Mediri nikuro kud ava man ku cirocir

Icaku kuro Ker pa Mungu nia ubin niai awene? Nyo ibemediri asu nikure kadok peko nuti de? (Rm 8:25) Jukristu wadwa gibenyego ku peko ma tung’ tung’. Jumoko judagugi, jubesendogi, jutwiyogi, kunoke jubemito negogi kadok anega bu. Jumange ke gibeii ku twoyo m’ubekei ungo, kunoke tiyo.

Dong’ ang’o ma bikonyowa kara wamedara nikuro kud ava kadok wabenwang’ara ku peko ma nenedi de? Ukwayu wasom Biblia kubang’ ceng’ man wanyam i lembe ma wabesomone cuu kara yioyic mwa ubed tek. Wacikara bende niketho wiwa i kum genogen mwa. (2Ko 4:16-18; Eb 12:2) Umito bende wakwai Yehova ukonywa ku tipo pare maleng’. (Lk 11:10, 13; Eb 5:7) Wegwa mi polo bikonyowa kara wacir ku ‘mwonyolembe hai man ku mutoro.’​—Kl 1:11.

NEN VIDEO MA THIWIE TIE WACIKARA NIRINGO KU CIROCIR​—BED KU GENOGEN NIA IBINWANG’U SUKULIA, MAN I NG’EYE, DWOK WANG’ PENJI M’ULUBO E:

• 

  Lembang’o ma copo wok rek i kwo mwa? (Ek 9:11)

• 

  Rwo copo konyowa nenedi kinde ma wabenyego ku peko?

• 

  Ka wambe ku copo mi timo lee ni Yehova calu ma wabed watimo con, pirang’o ukwayu waketh wiwa i kum lembe ma wacopo timo?

• 

  Ang’o m’ubekonyi nibedo ku genogen nia ibinwang’u sukulia?