“Wavoc ungo”

4:16-18

Kepar nia juruot moko ario gibekwo i ot ma rom ma dong’ utii man m’udhingo rwombere. Juruotne acel cwinygi ng’abere. Re lundo juruotne ma kucelo gitie kud anyong’a. Pirang’o? Pilembe gidhingo dok i ot mange ma nyen man ma leng’.

Kadok “giracwia pa Mungu ceke becur acura man ebesendre ku remokum karacelo cil ku kawono” de, jurutic pa Mungu gitie ku genongen m’ubemio tego i kumgi. (Rm 8:22) Wang’eyo nia peko ma tin, kadok m’ubesendowa pi oro ma dupa de, gitie “ma yot [man] ma nyagwil” ka jupore ku mugisa ma rondo ku rondo ma wabinwang’u i ng’om ma nyen ma Mungu ng’olo. Dong’ ka waketho wiwa i kum mugisa ma Ker pa Mungu bikelo, wabibedo kud anyong’a man wabivoc ungo.