Wuwany ng’atu ma con cen, man wurony ng’atu ma nyen

3:5-14

Saa m’iponjo lemandha, nyo itimo alokaloka ma lee i kura man timo peri? Ng’ei nia kero m’itimo unyayu anyong’a lee dit i Yehova. (Eze 33:11) Kadok kumeno de, pire tie tek nia imediri asu nitimo kero kara kud idok i kura man timo ma con, ento imediri nironyo ng’atu ma nyen. Pi ning’eyo kaka m’ukwayu itim i ie alokaloka, dwok wang’ penji m’ulubo e:

• Nyo atie asu kud akece i kum ng’atu moko m’utima rac?

• Nyo abed anyutho mwonyolembe hai kadok saa m’ukwayu atim lembe moko pio pio kunoke saa m’aol?

• Ka paru ma rac ubino i wia, nyo arieme m’umbe galu?

• Nyo atie ku nen ma cuu ngo iwi dhanu mi rangi man ng’om mange?

• I nindo m’ukadhu ceng’ini eni, nyo aweco ma rac ni ng’atu moko kunoke kwinyo maka?