THENGE MIR 8

Pirang’o Tho pa Yesu Pire tie Tek Iri?

Yesu utho kara wanwang’ kwo. Yohana 3:16

Mon moko ubeneno i odliel pa Yesu ma piny moko mbe i ie

Nindo adek ing’ey tho pa Yesu, jumamon moko ucidh uliewo liel pare e giwok ginwang’u ie thwolo. Nang’u dong’ Yehova udaru ni cere kud i liel.

Yesu unyuthere ni jukwenda pare, ing’eye ebedok i polo

Ing’eye Yesu uwok iwang’ jukwenda pare.

I andha, Yehova ucero Yesu pi nidoko ni giracwiya mi tipo, won tego man ma copo tho ngo. Julubne gineno kite ma ebeidhoko i polo.

Mungu ucero Yesu man ekethe ni Ubimo mi Ker pare. Daniel 7:13, 14

Yesu ubebimo wi dhanu i ng’om ma tie paradiso niai kud i kabedo pare mi Ker

Yesu uthiero kwo pare pi ni ng’iewo kodhi dhanu. (Matayo 20:28) Niai kud i thiero kwo pare eno re, ma Mungu umiyo iwa copo mi kwo rondo ku rondo.

Yehova ung’iyo Yesu ni bedo Ubimo iwi ng’om ngung’. Ebibimo karacelo ku dhanu 144 000 ma pwe, ma gibicer pi ni kwo i polo. Yesu karacelo ku dhanu 144 000 gibibimo i Bimobim mi polo, ma en e Ker ma pwe pa Mungu.—Lembanyutha 14:1-3.

Ker pa Mungu bidwoko ng’om ni Paradiso. Lwiny, turocik, can man ndru bibedo nuti kendo ngo. Dhanu bibedo kud anyong’a ma yawe umbe.—Zaburi 145:16.