’ino man atimo.’

 8 Wuwodh ju m’abinga, ma ke wang’gi nuti,

Man udhing’, ma ke ithgi nuti.

 9 Wek thek ceke ucokiri kaka ma rom,

Man dhanu ucokiri karacelo.

Giwodh jumulembe migi pi nituco nia giyero lemandha,

Kunoke giwinji man giyer nia, ‘tie lembe mandha!’”

10 Wutie jumulembe para, Yehova wacu,

“Eyo, jatic para m’ang’iyo,

Kara wung’eya man wuyiya

Man wunyang’ nia atie Ng’atu ma rom.

Mungu mange mbe ma jular jucwiyo i wang’a,

Man i ng’eya de mbe.

12 “An re m’atie Ng’atu m’utwong’o, m’ubodho man m’unyutho lembe

Saa ma mungu mi juwirok ubino mbe i kindwu.

13 Bende atie Ng’atu ma rom saa zoo;

Man ng’atu moko mbe ma romo mayu gin moko kud i cinga.

“Piwu, abioro ng’atu moko i Babeli man abiredho riu ceke m’i dhugang’

Man Jukaldayo bigoyo nduru mi can i meli migi.

16 Maeni tie lembe ma Yehova wacu,

En m’ekaku yo i die nam

Man gengi kadok i die pii m’udhetho,

17 Ng’atu ma wodho magali mi lwiny man riuni,*

Udul mony karacelo ku juaskari ma jurukara:

18 “Kud wupoy pi lembe ma con,

Man kud wumeduru niparu pi lembe m’ukadhu.

19 Nen! abetimo lembe ma nyen;

Kadok kawoni de ebewok.

Abiyabu yo i die langa

Man kulo i die hanga.

20 Yedi mi lum biyunga,

Utho man udo,

Kum abiketho pii biwok i langa,

Kulo i hanga,

Kara dhanu para m’ang’iyo gimadhi,

21 Dhanu m’acwiyo ira gira

Kara gitwong’ pak para.

22 Ento ilwong’a ngo, Ee Yakobo,

Pilembe iol kuda, Ee Israel.

23 Ikelo ngo ira rombe pi lam peri m’awang’a ma boo,

Kadi dwong’ de imiyo ngo ira ku lam peri.

Adiyi ngo nia ikel ira giramiya,

Kadi aoli de ngo ku kwayu udok sengi.

24 Ing’iewo ngo ira thiang’ ma mit* ku sente peri,

Man iyeng’a ngo ku miyo mi lam peri.

Ento inura ku dubo peri

Man iola ku kosa peri.

25 An, an re ma Ng’atu m’ubeweyo kier* peri pira gira,

Man abipoy ungo pi dubo peri.

26 Poy wiya; dong’ wakel adote mwa ng’atuman i kum wadi;

Kor lembe peri m’unyutho nia imbe ku kosa.

27 Kwaru peri ma kwong’a udubo,

Man jukwenda* peri gijai ira.

28 E abicido judongo ma wijo mi kabedo ma leng’,

Man abimiyo Yakobo kara junyothe

Man abithiero Israel kara juyanye.

44 “Kawoni winji, Ee Yakobo ma jatic para,

Man in m’ang’iyi, Ee Israel.

 2 Maeni tie lembe ma Yehova uwacu,

En m’e Jacwic peri man ng’atu m’ung’ini,

Ng’atu m’ukonyi niai kud i ic,*

‘Lworo kud unegi jatic para ma Yakobo,

Man in m’ang’iyi, Yecurun.*

 3 Kum abikonjo pii iwi ng’atu ma rieu ubenego*

Man kulo m’ubemol iwi ng’om m’uthwo.

Abikonjo tipona iwi kodhini

Man mugisa para iwi nyikweyi.

 4 Man gibitwii kud i kind lum ma numu,

Calu mbegu i dhu kulo.

