Piny ma pire tek akeca i Hema

25:9, 21, 22

Sanduku mi lembariba ubino gin ma pire tek lee i hema man i kagonjo mi nyithindho mir Israel. Afuru m’i kind jukerubi ario m’ubino iwi jam umo wi sanduku mi lembariba, ubed unyutho bedonuti pa Mungu. I nindo mir Adunya ma jubed jutimo ku bang’ oro, jalam ma dit ubed umondo i ka Maleng’ m’usagu, man ebed ekiro rimb thwon dhiang’ ku rimb diel i wang’ jam umo wi sandukune, pi kwayu kisa pi dubo mi nyithindho mir Israel. (La 16:14, 15) Eno ular unyutho kite ma Yesu ma tie Jalam ma dit m’usagu de bimondo ko i polo i wang’ Yehova, pi ninyutho valer mi lam mi jamgony m’ethiero.​—Eb 9:24-26.

Keth giragora m’ulubo e uromb ku bero ma wanwang’u nikum jamgony:

GIRAGORA

• 1Yh 1:8, 9

• Eb 9:13, 14

• Rm 6:23

BERO MI JAMGONY

• genogen mi kwo ma rondo ku rondo

• wek mi dubo

• pidocwiny ma leng’

Ukwayu watim ang’o kara wanwang’ bero maeno?