Bed ayika i dong’ nindo maeni mi ‘kajik ceng’’

Calu wabeciro can mi ‘kajik ceng’’, wang’ei nia peko bimedere ameda i wang’e. (2Tm 3:1; Mt 24:8) Kinde ma ka peko ma wok rek utundo, wang’ ma pol dhanu pa Yehova ginwang’u telowic ma gwoko kwo migi tap i saane. Both mwa copo jengere ndhu iwi kite ma wabeyikara ko niai kawono i thenge mi tipo ku mi kum bende.​—Lk 16:10.

• Yikiri i thenge mi tipo: Bed ku ng’io ma ber. Ng’ei kite ma tung’ tung’ mi rweyo lembanyong’a. Kumi kud umiel ka pi saa moko iwu lal ku jumange mi cokiri peri. (Is 30:15) Ng’ei nia Yehova giku Yesu gitie karacelo kudi.​—od mba. 176 udu. 15-17

• Yikiri i thenge m’i kum: M’umedo bedo ku sakoc mir ular ng’adi, juruotman gicikiri nigwoko kadiri pa cam moko, pii, yath, man piny mange ma pigi tek ma copo gwokogi pi nyathi nindo moko.​—Rie 22:3; g17.5-F mba. 4, 6

NEN VIDEO MA THIWIE TIE NYO IDARU YIKIRI PI PEKO MA COPO WOK REK? MAN I NG’EYE, DWOK WANG’ PENJI M’ULUBO E:

• 

  Wacopo yikara nenedi i thenge mi tipo pi peko ma wok rek?

• 

  Pirang’o ukwayu . . .

  • Judong cokiri gibed ku namba mi simu mwa?

  • wacok dhu piny moko ma pigi tek?

  • wabed wawec iwi ayi peko ma copo wok rek man gin ma wacopo timo kan ewok?

• 

  Yo adek ma kani ma wacopo konyo ko jumange ka peko ma wok rek utundo i wigi?

KE PENJIRI KUMAE: ‘Thong’om mi korona viris uponja nenedi i kum kite m’ukwayu alar abed ayikara ko con con?’