Ng’atu ma kucelo bilwong’ere ku nying’ Yakobo

Man ng’atu mange lundo bikiewo iwi cinge kumae: “Pa Yehova.”

 6 Maeni tie lembe ma Yehova uwacu,

Ubimo mir Israel man Jawar pare, Yehova mir udul:

Calu m’atimo niai i rundi m’aketho i iye dhanu mi rundi ma yang’ con,

Wek giyer lembe ma bibino

Man bende lembe ma bidotimere.

 8 Ndiri kud umakwu,

Man kumwu de kud umiel ni lworo.

 9 Dhanu ceke ma yiko ayi gin m’acwiya m’ang’ika gi gin moko ngo,

Man piny migi ma gimaru akeca bibedo mbe ku sukulia,

Calu gi jumulembe migi, gin ma gineno* mbe man gin ma ging’eyo de mbe,

Pieno lewic bimaku ju m’uyikogi.

10 Ng’a ma copo yiko mungu kadi ma copo twagu ayi gin m’acwiya mi cuma

Ma copo miyo ngo ire sukulia?

Eyike ku nyondo,

Efwode ku tego mi cinge.

I ng’eye kec make man tego pare thum;

Calu m’emadhu ngo pii, egam eol.

Eyike ni ayi dhanu,

M’e leng’ ve dhanu,

Kara ebed i ot.*

Elondo kit yen moko, yen m’ujany,

Man eweke edoko ma tek i kind yen mi luli.

Egamu kume moko pi nioyo;

Epangu mac man etedo mukathi.

16 Nusu yende moko ewang’u i mac;

Ku nusune evulo ring’o m’ecamu, man eyeng’.

18 Ging’eyo ngo gin moko, man ginyang’ ungo i gin moko,

Pilembe jumwono wang’gi uketho gicopo neno ngo piny,

Man rieko mbe i adundegi.

19 Ng’atu moko mbe m’uparu lembe i adundene,

Kadi m’utie ku ng’eyong’ec kunoke m’unyang’ i lembe m’eyer ko kumae:

21 “Poy pi lembuni, Ee Yakobo man in, Ee Israel,

Kum i tie jatic para.

22 Abiketho kier peri birwinyo calu ve i ng’ey afuru

Man dubo peri calu ve i ng’ey afuru ma pek.

23 Wukok kud anyong’a, wu polo,

Kum Yehova udaru timo lembe!

Wukok ku m’utoro, wu gudi,

In i luli bende man yen peri ceke!

Kum Yehova udaru waru Yakobo,

Man enyutho leng’o pare iwi Israel.”

24 Yehova, ma Jawarni,

M’ucwiyi niai ma in’i ic uwacu kumae:

“An a Yehova, m’ucwiyo piny ceke,

Apedho polo gira,

Man apedho ng’om.

25 Athiro giranyutha mi jubila mi ndra,*

Man an re m’atie Ng’atu ma ketho juewlembe timiri ve abelu;

Ng’atu ma nyotho wi jururieko

Man adwoko ng’eyong’ec migi ni lemkasegu;

26 Ng’atu ma ketho wec pa jatic pare timere kakare

Man ma ketho lembaewa mi jukwenda pare pong’o kubang’e kubang’e;

Ng’atu ma wacu pi Yeruzalem kumae: ‘Jubibedo i iye,’

Man pir adhura mi Yuda kumae: ‘Jubidogierogi kendo,

Man abidogiero uvurune;’

27 Ng’atu ma yero ni pii ma thuc kumae: ‘Duny,

Man abidwono kulo peri ceke’;

28 Ng’atu ma yero pi Kuro* kumae: ‘E jakwac para,

Man ebitimo lembe ceke ma iya yenyo’;

Ng’atu ma yero pi Yeruzalem kumae: ‘Jubidogiere kendo,’

Man pir hekalu, ‘jubiketho kathere peri.’”

