Pi ninwang’u bero lee i kum ponji maeni . . .
Kenen lembe ma jukoro i ng’ete maeni pi thenge ma dongo dongo mi ponjiman, man i ng’eye, nen VIDEO.
THENGE MI KWONG’O MI PONJIMAN
Pi niyikiri pi ponjiman, som udukuwec ceke mi mbaya mir acaki mi ponjine. Nyithi thiwiwec mi rangi ma col akeca (A) man verse de mi rangi ma col akeca (B) utie lembe ma paru ma dongo ucungo i wigi. Ibinwang’u verse moko jukiewo athothi i ng’etgi nia “som.”
THENGE MIR ARIO
Wec ma nyanok (C) ma nwang’ere i the thiwiwec Med nyang’ peri unyutho i adundo lembe ma dongo dongo ma jubiweco i wiye. Nyithi thiwiwec m’ubelubo ke (D) ukoro i lembene acel acel. Karacelo ku japonjo peri, wusom giragora, dwok wang’ penji, man wunen video.
VIDEO man DWAL MA JUMAKU ma nwang’ere i ponjiman uwotho medo paru ma jubeweco i wiye. Videone moko tie mi lembe m’utimere andha. Ento moko tie ma jutuko atuka, ma re ubenyutho bende lembe ma romo timere.
Wuwec bende iwi cal ma tung’ tung’ man wec ma jukiewo i ng’etgi (E), man par kite m’iromo dwoko ko wang’ lembe ma nwang’ere i the thiwiwec Dhanu moko beyero kumae (F).
THENGE MIR ADEK MA TOKCEN
Ponjiman uthum ku thiwiwec ario ma e: I adundo man Penji mi poyowic (G). Ka wudaru ponjiman, kiew ndhu ndhu nindo m’ethum i iye kaka ma junyutho. I the thiwiwec Lembe m’ukwayu itim (H), ibinwang’u gin m’icopo timo kara ponjine unyang’ cuu i wii kunoke kara itii ku gin m’iai iponjo. Thiwiwec Tim sayusac (I) unyutho lembe mange m’ucwaku gin m’iai iponjo. Iromo somo lembe kunoke iromo neno video ma junyutho i thenge maeno, i saa mange.
Lembe ma nwang’ere i iye
|
|
|
|
|
Kite m’iromo nwang’u ko giragora mi Biblia
Biblia tie i iye ku buku ma thindho thindho 66. Bukune gipokiri i thenge ario: Lembagora mi dhu Juebrania man dhu Aramea (“Lembariba ma con”) man Lembagora mi Jugiriki mi Jukristu (“Lembariba ma nyen”).
Ka junyutho giragora moko i ponji, gin mi kwong’o ma jukiewo utie nying’ buku mi Biblia (A), i ng’eye ke tie thekne (B), man ma tokcen utie verse (C) m’ukwayu isom.
Ku lapor, Yohana 17:3 ubenyutho buku pa Yohana, thekne mir 17, nisomo verse mir 3.