Lembang’eya mi mutoro mi tic mwa

Watie ku mutoro ninyutho iwu nia wel juyab yo (painia) ma jukony umedere ikind nindo mi poi pi tho pa Yesu mi 2015. I Congo-Brazzaville, wel juyab yo ma jukony ubino 825 i dwi mir 3, man 639 i dwi mir 4. I Congo Kinshasa, wel juyab yo ma jukony umedere nikadhu mi dwi mange ceke pi oro maeni, wel migi bino 15 733 i dwi mir 3, man 13 305 i dwi mir 4. Wakwayu nia Mer pa Kristu ucwalwa wamedara niliewo dhanu ma ponji mwa utelo nen migi i saa maeno ma segi. (2 Kor 5:14). Ibitimo tic mi juyab yo kendo awene?​—Zab. 110:3.