YENGA MI NINDO 1-7, DWI MIR 4
ZABURI 23-25
Wer 4 man rwo | Wec mi yabu dhu coko (Dak. 1)
1. “Yehova en e Jakwac para”
(Dak. 10)
Yehova telo wiwa (Zb 23:1-3; w11-F 1/5 mba. 31 udu. 3)
Yehova gwokowa (Zb 23:4; w11-F 1/5 mba. 31 udu. 4)
Yehova tungowa (Zb 23:5; w11-F 1/5 mba. 31 udu. 5)
Yehova gwoko dhanu pare tap calu ma jakwac m’umaru rombe pare gwoko kogi.
KEPENJIRI KUMAE: ‘Yehova udaru dieng’ pira i ayi moko ma kani?’
2. Wagol lonyo mi tipo
(Dak. 10)
Zb 23:3—“Yo mi bedopwe” utie ang’o, man ang’o ma bikonyowa kara wamedara niwotho asu i iye? (w11-F 15/2 mba. 24 udu. 1-3)
I som mi Biblia mi yenga maeni, inwang’u lonyo ma kani mi tipo m’icopo maru iwec i wiye?
3. Som mi Biblia
(Dak. 4) Zb 23:1–24:10 (th ponji mir 5)
4. Caku the wec
(Dak. 3) NIRWEYO I SAA MA JUPANGU NGO. Wec iwi verse moko mi Biblia ma tielo cwinyjo ni ng’atu ma cwinye ubedieng’ pi cwic m’utiekowa. (lmd ponji mir 2, nyathi thiwiwec mir 5)
5. Liew
(Dak. 4) OT KUBANG’ OT. Nyuth ni ng’atu m’ujolo nyathibuku Icopo kwo kud anyong’a rondo ku rondo! kite ma watimo ko ponji mi Biblia (lmd ponji mir 9, nyathi thiwiwec mir 3)
6. Keth dhanu udok julub
Wer 54
7. Kud wawinju dwand welo
(Dak. 15) Wec ma karacelo ku juwinj.
Rombe ng’eyo dwand jakwac migi man gilubo toke. Ento, giringo dwand ng’atu ma ging’eyo ngo. (Yoh 10:5) Rom rom kumeno, wawinjo dwand Jukwac mwa ma jumer man ma wageno, Yehova giku Yesu. (Zb 23:1; Yoh 10:11) Ento wakwero niwinjo dwand welo ma gimito nidwoko yiyoyic mwa ng’ic ku “wec mi vupo.”—2Pe 2:1, 3.
Thangambere thek adek ukoro pi kite ma welo moko uwodho ko dwande wang’ ma kwong’a iwi ng’om. Sitani uweco i bang’ Eva nikadhu kud i thwol kara Eva kud ung’ey nia en re m’ebeweco i bang’e. Etimere ve etie jarimb Eva uketho ebalu dhu Yehova man ecwayu ndra iwi thelembe m’uketho Yehova umiyo igi cik. Ku lembe ma rac, Eva uwinjo dwande e lembene ukelo masendi ma lee i wiye man iwi juruot pare.
Tin, Sitani ubetimo tego kara wabed ku jiji iwi Yehova man iwi dilo pare nikadhu kud i lembang’eya mandha ngo man ndra ma tung’ tung’ m’ebemewo. Tek wawinjo dwand welo, ukwayu waringi ndhu! Niciko ithjo kadok nyanok, kende kende ndhu pi nimito ng’eyo lembe ma gibeyero copo bedo ni awic. Sitani ubino mbe ku yeny mi tiyo ku wec dupa pi niwondo wang’ Eva. (Tha 3:1, 4, 5) Dong’ wacopo timo ang’o ka ng’atu moko ma wang’eyo, m’umaruwa man m’ubedieng’ piwa ubemito nyutho iwa pi lembang’eya moko ma rac m’ewinjo iwi dilo pa Yehova?
Keth junen VIDEO ma thiwiye tie Kud wawinju “dwand welo.” I ng’eye, penj juwinj ku penji ma e:
Inwang’u ponji ma kani iwi lembe ma Jade utimo kinde ma min ma tie ngo jamulembe umito enyuth ire lembang’eya mandha ngo iwi dilo pa Yehova?
8. Ponji mi Biblia mi cokiri
(Dak. 30) bt wic mir 8 udu. 1-4, sanduku i mbaya mi 61-62