Nen winjiri peri ku Yehova ni gin ma pire tek

Wa Jumulembe pa Yehova watie ku rwom ma segi mi bedo ku winjiri ma ceng’ini ku Yehova ma en e Ubimo ma malu ngbir. Calu ma wathierara ire man walimo batizo, ukwayu wamedara nidwoko winjirine udok tek. Yehova re m’upeyowa i bang’e nikadhu kud i bang’ Wode. (Yh 6:44) Ewinjo rwo mwa.​—Zb 34:15.

Dong’ waromo timo ang’o kara kud wanyoth winjiri mwa ku Mungu? Ukwayu ngo watim kit dubo ma nyithindho mir Israel utimo. Nyanok i ng’ei ma gitimo lembariba ku Yehova, giyiko nyathi dhiang’ mi mola ma kwar man gikwong’o wore. (Ai 32:7, 8; 1Ko 10:7, 11, 14) Dong’ wakepenjara kumae: ‘Abed atimo ang’o kan anwang’ara i wang’ abidhe moko m’ubecwala i lembe ma rac? Nyo lembe m’atimo i saa maeno nyutho nia abeneno winjiri para ku Yehova ni gin ma pire tek?’ Mer ma lee ma wamaru ko Wegwa mi polo bikonyowa niringo lembe m’edagu.​—Zb 97:10.

NEN VIDEO MA THIWIE TIE GWOK WINJIRI PERI KU YEHOVA (KL 3:5), I NG’EYE, DWOK WANG’ PENJI M’ULUBO E:

• Ketho cwiny hai i kum piny utie ang’o?

• Pirang’o wacikara niurara i kum ketho cwiny hai i kum piny man woro ayi gin m’acwia?

• Timo gier urombo nenedi ku woro ayi gin m’acwia?

• Pirang’o ju m’ugamiri gicikiri nidieng’ pi yeny mi judhoggi mi gamiri, asagane ju ma gitie ku rwom i dilo pa Yehova?