Wajolgi ku yaw yaw

Wajol jukani ku yaw yaw? Ng’atu moko ci m’ubino i coko mwa mi Jukristu, eromo bedo ng’atu m’ubino wang’ ma kwong’a, kunoke dhanu ma wang’eira kugi niai con. (Rm 15:7; Eb 13:2) Eromo bedo Jamulembe wadwa m’uai kaka mange, kunoke ng’atu m’ukwio i tipo, re m’utundo i coko wang’ ma kwong’a ing’ei nindo dupa. Kepar nia ka nang’u etie in, icopo winjiri nenedi? Nyo icopo foyo ngo nia jumothi ku yaw yaw? (Mt 7:12) Pieno, nyo etie ber ungo nia itim kero niwotho i Ot Ker pi nimotho dhanu mange iwang’ coko man i ng’eye? Eno ketho yaw yaw man mer bedo nuti i kind dhanu man emio yung ni Yehova. (Mt 5:16) Kadok saa mange ebicopere ngo nia iwec ku ng’atuman acel acel m’ubino i coko de, re ka wabeii nitimo kumeno, dhanu ceke binwang’iri nia gitie ajola i coko.a

Jol mandha nen kende kende ngo i saa masegi ma calu ve Poi pi tho pa Yesu, ento saa ceke. Ka ju m’ubino manyen gibeneno mer mi Jukristu, man ka jubenyutho merne igi, lembuno bicwalugi niyungo Mungu, man nidoko bende Jumulembe pa Yehova.​—Yh 13:35.