Bim wi ava peri

Calu ma wa dhanu watie ku kum mi dubalaga, saa ceke kwayu waii aiya kara wabim wi ava mwa. Tek watadu wi ava mwa, e wabinyotho mer mwa ku Yehova. Ku lapor, jumoko gimaru camu, kendi, man udi nisagu mer ma gimaru ko Mungu. Jumange ke gipong’o ava migi mi timo ribiri i ayi m’uturo cik pa Mungu. (Rm 1:26, 27) Jukurucel lundo ka juwagi udhuro mac i kumgi nia gitim lembe ma rac, gikwero ngo pilembe gibemito jumargi kunoke juyiigi.​—Ai 23:2.

Dong’ wacopo bimo wi ava mwa nenedi? Ukwayu watim kero ma waketh ko wiwa zoo i kum lembe ma nyayu mutoro i Yehova. (Mt 4:4) Bende, wacikara nikwayu Yehova ukonywa wabim wi ava mwa. Pirang’o? Pilembe eng’eyo gin ma ber magwei iwa, man eng’eyo kite m’eromo pong’o ko ava mwa ma cuu.​—Zb 145:16.

NEN VIDEO MA THIWIYE TIE KUD IWEK KWO PERI UDUNY I YIRO, MAN I NG’EYE DWOK WANG’ PENJI M’ULUBO E:

• 

  Pirang’o dhanu moko madhu taba?

• 

  Taba copo timo ang’o i kumi?

• 

  Pirang’o etie rac nimadhu taba kadok ebed ma jumwonyo yirone i ijo kunoke ma judunyo yirone woko?​—2Ko 7:1

• 

  Icopo kwero taba kunoke niweke aweka zoo nenedi?