Paru pa Yehova cibedo ang’o?

I wang’ nimaku yub moko ci, nik’ebed ma nyanok kunoke ma dit, ukwayu wakepenjara nia, ‘Paru pa Yehova cibedo ang’o?’ Kadok wacopo ng’eyo ngo paru pa Yehova i lembe ceke, re ekoro lembe dupa i Biblia ma copo konyowa nitimo “tic ceke ma ber.” (2Tm 3:16, 17; Rm 11:33, 34) Yesu unyang’ nia yeny pa Yehova utie ang’o, man ekethe i kabedo ma kwong’a i kwo pare. (Yh 4:34) Calu Yesu, wan de mito watim kero mwa ceke kara wamak yub ma nyayu anyong’a i Yehova.​—Yh 8:28, 29; Ef 5:15-17.

NEN VIDEO MA THIWIE TIE MEDIRI NINYANG’ NIA YENY PA YEHOVA UTIE ANG’O (LA 19:18), MAN I NG’EYE DWOK WANG’ PENJI M’ULUBO E:

• Pirang’o ukwayu watii ku cik mir ukungu mi Biblia i kwo mwa?

• Cik ma kani mir ukungu ma copo konyowa kinde ma wabeng’io mizik ma wawinji?

• Cik ma kani mir ukungu ma copo konyowa kinde ma wabeng’io kit kendi man ruko mwa?

• Wacikara nitio ku cik mir ukungu mi Biblia i lembe mange ma kani?

• Wacopo timo ang’o kara wamedara ninyang’ i yeny pa Yehova i lembe ceke?