Yikiri niai kawono pi remo ma romo tundo rek

Pirang’o ukwayu iyikiri? Pilembe remo romo tundo rek m’umbe nipoyo. Pieno, lar iyikiri nya con con kara inwang’ thieth ma cuu tek remo tundo. Kan itimo kumeno, eno binyutho nia ibeworo kwo man ibeworo Cik pa Yehova iwi lembe pa rimo.​—Tic 15:28, 29.

Iromo tim’ang’o pi niyikiri?

• Rwo man ipong’ kart ma julwong’o Pas de sang (DPA).a Jurwey lembanyong’a ma gidaru limo batizo gicopo nwang’u kart DPA i bang’ umego ma gineno wi girasoma. Giromo gamu bende Carte d’identité (ic) pir awiya migi ma thindho

• Tek itie dhaku m’utie ku mugisa, kway judong’ cokiri peri gimii iri karathasi ma julwong’o Informations pour les femmes enceintes (S-401). Jamtic maeno bikonyi nimaku yub ma cu iwi lembe m’uneno thieth ma copo tundo i kind nindo m’itie i iye ku mugisa man i saa mi gonyiri

• Tek itie ku lembe moko ma romo banju rimo kunoke ma romo kwayu nia ibed i odyath pi nindo moko, lar inyuth lembene ni judong’ cokiri peri i wang’e man nyuth bende ni Munganga nia jadit cokiri moko bibino liewi i odyath

Judong’ cokiri giromo konyi nenedi? Giromo konyi nipong’o kart ma julwong’o DPA. Re judong’ cokiri gibimaku ngo yub kakeri iwi ayi ma jubithiedhi ko, kunoke gibiyero ngo paru migi gigi iwi lembe m’ubemito ng’iyong’ic pa ng’atini gire. (Rm 14:12; Ga 6:5) Kan inyutho ni judong cokiri peri nia itie ku lembe moko mi thieth ma biyenyo banju rimo, gibilwong’o iri m’umbe galu Komite ma diko kind umego ku odyath (HLC).

Komite ma diko kind umego ku odyath (HLC) giromo konyi nenedi? Juponjo umego ma gitimo i HLC kara gikony dhanu ceke ma gitimo lemba pa thieth man jurucik, ninyang’ i kum yiyoyic mi Jumulembe pa Yehova iwi lembe m’uneno rimo. Giromo weco ku munganga peri iwi kit thieth m’ukwayu juthiedhi ko ma romo banju ngo loko rimo. Kan ukwayere, giromo konyi bende ninwang’u dokter ma cuu ma copo winjo dwendi.

NEN VIDEO MA THIWIYE TIE KITE MI MAKU YUB M’ATIRA IWI THIETH M’UBEBANJU RIMO, MAN I NG’EYE DWOK WANG’ PENJI MA E:

• Ponji ma kani m’inwang’u i video maeni ma romo konyi niyikiri i kum remo ma tundo rek ma banju rimo?

  textarea-1