Bed iyik adundeni i wang’ ponji

Kinde ma ka wabeponjo Biblia, nwang’u wabemito paru pa Yehova ubed kud atelatela iwi adundewa, niwacu iwi ng’atu ma yor i iwa. Ezra uweko iwa lapor ma ber i lembe maeno kinde “[m’eyiko] adundene pi ning’iyo i Cik pa Yehova.” (Ezr. 7:10) Dong’ wacopo yiko adundewa nenedi?

Rwo. Cak ponjiman ku rwo. Kway Yehova ukonyi inyang’ i lembe m’ibeponjo man itii kude.—Zab. 119:18, 34.

Bed won jwigiri. Mungu kanu lemandha ni ju ceke ma gijengiri iwi rieko migi ku ting’iri. (Luka 10:21) Pieno ur nitimo sayusac pi niketho jumange gipar nia ing’eyo lembe lee. Tek paru peri moko urombo ngo ku pa Mungu, wile ku jwigiri.

Kepim niwinjo wer moko mi Ker. Wer utie ku tego mi mulo adundewa kara wabed ayika nitimo thier ni Mungu. Pieno niwinjo wer mi Ker i wang’ nicaku ponjo Biblia romo konyi niyiko adundeni.