Bero m’umego mi Caraïbes ginwang’u ni kum tic mi konyo ju ma peko wok i wigi rek

Calu mi rundi ma kwong’a, wan de tin watie ku rwom mi nyutho mer ni Jukristu wadwa ma ginwang’iri ku peko ma wok rek. (Yh 13:34, 35) Nen video ma thiwie tie Mer ma ku timo​—Kony m’umego ginwang’u i cula, m’unyutho mer m’umego ku nyimego ginyutho ni Jukristu wagi mi cula mi Caraïbes. I ng’eye, dwok wang’ penji m’ulubo e:

• Yamu ma tek ma julwong’o Irma man Maria, unyayu peko ma kani i kum umego mwa mi cula mi Caraïbes?

• Yehova ukonyo umego mwa mi cula mi Caraïbes nenedi nikadhu kud i bang’ Jukristu wagi?

• Mer man berocwiny m’umego ku nyimego ginyutho ubedo ku matoke ma kani iwi juyic wagi ma yamu ma tek unyotho piny migi?

• Umego ku nyimego ma gidikiri i tic mi konyo ju ma peko uwok i wigi i Caraïbes wendgi ubino adi?

• Wan ceke wacopo timo ang’o pi nikonyo umego ku nyimego ma peko wok i wigi rek?

• Video maeni uketho ibewinjiri nenedi pi rwom mi bedo i dilo maeni ma mer ni i ie?