YENGA MI NINDO 14-20, DWI MIR 7

LONYO MA NWANG’ERE I LEMBE PA MUNGU

1. Cik mir ukungu mi rieko ma copo konyi nitungo awiya

(Dak. 10)

Kony awiya peri gibed ayika pi peko mi kwo (Rie 22:3; w20.10 mba. 27 udu. 7)

Cak niponjogi niai i nyoliri migi (Rie 22:6; w19.12 mba. 26 udu. 17-19)

Twinygi ku mer (Rie 22:15; w06-E 1/4 mba. 9 udu. 4)

Wego moko ubetiyo ku Biblia pi ninyamu i lembe ku nyathin pare ma nyaku. Tablet pare ubenyutho cal mi ponji ma nia piny ulokere aloka.

2. Lonyo mi tipo

(Dak. 10)

Rie 22:29—Wacopo tiyo ku lembrieko maeni nenedi i tic mi cokiri, man eno copo miyo iwa bero ma kani? (w21.08 mba. 22 udu. 11)

Dwokowang’e
I som mi Biblia mi yenga maeni, inwang’u lonyo ma kani mi tipo m’icopo maru iwec i wiye?

Dwokowang’e

3. Som mi Biblia

(Dak. 4) Rie 22:1-19 (th ponji mir 10)

MIIRI ZOO I TIC MI RWEYO LEMBANYONG’A

4. Caku the wec

(Dak. 3) OT KUBANG’ OT. (lmd ponji mir 5, nyathi thiwiwec mir 4)

5. Caku the wec

(Dak. 4) NIRWEYO I SAA MA JUPANGU NGO. Nyuth ni ng’atune kite m’ecopo nwang’u ko lembe ma romo konyo junyodo i jw.org. (lmd ponji mi 1, nyathi thiwiwec mir 4)

6. Korolembe

(Dak. 5) ijwyp thiwiwec mi 100—Thiwiye: Aturo cik moko mi pacu—Dong’ ang’o ke? (th ponji mi 20)

KWO MI JUKRISTU

7. Nyuth cirocir, re kud ium weng’i i kum racu

(Dak. 15) Wec ma karacelo ku juwinj.

Tungo awiya kwayu cirocir ma lee. Saa ceke junyodo gicikiri nidieng’ i kum lembe m’ubekadhu i kwo mir awiya migi man ginwang’ saa mi bedo kugi. (Poy 6:6, 7) Kara ging’ey gin m’upondo i adunde awiya migi, gicikiri nipenjogi ku penji mi rieko man niwinjogi kilili. (Rie 20:5) Romo kwayere bende nia junyodo gidwog iwi lembe moko wang’ udul kara awiya migi unyang’ i iye man utii kude.

Ento junyodo ma weg cirocir giumo ngo wang’gi i kum racu. Yehova umiyo igi twero mi ketho cik ni awiya migi man mi twinyogi ka gikoso ninyutho woro.—Rie 6:20; 23:13.

Keth jusom Juefeso 4:31. I ng’eye, penj juwinj ku penji ma e:

Pirang’o ukwayu ngo junyodo gitwiny awiya migi ku kwinyo?

Dwokowang’e

Keth jusom Jugalatia 6:7. I ng’eye, penj juwinj ku penji ma e:

Pirang’o pire tie tek nia junyodo ginyuth ni awiya migi nia lembe ma rac ma gibetimo bikelo de matoke ma rac?

Dwokowang’e

Cal m’i video “ ‘Wacirara i kindwa ku mer’—⁠Awiya peri.” Max ubewinjo kilili nyaku pare ma Sue kinde m’ebeweco i bang’e.

Keth junen VIDEO ma thiwiye tie ‘Wacirara i kindwa ku mer’—Awiya peri. I ng’eye, penj juwinj ku penji ma e:

Inwang’u ponji ma kani i video maeni?

Dwokowang’e

8. Ponji mi Biblia mi cokiri

(Dak. 30) lfb “Barua m’uai i Guriri m’utelowic,” lembe ma nwang’ere i thenge mi 1, man ponji mi 1