Keth Yehova i weng’i saa ceke

Ka ninwang’u tic ma copo pong’o yeny mwa utie tek, ecopo doko iwa ni lembe ma yot ungo niketho Ker pa Mungu man bedopwe pare i kabedo ma kwong’a i kwo mwa. Lembuno romo ketho wayiyo tic moko ma copo cerowa nitimo ni Yehova kunoke ma romo ketho waturo cik mir ukungu mi Biblia. Ento wacopo bedo kud andha nia Yehova nyutho tego pare “ni ju ma adundegi bedo ndhu cu yor i bang’e.” (2Ke 16:9) Gin moko acel de mbe ma copo cero Wegwa ma jamer nikonyowa man nimiyo iwa piny ma wate ku yenyne. (Rm 8:32) Pieno ka wabemaku yub iwi lembe m’uneno tic, wacikara nigeno Yehova man niketho wiwa zoo i kum tic pare.​—Zb 16:8.

NEN VIDEO MA THIWIYE TI E TIM NI YEHOVA KU NG’EYONG’EC PERI CEKE, MAN I NG’EYE DWOK WANG’ PENJI M’ULUBO E:

• 

  Pirang’o Jason ukwero nituro kanyaka?

• 

  Wacopo tiyo ku Jukolosai 3:23 nenedi i kwo mwa?

• 

  Lapor ma ber pa Jason ubedo kud adwogi ma kani iwi Thomas?

• 

  Wacopo tiyo ku giragora pa Matayo 6:22 nenedi i kwo mwa?