LONYO MA NWANG’ERE I LEMBE PA MUNGU | THANGAMBERE 32-33

Nyo in de ibenyego pi ninwang’u mugisa pa Mungu?

Kara wanwang’ mugisa pa Yehova, ukwayu watim kero waketh yeny mi Ker i kabedo ma kwong’a i kwo mwa. (1Ko 9:26, 27) I tic pa Yehova, mito wabed ku pidoic ma rom ma Yakobo de ubino ko kinde m’ebenyego ku malaika. Wacopo nyutho nia andha wabeyenyo mugisa pa Yehova kud ava nwang’u . . .

Wabeyikara ma ber pi coko
Wabedikara thiri thiri i tic mi rweyo lembanyong’a
Wabetimo kero nikonyo jumange i cokiri

Cal: Mego moko ma tic upong’ lee i wang’e. 1. Eberwo kugweno i wang’ caku lembe mange. 2. Ebemio cam ni nyathi nyaku pare i wang’ cidho i tic mi lembanyong’a. 3. Eberweyo lembayong’a ku mutoro karacelo kud awiya pare ario man nyimego mi cokiri pare.

Kadok ibekadhu kud i peko ma rukani de, mediri nikwayu Yehova ukonyi, man mediri nitimo ire ku kero peri ceke kara ibin inwang’ mugisa pare.

KEPENJIRI KUMAE: ‘Kara abin anwang’ mugisa pa Yehova, ukwayu atim kero lee i lembe ma kani mi kwo para?’