Dwokowang’ Penji mwu

◼ Wacopo weko niponjo Biblia ku ng’atini saa ma kani?

Ka ng’atu m’iponjo kude Biblia ubemedere ngo i tipo; ku rieko, icopo weko niponjo kude Biblia. (Mat. 10:11) Penjiri kumae: Nyo ebed eworo nindo ku saa ma wuketho pi ponjine? Nyo ebed eyiko ponjine i wang’e? Nyo ebed ecidho i coko moko de? Nyo ebed enyutho ni dhanu mange lembe m’ebeponjo? Nyo ebetimo alokaloka i kwo pare nimakere ku cik mir ukungu mi Biblia m’ebeponjo? Re, kinde m’ibepenjiri ku penji maeno, nen bende oro, copo, man rieko pare; ma ing’ei ko nia dhanu moko timo mediri yoyo, dhanu mange ke pio pio. Bende, kadok iweko niponjo kude de, keth eng’ei nia i nindo m’ubino de, ibibedo asu ayika nicaku kendo kude ponji mi Biblia, ka wang’e bidong’ thwolo.​—1 Tim. 2:4.