Ka nyathin re m’ujolowa

Ka nyathin re m’ujolowa, wacikara niyero ire nia wabemito niweco ku junyodo pare. Eno binyutho nia wabeworo dito mi junyodo pare. (Rie 6:20) Ka nyathin ne uwacu nia wamond i ot, wacikara nikwero. Ka junyodo pare gimbe i pacu, wacikara nidok ibang’gi nindo mange.

Kan etie nyathin m’udongo, ma saa moko nyo etie ku oro 15 nicidho i 19 kumeni, asu etie ber nipenje nyo junyodo pare ginuti. Ka gimbe, wacopo nipenje nyo giyio nia ebed esom girasoma m’emaru. Ka giyio, wacopo nimio ire girasoma moko man ninyutho ire kusika mwa mir Internet jw.org, kan ecopere.

Ka wadok niliewo aradu moko m’unyutho nen maber, wacopo yero ire nia wabemito ninwang’u junyodo pare. Eno bikonyowa nikoro igi thelembe m’uketho wabed wadok niliewo dhanu kendo kendo, man ninyutho igi pi kony mandha ma juruot copo niwang’u i Biblia. (Zab 119:86, 138) Woro ma wabenyutho ni junyodo pare bibedo ni rwonglembe maber man bimio iwa kaka mange ma wayer ko igi lembanyong’a.​—1Pet 2:12.