PENJI MIR 2
Icopo ponjo lembe iwi Mungu nenedi?
“Kitabu maeni mi cik biai kud i dhogi ngo, ento ibipido pire [ibisome ku dwendi ma piny] dieceng’ ku diewor, kara ibed ku weng’i m’itim ko calku gin ceke m’ugore i ie: kum tek kumeno ibiketho yo peri bed miero, man ibilund timo ku rieko.”
“E gisomo i kitabune, i cik pa Mungu, ku dwandgi m’acanya: e gituco there, man giketho ging’eyo gin ma jusomo.”
“Mugisa ni ng’atu m’uwotho ngo i lembapora mi judubo . . . , ento anyong’a pare ni i cik pa Yehova; man ie pido pi cik pare dieceng’ ku diewor. . . . Man gin ceke ma tek etimo bibedo miero.”
“E Filipo ringo i bang’e, ewinjo ebesomo Isaya ma jabila, e epenjo kumae, Ing’eyo gin m’isomo no? Edwoko lembe kumae, Acopo nenedi, tek ng’atu moko kutelo wia ngo?”
“Kum gin [kite] pare ma nen ungo ugambre i kacwic mi ng’om dong’ nen terere, m’eng’eire ni kum gin m’ucwire, cil tego pare mi nja man rucwic; kara kalokolembe m’i wigi bed umbe igi.”
‘Tim gin maeni ku cwinyi ceke; tingri zoo kum lembe nini; kara teng’ni m’ibeteng’ni ko nyuthre ni dhanu ceke.’
“Man dong’ iwa pidu piwa ku jukojuk ma ku mer ku tic ma dre de [tic ma cuu]; man ku wawek cokra giwa karacelo.”
“Ento tek ng’atu moko m’i kindwu rieko mbe kude, wek ekwai Mungu, ma mio ni dhanu ceke ku berocwinye, egamugi ku dhau de ngo; man ebimire ire.”