WAMED BODHO MWA I TIC MI RWEYO LEMBANYONG’A Tii ku Buku ‘Wugwokuru i mer pa Mungu’ pi nimulo adunde

PIRANG’O PIRE TIE TEK NITIMO KUMENO: Kara dhanu giwor Mungu i kite m’efoyo, gicikiri niponjo cik pa Yehova man niwotho nimakere ku cikne. (Isa 2:3, 4) Buku “Amour de Dieu” (Mer pa Mungu), tie buku mwa mir ario mi ponjo dhanu, ekonyo ng’atu m’ubeponjo Biblia nineno kite m’ecopo nitio ko ku cik pa Mungu mir ukungu i kwo pare ma kubang’ ceng’. (Ebr 5:14) Wacikara nitimo kero mwa ceke nimulo adundegi kinde ma wabeponjogi, eno bicwalugi kara gitim alokaloka i kwo migi.—Rum 6:17.

KITE MA JU ROMO TIMO KO:

• Lar iyikiri cuu man ipar pi yeny pa ng’atu m’ibeponjo kude Biblia. Tii ku penji ma ketho japonj Biblia koro nen pare, eno bikonyi ning’eyo paru pare man nen pare iwi lembe m’ebeponjo.​—Rie 20:5; be-F mba. 259

• Tii ku sanduku ma nwang’ere i bukune pi nikonyo japonj Biblia kara enen bero mi tio ku cik mir ukungu mi Biblia i kwo pare

• Kony japonj Biblia ung’ii en gire lembe mi pidocwiny pare, ento kud imak yub kakare.—Gal 6:5

• Ku riekowang’, ng’ii ka nyo japonj Biblia utie ku yeny mi kony kara etii ku cik moko mir ukungu mi Biblia i kwo pare. Ku yoo, keth cwinye etim alokaloka nimakere ku mer m’emaru ko Yehova.​—Rie 27:11; Yoh 14:31