Lembe ma nwang’ere i thenge mir 12

Yesu ubed uponjo dhanu iwi Ker mi polo. Eponjogi bende nia gibed girwo kara nying’ Mungu ubed leng’, kara Ker pare ubin, man kara yeny pare utimere i ng’om. Tek itie janyodo, kor ni nyathin peri nia thelembe pa rwo maeni utie ang’o iwa. Yesu uyiyo ngo nia Sitani unyoth gwoko bedoleng’ pare. Jukwenda pare m’eng’iyo gidoko ni ju ma kwong’a mi Ker man gitie ku tic ma pire tek i Kerne. Nyuth ni nyathin peri nia Yesu ubino kud amora pi thier ma leng’. Calu ma Yesu ubed umito ekony jumange, ekeyo kum dhanu, enyayu cam ni ju ma kec ubenego man ecero kadok ju m’utho bende. Nikadhu kud i udu maeno zoo, enyutho kamaleng’ gin ma Ker pa Mungu bitimo ni dhanu.