Abilwong’o ng’a?

Kubang’ oro, watimo kero nilwong’o dhanu mi teritwar mwa wek kara wadikara kugi i Poi pi tho pa Yesu. Ju mapol m’i kindgi bebedo dhanu ma wang’eyara ngo kugi. Wacikara nilwong’o bende dhanu ma wang’eyo. Wang’ ma pol dhanu ma wang’eyara kugi gijolo lwong’o man gibino. (yb08-F mba. 12 udu. 1; mba. 14 udu. 1) Dhanu moko m’icopo lwong’o:

• Wedi peri

• Jurutic man awiya daraza wedwu

• Jirani peri

• Ju m’ibed iliewo, ju m’ibed iponjo kugi Biblia con man ju m’iponjo kugi kawoni

M’umedo maeno, judong cokiri gibilwong’o dhanu m’ukwio i tipo. Ka ng’atu moko m’ing’eyo ubekwo bor kudi ke? Pi ninwang’u kabedo man saa ma jubitimo ie Poi pi tho pa Yesu i bang’gi, mond i jw.org man dii iwi thiwiwec WATIE JUKANI? I ng’eye, dii iwi “Poi pi tho pa Yesu.” Kinde m’ibeyikiri pi Poi pi tho pa Yesu oro maeni, par bende pi dhanu m’icopo lwong’o man mii igi karatasi mi lwong’o.