Wupoi kum ci Lot

Pirang’o ci Lot uneno ng’eye kinde ma giberingo kud i Sodoma? Biblia uyero ngo nia pirang’o. (Th 19:17, 26) Nimakere ku cimowang’ ma Yesu umio, ecicopere nia eketho cwinye akeca iwi piny m’eweko i ng’eye. (Lk 17:31, 32) Dong’ wacopo timo ang’o kara kud wabai bero i wang’ Mungu calu ma ci Lot ubayu? Wacikara ngo niketho sayu giki mi kum umak kabedo ma kwong’a i kwo mwa. (Mt 6:33) Yesu uponjo nia wacopo “timo ni Mungu ku ni lonyo de ngo.” (Mt 6:24) Waromo timo ang’o ka waneno nia giki mi kum ucaku bemayu iwa saa mi timo lembe mi tipo? Wacopo kwayu Yehova ukonywa wanen kaka m’ukwayu watim i ie alokaloka, man emii iwa kero man tegocwiny mi timo alokalokane.

LAR INEN VIDEO MA TIE KU THENGE ADEK, MA THIWIE TIE WUPOI KUM CI LOT, MAN DWOK WANG’ PENJI M’ULUBO E:

• 

  Adici ma judio ko Gloria nia esai sente ubedo ku matoke ma kani iwi paru, wec man timo pare?

• Lembe m’unwang’u ci Lot ubemio iwa cimowang’ ma kani?

• Nitio ku cik mir ukungu mi Biblia ukonyo juruot pa Joel nenedi?

• Jurimo ma Ana ubino ko i tic gicaku nyotho thenge pare mi tipo nenedi?

• Pirang’o ubekwayu wabed ku tegocwiny kinde ma jubecego mac i kumwa nia waketh sente ubed lembe ma kwong’a i kwo mwa?

• Brian ku min ot pare Gloria gitimo ang’o pi niketho lembe mi tipo udok kendo i kabedo ma kwong’a i kwo migi?

• I video maeni, ineno juketho peko iwi cik mir ukungu ma kani mi Biblia?