Mugisa m’uai i bang’ Yehova unen kamaleng’

8:6-9, 12; 9:1-5, 23, 24

Yehova uketho mac ubin uwang’u lam m’awang’a ma kwong’a ma juthiero, kinde ma juketho the tic ma nyen mi thiero lam m’udok ulwobere nikum anyoli pa Harun. Mac maeno unyutho nia andha Yehova ujolo tic mi lamne. Nikadhu kud i lembe maeno Yehova ubino nyutho bende nia thek mir Isael gidik cing’gi ku cwinygi ceke i kum tic mi lam maeno ma juketho there. Tin Yehova umio tic mi lam i cing’ Yesu Kristu ma tie jalam Madit. (Eb 9:11, 12) I oro 1919, Yesu ung’io ungu ma nyanok mi ju ma co ma juwiro ku tipo kara gibed “jamiru mandha [man] ma riek.” (Mt 24:45) Ang’o m’unyutho nia Yehova umio mugisa ni jamiru maeno, ebekonye man ebetio kude?

• Kadok kud i kind ragedo de, jamiru maeno ubemedere asu nimio cam mi tipo

• Calu ma jular juewo, lembanyong’a uberweyere i “ng’om ngung’.”​—Mt 24:14

Wacopo diko cingwa nenedi ku jamiru mandha man ma riek?