“Calu ma ajiki udhingo, cung ki”

PIRANG’O PIRE TIE TEK: Ceng’ini eni, lembe moko ma nyayu ndiri bitimere ma biketho tegocwiny man genogen ma watie ko iwi Yehova i amulaic nisagu m’iwang’e. Masendi ma dit bicaku kinde ma jubinyotho dini mi vupo ceke. (Mt 24:21; Ny 17:16, 17) I saa maeno ma rac, copere nia wabirweyo rwonglembe ma kwiny mi pokolembe. (Ny 16:21) Bende Gog mi ng’om mi Magog binyayu masendi i kumwa. (Eze 38:10-12, 14-16) I ng’eye, Yehova bikelo “lwiny mi ceng’ ma dwong’ pa Mungu, ma Jategokpo” pi nibodho dhanu pare. (Ny 16:14, 16) Pi nitielo yioyic mwa pi lembe mi nindo m’ubino ukwayu wagwok bedoleng’ mwa kinde ma yioyic mwa ubenwang’ere i amulaic niai kawoni.

KITE MA JUROMO TIMO KO:

• Cer ba cik pa Yehova iwi lembe mi kurajo ku tegocwiny.​—Is 5:20

• Mediri niworo Yehova karacelo ku Jukristu wedu.​—Eb 10:24, 25

• Bed ayika niworo telowic ceke m’uai i dilo pa Yehova.​—Eb 13:17

• Nyam i lembe iwi kite ma Yehova ugam ugwoko ko dhanu pare i rundi macon.​—2Pe 2:9

• Rwo ibang’ Yehova man gene.​—Zb 112:7, 8

NEN VIDEO MA THIWIE TIE LEMBE MA BITIMERE CENG’INI ENI MA BIKWAYU WABED KU TEGOCWINY​—THENGE, MAN I NG’EYE DWOK WANG’ PENJI M’ULUBO E:

• 

  Woro mi jurwei mi cokiri moko unwang’ere i amulaic nenedi kinde ma jupoko i cokiri migi?

• 

  Nibedo wor tielo tegocwiny mwa nenedi?

• 

  Pirang’o bikwayu wabed ku tegocwiny i saa mi Armagedon?

• 

  Lembe ma kani ma Biblia ukoro ma copo konyowa nitielo yioyic mwa nia Yehova bibodhowa?​—2Ke 20:1-24