Cal: Mbaya mir 3: Kokkinakis v. Greece: Droit réservé
Calu m’athero mi saa wotho ko, nen cal maeni niai i gul ma malu i cing’ ma yor acam: West Virginia State Board of Education v. Barnette; Kokkinakis v. i Greece; Taganrog LRO and Others v. Russia; Cha and Others v. South Korea
KWO MI JUKRISTU
“Nicero bang’ lembanyong’a man ‘niketho pire ung’eyere i wang’ cik’”
I saa ma jujai gitemo nicero tic mi Juisrael mi giero hekalu, ugom ot giii nicero bang’gi nimakere ku cik kara ginwang’ twero migi mi giedo. (Ezr 5:11-16) Tin, Jukristu de gicero bang’ tic mi lembanyong’a rom kumeno nimakere ku cik. (Flp 1:7) Kara lembene utimere ma ber, i oro 1936, juketho Departema ma neno lembe pa cik i kabedo mwa ma dit mi Jumulembe pa Yehova. Tin, Departema ma neno lembe pa cik ma nwang’ere i kabedo mwa ma dit ubecero bang’ tic mi Ker i wang’ ng’om zoo. Departema maeno ubetielo tic mi Ker nenedi man ebemiyo bero ma kani ni dhanu pa Mungu?
NEN VIDEO MA THIWIYE TIE WOTH MI DEPARTEMA MA NENO LEMBE PA CIK MAN’I KABEDO MA DIT MI JUMULEMBE PA YEHOVA, MAN I NG’EYE DWOK WANG’ PENJI M’ULUBO E:
Peko ma kani m’uneno lembe pa cik ma Jumulembe pa Yehova unwang’iri ko?
Wanwang’u aloci ma kani? Ke mii lapor
Ng’atuman m’i kindwa romo timo ang’o pi “nicero bang’ lembanyong’a man ‘niketho pire ung’eyere i wang’ cik’?”
Kakani tap i kusika mwa mir internet ma wacopo nwang’u iye kite ma lembe utimo ko dhanu pa Mungu man piro mi Jumulembe ma jutwiyogi pi yiyoyic migi?