Lembe ma nwang’ere i thenge mir 10

Yehova en e Ubimo iwi gin ceke. Saa zoo ebedo ku copo iwi lembe ceke man ebimedere nibedo ku copo iwi gin ceke. Ku lapor, ebodho Yeremia kud i vur ma thuc ma nwang’u eromo tho i iye. Ebodho bende Cadrak, Mecak man Abed-nego kud i mac m’ubogere, man Daniel ke ebodhe kud i dhu umvor. Yehova ugwoko Esther kara ebodh thek pagi ceke. Ebiweko ngo nyanok de lembe ma reco umedere pi nja. Lembila m’uweco iwi ayi gin m’acwiya ma dit man yen m’udongo ma bor ubenyutho iwa kamaleng’ nia ceng’ini eni Ker pa Yehova bidaru lembe ma reco ceke man ebibimo wi ng’om.