Ponji ma waromo nwang’u ni kum kwo pa Samwel

Samwel umedere nitimo ni Yehova i atira i kwo pare. Kadok nwang’u ebino jalawobi ma nyanok, re ekwero nimondo i timo ma reco mir awiya ma co pa Eli; Hofni giku Finehaz. (1Sm 2:22-26) Kinde ma Samwel ubedongo, Yehova umedere nibedo kude. (1Sm 3:19) I tiyo pare de emedere asu niwotho i yo pa Yehova kadok nwang’u awiya pare ma co gibino wotho ngo i yo pa Yehova.​—1Sm 8:1-5.

Ponji ma kani ma wacopo nwang’u i lapor pa Samwel? Kan itie aradu, cwinyi bed tek nia Yehova ung’eyo peko m’ibenyego ko man eng’eyo kite m’ibewinjiri ko. Eromo konyi kara cwinyi bed tek. (Is 41:10, 13) Kan itie janyodo ma nyathin peri moko uweko Yehova, ng’ey nia Samwel bende ugam ubedo mbe ku copo mi diyo awiya pare ma co ma dong’ gidongo nia giwor cik mir ukungu pa Yehova. Samwel ubolo peko pare i kor Yehova man ebedo ku winjiri ma ceng’ini kude, uketho enyayu anyong’a i Yehova ma Won m’i polo. Saa moko nyo lapor peri ma ber bikonyo nyathin peri nidwogo i bang’ Yehova.

NEN VIDEO MA THIWIYE TIE NWANG’ PONJI NI KUMGI​—SAMWEL, MAN I NG’EYE DWOK WANG’ PENJI M’ULUBO E:

• 

  Samwel unyutho tegocwiny nenedi kinde m’ebino nyathin?

• 

  Danny unyutho tegocwiny nenedi?

• 

  Samwel unyutho lapor ma ber nenedi kinde m’etii?

• 

  Junyodo pa Danny unyutho lapor ma ber nenedi?