45 Maeni tie lembe ma Yehova uyero ni ng’atu pare m’ewiro, niwacu Kuro,*

M’emaku cinge ma yor acwic

Pi nijwigo thek i wang’e,

Pi niyaku jamlwiny mi* jubim,

Pi niyabu dhugola ma yabere ario i wang’e,

Kara kud jucik dhugang’:

 2 “Abitelo yo i weng’i,

Man abipoto ungulu gudi.*

Abituro dhugola mi mola nziki nziki,

Man abing’ondo riu mi cuma.

 3 Abimiyo iri lonyo ma n’i mudho

Man lonyo ma jukanu kaka m’upondo,

Kara ing’ey nia an a Yehova,

Mungu mir Israel, m’ubelwong’i ku nyingi.

 4 Pi jatic para ma Yakobo man Israel ma ng’atu m’ang’iyo,

Abelwong’i ku nyingi.

Abidwoki tek,* kadok ing’eya ngo de,

 6 Kara dhanu ng’ey

Niai kaka ma ceng’ wok i iye nitundo kaka m’emwony i iye*

Nia ng’atu mange mbe m’uweko an.

 7 Acwiyo der man acwiyo mudho,

Aketho kwiyocwiny man akelo ruvwa;

An a Yehova, abetimo lembuno ceke.

 8 Wu polo, wucwii koth niai malu;

Man wek afuru ukonj bedopwe.

Wek ng’om uyabere man uceg both,

Man wek eketh bedopwe uwok i saa ma rom.

 9 Can iwi ng’atu ma nyayu piem* i dhu Jacwic pare,*

Kum etie kende kende adekle

I kind adekle mange m’ulal i ng’om!

“Nyo wucopo temo ninyayu piem i dhoga pi lembe mi nindo m’ubino

Man nimiyo cik pi wota man pi tic mi cinga?

Apedho polo ku cinga gira,

Man amiyo cik ni udul migi ceke.”

13 “Ating’o ng’atu moko i bedopwe,

Man abiketho yo pare ceke bicungo atira.

En re m’ebigiero adhura para

Man ebigonyo dhanu para ma jumaku i ng’eca m’umbe cul kadi kanyaka,” Yehova mir udul uwacu.

“Sukulia* mi Misiri man jamkuloka* mir Ethiopia man Jusabea, ma gi dhanu ma boco boco,

Bibino i beng’i man bidoko peri.

Gibirwo iri ma gibeyero kumae: ‘Mungu ni kudi andha,

Man mange mbe; Mungu mange mbe.’”

15 Andha itie Mungu m’upondo,

Ee Mungu mir Israel, Jalar.

16 Lewic bimakugi man jubicido gin ceke;

Ju ma yiko ayi gin m’acwiya ceke bicidho ku lewic.

18 Kum Yehova ma Jacwii polo,

Mungu mandha, Ng’atu m’ucwiyo ng’om,

M’ucwiye man m’uketho ecungo ma tek,

M’ucwiye ngo mi mananu,* ento m’ucwiye kara jubed i wiye uwacu kumae:

19 Aweco ngo ku kaka m’upondo i ng’om mi mudho;

Ayero ngo ni kodhi* pa Yakobo kumae:

Ju ma yeyo ayi gin m’acwiya m’ang’ika ging’eyo ngo gin moko,

Man ma girwo ni mungu ma copo bodhogi ngo.

Ng’a m’ular uyero lembuni yang’ con

Man m’ular utwong’o lembene niai i rundi ma yang’ con?

Mungu mange mbe m’uweko an;

Mungu ma pwe man ma Jalar, mange mbe m’uweko an.

22 Wulokuru i bang’a kara wubothi, wu tung’ ng’om ceke,

Kum an a Mungu, man mange mbe.

