Mediri nitio ku gazeti

Niai i oro 2018, gazeti mwa ma pi dhanu ceke ucaku wok ku thiwiwec ma dit acel kende. Gazeti enogi ceke gitie acel m’i kind jamtic mi sanduku mwa. Pieno waromo tio kugi i tic mwa mi rweyo lembanyong’a. Kinde ma wabecidho i wotho mwa, kunoke wacing’iewo piny, waromo ting’o moko nyanok wawotho ko. Watio ngo ku gazeti maeno pi niponjo Biblia ku dhanu, re gicopo ketho ng’atini bedo kud ava mi ng’eyo lembe lee i wi Mungu.

Kinde m’icaku wec ku ng’atini, som ire giragora man nyuth ire thiwiwec mi gazeti moko macopo telo nen pare. Ku lapor, tek etie ku juode, enwang’ere ku can, kunoke kud adieng’acwiny, icopo wacu ire kumae: “Asomo buku moko m’uweco pi lembuno nindo ma ceng’ini eni. Kan imaru, aromo nyuthe iri.” Kan ineno nia efoyo lembene, icopo mio ire gazetine acel kunoke icopo ore ire nikadhu kud jamtic mir elektronik, kadok nwang’u fodi irombo kude wang’ ma kwong’a de. Kadok lembakeca mwa utie ngo nimio gazeti de, re gikonyowa ninwang’u dhanu ma gitie kud ava mi tio ku lembe ma gibeponjo i kwo migi.​—Tic 13:48.

2018

2019

2020