Nwang’u ng’om zoo weco dhok acel

11:1-4, 6-8, 9

I adhura mi Babel, Yehova ujebo i dhok mi dhanu ma wore ngo pi nilalu igi. Tin, ebecoko dhog udul dhanu ma dit kud i kind thek ceke man dhok, man eketho gibeweco “dhok ma leng’” wek kara “gilwong’ nying’ Yehova, kara gitim ire ku cwinygi acel.” (Zf 3:9; Ny 7:9) “Dhok ma leng’” eno utie lemandha iwi Yehova man iwi lembakeca pare ma nwang’ere i Lembagora.

Niponjo dhok ma nyen ting’o kare, man etie ngo kende kende nimaku wec mi dhokne ku wijo. Ukwayu ning’eyo bende ayi ma juparu ko lembe i dhokne. Kumeno bende, ka waponjo lemandha, ma tie dhok ma leng’, paru mwa de lokere. (Rm 12:2) Man tek wamedara nitimo kero kara walok paru mwa, eno bikonyowa nibedo i acel kud umego ku nyimego mwa m’i wang’ ng’om zoo.​—1Ko 1:10.