Tipo ma leng’ utimo tic ma tek

Niai con, jurutic pa Mungu gibed gitimo tic ma wang’u ijo, utie ngo pi bodho ma gitie ko, ento Yehova re m’ubekonyogi. I oro 1954, Dilo pa Yehova uwodho filme ma thiwiye tie Dilo pa Yehova ubetimo tic. Ku kwong’a, ju m’utimo ticne ubino umego ku nyimego mi bethel ma gibino de mbe ku bodho iwi lembe m’uneno wodho filme. Tic ma tek maeno utimere kende kende ku kony mi tipo ma leng’ pa Yehova. Lembuno ubemiyo iwa tegocwiny nia ka wajengara iwi Yehova ecopo konyowa nitimo ma ber tic moko ci ma jumiyo i korwa i dilo pare.​—Zk 4:6.

NEN VIDEO MA THIWIYE TIE WOK PA FILME “DILO PA YEHOVA UBETIMO TIC,” MAN I NG’EYE DWOK WANG’ PENJI M’ULUBO E:

• Pirang’o jumaku yub mi wodho filme m’ukoro pi kabedo mwa ma dit?

• Filme maeno unyutho nenedi kite ma bethel ubedo ko calu watkum?​—1Ko 12:14-20

• Umego ginwang’iri ku peko ma kani kinde ma gibewodho filmene man givoyo pekone nenedi?

• Lembe maeno ubeponjowa ku lembang’o iwi tipo ma leng’ pa Yehova?