KAPANG BUKU YAMU Watchtower

KAPANG BUKU I YAMU

mwb16 Dwi mir 4 mba. 3
Tiel cwiny dhanu mange ku wec mabeco

Buku mi coko mi—Kwo man tic mwa mi Jukristu (2016)

mwb16 Dwi mir 4 mba. 3

LONYO MA NWANG’ERE I LEMBE PA MUNGU | YOB 16-20

Tiel cwiny dhanu mange ku wec mabeco

Wec pa jamii juk ucikere nitielo cwiny dhanu

Yob ubino ku yeny mi kony man mi tielocwiny niai ibang’ dhanu mange pilembe cwinye ugam utur man enwang’u peko ma lee
Jurimo pare adek giyero ngo wec m’ujuko cwinye. Ento, giyero ire wec mir adote kwa man gimedo ang’abacwiny pare ameda

Wec pa Bildad mareco unyayu can i cwiny Yob man uketho eywak

Yob uywak nia Mungu ujuk cwinye i ayi moko ci, kadok nikadhu kud i tho
Yob uketho wie kilili ikum genogen ma nia ebicer ko, pieno emedere niciro peko man nigwoko bedoleng’ pare

Elifaz ubeweco ibang’ Yob, man Bildad giku Zofar ke gibewinjo awinja

DHANU M’UDOTO YOB

Elifaz:

Ecicopere nia eai kud i Teman, i ng’om mir Edom. I Yeremia 49:7 Biblia uyero nia Teman ubino kabedo madit mi rieko ceke mir Edom
Ecicopere nia Elifaz re m’ubino ng’atu ma oro pare lee man ma juworo lee nikadhu jumii juk mange ceke. Pieno, en re m’ecaku the wec. Eweco wang’ adek man pi saa ma lee nikadhu juario mange

Adote pare mi ndra:

Ecayu bedoleng’ pa Yob man eloko nia Mungu copo geno ngo jurutic pare (Yob thek 4, 5)
Elwong’o Yob nia jakuhaya man ng’atu marac, man bende eloko nia Yob lworo ngo Mungu (Yob 15)
Edoto Yob nia etie won abamba man ng’atu ma pwe ngo, man bende eloko nia tij dhanu umbe iwang’ Mungu (Yob 22)

Bildad:

Eai i the kwaru pa Cua. Ve ebed ekwo i dhu kulo mir Efrathi
Ebino ng’atu mir ario m’umaku dhu wec. Eweco wang’ adek i adundo, re wec parene ceke ubino wec ma turo cwiny magwei nikadhu wec pa Elifaz

Adote pare mi ndra:

Eloko nia tho m’unego awiya pa Yob utie lembe ma nwang’u giromo ko pilembe gidubo, man eloko bende nia Yob ubino ng’atu ma ayi Mungu umbe i kume (Yob 8)
Eloko nia Yob ubino jatim rac (Yob 18)
Eloko nia gwoko bedoleng’ mi dhanu, tije mbe iwang’ Mungu (Yob 25)

Zofar:

Janamathi, ecicopere nia eai i ng’om mir Arabia, yor ariwa ma malu ma yo reto
Ebino g’atu mir adek m’umaku dhu wec man wec pare ubino rac magwei m’usagu zoo. Eweco wang’ ario kende

Adote pare mi ndra:

Edoto yob nia etie ku wec ma ie nanu man eyero nia Yob uwek timo mareco cen (Yob 11)
Eloko nia Yob ubino ng’atu marac akeca man m’umaru dubo (Yob 20)