23 Akwong’o kwong’ an gira;

Wec m’uwok kud i dhoga utie lemandha,

Man ebitimere kakare:

Cong ceke birum ira,

Man leb ceke bikwong’o nia gibigwoko bedoleng’,

24 Man biyero kumae: ‘Andha bedopwe mandha man tego n’i Yehova.

25 Nikum Yehova, kodhi* pa Israel ceke binwang’u bedopwe,

Man gibiluliri nikume.’”

Jupangu ayi gin m’acwiya migi iwi leya, iwi yedi ma yeyo ter,

Calu ter m’ubenuro leya m’uol.

 2 Gigung’ man gikulo korgi karacelo;

Gicopo laru ngo ter.*

 3 “Wuwinja, Ee ot pa Yakobo, man wun ceke ma wudong’ i ot pa Israel,

Wun m’acungo i kumwu niai i nyoliri man m’ayeyowu niai i ic.

 4 Abibedo rom cil i tiyo mwu;

Cil ma lwar bicorere i wiwu abimedara niyeyowu.

 5 Wubiketho ayina uromb ku ng’a kunoke wubidwoka rom ku ng’a kadike wubipora ku ng’a,

Kara nia ayina uromb kude?

 6 Jumoko tie ma wodho mola ma kwar bik kud i usau migi;

Gipimo mola ma tar iwi kilo.

 7 Giting’e gikethe iwi gokgi;

Giyeye man gicidh gikethe kakare, e ebedo de keca.

Gigoyo nduru i bang’e, ento edwoko ngo;

Ecopo laru ngo ng’atu moko kud i can.

 9 Wupoy pi lembe ma yang’ con,*

Nia an a Mungu, mange mbe.

10 Niai i acaki, alar ayero lembe ma bitimere i ajiki,

Man niai yang’ con lembe ma fodi utimere ngo.

Ayero kumae: ‘Lembang’ola* para bicungo kakare,

Man abitimo gin moko ci ma iya yenyo.’

11 Abelwong’o acuth niai ku kaka ma ceng’ wok i iye,*

Ng’atu ma bipong’o lembang’ola* para niai kud i ng’om ma bor.

12 Wuwinja, wu ju m’adundewu nwang’,

Wu ju ma wu ni bor ku bedopwe.

13 Akelo bedopwe para ceng’ini;

Eni bor ungo,

Man both para bigalu ngo.

47 Lor piny man ibed i utur,

Ee nyaku ma sumba mi Babeli.

Bed i ng’om kaka ma komker umbe i iye,

Ee Nyakaldayo,

Kum dhanu bilwong’i kendo ngo nyanok de nia ng’atu ma juweyo kume man ma jutadu wiye.

 4 “Ng’atu m’ubewaruwa

Nyinge tie Yehova mir udul.

 5 Bed ling’ keca man mond i mudho,

Ee Nyakaldayo;

Ng’atu moko mbe ma bilwong’i kendo Dhaker.

Acido giralaga para,

Man amiyogi i cingi.

Igam ikwanu ngo ku lembuni;

Iparu ngo pir ayi ma lembene bijik ko.

 8 Kawoni winj lembuni, Ee in m’imaru anyong’a,

M’ibedo museme, m’ibeyero i adundeni kumae:

Gibicoro bik i wii

Nikum* lembajoga peri m’usagu man kuroga peri ceke ma lake tek.

Rieko peri ku ng’eyong’ec peri re m’uketho ikier,

Man iwacu i adundeni kumae: “Ng’atu ma calu an umbe, man ng’atu mange mbe.”

11 Ento can bibino i wii,

Man rigi peri acel de mbe ma bicere.*

12 Dong’ mediri ku kuroga man lembajoga peri m’usagu,

M’imiyiri i iye niai i aradu peri.

Saa moko nyo ibinwang’u sukulia moko;

Saa moko nyo ibinyayu ndiri i dhanu.

Dong’ giai malu kawoni man gibodhi,

Gi ju ma giworo polo* man ma ging’iyo nyikaluku,

Ju ma ka dwi upor giwodho ng’eyong’ec

Pi lembe ma biwok i wii.

