KWO MI JUKRISTU
Dwok yiyoyic peri tek i Lembe pa Mungu
Lembe pa Mungu copo loko kwo mwa. (Eb 4:12) Re pi ninwang’u bero i kum telowic man juk ma nwang’ere i iye, ukwayu wayii nia andha etie “lembe pa Mungu.” (1Ts 2:13) Dong’ wacopo dwoko yiyoyic mwa tek i Biblia nenedi?
Som thenge moko kokoro ku bang’ ceng’. Kinde m’ibesome, nwang’ gin moko kokoro m’ubenyutho andha nia Yehova re m’utie won Biblia. Ku lapor, ng’ii i juk ma nwang’ere i buku mi Lembrieko man inen kite m’icopo tiyo ko ku ponji m’i iye i nindo ma tin eni.—Rie 13:20; 14:30.
Cak nitimo ponji peri ma segi. Ng’ei cuu mandha lembe m’ubenyutho nia Biblia tie buku ma Mungu uyuyo i wiye. I Guide de recherche pour les Témoins de Jéhovah, nen lembe ma nwang’ere i the thiwiwec m’uwacu “La Bible” man i ng’eye nen lembe ma nwang’ere i the thiwiwec m’uwacu “Inspirée par Dieu.” Icopo neno bende lembe ma nwag’ere i Appendice A3 mi Traduction du monde nouveau pi nidwoko yiyoyic peri tek nia andha lembe ma nwang’ere i Biblia ulokere ngo.
NEN VIDEO MA THIWIYE TIE PIRANG’O WATIE KU YIYOYIC NIA . . . BIBLIA UTIE LEMBE PA MUNGU? MAN I NG’EYE DWOK WANG’ PENJI M’ULUBO E:
Gor moko ma junwang’u i kor ot mir hekalu mi Karnak i Misiri ubenyutho nenedi nia Biblia tie Lembe pa Mungu m’ukwayu jugeni?
Wang’eyo nenedi nia lembe ma nwang’ere i Biblia ulokere ngo?
Kite ma Biblia uboth ko kud i nyoth ubenyutho iri nenedi nia etie Lembe pa Mungu andha?—Som Isaya 40:8