KWO MI JUKRISTU
Yehova ubekonyowa i amulaic mwa
I kind nindo mi kajik ceng maeni, wabenwang’ara kud amulaic dupa ma lake tek. Saa moko wanwang’u ve nia amulaic mwane cire doko tek iwa. Ento, tek wamedara nicoro ceng’ini i vut Yehova, ebikonyowa niciro kadok amulaic ma lake tek rukani de. (Is 43:2, 4) Dong waromo coro ceng’ini i vut Yehova nenedi ka wabenwang’ara i amulaic?
Rwo. Tek wadhwolo lembe mir adundewa ni Yehova, ebimiyo iwa kwiyocwiny man tego ma waromo ciro ko amulaic.—Flp 4:6, 7; 1Ts 5:17.
Coko. M’usagu zoo, watie ku yeny mi cam mi tipo man dik ma Yehova diko kowa i coko mwa. (Eb 10:24, 25) Ka wabed wayiko coko, wacidho i iye man wadikara i iye, eno ketho wanwang’u bero lee i kony mi tipo ma leng’ pa Yehova.—Ny 2:29.
Rweyo lembanyong’a. Tek wabed warweyo lembanyong’a kud amora, ebidoko iwa yot lee mandha niketho wiwa i kum lembe ma ber. Mer m’i kindwa ku Yehova man ku jurwei lembanyong’a wadwa de bidoko tek.—1Ko 3:5-10.
NEN VIDEO MA THIWIYE TIE YEHOVA BIJOLI, MAN I NG’EYE DWOK WANG’ PENJI M’ULUBO E:
Ang’o m’ukonyo Malu nibedo ceng’ini ku Yehova i kind nindo mir amulaic pare?
Wec ma nwang’ere i Zaburi 34:18 romo tielo cwinywa nenedi ka wabenwang’ara i amulaic calu m’utielo cwiny Malu?
Lembe ma malu ukadhu kud i iye ubenyutho nenedi nia Yehova miyo iwa “tego m’usagu ceke” ka wabenwang’ara i amulaic?—2Ko 4:7