MIIRI ZOO I TIC MI RWEYO LEMBANYONG’A
Wamed bodho mwa i tic mi rweyo lembanyong’a—Niyiko bodho peri giri pi nimio gazeti ni dhanu
PIRANG’O PIRE TIE TEK NITIMO KUMENO: I buku mi coko, junwang’u wec ma wacopo yero pi nimio girasoma ni dhanu. Wec maeno mio iwa kende kende paru ma dongo dongo ma wacopo ni tio ko. Pieno, icikiri nitio ku wec peri giri. Icopo ng’io nitio ku bodho kunoke ku paru mange ma copo telo nen mi dhanu mi beng’wu. Kara itund niyiko bodho peri giri, som gazeti, som kite ma waromo nimio ko girasoma man nen video m’unyutho kite ma waromo nimio ko girasoma. Ing’eye, icopo nitio ku lembe ma juyero piny ee.
KITE MA JUROMO TIMO KO:
Penjiri kumae, ‘Nyo ukwayu atii ku bodho acel m’ikind bodho ma junyutho eni?’
EYO
Yik wec m’icopo caku ko. Kan idaru nimotho jawinj i kite ma jumotho ko dhanu ibeng’wu, kor ire thelembe m’uketho icidho ibang’e. (Ku lapor: “Abino ibeng’i pilembe . . .”)
Lar iyik lembe m’icopo yero pi nisomo giragora ing’ei penjo penji, man lembe m’icopo yero i ng’eye, iwang’ niweko girasoma. (Ku lapor: Pi nisomo giragora, icopo wacu kumae: “Dwokowang’ penji maeno i kite mandha nwang’ere kakae.”)
UNGO
Ng’ii thiwiwec moko m’utelo nen peri ma nwang’ere i gazeti, ma copo telo bende nen mi dhanu mi beng’wu
Ng’ii penji ma copo ketho jawinj ukor paru pare, man ma yabu yo mi wec, ento kud ebed penji ma copo nyotho wi jawinj peri anyotha. (Ku lapor: Penji ma nwang’ere i mbaya mir 2 mi gazeti.)
Ng’ii giragora m’icopo somo. (Kan ibemio gazeti Réveillez-vous !, icopo somo giragora kunoke ngo, pilembe gazeti maeno tie pi dhanu ma ging’eyo ngo lembe mi Biblia akeca, man ma saa moko nyo lembe mi dini nyang’ugi ngo.)
Yik wec acel kunoke ario m’icopo wok yero ni jawinj man ma copo konye kara enwang’ bero ikum som mi gazetine
KUNOKE
Wek penji moko m’ibidwoko wang’e i liew mi nindo ma cen
Kiew lembe ma wubiweco i wie nindo ma cen akiewa kara wii kud uwil