YENGA MI NINDO 6-12, DWI MIR 5

LONYO MA NWANG’ERE I LEMBE PA MUNGU

1. ‘Ng’eicwiny kud umeki i kum jutimrac’

(Dak. 10)

Jutimrac ginyayu peko i kumwa (Zb 36:1-4; w17.04-F mba. 10 udu. 4)

Ka wabedo ku ng’eicwiny i kum “jutim rac,” nwang’u wabenyayu peko i kumwa giwa (Zb 37:1, 7, 8; w22.06 mba. 10 udu. 10)

Nibedo ku genogen iwi lembang’ola pa Yehova miyo iwa kwiyocwiny (Zb 37:10, 11; w03-F 1/12 mba. 13 udu. 20)

Nyamego moko ma cwinye ng’abere ubesomo lembang’eya i telefon pare. Ebeneno cal mi jujai ma ng’eicwiny n’i igi, japolisi m’ubegamu sente mi kanyaka, juaskari m’ubekilo atum, won atum moko m’ucungo kaka ma jugwoko iye mutukari, jukwo m’uyeyo piny ma gikwalu, dhanu m’unyayu yakini, man dhanu moko m’utundo ma kwong’a kaka ma ret utimere i iye.

KEPENJIRI KUMAE: ‘Nyo abed aketho wiya hai i kum lembang’eya ma jubemiyo iwi timo mi jutimraci?’

2. Wagol lonyo mi tipo

(Dak. 10)

Zb 36:6—Jagor Zaburi umito yero ang’o kinde m’eporo bedopwe pa Yehova ku “gudi pa Mungu”? (it-2-F mba. 341 udu. 7)

Dwokowang’ lembe peri
I som mi Biblia mi yenga maeni, inwang’u lonyo ma kani mi tipo m’icopo maru iwec i wiye?

Dwokowang’ lembe peri

3. Som mi Biblia

(Dak. 4) Zb 37:1-26 (th ponji mir 10)

MIIRI ZOO I TIC MI RWEYO LEMBANYONG’A

4. Caku the wec

(Dak. 3) OT KUBANG’ OT. (lmd ponji mi 1, nyathi thiwiwec mir 5)

5. Liew

(Dak. 4) NIRWEYO I SAA MA JUPANGU NGO. Nyuth pi ponji mi Biblia ni ng’atu m’ular ukwero ponjine i wang’e. (lmd ponji mir 9, nyathi thiwiwec mir 4)

6. Korolembe

(Dak. 5) ijwbv-F thiwiwec mi 45—Thiwiye: Zaburi 37:4 utie ku thelembe ma kani? (th ponji mir 13)

KWO MI JUKRISTU

7. Nyo idaru yikiri pi “nindo mi can”?

(Dak. 15) Wec ma karacelo ku juwinj.

Umego ku nyimego mi wang’ ng’om zoo gibeneno can ma lee ni kum peko ma wok rek man peko ma dhanu ubenyayu gin. (Zb 9:9, 10) Lembe ma rac utie nia ‘nindo mi can ne’ copo wok saa moko ci, pieno ukwayu walar wayikara pigi.

M’umedo nilar yiko piny ma wabibedo ku yenyne,a ang’o mange ma copo konyowa niciro ka peko woki?

Lar iyik paru peri: Ng’ey nia peko ma wok rek betundo pare kwa, man par pi gin m’icopo timo kan ewok. Kud imok hai i kum giki peri mi kum. Eno bikonyi nitimo ku rieko man niketho wii i kum bodho kwo peri ku mi jumange kakare nibodho giki peri mi kum. (Tha 19:16; Zb 36:9) Nimoko ngo kikiki i kum giki mi kum bikonyi nikwo ma ber m’umbe gikine i saa mi peko ma wok rek.—Zb 37:19
Lar iyikiri i thenge mi tipo: Bed ku tegocwiny nia Yehova utie ku copo man ava mi konyi. (Zb 37:18) Ma fodi peko ma wok rek kuwok ungo, bed ipoy wang’ ma pol nia Yehova bitelo wiwa man ebigwokowa kadok nwang’u wabibodho ‘kwo mwa kende de’.—Yer 45:5; Zb 37:23, 24

Tek watie ku genogen nia Yehova bipong’o lembang’ola pare, eca nwang’u wabekethe ebed ni ‘ka ma tek mwa i nindo mi can.’—Zb 37:39.

Cal: Cal m’i video ma thiwiye tie “Nyo idaru yikiri pi peko ma copo wok rek?” 1. Umego moko ubesomo Biblia. 2. Mujanga mi Tsunami. 3. Avuvu m’utudere. 4. Dhanu moko ubemwomo pii m’upong’ ku ter migi i wigi.

Keth junen VIDEO ma thiwiye tie Nyo idaru yikiri pi peko ma copo wok rek? I ng’eye, penj juwinj ku penji ma e:

Yehova copo konyowa nenedi i saa mi peko ma wok reki?

Dwokowang’ lembe peri
Waromo timo ang’o pi niyikara?

Dwokowang’ lembe peri
Waromo timo ang’o pi nikonyo ju ma peko ma wok rek uwok i wigi?

Dwokowang’ lembe peri

8. Ponji mi Biblia mi cokiri

(Dak. 30) bt wic mir 9 udu. 8-16

Wec mi dolo dhu coko (Dak. 3) | Wer 57 man rwo

a Nen Réveillez-vous ! Na. 5 oro 2017, mbaya mir 4-6.