LONYO MA NWANG’ERE I LEMBE PA MUNGU | JUGALATIA 4-6
“Lembabola” m’utie ku thelembe ma pire tek
Jakwenda Paulo utio ku “lembabola” maeno pi ninyutho nia lembariba ma nyen ubamu wi lembariba mi Cik. I the loc pa Yesu man jumange ma gibibimo kugi, kodhidhanu ceke binwang’u bedagonya kud i ng’eca mi dubo, koso bedoleng’, can man tho.—Is 25:8, 9.
HAGAR—NYAKU MA BONG’ Israel mi kum m’ubino i the lembariba mi Cik; kal migi ubino Yerusalem |
SARA—NYAKU M’ANYOMA Yerusalem ma malu, m’utie thenge mi polo mi dilo pa Mungu |
“NYITHINDHO” PA HAGAR Juyahudi ma gikwero Yesu man ginyayu ragedo i kume, ma ke nwang’u gibino dhanu pa Yehova ni kum lembariba mi Cik |
“NYITHINDHO” PA SARA Kristu man Jukristu 144 000 ma juwiro ku tipo |
NG’ECA MI LEMBARIBA MI CIK Cik pa Musa ubed upoyo wi nyithindho mir Israel nia gini the ng’eca mi dubo |
LEMBARIBA MA NYEN UMIO BEDAGONYA Yioyic i lam ma Yesu uthiero umio bedagonya kud i ng’eca mi dubo |