Gitie ngo cugimac ma jumuro ko kum,

Man eni tie ngo mac ma juromo oyo.

15 Weg ajoga peri gibidoko iri kumeno,

Ju ma wumiyuru wukugi niai i aradu peri.

48 Wuwinj lembuni, Ee ot pa Yakobo,

Wun ma wulwong’uru ku ying’ Israel

Man ma wuwok kud i pii pa* Yuda,

Wun ma wukwong’uru ku nying’ Yehova

Man wulwong’o nying’ Mungu mir Israel,

Kadok i lemandha man i bedopwe ngo de.

 2 Kum gibelwong’iri gin gigi ku nying adhura ma leng’

Man gibeyenyo kony i bang’ Mungu mir Israel,

Ma nyinge Yehova mir udul.

Giwok kud i dhoga,

Man aketho ging’eyiri.

 4 Ang’eyo maram itie ko jathwon,

Nia ng’uti utie ler mi cuma man ter weng’i tie mola.

Ma fodi lembene utimere ngo, aketho iwinjo pire,

Kara kud iyer nia, ‘ayi gin m’acwiya para re m’utimo lembuni;

Ayi gin m’acwiya para m’ang’ika man ayi gin m’acwiya para mi cuma* re m’ung’olo lembuni.’

Niai kawoni abenyutho iri pi lembe ma nyen,

Lembamung’a ma jugwoko ma nwang’u ing’eyo ngo.

 7 Kawoni re ma jubecwiyogi, ento yang’ con ungo;

Nitundo tin nwang’u fodi iwinjo ngo pi lembene nyanok de,

Kara kud iwac kumae: ‘Nen! alar ang’eyogi.’

 8 Ungo, iwinjo ngo, ing’eyo de ngo,

Man naka nwang’u fodi ithi uyabere ngo.

Kum ang’eyo nia itie won abombi ma rac dit,

Man niai i nyoliri peri ci julwong’i peri jadubo.

 9 Ento pi nyinga, abicero ng’eicwiny para;

Kum pi yung para abicerara,

Man abinyothi ngo.

11 Kum pira gira, eyo, pira gira abitimo lembe,

Kum acopo wekara nenedi nia jucida?

13 Cinga gira re m’uketho kathere mi ng’om,

Man cinga mir acwic re m’upedho polo.

Ng’atu ma an a Yehova amaru

Bitimo lembe ma nyayu anyong’a i iya i kum Babeli,

Man bote bibino i kum Jukaldayo.

“An a Yehova, a Mungu peri,

Ng’atu m’ubeponji pi bero peri giri,

Ng’atu m’ubetelo wii i yo m’ubekwayu iwoth i iye.

E nwang’u kwiyocwiny peri ubedo tap calu kulo

Man bedopwe peri calu mujanga mi nam.

19 Nwang’u kodhi peri wendgi nyay calu kwiyo

Man nyikweyi calu nying’ kwiyone.

Eketho pii umol igi kud i cana;

Eng’enyo i cana man eketho pii uthwogere.”

49 Wuwinja, wu cula,

Man wucik ithwu wu thek ma bor.

 2 Eketho dhoga doko calu palamularu ma lake bith;

Egeng’a i the tipo cinge.

Eketho adoko calu athero ma lake bith;

Ekana i thubu* pare.

 3 Ewacu ira kumae: “In i jatic para, Ee Israel,

Man abinyutho leng’o para nikadhu kud i beng’i.”

Ento andha pokolembe para n’i bang’ Yehova,*

Man cul* para ni bang’ Munguna.”

 5 Man kawoni Yehova ma Ng’atu m’ucwiya niai i ic kara abed jatic pare,

Uwacu ira nia adwok Yakobo i bang’e,

Kara Israel ucokiri i bang’e.